by Midhun HP News | Dec 23, 2024 | Latest News, കായികം, ജില്ലാ വാർത്ത
ജൊഹന്നാസ്ബര്ഗ്: ദക്ഷിണാഫ്രിക്കന് പരമ്പരയില് മികച്ച പ്രകടനം കാഴ്ച്ചവെച്ച പാക് ബാറ്റര് സയിം അയുബ് കോഹ്ലിയും ജോ റൂട്ടും ഉള്പ്പെടുന്ന പട്ടികയില്. ദക്ഷിണാഫ്രിക്കക്കെതിരായ ഏകദിന പരമ്പരയിലെ പാകിസ്ഥാന്റെ ആധികാരിക വിജയത്തില് സയിം അയുബിന്റെ പ്രകടനം നിര്ണായകമായിരുന്നു.
പരമ്പരയിലെ ആദ്യ മത്സരത്തില് സെഞ്ച്വറി നേടിയ അയുബ്, ഇന്നലെ ജോഹന്നാസ്ബര്ഗില് 94 പന്തില് നിന്ന് 101 റണ്സ് നേടി രണ്ടാം സെഞ്ച്വറിയും കുറിച്ചു. 107.45 സ്ട്രൈക്ക് റേറ്റില് 13 ഫോറും രണ്ട് സിക്സും ഉള്പ്പെടുന്നതായിരുന്നു താരത്തിന്റെ ഇന്നിങ്സ്.
പരമ്പരയില് രണ്ടാമത്തെ സെഞ്ച്വറി നേടിയതോടെ അയുബ് കോഹ്ലി, ജോ റൂട്ട്, ഡേവിഡ് വാര്ണര്, കെവിന് പീറ്റേഴ്സണ്, ഫഖര് സമാന് എന്നിരുള്പ്പെടുന്ന പട്ടികയിലും അയുബ് ഇടം നേടി. ദക്ഷിണാഫ്രിക്കയില് ഒരു ദ്വിരാഷ്ട്ര ഏകദിന പരമ്പരയില് രണ്ടോ അതിലധികമോ സെഞ്ച്വറികള് നേടുന്ന സന്ദര്ശക ബാറ്റര്മാരുടെ പട്ടികയിലാണ് താരം ഇടം നേടിയത്.
കോഹ്ലി, ഡേവിഡ് വാര്ണര്, കെവി പീറ്റേഴ്സണ് എന്നിവര് മൂന്ന് സെഞ്ച്വറികള് വീതം നേടിയപ്പോള് ഫഖര് സമാനും ജോ റൂട്ടും സയിബ് അയുബും രണ്ട് സെഞ്ച്വറികള് സ്വന്തമാക്കി.
by Midhun HP News | Dec 23, 2024 | Latest News, ജില്ലാ വാർത്ത, ദേശീയ വാർത്ത
പുതുവര്ഷത്തില് കുട്ടികളുടെ ഭാവിക്കായി ഒരു നിക്ഷേപ പദ്ധതി ആലോചിക്കുന്നുണ്ടോ? കുട്ടികളുടെ ഭാവി സാമ്പത്തികഭദ്രത ഉറപ്പു വരുത്താന് കഴിഞ്ഞ ബജറ്റില് കേന്ദ്രസര്ക്കാര് പ്രഖ്യാപിച്ച പുതിയ പെന്ഷന് പദ്ധതിയാണ് എന്പിഎസ് വാത്സല്യ നിക്ഷേപ പദ്ധതി. കുട്ടികളുടെ പേരില് മാതാപിതാക്കള്ക്ക് എന്പിഎസ് വാത്സല്യ യോജന അക്കൗണ്ട് തുടങ്ങി ഇതിലേക്ക് സംഭാവന ചെയ്യാം. പ്രായപൂര്ത്തിയാകുന്ന മുറയ്ക്ക് ഇത് നോണ് എന്പിഎസ് പ്ലാനിലേക്ക് മാറും. 18 വയസ്സ് പൂര്ത്തിയാകുമ്പോള് കുട്ടിക്ക് അവരുടെ എന്പിഎസ് അക്കൗണ്ട് സ്വതന്ത്രമായി മാനേജ് ചെയ്യാന് കഴിയും. ഈ സ്കീം മാതാപിതാക്കളെ അവരുടെ കുട്ടികളുടെ വിരമിക്കല് മുന്കൂട്ടി കണ്ട് നേരത്തെ തന്നെ സേവിംഗ്സ് ആരംഭിക്കാന് സഹായിക്കുന്നു.
ആധാര്, പാന് കാര്ഡുകളുള്ള 18 വയസിന് താഴെയുള്ള ഇന്ത്യക്കാര് , വിദേശ ഇന്ത്യക്കാര് (എന്ആര്ഐ), ഓവര്സീസ് സിറ്റിസണ് ഓഫ് ഇന്ത്യ എന്നിവരുടെ മാതാപിതാക്കള്ക്ക് ഈ നിക്ഷേപം ആരംഭിക്കാന് കഴിയും. നോമിനിയായി രക്ഷാകര്ത്താവിന്റെ പേര് തന്നെ നല്കാം. രജിസ്ട്രേഷന് നടപടികള് പൂര്ത്തിയായി ദിവസങ്ങള്ക്കകം പെര്മനന്റ് റിട്ടയര്മെന്റ് അക്കൗണ്ട് നമ്പര് ലഭിക്കും.
പ്രമുഖ ബാങ്കുകളുടെ ശാഖകള്, പോസ്റ്റ് ഓഫീസ് എന്നിവയില് കൂടിയും പിഎഫ്ആര്ഡിഎ വെബ്സൈറ്റ് വഴിയും അക്കൗണ്ട് ആരംഭിക്കാം.
കൈവശം ആയിരം രൂപ ഉണ്ടെങ്കില് തന്നെ അക്കൗണ്ട് ആരംഭിക്കാവുന്നതാണ്. ഉയര്ന്ന തുകയ്ക്ക് പരിധിയില്ല. തുടര്ന്നുള്ള വര്ഷങ്ങളില് തുക അടയ്ക്കാന് കഴിയാതെ അക്കൗണ്ട് മരവിപ്പിക്കപ്പെട്ടാല് പോലും അടയ്ക്കാത്ത വര്ഷങ്ങളിലെ തുക ഒരുമിച്ച് അടച്ച് അക്കൗണ്ട് പിന്നിട് പുനരുജ്ജീവിപ്പിക്കാനാകും.
ഓരോരുത്തരുടെ താത്പര്യം അനുസരിച്ച് റിസക് കൂടിയ മേഖലയിലും സുരക്ഷിതമായ മേഖലയിലും നിക്ഷേപിക്കാനാകും. റിസ്ക് കൂടിയ, അതേപോലെ തന്നെ ഉയര്ന്ന വരുമാനം പ്രതീക്ഷിക്കാവുന്ന ഓഹരിയില് നിക്ഷേപിക്കാവുന്നതാണ്. അതേപോലെ തന്നെ റിസ്ക് കുറഞ്ഞ എന്നാല് നിശ്ചിത വരുമാനം പ്രതീക്ഷിക്കാവുന്ന കമ്പനി കടപ്പത്രങ്ങള്, റിസ്ക് തീരെ കുറഞ്ഞ എന്നാല് പ്രതീക്ഷിക്കാവുന്ന വരുമാനവും തീരെ കുറഞ്ഞ സര്ക്കാര് കടപ്പത്രങ്ങള്, റിയല് എസ്റ്റേറ്റ് ഇന്വെസ്റ്റമെന്റ് ട്രസ്റ്റ്, ഓള്ട്ടര്നേറ്റീവ് ഇന്വെസ്റ്റ്മെന്റ് ഫണ്ട്സ്, ഇന്ഫ്രാസ്ട്രക്ച്ചര് ഇന്വെസ്റ്റ്മെന്റ് ട്രസ്റ്റ്സ് തുടങ്ങിയ ബദല് നിക്ഷേപ മാര്ഗങ്ങള് എന്നിങ്ങനെ നാലു ഓപ്ഷനുകളില് ഒന്ന് തെരഞ്ഞെടുത്ത് നിക്ഷേപം നടത്താവുന്നതാണ്. അംഗീകൃത പെന്ഷന് ഫണ്ട് മാനേജര്മാരുടെ പട്ടികയില് നിന്ന് ഇഷ്ടമുള്ള ഫണ്ട് മാനേജറെ തെരഞ്ഞെടുക്കാനുള്ള അവസരം ഉണ്ട്. ആദായനികുതി നിയമത്തിലെ 80സി വകുപ്പ് അനുസരിച്ച് നികുതി ഇളവിന് പ്രയോജനപ്പെടുത്താം.
അക്കൗണ്ട് ആരംഭിക്കുമ്പോള് ഇവയില് ഏതെങ്കിലുമൊരു നിക്ഷേപ സ്കീം തെരഞ്ഞെടുത്ത നിക്ഷേപകന് പിന്നീട് അതില് നിന്ന് മാറണമെങ്കില് വര്ഷത്തില് രണ്ടു തവണ ഇങ്ങനെ മാറാനുള്ള അവസരവും എന്പിഎസ് ഒരുക്കിയിട്ടുണ്ട്.
by Midhun HP News | Dec 23, 2024 | Latest News, ജില്ലാ വാർത്ത
മുൻ മുഖ്യമന്ത്രിയും സമുന്നത കോൺഗ്രസ് നേതാവും, ഇന്നും പ്രവർത്തകരുടെ ആവേശമായ ലീഡർ കെ കരുണാകരൻ അനുസ്മരണം ആറ്റിങ്ങൽ ഈസ്റ്റ് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ കിഴക്കേ നാലുമുക്ക് ജംഗ്ഷനിൽ നടന്നു. മണ്ഡലം പ്രസിഡന്റ് എച്ച് ബഷീറിന്റെ അധ്യക്ഷതയിൽ പ്രൊഫഷണൽ കോൺഗ്രസ് സംസ്ഥാന അധ്യക്ഷൻ ഡോക്ടർ എസ് എസ് ലാൽ ഉദ്ഘാടനം നിർവഹിച്ചു.
ഡിസിസി മെമ്പർ ആറ്റിങ്ങൽ സതീഷ്, കെ സുരേന്ദ്രൻ നായർ, കിരൺ കൊല്ലമ്പുഴ, ആർ തുളസീദാസ്, മണനാക്ക് ഷിഹാബുദ്ദീൻ, ആർ വിജയകുമാർ, ഷൈജു ചന്ദ്രൻ, മാമം ജ്യോതി കുമാർ, വക്കംസുധ എന്നിവർ സംസാരിച്ചു.
by Midhun HP News | Dec 23, 2024 | Latest News, ജില്ലാ വാർത്ത
ആറ്റിങ്ങൽ വെസ്റ്റ് മണ്ഡലം കമ്മിറ്റിയുടെ നേതൃത്വത്തിൽ കെ കരുണാകരൻ അനുസ്മരണം നടത്തി. മണ്ഡലം പ്രസിഡന്റ് ആർഎസ് പ്രശാന്ത് അധ്യക്ഷത വഹിച്ചു. ബ്ലോക്ക് പ്രസിഡന്റ് എൻ. ബിഷ്ണു, വൈസ് പ്രസിഡന്റ് എസ്. ജയചന്ദ്രൻ നായർ, കെ വിനയൻ മേലാറ്റിങ്ങൽ, എസ്. ഷാജി മണ്ഡലം ഭാരവാഹികൾ ആയ ജയകുമാർ. കെ, സുകേഷ്. എസ്. ജയകുമാർ.എസ്, വിഷ്ണു പ്രശീലൻ തുടങ്ങിയവർ പങ്കെടുത്തു.
by Midhun HP News | Dec 23, 2024 | Latest News, ജില്ലാ വാർത്ത
ആറ്റിങ്ങൽ: ലീഡർ സാംസ്കാരിക വേദിയുടെ ആഭിമുഖ്യത്തിൽ ആറ്റിങ്ങൽ കിഴക്കേ നാലുമുക്ക് വക്കംജി സ്ക്വയറിൽ നടന്ന കെ. കരുണാകരൻ അനുസ്മരണം ഐ. എൻ. റ്റി. യൂ. സി ദേശിയ വർക്കിംഗ് കമ്മിറ്റി അംഗം ഡോ. വി. എസ് അജിത് കുമാർ ഉത്ഘാടനം ചെയ്തു. ഭരണാധികാരി എന്ന നിലയിലും സംഘാടകൻ എന്ന നിലയിലും മികച്ച പ്രവർത്തനമാണ് അദ്ദേഹം കാഴ്ചവെച്ചത് എന്ന് ഉദ്ഘാടകൻ സൂചിപ്പിച്ചു. തുടർന്ന് ലീഡറുടെ ഛായാ ചിത്രത്തിന് മുന്നിൽ പുഷ്പാർപ്പണം നടന്നു.ലീഡർ സാംസ്കാരിക വേദിയുടെ സെക്രട്ടറി എസ്. ശ്രീരംഗൻ അദ്ധ്യക്ഷത വഹിച്ചു.
ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് ജയചന്ദ്രൻ നായർ, ലീഡർ സാംസ്കാരിക വേദി പ്രസിഡന്റ് കെ. കൃഷ്ണമൂർത്തി, ശാസ്തവട്ടം രാജേന്ദ്രൻ, നാസർ പള്ളിമുക്ക്, സലിം പാണന്റെ മുക്ക്, ആലംകോട് സഫീർ,അസിസ് ചാത്തൻപാറ എന്നിവർ സംസാരിച്ചു.
by Midhun HP News | Dec 23, 2024 | Latest News, ജില്ലാ വാർത്ത
നെയ്യാറ്റിൻകര സബ് ആർ.ടി. ഓഫീസിൽ വിജിലൻസിന്റെ മിന്നൽ പരിശോധന. കൈക്കൂലി വാങ്ങി യോഗ്യതയില്ലാത്ത വാഹനങ്ങൾക്ക് ഫിറ്റ്നസ് നൽകുന്നതടക്കം പരിശോധനയിൽ വ്യാപക ക്രമക്കേടുകൾ കണ്ടെത്തി. നെയ്യാറ്റിൻകര ജോയിന്റ് ആർ.ടി ഓഫിസിൽ യോഗ്യതയില്ലാത്ത വാഹനങ്ങൾക്ക് ഫിറ്റ്നസ് നൽകുന്നതിലൂടെ വൻ തുക കൈക്കൂലി വാങ്ങുന്നതായി വിജിലൻസ് ഡയറക്ടർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് തിരുവനന്തപുരം ജില്ല സ്പെഷ്യൽ ഇൻവെസ്റ്റിഗേഷൻ യൂണിറ്റ്-1 പൊലീസ് സൂപ്രണ്ടിന്റെ മേൽനോട്ടത്തിലുള്ള വിജിലൻസ് സംഘം മിന്നൽ പരിശോധന നടത്തിയത്.
ജോയിന്റ് ആർ.ടി. ഓഫീസിലും പരിസരത്തിലും വിജിലൻസ് നടത്തിയ മിന്നൽ പരിശോധനയിൽ ജോയിന്റ് ആർ.ടി.ഒ യുടെ ഏജന്റായ സ്വകാര്യ ഡ്രൈവറുടെ കൈയിൽ നിന്നും 3,500 രൂപ വിജിലൻസ് പിടിച്ചെടുത്തു. തുടർന്ന് നടത്തിയ പരിശോധനയിൽ വിവിധ ഏജന്റുമാർ പല ദിവസങ്ങളിലും വൻ തുകകൾ ജോയിന്റ് ആർ.ടി.ഒ ക്ക് വേണ്ടി ഡ്രൈവറുടെ ഗൂഗിൾ-പേ അക്കൗണ്ടിലേക്ക് അയച്ചു നൽകുന്നതായും ഇത്തരത്തിൽ ഓരോ മാസവും 1 ലക്ഷം രൂപയിൽ കൂടുതൽ നിക്ഷേപിച്ചിട്ടുള്ളതായി വിജിലൻസ് കണ്ടെത്തി. നെയ്യാറ്റിൻകര സബ് ആർ.ടി ഓഫീസിൽ നിന്നും നിയമാനുസൃതം ലഭിക്കേണ്ട സേവനങ്ങൾ ഒന്നും തന്നെ കൈക്കൂലി നൽകാതെ ലഭിക്കുന്നില്ലെന്ന് പലതവണ നാട്ടുകാർ പരാതി നൽകിയിരുന്നു. ഇത് സംബന്ധിച്ച് തുടർ അന്വേഷണം നടത്തി വിശദമായ റിപ്പോർട്ട് സർക്കാരിലേക്ക് നൽകുന്നതാണെന്ന് വിജിലൻസ് ഡയറക്ടർ അറിയിച്ചു.
Recent Comments