by Midhun HP News | Oct 9, 2024 | Latest News, ജില്ലാ വാർത്ത
ആറ്റിങ്ങൽ: അമിത ലാഭം വാഗ്ദാനം ചെയ്ത് ഓൺലൈൻ ട്രേഡിങ്ങിൻ്റെ മറവിൽ ലക്ഷങ്ങൾ തട്ടിയ സഹോദരങ്ങൾ അറസ്റ്റിൽ. നെയ്യാറ്റിൻകര സ്വദേശികളും സഹോദരങ്ങളുമായ നെയ്യാറ്റിൻകര മണലൂർ ചരൽക്കല്ലുവിള വിഷ്ണുഗോപാൽ(30), വിവേക് (27) എന്നിവരേയാണ് ആറ്റിങ്ങൽ പൊലീസ് അറസ്റ്റ് ചെയ്തത്.
ആലംകോടുള്ള റിട്ട: ഗവൺമെന്റ് ജീവനക്കാരനായ ഷാഹുൽ ഹമീദിൽ നിന്നും ഓൺലൈൻ ട്രേഡിങ്ങിലൂടെ അമിത ലാഭം വാഗ്ദാനം ചെയ്ത് ഫോറസ്റ്റ് വകുപ്പിലെ ഒരു ഉദ്യോഗസ്ഥൻ നിന്ന് 25 ലക്ഷം രൂപ 2021ൽ തട്ടിയെടുത്ത് കടന്നുകളഞ്ഞ സംഭവത്തിലാണ് അറസ്റ്റ്. ആറ്റിങ്ങൽ പോലീസ് സ്റ്റേഷനിൽ 2024 മാർച്ചിൽ രജിസ്റ്റർ ചെയ്ത കേസിൽ ഒളിവിൽ കഴിഞ്ഞു വരവേയാണിവർ പിടിയിലായത്.
പ്രതികൾ ഒളിവിൽ കഴിഞ്ഞുവരുന്നതായി വിവരം ലഭിച്ചതിന്റെ അടിസ്ഥാനത്തിൽ ആറ്റിങ്ങൽ പോലീസ് ഇൻസ്പെക്ടർ ഗോപകുമാർ ജി യുടെ നിർദ്ദേശാനുസരണം ആറ്റിങ്ങൽ പോലീസ് സബ്ബ് ഇൻസ്പെക്ടർ ജിഷ്ണു.എം.എസ്, ബിജു ഹക്ക്, അസ്സിസ്റ്റൻ്റ് സബ്ബ് ഇൻസ്പെക്ടർ ജിഹാനിൽ ഹക്കിം, എസ്.സി.പി.ഒ അരുൺ എന്നിവരുടെ സംഘമാണ് പ്രതികളെ പിടികൂടിയത്.
കോടതി മുമ്പാകെ ഹാജരാക്കിയ പ്രതികളെ കോടതി റിമാൻ്റ് ചെയ്തു. പ്രതികൾ നെയ്യാറ്റികരയിലും പരിസരങ്ങളിലും നിരവധി പേരിൽ നിന്നും ഓൺലൈൻ ട്രേഡിങ്ങിൻ്റെ മറവിൽ പണം തട്ടിയെടുത്തതായി ഇവർക്കെതിരെ പരാതിയുണ്ട്. കേസ്സിലെ പ്രതിയായ വിഷ്ണുഗോപാൽ നെയ്യാറ്റികര പോലീസ് സ്റ്റേഷനിലെ ഒരു വധശ്രമ കേസ്സിലും പ്രതിയാണ്.
by Midhun HP News | Oct 9, 2024 | Latest News, ജില്ലാ വാർത്ത
തിരുവനന്തപുരം: മുന് ഡിജിപി ആര് ശ്രീലേഖ ബിജെപിയിലേക്ക്. ശ്രീലേഖയുടെ വീട്ടിലെത്തി ബിജെപി നേതാക്കള് അംഗത്വം നല്കും. കേരള കേഡറിലെ ആദ്യ വനിതാ ഐപിഎസ് ഉദ്യോഗസ്ഥയാണ് ശ്രീലേഖ.
ഏറെക്കാലമായി ബിജെപിയുടെ കേന്ദ്ര സംസ്ഥാന നേതാക്കള് പാര്ട്ടിയില് അംഗത്വം എടുക്കാന് ആവശ്യപ്പെടുന്നതായി ശ്രീലേഖ പറഞ്ഞു. ബിജെപിയെ ഇഷ്ടമായതിനാലാണ് അംഗത്വം എടുക്കാന് തീരുമാനിച്ചതെന്ന് ശ്രീലേഖ പറഞ്ഞു. രണ്ട് വര്ഷം മുന്പ് ഫയര് ഫോഴ്സ് മേധാവിയായിരിക്കെയാണ് ശ്രീലേഖ വിരമിച്ചത്. നേരത്തെ ഡിജിപി ആയിരുന്ന ടിപി സെന്കുമാറും ബിജെപിയുമായി ചേര്ന്ന് പ്രവര്ത്തിച്ചിരുന്നു.
by Midhun HP News | Oct 9, 2024 | Latest News, ജില്ലാ വാർത്ത
തിരുവനന്തപുരം: മുഖ്യമന്ത്രി പിണറായി വിജയനെതിരെ നടത്തിയ അധിക്ഷേപ പരാമര്ശത്തില് മാപ്പുപറഞ്ഞ് പിവി അന്വര് എംഎല്എ. തനിക്ക് നാക്കുപിഴവ് സംഭവിച്ചതാണെന്ന് അന്വര് ഫെയ്സ്ബുക്കില് പങ്കുവച്ച വിഡിയോയില് പറഞ്ഞു.
‘പിണറായി അല്ല പിണറായിയുടെ അപ്പന്റെ അപ്പന് പറഞ്ഞാലും ഞാന് മറുപടി കൊടുക്കും’ എന്ന് മാധ്യമങ്ങളോട് നടത്തിയ പരാമര്ശത്തിലാണ് അന്വര് മാപ്പുപറഞ്ഞത്.
‘നിയമസഭ മന്ദിരത്തിന് മുന്നില്വെച്ച് നടത്തിയ പത്രസമ്മേളനത്തില് എനിക്ക് വലിയ നാക്കുപിഴ സംഭവിച്ചു. സഭ സമ്മേളനത്തില് പങ്കെടുത്ത് തിരിച്ചെത്തിയപ്പോള് എന്റെ ഓഫീസാണ് ഇക്കാര്യം ശ്രദ്ധയില്പ്പെടുത്തിയത്. ബഹുമാനപ്പെട്ട മുഖ്യമന്ത്രിയെക്കുറിച്ച് ‘പിണറായി അല്ല പിണറായിയുടെ അപ്പന്റെ അപ്പന് പറഞ്ഞാലും ഞാന് മറുപടി കൊടുക്കും’ എന്ന പരാമര്ശം ഉണ്ടായി. അപ്പന്റെ അപ്പന് എന്ന രീതിയില് അല്ല ഉദ്ദേശിച്ചത്. എന്നെ കള്ളനാക്കിക്കൊണ്ട് മുഖ്യമന്ത്രി നടത്തിയ പരാമര്ശത്തിനോട് എത്ര വലിയ ആളാണെങ്കിലും ഞാന് പ്രതികരിക്കും എന്നാണ് ഉദ്ദേശിച്ചത്. എന്റെ വാക്കുകള് അങ്ങനെ ആയിപ്പോയതില് ഖേദമുണ്ട്. മുഖ്യമന്ത്രിയോടും കുടുംബത്തോടും മാപ്പ് ചോദിക്കുന്നു’, പിവി അന്വര് വിഡിയോയില് പറഞ്ഞു.
മുഖ്യമന്ത്രി അമേരിക്കയില് പോയി ജീവിക്കാന് പോകുകയാണെന്നും അതിനുള്ള സംവിധാനം റിയാസും മുഖ്യമന്ത്രിയുടെ മകളും കൂടി ഒരുക്കുകയാണെന്നും അന്വര് നിയമസഭാ മന്ദിരത്തിനു മുന്നില് വച്ച് മാധ്യമങ്ങളോടു പറഞ്ഞു. ഈ കപ്പല് മുങ്ങാന് പോകുന്ന കപ്പലാണെന്നും കപ്പിത്താനും കുടുംബവും മാത്രം രക്ഷപ്പെടുന്ന രാഷ്ട്രീയത്തിലേക്കാണ് കേരളം പോകുന്നതെന്നും അന്വര് പറഞ്ഞു.
by Midhun HP News | Oct 9, 2024 | Latest News, ജില്ലാ വാർത്ത
തിരുവനന്തപുരം: തൃശൂര് പൂരത്തിനിടെയുണ്ടായ പൊലീസ് ഇടപെടലില് പ്രതിപക്ഷം കൊണ്ടുവന്ന അടിയന്തര പ്രമേയം നിയമസഭ ചര്ച്ച ചെയ്യും. ഉച്ചയ്ക്ക് പന്ത്രണ്ട് മണി മുതല് രണ്ടുമണിവരെയായിരിക്കും ചര്ച്ചയെന്ന് സ്പീക്കര് എഎന് ഷംസീര് അറിയിച്ചു. തിരുവഞ്ചൂര് രാധാകൃഷ്ണനാണ് അടിയന്തരപ്രമേയത്തിന് നോട്ടീസ് നല്കിയത്. തുടര്ച്ചയായ മൂന്നാം ദിവസവും അടിയന്തരപ്രമേയത്തിന് അനുമതി നല്കുന്നത് ഇതാദ്യമാണ്.
പൂരം കലക്കലുമായി ബന്ധപ്പെട്ട് സമഗ്രമായ അന്വേഷണം നടക്കുന്നുണ്ടെന്ന് നോട്ടീസിന് മറുപടി നല്കിയ മന്ത്രി എംബി രാജേഷ് അറിയിച്ചു. പ്രതിപക്ഷത്തിന്റെ ദുരുദ്ദേശ്യം തുറന്നുകാണിക്കാനാണ് ചര്ച്ച നടത്തുന്നതെന്ന് മന്ത്രി പറഞ്ഞു. രണ്ട് ദിവസങ്ങളിലായി അടിയന്തപ്രേമയത്തില് ഉന്നയിച്ച കാര്യങ്ങള് എന്താല്ലാമാണോ അത് തന്നെയാണ് പ്രതിപക്ഷം ഉയര്ത്തിക്കൊണ്ടുവരുന്നത്. രാഷ്ട്രീയമായിട്ടുള്ള പുകമറ പൊതുമണ്ഡലത്തില് നിലനിര്ത്തുകയെന്നതാണ് പ്രതിപക്ഷത്തിന്റെ ലക്ഷ്യം. മാധ്യമപിന്തുണയോടെ പുറത്തുനടത്തിക്കൊണ്ടിരിക്കുന്ന തെറ്റായ പ്രചാരണങ്ങളെ സഭയ്ക്കകത്ത് ഉയര്ത്തിക്കൊണ്ടുവരിക, അതിന് സഭയെ ദുരുപയോഗം ചെയ്യുകയാണ് ലക്ഷ്യമാക്കുന്നത്. സംഭവത്തില് സമഗ്രമായ അന്വേഷണം നടക്കുകയാണ്. സാധാരണഗതിയില് പ്രഥമദൃഷ്ട്യാ തള്ളിക്കളയേണ്ട നോട്ടീസാണിത്. പ്രതിപക്ഷത്തിന്റെ രാഷ്ട്രീയമായ ഗൂഡോദ്ദേശ്യം തുറന്നുകാണിക്കാനാണ് സര്ക്കാര് ചര്ച്ചയ്ക്ക് തയ്യാറാകുന്നതെന്ന് മന്ത്രി രാജേഷ് പറഞ്ഞു.
വിവാദങ്ങള്ക്കും എല്ഡിഎഫില് നിന്നുള്ള പുറത്തുപോകലിനും പിന്നാലെ നിലമ്പൂര് എംഎല്എ പിവി അന്വര് ഇന്ന് നിയമസഭയിലെത്തി. കയ്യില് ചുവന്ന തോര്ത്തുമായാണ് അന്വര് സഭയിലെത്തിയത്. കഴുത്തില് ഡിഎംകെയുടെ ഷാളും അണിഞ്ഞിട്ടുണ്ട്. കെടി ജലീലിനൊപ്പം എത്തിയ അന്വര് ഒന്നാം നില വരെ ജലീലിനൊപ്പം തുടര്ന്നു. പിന്നീട് അകത്തേക്ക് പ്രവേശിച്ച്, പുതിയതായി അനുവദിച്ച ഇരിപ്പിടത്തിലേക്ക് മാറി. പ്രതിപക്ഷത്തോട് ചേര്ന്ന് നാലാം നിരയില്, ലീഗ് എംഎല്എ എകെഎം അഷ്റഫിനോട് ചേര്ന്നാണ് അന്വറിന്റെ ഇരിപ്പിടം. അന്വര് സഭയിലേക്ക് പ്രവേശിച്ചതിന് പിന്നാലെ മഞ്ഞളാംകുളി അലി എഴുന്നേറ്റ് നിന്ന് അദ്ദേഹത്തെ അഭിവാദ്യം ചെയ്തു. നജീബ് കാന്തപുരം, പി ഉബൈദുള്ള എന്നിവരും അന്വറിന് കൈകൊടുത്തു
അതേസമയം, മുഖ്യമന്ത്രി ഇന്ന് നിയമസഭയിലെത്തില്ല. പനി ആയതിനാല് ഡോക്ടര്മാര് വിശ്രമം നിര്ദേശിച്ചുവെന്ന് മുഖ്യമന്ത്രിയുടെ ഓഫിസ് അറിയിച്ചു. എഡിജിപി-ആര്എസ്എസ് കൂടിക്കാഴ്ച സംബന്ധിച്ച് ഇന്നലെ നടന്ന അടിയന്തരപ്രമേയ ചര്ച്ചയിലും മുഖ്യമന്ത്രി പങ്കെടുത്തിരുന്നില്ല. രാവിലെ സഭയില് എത്തിയ ശേഷം അദ്ദേഹം മടങ്ങുകയായിരുന്നു.
by Midhun HP News | Oct 9, 2024 | Latest News, ജില്ലാ വാർത്ത
തിരുവനന്തപുരം: ശബരിമലയില് ഓൺലൈൻ ബുക്കിംഗ് മാത്രമാക്കിയാൽ ഭക്തർക്ക് തിരിച്ചടിയാകുമെന്ന് പ്രതിപക്ഷ നേതാവ് വി ഡി സതീശന്. സർക്കാർ താരുമാനം ഗുരുതര പ്രസിന്ധിക്ക് വഴിവക്കും. കഴിഞ്ഞ വർഷം പ്രതിദിനം 90000 പേരെ ആയിരുന്നു അനുവദിച്ചത്. സ്പോട് ബുക്കിംഗ് സൗകര്യം ഒരുക്കിയേ തീരു. ഓൺലൈൻ ബുക്കിംഗ് നടത്തിയ 80000 പേർക്കെന്നാണ് നിലവിൽ സർക്കാർ തീരുമാനം. ഇത് അപകടകരമായ നിലയിലേക്ക് പോകും. ഗൗരവം മുന്നിൽ കണ്ട് സര്ക്കാര് നടപടി സ്വീകരിക്കണമെന്നും അദ്ദേഹം പറഞ്ഞു.
ഇതേ കാര്യം ഡെപ്യൂട്ടി സ്പീക്കറും ആവശ്യപ്പെട്ടിട്ടുണ്ടെന്ന് ദേവസ്വം മന്ത്രി മറുപടി നല്കി. 80000ലധികം ആളുവന്നാൽ സൗകര്യ കുറവ് കണക്കിലെടുത്താണ് അങ്ങനെ തീരുമാനിച്ചതെന്നും അദ്ദേഹം നിയമസഭയില് വ്യക്തമാക്കി.
by Midhun HP News | Oct 9, 2024 | Latest News, ജില്ലാ വാർത്ത
തിരുവനന്തപുരം: വഴിയാത്രക്കാരിയായ യുവതിയെ പിന്തുടര്ന്ന് അശ്ലീലച്ചുവയുള്ള കമന്റുകള് പറഞ്ഞു ശല്യം ചെയ്ത യുവാവിന് തടവുശിക്ഷ. ഒന്നരവര്ഷം കഠിനതടവും 5,000 രൂപ പിഴയുമാണ് കോടതി ശിക്ഷ വിധിച്ചത്.
തൈക്കാട് മേട്ടുക്കട സ്വദേശി ധനുഷിനെയാണ് തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി ശിക്ഷിച്ചത്. യുവതിയെ പിന്തുടര്ന്ന് ശല്യം ചെയ്ത പ്രതിയെ തമ്പാനൂര് പൊലീസാണ് പിടികൂടിയത്. 2023 ജൂണ് 21-ന് രാവിലെ മേട്ടുക്കട ഭാഗത്തുവെച്ചാണ് യുവതിക്ക് ദുരനുഭവം ഉണ്ടായത്.
Recent Comments