by Midhun HP News | Dec 31, 2025 | Latest News, ദേശീയ വാർത്ത
ഡൽഹി : വൈസ് ചാൻസലറെ നിയമിക്കാൻ സംസ്ഥാന സർക്കാരിന് അധികാരം നൽകിക്കൊണ്ട് തമിഴ്നാട് നിയമസഭ പാസാക്കിയ ബിൽ രാഷ്ട്രപതി ദ്രൗപദി മുർമു തിരിച്ചയച്ചു. മൂന്നുവർഷത്തിനുശേഷമാണ് മദ്രാസ് സർവകലാശാലാ ഭേദഗതി ബിൽ രാഷ്ട്രപതി തിരിച്ചയച്ചത്. വിസി നിയമനവുമായി ബന്ധപ്പെട്ട് ഗവർണർ രവിയുമായി ഇടഞ്ഞു നിൽക്കുന്ന സ്റ്റാലിൻ സർക്കാരിന് രാഷ്ട്രപതിയുടെ നീക്കം തിരിച്ചടിയാണ്.
2022 ഏപ്രിലിലാണ് തമിഴ്നാട് നിയമസഭ മദ്രാസ് സർവകലാശാലാ ഭേദഗതി ബിൽ പാസാക്കിയത്. ബില്ലിലൂടെ 168 വര്ഷം പഴക്കമുള്ള സര്വകലാശാലയുടെ നിയന്ത്രണം ഏറ്റെടുക്കാനാണ് സർക്കാർ ലക്ഷ്യമിട്ടത്. നിയമനം പ്രതിസന്ധിയിലായതോടെ, മൂന്നു വര്ഷത്തിലേറെയായി വൈസ് ചാന്സലര് ഇല്ലാതെയാണ് ദൈനംദിന നടപടിക്രമങ്ങള് മുന്നോട്ടുപോകുന്നത്.
മദ്രാസ് സർവകലാശാലയുടെ വൈസ് ചാൻസലറെ നിയമിക്കാനും നീക്കം ചെയ്യാനുമുള്ള അധികാരം ചാൻസലർ കൂടിയായ ഗവർണറിൽ നിന്ന് മാറ്റി സംസ്ഥാന സർക്കാറിനു നൽകുന്നതാണ് നിയമ ഭേദഗതി. നിയമസഭ പാസാക്കിയ ബില്ലിലെ വ്യവസ്ഥകൾ യുജിസി ചട്ടങ്ങൾക്കു വിരുദ്ധമാണെന്ന സംശയം പ്രകടിപ്പിച്ച് ഗവർണർ ആർ എൻ രവി അത് രാഷ്ട്രപതിയുടെ പരിഗണനയ്ക്ക് അയക്കുകയായിരുന്നു.
by Midhun HP News | Dec 30, 2025 | Latest News, ദേശീയ വാർത്ത
റാഞ്ചി: കസ്റ്റഡിയില് സൂക്ഷിച്ചിരുന്ന ഒരു കോടി വിലമതിക്കുന്ന 200 കിലോഗ്രാം കഞ്ചാവ് എലികള് നശിപ്പിച്ചതായി പൊലീസ് കോടതിയില്. തൊണ്ടിമുതല് നഷ്ടമായതിനെത്തുടര്ന്ന് കേസിലെ പ്രതിയെ കോടതി വെറുതെ വിട്ടു. റാഞ്ചിയില് നേരത്തെയും സമാന സംഭവം ഉണ്ടായിട്ടുണ്ട്. അന്ന് മദ്യം എലി നശിപ്പിച്ചെന്നാണ് പൊലീസ് കോടതിയില് പറഞ്ഞത്.
2002 ജനുവരിയിലാണ് എന്എച്ച്-20യില് നടന്ന വാഹന പരിശോധനയ്ക്കിടെ ഒര്മാന്ജി പൊലീസ് കഞ്ചാവ് പിടിച്ചെടുത്തത്. രഹസ്യ വിവരത്തിന്റെ അടിസ്ഥാനത്തില് റാഞ്ചിയില് നിന്ന് രാംഗഡിലേയ്ക്ക് വലിയൊരു മയക്കുമരുന്ന് ശേഖരം കൊണ്ടുപോവുകയായിരുന്ന വെളുത്ത ബൊലേറോ പൊലീസ് തടഞ്ഞു. പൊലീസിനെ കണ്ടതും മൂന്ന് പേര് ഓടിപ്പോകാന് ശ്രമിച്ചു. അതില് ഒരാളെ പൊലീസിന് പിടികൂടാന് കഴിഞ്ഞു. രണ്ട് പേര് ഓടിരക്ഷപ്പെട്ടു. വൈശാലി ജില്ലയിലെ ബിര്പൂര് ഗ്രാമത്തില് താമസിക്കുന്ന ഇന്ദ്രജിത് റായ് എന്ന അനുര്ജിത് റായ് (26) എന്നയാളാണ് പിടിയിലായത്.
വാഹനത്തില് നടത്തിയ പരിശോധനയില് ഏകദേശം 200 കിലോഗ്രാം കഞ്ചാവാണ് പിടിച്ചെടുത്തത്. ഇന്ദ്രജിത് റായിയെ അറസ്റ്റ് ചെയ്ത് റിമാന്ഡ് ചെയ്തു. പിന്നീട് എന്ഡിപിഎസ് ആക്ടിലെ വകുപ്പുകള് ചാര്ത്തി പൊലീസ് കുറ്റപത്രം സമര്പ്പിച്ചു. കേസിന്റെ വിചാരണ വേളയില് പ്രോസിക്യൂഷന്റെ കേസില് മതിയായ തെളിവുകള് ഹാജരാക്കാനായില്ല.
പിടിച്ചെടുത്ത സ്ഥലം, സമയം, രീതി എന്നിവയെക്കുറിച്ചുള്ള സാക്ഷിമൊഴികളില് വൈരുദ്ധ്യങ്ങളാണുണ്ടായിരുന്നത്. ഒര്മാന്ജി പൊലീസ് സ്റ്റേഷനിലെ മല്ഖാനയില് സൂക്ഷിച്ചിരുന്ന കഞ്ചാവ് എലികള് നശിപ്പിച്ചതായി പൊലീസ് കോടതിയെ അറിയിച്ചപ്പോഴാണ് പ്രോസിക്യൂഷന് ഏറ്റവും വലിയ തിരിച്ചടി നേരിട്ടത്. എലികള് നശിപ്പിച്ചതായി പൊലീസ് ഡയറിയില് രേഖപ്പെടുത്തിയിട്ടുണ്ട്. ഗുരുതരമായ അശ്രദ്ധയാണെന്നാണ് കോടതി വിശേഷിപ്പിച്ചിരിക്കുന്നത്. പിടിച്ചെടുത്ത വസ്തുക്കള് സംരക്ഷിക്കുന്നതില് പൊലീസിന്റേത് ഗുരുതരമായ വീഴ്ചയാണെന്ന് കോടതി ആശങ്ക പ്രകടിപ്പിച്ചു.
പ്രതിയും പിടിച്ചെടുത്ത വാഹനവും തമ്മിലുള്ള ബന്ധം തെളിയിക്കാന് പ്രോസിക്യൂഷന് പരാജയപ്പെട്ടുവെന്ന് കോടതി വ്യക്തമാക്കി. ആവശ്യമായ തെളിവില്ലാത്തതിനാലും തൊണ്ടിമുതല് നശിച്ചതിനാലും ഇന്ദ്രജിത് റായിയെ കോടതി കുറ്റവിമുക്താക്കുകയും ചെയ്തു. പിടിച്ചെടുത്ത കഞ്ചാവ് ഏകദേശം ഒരു കോടി രൂപ വിലമതിപ്പുള്ളതാണ്. കഴിഞ്ഞ വര്ഷം ധന്ബാദിലുംല സമാനമായ സംഭവം ഉണ്ടായി. സര്ക്കാര് വെയര് ഹൗസുകളില് സൂക്ഷിച്ചിരുന്ന മദ്യം എലികള് കുടിച്ചു തീര്ത്തുവെന്നാണ് ഉദ്യോഗസ്ഥരുടെ ആരോപണം.
by Midhun HP News | Dec 30, 2025 | Latest News, ദേശീയ വാർത്ത
കെ-ടെറ്റ് ഡിസംബർ 2025 പരീക്ഷയ്ക്കായി അപേക്ഷിച്ച ഉദ്യോഗാർത്ഥികൾക്കായി അപേക്ഷ സമർപ്പിക്കുന്നതിനുള്ള അവസാന തീയതി 2026 ജനുവരി 7 വരെ നീട്ടി നൽകിയതായി അധികൃതർ അറിയിച്ചു. നോട്ടിഫിക്കേഷൻ പ്രകാരം നിശ്ചയിച്ച സമയപരിധിക്കുള്ളിൽ അപേക്ഷ സമർപ്പിക്കാനാകാത്തവർക്ക് ഈ അവസരം പ്രയോജനപ്പെടുത്താം.
2025 ഡിസംബർ 22 മുതൽ 30 വരെ അപേക്ഷ സമർപ്പിച്ചവരിൽ തെറ്റുകൾ സംഭവിച്ചിട്ടുള്ളവർക്ക് അവ തിരുത്തുന്നതിനുള്ള അവസരവും 2026 ജനുവരി 7 വരെ ലഭിക്കും. https://ktet.kerala.gov.in എന്ന ഔദ്യോഗിക വെബ്സൈറ്റിലെ കാൻഡിഡേറ്റ് ലോഗിൻ വഴിയാണ് അപേക്ഷ തിരുത്താൻ സൗകര്യം ഒരുക്കിയിരിക്കുന്നത്.പൂർണ്ണമായി അപേക്ഷ സമർപ്പിച്ചവർ ആപ്ലിക്കേഷൻ നമ്പറും ആപ്ലിക്കേഷൻ ഐഡിയും ഉപയോഗിച്ച് കാൻഡിഡേറ്റ് ലോഗിൻ ചെയ്ത് ‘APPLICATION EDIT’ ലിങ്കിലൂടെ വിവരങ്ങൾ നിർബന്ധമായും പരിശോധിക്കണം.
ഈ ഘട്ടത്തിൽ നിർദ്ദിഷ്ട മാതൃകയിലുള്ള ഫോട്ടോ, ഭാഷ, ഓപ്ഷണൽ വിഷയങ്ങൾ, വിദ്യാഭ്യാസ ജില്ല, അപേക്ഷാർത്ഥിയുടെ പേര്, രക്ഷകർത്താവിന്റെ പേര്, ജെൻഡർ, ജനന തീയതി, വിദ്യാഭ്യാസ യോഗ്യത തുടങ്ങിയ വിവരങ്ങൾ തിരുത്താൻ അവസരം ലഭിക്കും.
by Midhun HP News | Dec 29, 2025 | Latest News, ദേശീയ വാർത്ത
ഡല്ഹി: രാജ്യത്ത് 3 ജി സേവനം അവസാനിപ്പിക്കാന് പൊതുമേഖലാ ടെലികോം കമ്പനിയായ ബിഎസ്എന്എല്. രാജ്യമെമ്പാടും 4ജി എത്തുന്നതോടെ 3ജി സേവനങ്ങള് നിര്ത്തും. ഉപയോക്താക്കള്ക്ക് 4ജിക്കൊപ്പം 3ജി സേവനം ലഭിക്കില്ല. നിലവില് രാജ്യത്ത് 97,841 4ജി ടവറുകള് ബിഎസ്എന്എല് സ്ഥാപിച്ചിട്ടുണ്ട്. കൂടുതല് ടവറുകള് സ്ഥാപിക്കാനാണ് നീക്കം.
ഈ വര്ഷം മാര്ച്ചിലെ കണക്കുപ്രകാരം ബിഎസ്എന്എലിന് രാജ്യത്താകെ 58,919 എണ്ണം 3ജി ടവറുകളാണുള്ളത്. 5,863 പട്ടണങ്ങളില് 3ജി സേവനങ്ങള് എത്തുന്നു. നിലവില് 3ജി സേവനത്തിന് കമ്പനിയുമായി സഹകരിക്കുന്ന നോക്കിയ, ചൈനീസ് കമ്പനി സെഡ്ടിഇ എന്നിവയുമായുള്ള കരാറും ബിഎസ്എന്എല് അവസാനിപ്പിക്കും.
3ജി സേവനങ്ങള് അവസാനിപ്പിക്കുമെന്ന് ബിഎസ്എന്എല് ഇതുവരെയും ഔദ്യോഗികമായി പറഞ്ഞിട്ടില്ലെങ്കിലും ഇതുസംബന്ധിച്ച നടപടി സ്വീകരിക്കണമെന്ന് എല്ലാ സര്ക്കിളുകളിലും നിര്ദ്ദേശങ്ങള് നല്കിയതായാണ് റിപ്പോര്ട്ടുകള്.
സെപ്റ്റംബറിലെ കണക്കുപ്രകാരം ബിഎസ്എന്എലിന് ആകെ 9.23 കോടി മൊബൈല് വരിക്കാരാണുള്ളത്. അധികം വൈകാതെ ബിഎസ്എന്എല് 5ജിയിലേക്കും പ്രവേശിക്കുമെന്നും റിപ്പോര്ട്ടുണ്ട്. ഇതില് 7 കോടിപ്പേര് ഇപ്പോഴും 3ജി സേവനമാണ് ഉപയോഗിക്കുന്നത്. ഇവര്ക്ക് ബിഎസ്എന്എല് ഓഫിസിലെത്തി 4ജി സിം നേടാം. അതേസമയം, പഴയ 3ജി ഫോണുകളോ ഫീച്ചര് ഫോണുകളോ ഉപയോഗിക്കുന്നവര് 4ജി/5ജി ഫോണിലേക്ക് അപ്ഗ്രേഡ് ചെയ്യേണ്ടിവരും.
by Midhun HP News | Dec 29, 2025 | Latest News, ദേശീയ വാർത്ത
ലണ്ടന്: മുന് ഇന്ത്യന് പരിശീലകനും ഇതിഹാസ താരവുമായ രവി ശാസ്ത്രിയെ ഇംഗ്ലണ്ട് ക്രിക്കറ്റ് ടീം പരിശീലകനാക്കണമെന്ന ആവശ്യം വീണ്ടുമുയര്ത്തി മുന് ഇംഗ്ലീഷ് സ്പിന്നറും ഇന്ത്യന് വംശജനുമായ മോണ്ടി പനേസര്. നേരത്തെ ആഷസ് പരമ്പരയില് തുടരെ മൂന്ന് മത്സരങ്ങള് തോറ്റ് ഇംഗ്ലണ്ട് നാണംകെട്ടതിനു പിന്നാലെ പനേസര് ഇക്കാര്യം വ്യക്തമാക്കിയിരുന്നു. നാലാം ടെസ്റ്റില് ഇംഗ്ലണ്ട് വിജയം സ്വന്തമാക്കി പരമ്പരയില് ആശ്വാസം കണ്ടെത്തിയെങ്കിലും പനേസര് ഈ ആവശ്യം വീണ്ടും ആവര്ത്തിക്കുകയായിരുന്നു.
ഇന്ത്യന് ടീമിനൊപ്പമുള്ള രവി ശാസ്ത്രിയുടെ ട്രാക്ക് റെക്കോര്ഡ് മികച്ചതാണ്. ടീമിനെ വളര്ത്തിയെക്കുന്നതിലും പോരാട്ടങ്ങള് വിജയിക്കുന്നതിനും ഇംഗ്ലണ്ടിന് എന്താണോ ആവശ്യം അതു നല്കാന് അദ്ദേഹത്തിനു സാധിക്കും. പനേസര് പറയുന്നു. ആഷസിലെ ഇംഗ്ലണ്ടിന്റെ പ്രകടനം കണക്കാക്കിയാല് ബ്രണ്ടന് മക്കെല്ലം തുടരണമോ എന്ന കാര്യത്തില് ഇംഗ്ലണ്ട് ബോര്ഡിലെ ചിലരെങ്കിലും മാറി ചിന്തിക്കാന് സാധ്യതയുണ്ടെന്നും പനേസര് വ്യക്തമാക്കുന്നു.
‘സിഡ്നി ടെസ്റ്റിലെ ഇംഗ്ലണ്ടിന്റെ ഫലം അനുസരിച്ചായിരിക്കും മക്കെല്ലത്തിന്റെ ഭാവി. മോശമാണെങ്കില് മക്കെല്ലത്തിന്റെ തന്ത്രത്തില് ഇനിയും കളിക്കണമോ എന്നു ഇസിബിയിലെ ചിലരെങ്കിലും ചിന്തിച്ചേക്കാം. കൗണ്ടിയില് മിന്നും പ്രകടനം നടത്തുന്ന പല താരങ്ങള്ക്കും ദേശീയ ടീമില് അവസരം കിട്ടുന്നില്ല. അതിനാല് തന്നെ പുതിയൊരു പരിശീലകന് എന്നത് ചിന്തിക്കാന് സാധ്യതയുള്ള കാര്യമാണ്.’
ഇന്ത്യന് ടീമിനൊപ്പമുള്ള രവി ശാസ്ത്രിയുടെ ട്രാക്ക് റെക്കോര്ഡ് മികച്ചതാണ്. ടീമിനെ വളര്ത്തിയെക്കുന്നതിലും പോരാട്ടങ്ങള് വിജയിക്കുന്നതിനും ഇംഗ്ലണ്ടിന് എന്താണോ ആവശ്യം അതു നല്കാന് അദ്ദേഹത്തിനു സാധിക്കും. പനേസര് പറയുന്നു. ആഷസിലെ ഇംഗ്ലണ്ടിന്റെ പ്രകടനം കണക്കാക്കിയാല് ബ്രണ്ടന് മക്കെല്ലം തുടരണമോ എന്ന കാര്യത്തില് ഇംഗ്ലണ്ട് ബോര്ഡിലെ ചിലരെങ്കിലും മാറി ചിന്തിക്കാന് സാധ്യതയുണ്ടെന്നും പനേസര് വ്യക്തമാക്കുന്നു.
‘സിഡ്നി ടെസ്റ്റിലെ ഇംഗ്ലണ്ടിന്റെ ഫലം അനുസരിച്ചായിരിക്കും മക്കെല്ലത്തിന്റെ ഭാവി. മോശമാണെങ്കില് മക്കെല്ലത്തിന്റെ തന്ത്രത്തില് ഇനിയും കളിക്കണമോ എന്നു ഇസിബിയിലെ ചിലരെങ്കിലും ചിന്തിച്ചേക്കാം. കൗണ്ടിയില് മിന്നും പ്രകടനം നടത്തുന്ന പല താരങ്ങള്ക്കും ദേശീയ ടീമില് അവസരം കിട്ടുന്നില്ല. അതിനാല് തന്നെ പുതിയൊരു പരിശീലകന് എന്നത് ചിന്തിക്കാന് സാധ്യതയുള്ള കാര്യമാണ്.’
‘ഒരു ടീമിനു എങ്ങനെ വിജയിക്കാമെന്നു കളിപ്പിച്ച് തെളിയിച്ച പരിശീലകനാണ് ശാസ്ത്രി. കളി ജയിക്കേണ്ടത് ഏതു തരത്തിലാണെന്നു അദ്ദേഹം കൃത്യമായി കാണിച്ചു തന്നിട്ടുണ്ട്. ഇന്ത്യ ദുര്ബലരാണെന്നു എല്ലാവരും വിലയിരുത്തിയ ഘട്ടത്തിലാണ് അവര് ഓസീസിനെ വീഴ്ത്തിയത്. അദ്ദേഹം ടീമിനെ അടിമുടി ശക്തമാക്കിയാണ് കളിപ്പിച്ചത്.’
‘അത്തരമൊരു കോച്ചിനെയാണ് ഇംഗ്ലണ്ടിനു ഇപ്പോള് ആവശ്യമുള്ളത്. എല്ലായ്പ്പോഴും ഒരാളെ തന്നെ ആശ്രയിച്ചാല് മോശം ഫലം ആവര്ത്തിക്കപ്പെടുക മാത്രമായിരിക്കും സംഭവിക്കുക. വ്യത്യസ്ത തന്ത്രമുള്ളൊരാള് വന്നാല് ഫലവും വ്യത്യസ്തമായിരിക്കും’- പനേസര് വ്യക്തമാക്കി.
മക്കെല്ലത്തിന്റെ കീഴില് 45 മത്സരങ്ങള് കളിച്ച ഇംഗ്ലണ്ട് 17 മത്സരങ്ങള് തോറ്റു. 25 മത്സരങ്ങളാണ് ജയിച്ചത്. നിലവില് ആഷസ് പരമ്പര ഇത്തവണയും തിരിച്ചു പിടിക്കാന് ഇംഗ്ലണ്ടിനു സാധിച്ചില്ല. 5 മത്സരങ്ങളടങ്ങിയ പരമ്പരയില് ഇംഗ്ലണ്ട് 3-1 എന്ന നിലയിലാണ്.
by Midhun HP News | Dec 29, 2025 | Latest News, ദേശീയ വാർത്ത
ഡെറാഡൂണ്: വംശീയാധിക്ഷേപം നടത്തുകയും ക്രൂരമര്ദനത്തിനിരയാക്കുകയും ചെയ്ത വിദ്യാര്ഥിയുടെ മരണത്തെത്തുടര്ന്ന് ത്രിപുരയില് വന്പ്രതിഷേധം. എയ്ഞ്ചല് ചക്മ(24) എന്ന വിദ്യാര്ഥിയാണ് ആറംഗ സംഘത്തിന്റെ ക്രൂര മര്ദനത്തിനിരയായത്. മണിപ്പൂരില് ജോലി ചെയ്യുന്ന ബിഎസ്എഫ് ജവാനായ തരുണ് ചക്മയുടെ മക്കളായ എയ്ഞ്ചലിനേയും മൈക്കിളിനേയുമാണ് ഈ സംഘം ചൈനീസ് എന്ന് വിളിച്ച് മര്ദിച്ചത്.
എന്നാല് താന് ഇന്ത്യക്കാരനാണെന്ന് കേണ് പറഞ്ഞിട്ടും മാരകായുധങ്ങളുമായി ആക്രമിച്ച സംഘം കഴുത്തിലാണ് ആഴത്തില് മുറിവേല്പ്പിച്ചത്. തടയാന് ശ്രമിച്ച മൈക്കിളിനേയും മുറിവേല്പ്പിച്ചു. ഗുരുതരമായി പരിക്കേറ്റ എയ്ഞ്ചല് 17 ദിവസം ആശുപത്രിയില് മരണത്തോട് മല്ലിട്ടു. ക്രിസ്മസിന്റെ പിറ്റേ ദിവസമാണ് മരിക്കുന്നത്. സഹോദരന് മൈക്കിളും ചികിത്സയിലാണ്.
ഡെറാഡൂണിലെ സ്വകാര്യ സര്വകലാശാലയില് എംബിഎ അവസാന വര്ഷ വിദ്യാര്ഥിയായിരുന്നു എയ്ഞ്ചല്. ഓള് ഇന്ത്യ ചക്മ സ്റ്റുഡന്റ് യൂണിയന്റേയും മുതിര്ന്ന ഉദ്യോഗസ്ഥരുടേയും സമ്മര്ദത്തിന് ശേഷമാണ് നടപടിയുണ്ടായതെന്നും അതുവരെ പൊലീസ് കേസെടുക്കാന് വിസമ്മതിച്ചെന്നുമാണ് പിതാവിന്റെ ആരോപണം.
മരണശേഷം കൊലക്കുറ്റം ചുമത്തി. തുടര്ന്ന് കേസില് അഞ്ച് പ്രതികളെ അറസ്റ്റ് ചെയ്തു. പ്രായപൂര്ത്തിയാകാത്ത 2 പ്രതികളെ ജുവനൈല് ഹോമിലേക്കു മാറ്റി. നേപ്പാള് സ്വദേശിയായ ഒരു പ്രതിയെ ഇനിയും പിടികൂടാനായില്ല. ഇയാളെ പിടികൂടുന്നവര്ക്ക് പ്രതിഫലം പ്രഖ്യാപിച്ചിട്ടുണ്ട്. എയ്ഞ്ചലിന്റെ മൃതദേഹം എത്തിച്ചപ്പോള് വന് പ്രതിഷേധമുണ്ടായി.
Recent Comments