ബോയ്സ് ഹൈസ്കൂളിലും ഗേൾസ് ഹൈസ്കൂളിലും ജനകീയസൂത്രണ പദ്ധതി പ്രകാരമുള്ള വിദ്യാർത്ഥികൾക്കുള്ള മേശ, കസേര വിതരണം ചെയ്തു. വിതരണോദ്ഘാടനം നഗരസഭ ചെയർ പേഴ്സൺ അഡ്വ. എസ് കുമാരി നിർവഹിച്ചു. ചടങ്ങിൽ മറ്റ് നഗരസഭ അധികൃതരും സംബന്ധിച്ചു.
ആറ്റുകാല് പൊങ്കാലയ്ക്ക് ശേഷം ഉപേക്ഷിക്കുന്ന ഇഷ്ടികകള് ശേഖരിക്കുന്നതിന് പിഴ ഈടാക്കുന്നതുമായി ബന്ധപ്പെട്ട് തെറ്റായ വാര്ത്തകള് പ്രചരിക്കുന്നുണ്ട്. പൊങ്കാല സുഗമമായി അര്പ്പിക്കുന്നതിനും ഭക്തര്ക്ക് നഗരത്തില് വന്നു തിരിച്ചുപോകുന്നതിനും എല്ലാ ക്രമീകരണങ്ങളും നഗരസഭ ഏര്പ്പെടുത്തിയിട്ടുണ്ട്. എന്നാല് പൊങ്കാലയ്ക്ക് ശേഷമുള്ള മാലിന്യങ്ങള് നീക്കം ചെയ്യുന്നതുപോലെതന്നെ പ്രധാനമാണ് പൊങ്കാല അടുപ്പിനായി ഉപയോഗിക്കുന്ന ചുടുകല്ലുകള് നീക്കം ചെയ്യുന്നതും.
ഭക്തര് പൊങ്കാലയ്ക്കായി കൊണ്ടുവരുന്ന ഏതൊരു വസ്തുവും തിരികെ കൊണ്ടുപോകാന് അവര്ക്ക് എല്ലാ അവകാശവമുണ്ട്. എന്നാല് അവര് ഉപേക്ഷിക്കുന്ന ചുടുകല്ല് ഉള്പ്പെടെയുള്ള വസ്തുവകകള് ശേഖരിക്കുന്നതിനും നീക്കം ചെയ്യുന്നതിനുമുള്ള ചുമതലയും അധികാരവും കേരള മുന്സിപാലിറ്റി ആക്ട് 330 പ്രകാരം നഗരസഭയ്ക്കാണ്. മുന്വര്ഷങ്ങളില് ഇത്തരത്തില് പൊങ്കാല അടുപ്പിന് ഉപയോഗിക്കുന്ന ചുടുകല്ലുകള് ശേഖരിച്ച് മറിച്ച് വില്ക്കുന്ന ലോബികള് ഉണ്ടെന്ന് ശ്രദ്ധയില്പ്പെട്ടിട്ടുണ്ട്. അത് ഒഴിവാക്കുന്നതിനും കൂടാതെ ഇത്തരത്തില് ശേഖരിക്കുന്ന ചുടുകല്ലുകള് പുനരുപയോഗിച്ച് മുന്ഗണനാ ക്രമത്തില് വിവിധ ഭവനപദ്ധതികള്ക്ക് (ലൈഫ് ഉള്പ്പെടെയുള്ള) ഉപയോഗപ്പെടുത്തുന്നതാണ്.
കണ്ണൂർ രാജ്യാന്തര വിമാനതാവളത്തിൽ നിന്ന് 50 ലക്ഷം രൂപയിലധികം വിലവരുന്ന 932 ഗ്രാം സ്വർണ്ണം പിടികൂടി. കോഴിക്കോട് പേരാമ്പ്ര സ്വദേശി മുഹമ്മദ് ആഷിക്കിൽ നിന്നാണ് സ്വർണ്ണം പിടിച്ചെടുത്തത്.
രാജ്യത്ത് 2000 രൂപ നോട്ടുകൾ നിലവിൽ അച്ചടിക്കുന്നില്ലെന്ന് റിസർവ് ബാങ്ക് ഓഫ് ഇന്ത്യ. 2018 – 19 സാമ്പത്തികവർഷം 2000 രൂപ നോട്ടുകളുടെ അച്ചടി നിർത്തിയതായും റിസർബാങ്ക് ബാങ്ക് നൽകിയ വിവരാവകാശ രേഖകയിൽ വിശദീകരിക്കുന്നു. നോട്ടുകൾ അച്ചടിക്കാനുള്ള തുകയും വളരെ തുച്ഛമാണെന്നും രേഖകൾ വ്യക്തമാക്കുന്നു. 37 ലക്ഷത്തിലധികം 2000 രൂപ നോട്ടുകൾ രാജ്യത്ത് ഇതുവരെ അച്ചടിച്ചിട്ടുണ്ടെന്നും റിസർബാങ്ക് വ്യക്തമാക്കുന്നു.
അതേസമയം 100, 200, 500, 2000 രൂപ നോട്ടുകൾ അച്ചടിക്കാൻ ബാങ്കിന് വേണ്ടിവരുന്ന തുക വളരെ തുച്ഛമാണെന്നും റിസർവ് ബാങ്കിൽ നിന്നും ലഭിച്ച രേഖകളിൽ സൂചിപ്പിക്കുന്നു. 2021-22 കാലയളവിൽ ആയിരം നൂറു രൂപ നോട്ട് അച്ചടിക്കാൻ ചിലവഴിക്കേണ്ടി വന്നത് 1770 രൂപ മാത്രമാണ്. യഥാക്രമം 1000 – 200 രൂപ നോട്ടുകൾ അച്ചടിക്കാൻ 2370 രൂപയും 1000 , 500 രൂപ നോട്ടുകൾ അച്ചടിക്കാൻ 2290 രൂപയും, 2000 രൂപ നോട്ടുകൾ അച്ചടിക്കാൻ 3530 രൂപയും വേണ്ടിവന്നുവെന്നും റിസർവ്ബാങ്ക് നൽകിയ മറുപടിയിൽ പറയുന്നു.
ആറ്റിങ്ങൽ: ആറ്റുകാൽ പൊങ്കാലയോട് അനുബന്ധിച്ച് ചൊവ്വാഴ്ച 07/03/2023 പുലർച്ചെ 2 മണിമുതൽ കെഎസ്ആർടിസിയുടെ ആറ്റിങ്ങൽ ഡിപ്പോയിൽ നിന്നും സ്പെഷ്യൽ സർവീസ് ഉണ്ടായിരിക്കുനതാണ്. പൊങ്കാല അർപ്പിക്കാൻ പോകുന്ന ഭക്തജനങ്ങൾക്ക് എല്ലാവർഷവും ഡിപ്പോയിൽ നിന്നും ഒരുക്കുന്ന യാത്ര സൗകര്യം ഈ വർഷവും ഒരുക്കാനുള്ള തയ്യാറെടുപ്പിലാണ് ഉദ്യോഗസ്ഥർ.
തിരുവനന്തപുരത്ത് കുടുംബ വഴക്കിനെ തുടർന്ന് യുവാവ് കത്തികൊണ്ടു സ്വയം കുത്തി മരിച്ചു. വാമനപുരം ഊന്നൻ പാറ സ്വദേശി അനീഷ് (32) ആണ് മരിച്ചത്. ഇന്നലെ രാത്രിയിലാണ് സംഭവമുണ്ടായത്. ഭാര്യയുമായുണ്ടായ വഴക്കിനെ തുടർന്ന് റബർ ടാപ്പിംഗ് കത്തി ഉപയോഗിച്ച് സ്വയം കുത്തുകയായിരുന്നു. മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ വെഞ്ഞാറമ്മൂട് പൊലീസ് അന്വേഷണം ആരംഭിച്ചു.
Recent Comments