by Midhun HP News | Feb 23, 2023 | Latest News, കേരളം, ജില്ലാ വാർത്ത
ഹയര് സെക്കന്ററി സ്കൂള് ജൂനിയര് (ഇംഗ്ലീഷ്) വിഭാഗത്തില് 110 തസ്തികകള് സൂപ്പര് ന്യൂമററിയായി സൃഷ്ടിക്കാന് തീരുമാനിച്ചു. ഈ അധ്യയന വര്ഷത്തേയ്ക്കാണ് ഇത്. 2017 ലെ സര്ക്കാര് ഉത്തരവുകളുടെ അടിസ്ഥാനത്തില് അധികമായതും നിലവില് സര്വ്വീസില് തുടരുന്നതുമായ തസ്തികകളും സുപ്രീം കോടതി വിധിയുടെ അടിസ്ഥാനത്തില് നിയമനം നല്കേണ്ട 47 തസ്തികകളും ഉള്പ്പെടെയുള്ളതാണ് 110 തസ്തികകള്. സ്ഥിരം ഒഴിവ് വരുമ്പോള് ഇവര്ക്ക് പുനര് നിയമനം നല്കും.
by Midhun HP News | Feb 23, 2023 | Latest News, കേരളം, ജില്ലാ വാർത്ത
ദക്ഷിണേന്ത്യയിലെ ഏറ്റവും പ്രധാനപ്പെട്ട ബീച്ചായ കോവളവും ചേര്ന്നുളള ബീച്ചുകളും നവീകരിക്കാനും തീരസംരക്ഷണം ഉറപ്പ് വരുത്താനും 93 കോടിയുടെ പ്രത്യേക പദ്ധതിക്ക് മന്ത്രിസഭായോഗം അംഗീകാരം നല്കി. ആഭ്യന്തര, വിദേശ വിനോദ സഞ്ചാരികള് പരക്കെ അംഗീകരിച്ചിട്ടുള്ള ബീച്ചുകളില് പേരുകേട്ടതാണ് തലസ്ഥാന നഗരിയിലെ കോവളം ബീച്ച്. ചന്ദ്രക്കലയുടെ ആകൃതിയിലുള്ള മൂന്ന് ബീച്ചുകളുള്ള കോവളം ആഴം കുറഞ്ഞ വെള്ളവും വേലിയേറ്റ തിരമാലകളും കാരണം ജനപ്രിയമാണ്. കൂടുതല് വിനോദ സഞ്ചാരികളെ ആകര്ഷിക്കുന്നത് ലക്ഷ്യമിട്ട് രണ്ട് ഘട്ടമായിട്ടാണ് നവീകരണ പ്രവൃത്തികള് നടക്കുക.
ഹവ്വാബീച്ച്, ലൈറ്റ് ഹൗസ് ബീച്ച് എന്നിവിടങ്ങളിലെ അടിസ്ഥാനസൗകര്യ വികസനം, സൈലന്റ് വാലി സണ് ബാത്ത് പാര്ക്ക് നവീകരണം, കോര്പ്പറേഷന് ഭൂമി വികസനം, കോര്പ്പറേഷന് ഭൂമിയിലേയ്ക്കുള്ള യാത്രാസൗകര്യം, ഐബി ബീച്ചിലേയ്ക്കുള്ള യാത്രാസൗകര്യ വികസനം, ഐബി ബീച്ചിന്റെയും അടിമലത്തുറ ബീച്ചിന്റെയും അതിര്ത്തി നിര്ണയം, തെങ്ങിന് തോട്ടഭൂമി ഏറ്റെടുക്കല് എന്നിവയാണ് ആദ്യ ഘട്ടത്തില് നടക്കുക.
ഐബി ബീച്ചിന്റെയും അടിമലത്തുറ ബീച്ചിന്റെയും കൂടുതല് വികസനം, തെങ്ങിന് തോട്ടഭൂമി വികസനം എന്നിവയാണ് രണ്ടാം ഘട്ട പദ്ധതിയുടെ ഭാഗമായി നടക്കുക. കിഫ്ബി തയ്യാറാക്കി സമര്പ്പിച്ച 93 കോടി രൂപയുടെ പദ്ധതി നടപ്പാക്കാനുള്ള സ്പെഷ്യല് പര്പ്പസ് വെഹിക്കിളായി വാപ്കോസ്നെ ചുമതപ്പെടുത്താനും മന്ത്രിസഭാ യോഗം അനുമതി നല്കി.
by Midhun HP News | Feb 23, 2023 | Latest News, Uncategorized, കേരളം, ജില്ലാ വാർത്ത
ന്യൂയോര്ക്ക്: പിതാവ് വീടിന് തീയിട്ടതിനെ തുടര്ന്ന് നിരാംലംബരരായ സഹായഹസ്തവുമായി എംപവര് ഫൗണ്ടേഷന്. കോട്ടയം വൈക്കം കുലശേഖരമംഗലത്താണ് മദ്യാസക്തിയില് രാജീവ് എന്നയാള് സ്വന്തം വീടിന് തീയിട്ടത്. ഭാര്യയും മൂന്നു മക്കളും അതോടെ വഴിയാധാരമായി. ബി.എസ്സി രണ്ടാം വര്ഷവും പ്ലസ് വണ്ണും പഠിക്കുന്ന പെണ്കുട്ടികളുടേയും ഒമ്പതാം ക്ലാസില് പഠിക്കുന്ന ആണ്കുട്ടിയുടേയും പഠന സാമഗ്രഹികളോ വസ്ത്രമോ വീട്ടുപകരണങ്ങളോ യാതൊന്നും അവശേഷിച്ചിരുന്നില്ല. നല്ലവരായ നാട്ടുകാരുടെ പരിചരണത്തില് അവര് ആപത് ഘട്ടത്തില് പിടിച്ചു നിന്നു.
സംഭവം ശ്രദ്ധയില്പെട്ട ഉടന് അമേരിക്കയില് താമസിക്കുന്ന മലയാളികളായ വനിതകളുടെ കൂട്ടായ്മയായ ദി എംപവര് ഫൗണ്ടേഷന് (ടെഫ്) ഇടപെടുകയും കുടുംബത്തെ ചേര്ത്തുപിടിക്കുകയുമായിരുന്നു. അംഗങ്ങളുടെ സഹകരണത്തോടെ ധനസമാഹരണം നടത്തി അമ്മയുടെയും പെണ്മക്കളുടേയും ബാങ്ക്അക്കൗണ്ടുകളിലേക്ക് നല്ലൊരു തുക അയച്ചുകൊടുത്തു. അമ്മയ്ക്കും മക്കള്ക്കും വസ്ത്രങ്ങള്, രേഖകള്, വീട്ടുപകരണങ്ങള് മുതലായവ ലഭ്യമാക്കുന്നതിനുള്ള ചുമതല ഏറ്റെടുത്തു. ടെഫിലെ മെന്റര്മാരായ ദേവി, ഗീത, സന്ധ്യ എന്നിവര് വൈക്കത്തുള്ള വീട്ടിലെത്തി കുട്ടികളേയും കുടുംബത്തേയും സന്ദര്ശിച്ച് അവര്ക്കായി ശേഖരിച്ച വസ്തുക്കള് കൈമാറി. രണ്ടു പെണ്കുട്ടികള്ക്കും വ്യക്തിപരവും വൈകാരികവുമായ സ്നേഹവും പിന്തുണയും നല്കി ആശ്വസിപ്പിക്കുകയും ചെയ്തു.
തങ്ങളുടെ സമ്പാദ്യത്തിന്റെ വിഹിതം സ്പോണ്സര്ഷിപ്പിലൂടെ നല്കി കേരളത്തിലെ അശരണരായ സ്ത്രീകളെ ശക്തരാക്കുക എന്ന ലക്ഷ്യത്തില്, പെണ്കുട്ടികളുടെ പഠനാവശ്യത്തിന് മുന്തൂക്കം നല്കി അവരെ സഹായിക്കുന്നതിനായി ആരംഭിച്ച സംഘടനയാണ് ദി എംപവര് ഫൗണ്ടേഷന്. ഗീതാ സേതുമാധവന്, ദീത്താ നായര്സ ഡോ രജ്ഞിനിപിള്ള എന്നിവര് ഡയറക്ടര്മാരായ സംഘടനയുടെ ആശയം ‘ഒരുമിച്ച് ഞങ്ങള് ചെയ്യും. നമ്മള് ഒരുമിച്ചാല് അതിന് കഴിയും’ എന്നതാണ്.
by Midhun HP News | Feb 23, 2023 | Latest News, കേരളം, ജില്ലാ വാർത്ത
പൊലീസിനെ ആക്രമിച്ച് രക്ഷപെടാൻ ശ്രമിച്ച പ്രതിക്ക് നേരെ വെടിയുതിർത്ത് വനിത എസ്ഐ. സ്ഥിരം കുറ്റവാളിയായ ബന്തു സൂര്യയെന്ന ആൾക്കാണ് വെടിയേറ്റത്. ഇയാൾ വാഹനപരിശോധനയ്ക്കിടെ പൊലീസ് ഉദ്യോഗസ്ഥന്റെ തലയിൽ ഇരുമ്പുകമ്പികൊണ്ട് അടിച്ചു രക്ഷപ്പെട്ടിരുന്നു. കഴിഞ്ഞ ഞായറാഴ്ച ചെന്നൈയിലെ കൊന്നൂർ ഹൈവേയിൽ വെച്ചാണ് സംഭവം. ബന്തു സൂര്യയും സംഘവും മദ്യപിച്ച് ഹെൽമെറ്റ് ഇല്ലാതെ ബൈക്കിൽ സഞ്ചരിക്കുന്നതിനിടെ അയ്നാവരം എസ്ഐ ശങ്കർ ഇവരെ തടഞ്ഞു.
എന്നാൽ പൊലീസിനെ വെട്ടിച്ച് കടന്നു കളഞ്ഞ ഇയാളെ പൊലീസ് പിന്തുടർന്നു.
പിടിക്കുമെന്നായപ്പോൾ എസ്ഐയുടെ തലയ്ക്ക് ഇരുമ്പുകമ്പികൊണ്ട് അടിച്ച് പ്രതികൾ രക്ഷപ്പെട്ടു. പ്രതികളെ പിടിക്കാൻ അയ്നാവരം അസിസ്റ്റന്റ് എസ്ഐ മീനയുടെ നേതൃത്വത്തിൽ പ്രത്യേക സംഘത്തെ രൂപീകരിച്ചു. വാഹന നമ്പർ പിന്തുടർന്നുള്ള പരിശോധനയിൽ പ്രതികളെ പൊലീസ് പിടികൂടി.
എന്നാൽ പൊലീസ് സ്റ്റേഷനിലേക്ക് വരുന്നതിനിടെ ഇയാൾ വീണ്ടും രക്ഷപ്പെട്ട് ഓടി അടുത്തുള്ള കടയിൽ നിന്നും കത്തിയെടുത്ത് പൊലീസുകാരെ വെട്ടി പരിക്കേൽപ്പിച്ചതോടെയാണ് എസ്ഐ മീന പ്രതിക്ക് നേരെ വെടിയുതിർത്തത്. കാൽമുട്ടിന് പരിക്കേറ്റ ഇയാളെയും ആക്രമണത്തിൽ പരിക്കേറ്റ രണ്ട് പൊലീസുകാരെയും കിൽപോക്ക് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
by Midhun HP News | Feb 23, 2023 | Latest News, കേരളം, ജില്ലാ വാർത്ത
ഭാസി ശ്രീരാഗത്തിന്റെ ചിത്രകല പ്രദർശനം ആരംഭിച്ചു. കിളിമാനൂരിലെ പഞ്ചായത്ത് ബസ് സ്റ്റാൻഡിന് സമീപത്തുള്ള റോട്ടറി ഹാളിൽ ഭാസി ശ്രീരാഗത്തിന്റെ ചിത്രകല പ്രദർശനം ആരംഭിച്ചു. നേമം പുഷ്പരാജ് ഉദ്ഘാടനം നിർവഹിച്ചു. ഇന്നും 24,25 തീയതികളിലും പ്രദർശനം ഉണ്ടാകും.
by Midhun HP News | Feb 23, 2023 | Latest News, കേരളം, ജില്ലാ വാർത്ത
ചിറയിൻകീഴിൽ പ്രേംനസീർ സ്മാരക മന്ദിരത്തിന്റെ നിർമ്മാണ പ്രവർത്തനങ്ങൾ പുന രാരംഭിച്ചു. പ്രേംനസീർ സ്മാരക മന്ദിരത്തിന്റെ ഒന്നാംഘട്ട നിർമ്മാണ പ്രവർത്തനങ്ങളാണ് പുനരാരംഭിച്ചത്. ശാർക്കര ക്ഷേത്രത്തിന് സമീപം നസീർ പഠിച്ച പഴയ മലയാളം പള്ളിക്കൂടത്തിന്റെ ഭൂമിയിലാണ് സ്മാരകം നിർമ്മിക്കുന്നത്. കഴിഞ്ഞ ദിവസം രാവിലെ തുടക്കമായത്. ഒരു വർഷം മുമ്പ് സ്മാരക നിർമ്മാണം ആരംഭിച്ചെങ്കിലും പലവിധ കാരണങ്ങളാൽ മന്ദിരത്തിന്റെ പ്രാരംഭ നിർമ്മാണ പ്രവർത്തനങ്ങൾ നിർത്തിവയ്ക്കേണ്ടി വന്നിരുന്നു.
66.22 സെന്റ് ഭൂമി വിദ്യാഭ്യാസ വകുപ്പിൽനിന്ന് പദ്ധതിയ്ക്കായി നേരത്തെ ഏറ്റെടുത്തിരുന്നു. 98 ലക്ഷം രൂപ ചിലവിൽ കെട്ടിടത്തിന്റെ അടിസ്ഥാനം പൂർത്തിയാക്കി. ഇനി താഴെത്തെ നിലയും ഒന്നാം നിലയും നിർമ്മിക്കും. 6699 ചതുരശ്രയടിയിലാണ് താഴെനില. ഇവിടെ ഓഫീസ്, രണ്ട് മ്യൂസിയങ്ങൾ, ഓപ്പൺ തിയറ്റർ എന്നിവയുണ്ടാകും. ഒന്നാം നിലയിൽ 4263 ചതുരശ്രയടിയിൽ ലൈബ്രറി, ക്യാന്റീൻ, ഗ്യാലറി എന്നിവയുമൊരുക്കുന്നുണ്ട്. ഒന്നാംഘട്ട നിർമ്മാണ പ്രവർത്തികൾക്കായ് 2.91 കോടി രൂപയാണ് വകയിരുത്തിയത്. 55 ലക്ഷം രൂപ എംഎൽഎ ഫണ്ടിൽനിന്നും 1.35 കോടി രൂപ സാംസ്കാരിക വകുപ്പിൽ നിന്നുമാണ് തുക അനുവദിക്കപ്പെട്ടിട്ടുള്ളത്.
Recent Comments