കഴക്കൂട്ടം എലിവേറ്റഡ് ഹൈവേ തുറന്നു

by Midhun HP News | Dec 3, 2022 | Latest News, കേരളം, ജില്ലാ വാർത്ത

കഴക്കൂട്ടം എലിവേറ്റഡ് ഹൈവേ തുറന്നു. സർവ്വിസ് റോഡിന്റെ നിർമ്മാണവുമായി ബന്ധപെട്ടാണ് മേൽപ്പാലം തുറന്നത്. എന്നാൽ സർവീസ് റോഡിന്റെ നിർമ്മാണം പൂർത്തിയായാലും മേൽപ്പാലം അടക്കില്ല എന്ന് നിർമ്മാണ കമ്പനി പറഞ്ഞു. ഔദ്യോഗിക ഉദ്ഘാടനം പിന്നീട് തീരുമാനിക്കും. കേന്ദ്ര മന്ത്രി നിതിൻഗഡ്കരിയുടെ സമയമനുസരിച്ചായിരിക്കും ഉദ്ഘാടനം നടത്തുക. നിർമ്മാണം പൂർത്തിയായിട്ടും മേൽപ്പാലം തുറക്കാത്തതിൽ വ്യാപക പ്രതിഷേധം നടന്നിരുന്നു. പൂജ നടത്തിയാണ് മേൽപ്പാലം തുറന്നത്. കേരളത്തിലെ ഏറ്റവും വലിയ എലിവേറ്റഡ് ഹൈവേയാണ് കഴക്കൂട്ടത്ത് ഇന്നു തുറന്നത്. എലിവേറ്റഡ് തുറന്നതോടുകൂടി കഴക്കൂട്ടത്തിന്റെ ഗതാഗതക്കുരുക്കിന് ആശ്വാസമാകും എന്നാണ് അധികൃതർ കരുതുന്നത്.

ഭിന്നശേഷി ദിനാചരണം സംഘടിപ്പിച്ചു

by Midhun HP News | Dec 3, 2022 | Latest News, കേരളം, ജില്ലാ വാർത്ത

കിളിമാനൂർ: സമഗ്ര ശിക്ഷാ കേരളം ബി ആർ സി കിളിമാനൂരിന്റെ നേതൃത്വത്തിൽ രാജാ രവിവർമ്മ സാംസ്കാരിക നിലയത്തിൽൽ വച്ച് ഭിന്നശേഷി ദിനാഘോഷം സംഘടിപ്പിച്ചു. ജില്ലാ പഞ്ചായത്ത് അംഗം ജി ജി ഗിരികൃഷ്ണൻ ഉദ്ഘാടനം ചെയ്തു. ഡിസ്ട്രിക്റ്റ് പ്രോജക്റ്റ് കോ-ഓർഡിനേറ്റർ എസ് ജവാദ് മുഖ്യപ്രഭാഷണം നടത്തി. കിളിമാനൂർ ഗ്രാമ പഞ്ചായത്ത് വിദ്യാഭ്യാസ സ്‌റ്റാന്റിംഗ് കമ്മിറ്റി ചെയർമാൻ കൊട്ടറ മോഹൻ കുമാർ, കിളിമാനൂർ ആർ.ആർ. വി ബോയ്സ് ഹൈസ്കൂളിലെ എൻ.എസ്.എസ് പ്രോഗ്രാം കോ-ഓർഡിനേറ്റർ സോണി ജി ജെ, സ്പെഷ്യൽ എഡ്യൂക്കേറ്റർ അനീഷ് എസ്. എൽ എന്നിവർ സംസാരിച്ചു.

വിവിധ മേഖലകളിൽ കഴിവും മികവും തെളിച്ച വിഭിന്ന ശേഷി കുട്ടികൾക്ക് സമ്മാനവും മെഡലുകളും വിതരണം ചെയ്തു. കലോൽസവത്തിൽ പങ്കെടുത്ത് സമ്മാനാർഹരായ കുട്ടികളുടെ വിവിധ കലാപരിപാടികൾ സംഘടിപ്പിച്ചു.

സ്കൂളുകളിൽ ഒന്നും രണ്ടും സ്ഥാനം നേടിയ കുട്ടികളുടെ ചിത്രരചന, പോസ്റ്ററുകളുടെ പ്രദർശനം, ചിത്ര പ്രദർശനം, ബിഗ് കാൻവാസ് എന്നിവ സംഘടിപ്പിച്ചു. വിളംബര ജാഥയോടൊപ്പം ഫ്ളാഷ് മോബ്, ചെണ്ടമേളം, ദീപശിഖ റാലി, സൈക്കിൾ റാലി എന്നിവ നവീന അനുഭവമായി മാറി. കിളിമാനൂർ ഗ്രാമ പഞ്ചായത്ത് പ്രസിഡന്റ് ടി. ആർ മനോജ് അധ്യക്ഷത വഹിച്ചു. ബ്ലോക്ക് പ്രോജക്റ്റ് കോ-ഓർഡിനേറ്റർ വി.ആർ സാബു സ്വാഗതം പറഞ്ഞു. ബി.ആർ സി ട്രെയിനർ ഷാനവാസ്. ബി നന്ദി പ്രകാശിപ്പിച്ചു. അധ്യാപകർ, രക്ഷകർത്താക്കൾ കുട്ടികളടക്കം മുന്നൂറിലധികം പേർ പങ്കെടുത്തു.

കൊച്ചിയിൽ പട്ടാപ്പകൽ കാൽനട യാത്രക്കാരിക്ക് നടുറോഡിൽ വെച്ച് വെട്ടേറ്റു

by Midhun HP News | Dec 3, 2022 | Latest News, കേരളം, ജില്ലാ വാർത്ത

കൊച്ചി: കൊച്ചിയിൽ പട്ടാപ്പകൽ കാൽനട യാത്രക്കാരിക്ക് നടുറോഡിൽ വെച്ച് വെട്ടേറ്റു. അക്രമി ബൈക്കിൽ രക്ഷപ്പെട്ടു. ഇന്ന് പതിനൊന്ന് മണിയോട് കലൂർ ആസാദ് റോഡിൽ വെച്ചാണ് സംഭവം. ബംഗാൾ സ്വദേശി സന്ധ്യക്കാണ് വെട്ടേറ്റത്. ഇവരുടെ മുൻ കാമുകൻ ഫറുഖാണ് വെട്ടിയതെന്നാണ് വിവരം. രണ്ട് പെൺകുട്ടികൾ നടന്ന് പോകുമ്പോൾ ബൈക്കിലെത്തിയ ഒരാൾ വെട്ടുകയായിരുന്നുവെന്നാണ് സംഭവത്തിന്റെ ദൃക്സാക്ഷി വിശദീകരിച്ചത്. പെൺകുട്ടി സ്വകാര്യ ആശുപത്രിയിൽ ചികിത്സയിലാണ്.

മുല്ലപ്പൂമൊട്ടിന് കിലോയ്ക്ക് 4000 രൂപ; കുതിച്ചുയർന്ന് പൂ വില

by Midhun HP News | Dec 3, 2022 | Latest News, കേരളം, ജില്ലാ വാർത്ത

ചെന്നൈ: കുതിച്ചുയർന്ന് മുല്ലപ്പൂ വില. മധുര മല്ലി എന്നറിയപ്പെടുന്ന മുല്ലപ്പൂമൊട്ടിന്റെ ഉയർന്ന ഗ്രേഡിന് കിലോയ്ക്ക് 4000 രൂപയ്ക്കാണ് ഇന്നലെ വിൽപന നടന്നത്. ആവശ്യം കൂടിയതും ഉൽപാദനം കുറഞ്ഞതുമാണ് വിലയുടെ റെക്കോർഡ് കുതിപ്പിന് കാരണം.
കിലോയ്ക്ക് 300-600 രൂപ വരെയായിരുന്നു ഇതുവരെ വില. മധുര മാട്ടുതാവണി പൂവിപണിയിൽ 4 ടൺ വന്നിരുന്നതിനു പകരം ഒരു ടൺ മാത്രമാണെത്തിയത്. മറ്റു പൂക്കളുടെ വിലയിലും വർദ്ധനവുണ്ട്. ജമന്തി കിലോയ്ക്ക് 150 രൂപയായും (പഴയ വില 50 രൂപ) പിച്ചി 800 രൂപയായും (പഴയ വില 300 രൂപ) ഉയർന്നു. ശബരിമല മണ്ഡലകാല ആഘോഷങ്ങളും തമിഴ്നാട്ടിലെ കാർത്തിക ഉത്സവം ആരംഭിച്ചതും പൂവിന്റെ ആവശ്യകത കൂട്ടി. തെക്കൻ ജില്ലകളിലെ മഴയും മഞ്ഞും കാരണം ഉൽപാദനത്തിൽ കുറവുണ്ടായതും വിലവർദ്ധനയിലേക്ക് നയിച്ചു.

ഇരുമ്പ് ഏണി വൈദ്യുതി ലൈനിൽ തട്ടി ഇടുക്കിയിൽ രണ്ടു പേർ ഷോക്കേറ്റ് മരിച്ചു

by Midhun HP News | Dec 3, 2022 | Latest News, കേരളം, ജില്ലാ വാർത്ത

തൊടുപുഴ: വൈദ്യുതി ലൈനിൽ നിന്ന് ഷോക്കേറ്റ് രണ്ട് പേർക്ക് ദാരുണാന്ത്യം. കുമളിയ് ക്ക് സമീപം മുരുക്കടിയിലാണ് അപകടം. അട്ടപ്പള്ളം ലക്ഷം വീട് കോളനിക്കാരായ ശിവദാസ്, സുഭാഷ് എന്നിവരാണ് മരിച്ചത്. വാട്ടർ ടാങ്ക് വൃത്തിയാക്കുന്നതിനിടെ ഇരുമ്പിന്റെ ഏണി വൈദ്യുതി ലൈനിൽ തട്ടിയാണ് ഇരുവർക്കും ഷോക്കേറ്റത്.

എസ്എഫ്ഐക്ക് വൻ വിജയം

by Midhun HP News | Dec 3, 2022 | Latest News, കേരളം, ജില്ലാ വാർത്ത

എസ്എഫ്ഐക്ക് വൻ വിജയം. സംസ്ഥാനത്തെ പോളിടെക്നിക്കുകളിലേക്ക് നടന്ന യൂണിയൻ തിരഞ്ഞെടുപ്പിൽ ആറ്റിങ്ങൽ ഗവൺമെന്റ് പോളിടെക്നിക് കോളേജിൽ എസ്എഫ്ഐ മുഴുവൻ സീറ്റിലും വൻവിജയം നേടി. ചെയർമാൻ:അതുൽ എ. എസ്
വൈസ് ചെയർമാൻ: ഗൗതം. ജി. നായർ, വൈസ് ചെയർപേഴ്സൺ: അഞ്ജന.എ ജനറൽ സെക്രട്ടറി ദിൽ പ്രസാദ്, ആർട്സ് ക്ലബ്ബ് സെക്രട്ടറി: നിതിൻ. ബി മാഗസിൻ എഡിറ്റർ: സംഗീത് എസ്. ബി കൗൺസിലർ: ആരോമൽ. എസ്. ആർ എന്നിവരാണ് വിജയിച്ചത്.

തുടർച്ചയായി ആറ്റിങ്ങൽ ഗവൺമെന്റ് പോളിടെക്നിക്കിൽ യൂണിയൻ തെരഞ്ഞെടുപ്പിൽ എസ് എഫ് ഐയെ വിജയിപ്പിക്കുന്ന മുഴുവൻ വിദ്യാർത്ഥികൾക്കും എസ്എഫ്ഐ ആറ്റിങ്ങൽ ഏരിയ കമ്മിറ്റി പ്രസിഡന്റ് വിജയ് വിമലും സെക്രട്ടറി ആനന്ദും നന്ദി രേഖപ്പെടുത്തി.