by Midhun HP News | Oct 21, 2022 | Latest News, കേരളം, ജില്ലാ വാർത്ത
തിരുവനന്തപുരം: മത്സ്യത്തൊഴിലാളിയ്ക്ക് നാവികസേനയുടെ വെടിയേറ്റു. തെക്കൻ മാന്നാർ ഉൾക്കടലിൽ മത്സ്യബന്ധനം നടത്തുന്നതിനിടെയാണ് സംഭവം. നേവി ഉദ്യോഗസ്ഥർ ബോട്ട് നിർത്താൻ ആവശ്യപ്പെട്ടു. തൊഴിലാളികൾ നിർത്താതെ പോയി. തുടർന്ന് നാവികസേനാംഗങ്ങൾ ബോട്ടിനുനേരെ നിറയൊഴിച്ചു. വീരവേൽ എന്ന തൊഴിലാളിയുടെ വയറിലും തുടയിലും വെടിയേറ്റു. ഇദ്ദേഹത്തിന്റെ നില ഗുരുതരമാണ് മയിലാടുതുറയിൽ നിന്ന് മത്സ്യബന്ധനത്തിന് പോയതായിരുന്നു. വെടിയേറ്റ മത്സ്യത്തൊഴിലാളി രാമനാഥപുരം സർക്കാർ ആശുപത്രിയിൽ ചികിത്സയിലാണ്.
by Midhun HP News | Oct 21, 2022 | Latest News, കേരളം, ജില്ലാ വാർത്ത
മണിച്ചന്‍ ജയില്‍മോചിതനായി. നെട്ടുകാല്‍ത്തേരിയിലെ തുറന്ന ജയിലില്‍ നടപടിക്രമങ്ങള്‍ പൂര്‍ത്തിയാക്കിയ മണിച്ചന്‍ ഇന്ന് പന്ത്രണ്ടോടെ ജയിലിൽനിന്ന് പുറത്തിറങ്ങി. ജയിലിന് പുറത്തു കാത്തുനിന്ന മാധ്യമങ്ങളോ‌ട് പ്രതികരിക്കാതെ അദ്ദേഹം വാഹനത്തില്‍ കയറി വീട്ടിലേക്ക് മടങ്ങി. 31 പേരുടെ മരണത്തിനിടയാക്കിയ മദ്യ ദുരന്ത കേസിൽ ഏഴാം പ്രതിയായ മണിച്ചന്‍ 22 വര്‍ഷമായി ജയിൽ ശിക്ഷ അനുഭവിയ്ക്കുകയായിരുന്നു.
പിഴ തുക അടയ്ക്കാതെ മണിച്ചനെ മോചിക്കാന്‍ സുപ്രീം കോടതി കഴിഞ്ഞ ദിവസം ഉത്തരവിട്ടിരുന്നു. ഉത്തരവിന്റെ പകര്‍പ്പ് മണിച്ചന്‍ കഴിയുന്ന തിരുവനന്തപുരം നെട്ടുകാല്‍ത്തേരിയിലെ തുറന്ന ജയിലില്‍ എത്താത്തതിനാലാണ് ഇന്നലെ മോചനം സാധ്യമാകാതിരുന്നത്. നേരത്തെ ശിക്ഷാ ഇളവ് നല്‍കുന്നവരുടെ പട്ടികയില്‍ ഇടം പിടിച്ചിരുന്നെങ്കിലും പിഴത്തുകയായ മുപ്പത് ലക്ഷത്തി നാല്‍പ്പത്തയ്യായിരം രൂപ കെട്ടിവെയ് ക്കാത്തതിനാല്‍ ജയിലില്‍ നിന്നിറങ്ങാന്‍ സാധിച്ചിരുന്നില്ല. മണിച്ചന്റെ ഭാര്യയുടെ ഹര്‍ജിയില്‍ പിഴ തുക സുപ്രീം കോടതി ഒഴിവാക്കുകയായിരുന്നു.
by Midhun HP News | Oct 21, 2022 | Latest News, കേരളം, ജില്ലാ വാർത്ത
തിരുവനന്തപുരം ജില്ലാ സ്പോർട്സ് കൗൺസിലിന്റെ ആഭിമുഖ്യത്തിൽ ആറ്റിങ്ങൽ ശ്രീപാദം സ്പോർട്സ് അക്കാദമിയിലെ വിദ്യാർത്ഥികൾക്കായി സംഘടിപ്പിച്ച ലഹരി വിമുക്ത ക്യാമ്പയിൻ ഒ.എസ്.അംബിക എം എൽ എ ഉദ്ഘാടനം ചെയ്തു. ആറ്റിങ്ങൽ മുനിസിപ്പൽ ചെയർപേഴ്സൺ അഡ്വ.എസ്.കുമാരി, ആറ്റിങ്ങൽ എക്സൈസ് സർക്കിൾ ഇൻസ്പെക്ടർ ഷിബു, ജില്ലാ സ്പോർട്സ് കൗൺസിൽ പ്രസിഡൻ്റ് എസ്.എസ്.സുധീർ, ജില്ലാ സ്പോർട്സ് ഓഫീസർ സതീഷ്, ജി.വിദ്യാധരൻ പിള്ള, ഷോബി തുടങ്ങിയവർ സംസാരിച്ചു.
by Midhun HP News | Oct 21, 2022 | Latest News, കേരളം, ജില്ലാ വാർത്ത
കൊച്ചി: എറണാകുളത്ത് സുഹൃത്തിന്റെ വീട്ടിൽ നിന്ന് 10 പവൻ സ്വർണം മോഷ്ടിച്ച പൊലീസുകാരൻ അറസ്റ്റിൽ. ഞാറക്കൽ സ്വദേശി നടേശന്റെ വീട്ടിലാണ് കവർച്ച നടന്നത്. സിറ്റി എ ആർ ക്യാമ്പിലെ അമൽ ദേവാണ് കേസില്‍ അറസ്റ്റിലായത്. പരാതിക്കാരന്റെ മകന്റെ ഭാര്യയുടെ സ്വർണമാണ് പ്രതി കവർച്ച ചെയ്തത്. പ്രതിയായ പൊലീസുകാരന്‍ കുറ്റം സമ്മതിച്ചിട്ടുണ്ട് എന്നാണ് അറിയുന്നത്. ഇയാളെ ഇന്ന് കോടതിയിൽ ഹാജരാക്കും.
by Midhun HP News | Oct 21, 2022 | Latest News, കേരളം, ജില്ലാ വാർത്ത
വക്കം: വക്കത്ത് ഇറങ്ങുകടവിൽ നാല് വയസ്സ്കാരനെ വീടിനുള്ളിൽ കടന്ന് നായ ആക്രമിച്ച് പരിക്കേൽപ്പിച്ചു. വക്കം ഗ്രാമ പഞ്ചായത്തിലെ പന്ത്രാണ്ടാം വാർഡിൽ ഇറങ്ങുകടവ് വാടയിൽ വീട്ടിൽ അനൂപ് -അശ്വതി ദമ്പതികളുടെ മകൻ ആദിത്യൻ(4) നാണ് ഇന്നലെ വൈകിട്ട് അഞ്ച് മണിയോടെ വീടിനുള്ളിൽ കടന്ന് നായ ആക്രമിച്ചു പരിക്കേൽപ്പിച്ചത്. വൈകിട്ടോടെ വീടിനു മുന്നിൽ അനുജനോടൊപ്പം കളിച്ചുകൊണ്ടുനിന്ന ആദിത്യനെ പുറമേ നിന്നെത്തിയ നായ ആക്രമിക്കുകയായിരുന്നു. നായ കുരച്ചുകൊണ്ട് പാഞ്ഞുവരുന്നത് കണ്ട് രണ്ടുപേരും വീടിനുള്ളിലേയ്ക്ക് നിലവിളിച്ചുകൊണ്ട് ഓടി രക്ഷപ്പെടാൻ ശ്രമിച്ചെങ്കിലും നായ പിന്തുടർന്ന് ആദിത്യനെ കടിച്ചു പരുക്കേൽപ്പിയ്ക്കുകയായിരുന്നു.
തുടർന്ന് കുട്ടികളുടെ നിലവിളികേട്ട് ഓടിയെത്തിയ സമീപവാസികളാണ് നായയിൽ നിന്ന് ആദിത്യനെ രക്ഷപ്പെടുത്തിയത്. കൈയ്യും കാലുമടക്കം ദേഹമാസകലം സാരമായ മുറിവേറ്റ കുട്ടിയെ ഉടൻ തന്നെ വക്കം ഗവണ്മെന്റ് റൂറൽ ഹെൽത്ത് സെന്ററിലും തുടർന്ന് ചിറയിൻകീഴ് താലൂക്ക് ആശുപത്രിയിലും എത്തിച്ചെങ്കിലും രണ്ടിടത്തും ചികിത്സയ്ക്ക് ആവിശ്യമായ മെഡിസിനോ വാക്‌സിനോ ഉണ്ടായിരുന്നില്ല. തുടർന്ന് കുട്ടിയെ തിരുവനന്തപുരം മെഡിക്കൽ കോളേജിൽ എത്തിക്കുകയായിരുന്നു.
അടുത്തിടെയായി പ്രദേശത്ത് തെരുവ് നായ ശല്യം അതിരൂക്ഷമാണെന്ന് നാട്ടുകാർ പറയുന്നു. കായലുവാരം കേന്ദ്രീകരിച്ച് പൗൾട്രിഫോമുകളിൽ നിന്നും അറവ്ശാലകളിൽ നിന്നും വൻതോതിൽ മാംസ അവശിഷ്ടങ്ങൾ ഈ മേഖലയിൽ നിക്ഷേപിക്കുന്നത് പതിവായതാണ് ഈ മേഖലയിൽ നായശല്യം അതിരൂക്ഷമാകുവാനുള്ള പ്രധാന കാരണമെന്ന് നാട്ടുകാർ പറയുന്നു. മാംസമാലിന്യം ഭക്ഷിയ്ക്കുവാൻ കൂട്ടായ് എത്തുന്ന തെരുവ് നായ്ക്കളെ പേടിച്ച് പുറത്തിറങ്ങാൻ കഴിയാത്ത അവസ്ഥയിലാണ് പ്രദേശവാസികൾ
by Midhun HP News | Oct 21, 2022 | Latest News, കേരളം, ജില്ലാ വാർത്ത
തിരുവനന്തപുരം ജില്ല ഇലക്ട്രിക്കൽ ആൻഡ് ഇലക്ട്രോണിക് സൊസൈറ്റി എന്ന സ്ഥാപനം പ്രതി ആരംഭിച്ച് മറ്റു പ്രതികളുമായി ചേർന്ന് നിരവധി നിക്ഷേപകരിൽ നിന്നും
എഫ് ഡി ഡിപ്പോസിറ്റ്, പിഗ്മി കളക്ഷൻസ്, എം ഡി എസ് എന്നിവ സ്വീകരിച്ച് തട്ടിപ്പ് നടത്തി.
2013 മുതൽ 2020 വരെ നിരവധി പേർക്ക് സൊസൈറ്റിയിൽ ജോലി വാഗ്ദാനം നൽകിയും എഫ് ഡി നിക്ഷേപങ്ങൾ സ്വീകരിച്ചും മൂന്നു മുതൽ ആറു മാസം വരെ ജോലിക്ക് നിയോഗിച്ചും ശമ്പളം കൊടുക്കാതെയും സൊസൈറ്റി രജിസ്ട്രാറുടെ മാനദണ്ഡങ്ങളൊന്നും പാലിക്കാതെയും നിക്ഷേപകരുടെ മൂന്നു കോടിയോളം രൂപ ചതിച്ചു അപഹരിച്ചെടുക്കുകയായിരുന്നു. ഫോർട്ട് പോലീസ് സ്റ്റേഷൻ ക്രൈം കേസിലെ മൂന്നാം പ്രതിയായ മുട്ടത്തറ വില്ലേജിൽ സോഡാ മുരളി എന്നുവിളിക്കുന്ന 61 വയസ്സുള്ള മുരളിയെ തിരുവനന്തപുരം സിറ്റി ബ്രാഞ്ച് അസിസ്റ്റൻറ് കമ്മീഷണർ ബി. അനിൽകുമാറിന്റെ നേതൃത്വത്തിൽ അറസ്റ്റ് ചെയ്തു.
Recent Comments