സൊസൈറ്റി തട്ടിപ്പ് കേസിലെ പ്രതി അറസ്റ്റിൽ

by Midhun HP News | Oct 21, 2022 | Latest News, കേരളം, ജില്ലാ വാർത്ത

തിരുവനന്തപുരം ജില്ല ഇലക്ട്രിക്കൽ ആൻഡ് ഇലക്ട്രോണിക് സൊസൈറ്റി എന്ന സ്ഥാപനം പ്രതി ആരംഭിച്ച് മറ്റു പ്രതികളുമായി ചേർന്ന് നിരവധി നിക്ഷേപകരിൽ നിന്നും
എഫ് ഡി ഡിപ്പോസിറ്റ്, പിഗ്മി കളക്ഷൻസ്, എം ഡി എസ് എന്നിവ സ്വീകരിച്ച് തട്ടിപ്പ് നടത്തി.

2013 മുതൽ 2020 വരെ നിരവധി പേർക്ക് സൊസൈറ്റിയിൽ ജോലി വാഗ്ദാനം നൽകിയും എഫ് ഡി നിക്ഷേപങ്ങൾ സ്വീകരിച്ചും മൂന്നു മുതൽ ആറു മാസം വരെ ജോലിക്ക് നിയോഗിച്ചും ശമ്പളം കൊടുക്കാതെയും സൊസൈറ്റി രജിസ്ട്രാറുടെ മാനദണ്ഡങ്ങളൊന്നും പാലിക്കാതെയും നിക്ഷേപകരുടെ മൂന്നു കോടിയോളം രൂപ ചതിച്ചു അപഹരിച്ചെടുക്കുകയായിരുന്നു. ഫോർട്ട് പോലീസ് സ്റ്റേഷൻ ക്രൈം കേസിലെ മൂന്നാം പ്രതിയായ മുട്ടത്തറ വില്ലേജിൽ സോഡാ മുരളി എന്നുവിളിക്കുന്ന 61 വയസ്സുള്ള മുരളിയെ തിരുവനന്തപുരം സിറ്റി ബ്രാഞ്ച് അസിസ്റ്റൻറ് കമ്മീഷണർ ബി. അനിൽകുമാറിന്റെ നേതൃത്വത്തിൽ അറസ്റ്റ് ചെയ്തു.

അപകടകരമായ ഡിവൈഡർ മാറ്റണമെന്ന ആവശ്യം ഉന്നയിച്ചു കൊണ്ട് യൂത്ത് കോൺഗ്രസ് പ്രതിഷേധം നടത്തി

by Midhun HP News | Oct 21, 2022 | Latest News, കേരളം, ജില്ലാ വാർത്ത

ആലംകോട് – കല്ലമ്പലം ദേശീയപാതയിലെ അപകടകരമായ ഡിവൈഡർ മാറ്റണമെന്നാവശ്യപ്പെട്ടുകൊണ്ട് ഇന്നലെ രാത്രിയോടെ യൂത്ത് കോൺഗ്രസ് പ്രതിഷേധം നടത്തി. അശാസ്ത്രീയമായ ഡിവൈഡർ നിർമാണത്തിൽ നിരവധി വാഹനങ്ങളാണ് അപടത്തിൽപ്പെട്ടിട്ടുള്ളതെന്നും അടിയന്തരമായി ഇതിനൊരു പരിഹാരം കാണണമെന്നാവശ്യപ്പെട്ടുകൊണ്ടായിരുന്നു പ്രതിഷേധം.

“ജണ്ടർ ബഡ്ജറ്റിംഗ് പ്രോവിമൻ ട്രൈനിംഗ് പ്രോഗ്രാം ഇൻ റബർ ടാപ്പിംഗ്” എന്ന പദ്ധതിയുമായി പനപ്പാംകുന്ന് റബർ ബോർഡ്

by Midhun HP News | Oct 20, 2022 | Latest News, കേരളം, ജില്ലാ വാർത്ത

റബർ ബോർഡിന്റേയും പനപ്പാംകുന്ന്, പോങ്ങനാട് റബർ ഉൽപ്പാദക സംഘങ്ങളുടേയും സംയുക്ത ആഭിമുഖ്യത്തിൽ “ജണ്ടർ ബഡ്ജറ്റിംഗ് പ്രോവിമൻ ട്രൈനിംഗ് പ്രോഗ്രാം ഇൻ റബർ ടാപ്പിംഗ്” എന്ന പദ്ധതി പ്രകാരം നടത്തിയ എട്ടു ദിവസത്തെ റബർ ടാപ്പിംഗ് പരിശീലന ക്ലാസിന്റെ സമാപന സമ്മേളനവും സർട്ടിഫിക്കറ്റ് വിതരണവും പഠിതാക്കൾക്കുള്ള സൗജന്യ ടൂൾ കിറ്റ് വിതരണവും റബർ ബോർഡ് ഡെപ്യൂട്ടി പ്രൊഡക്ഷൻ കമ്മീഷണർ നിർമ്മലാ ജോർജ് നിർവഹിച്ചു.

കെ.വിജയൻ, ആർ പി എസ് പ്രസിഡന്റ് പി.രാമകൃഷ്ണക്കുറുപ്പ്, കിളിമാനൂർ ഫീൽഡ്
ഓഫീസർ ദീപസുകുമാർ, ടാപ്പിംങ് ഡെമോൺസ്ട്രേറ്റർ ആർ.എസ്. ബൈജു,
പി.കൃഷ്ണൻകുട്ടി നായർ, ബേബി ഗിരിജ, ജൂബിലി, ഉഷ എന്നിവർ പരിപാടിയിൽ സംസാരിച്ചു.

എൽദോസ് കുന്നപ്പിള്ളി എംഎൽഎയ്ക്ക് മുൻകൂർ ജാമ്യം ലഭിച്ചു

by Midhun HP News | Oct 20, 2022 | Latest News, കേരളം, ജില്ലാ വാർത്ത

കൊച്ചി:എൽദോസ് കുന്നപ്പിള്ളി എംഎൽഎക്ക് മുൻകൂർ ജാമ്യം ലഭിച്ചു. ഉപാധികളോടെയാണ് മുൻകൂർ ജാമ്യം. തിരുവനന്തപുരം അഡീഷണൽ സെഷൻസ് കോടതിയാണ് ജാമ്യം നൽകിയത്. എംഎൽഎ മറ്റന്നാൾ ഹാജരാകണമെന്നും ഉപാധി. ഫോണും പാസ്പോർട്ടും ഹാജരാക്കണമെന്നും ഉപാധിയുണ്ട്.

വക്കം ഗ്രാമ പഞ്ചായത്ത് ഭിന്നശേഷി കുട്ടികളുടെ കലാ കായികമേള സംഘടിപ്പിക്കുന്നു

by Midhun HP News | Oct 20, 2022 | Latest News, കേരളം, ജില്ലാ വാർത്ത

വനിത – ശിശുവികസന വകുപ്പിന്റെയും നേതൃത്വത്തിൽ വക്കം ഗ്രാമ പഞ്ചായത്ത് സംഘടിപ്പിക്കുന്ന ഭിന്നശേഷി കുട്ടികളുടെ കലാ കായികമേള ഒക്ടോബർ 22 ന്.
2022 ഒക്ടോബർ 22 ശനിയാഴ്ച രാവിലെ 9 മണിമുതൽ വക്കം ഗവ. ഹയർ സെക്കന്ററി സ്കൂളിൽ വച്ച് സംഘടിപ്പിക്കുന്ന കലാ കായികമേളയുടെ ഉദ്ഘാടനകർമ്മം വക്കം ഗ്രാമപഞ്ചായത്ത് പ്രസിഡന്റ് താജുനിസ നിർവഹിയ്ക്കും.

ചടങ്ങിൽ വക്കം ഗ്രാമ പഞ്ചായത്ത് വൈസ് പ്രസിഡന്റ് എൻ. ബിഷ്‌ണു അധ്യക്ഷത വഹിക്കും. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ അരുൺ സ്വാഗതവും വികസന സ്റ്റാൻഡിങ് കമ്മിറ്റി ചെയർപേഴ്സൺ ജൂലി, ബ്ലോക്ക്‌ പഞ്ചായത്ത് മെമ്പർ അജിത, വാർഡ് മെമ്പമാരായ നൗഷാദ്, നിഷാമോനി, ലാലി, സിന്ധു സുരേഷ്, ഗണേഷ്, ശാന്തമ്മ, ജയ, അശോകൻ, ഫൈസൽ, കെ എസ് ഷീബ, മീനു താഹിം തുടങ്ങിയവർ ആശംസകൾ അർപ്പിയ്ക്കും. തുടർന്ന് ഐസിഡിഎസ് സൂപ്പർവൈസർ ശ്രീജ എസ് എൻ കൃതജ്ഞത രേഖപെടുത്തും.

പ്രായപൂർത്തിയാകാത്ത പെൺകുട്ടിയ്ക്ക് പീഡനം; പ്രതി അറസ്റ്റിൽ

by Midhun HP News | Oct 20, 2022 | Latest News, കേരളം, ജില്ലാ വാർത്ത

പ്രായപൂർത്തിയാകാത്ത 17 വയസ്സ് മാത്രം പ്രായമുള്ള പെൺകുട്ടിയെ
ലൈംഗികമായി പീഡിപ്പിച്ച ചെമ്മരുതി വില്ലേജിൽ നടയറ, ശ്രീനിവാസപുരത്ത് ആഷിക് നിവാസിൽ ഷെഫിൻ ഷാ(27) ആണ് അയിരൂർ പോലീസിന്റെ പിടിയിലായത്. പ്രതി പെൺകുട്ടിയെ പരിചയപ്പെട്ട് ഇഷ്ടമാണെന്ന് പറഞ്ഞ് വിളിച്ചുവരുത്തി വിവാഹ വാഗ്ദാനം നൽകി പ്രതിയുടെ കാറിൽ കടത്തിക്കൊണ്ട് പോയി നടയറയിൽ നിന്നും
ഇടതുവശത്തുള്ള ശിവഗിരിയിലേക്ക് പോകുന്ന റോഡിൽ ആൾ താമസമില്ലാത്ത ഒരു വീട്ടിൽ വച്ച് ലൈംഗികമായി പീഡിപ്പിക്കുകയായിരുന്നു.

തുടർന്ന് അയിരൂർ പോലീസ് കേസ് രജിസ്റ്റർ ചെയ്ത് അന്വേഷണം നടത്തി വരവേ കഴിഞ്ഞ ദിവസം അയിരൂർ ജംഗ്ഷനിൽ വച്ച് പ്രതിയെ കണ്ടു പിടിക്കുകയും അറസ്റ്റ് ചെയ്യുകയും ചെയ്തു. അയിരൂർ ഇൻസ്പെക്ടർ എസ് എച്ച് ഓ ജയസനിലിൻറെ നേതൃത്വത്തിലുള്ള
അന്വേഷണ സംഘമാണ് പ്രതിയെ അറസ്റ്റ് ചെയ്തത്. അയിരൂർ സബ് ഇൻസ്പെക്ടർ സിയ എസ്, എ. എസ്. ഐമാരായ ഇതിഹാസ നായർ, സുനിൽകുമാർ, സി. പി. ഒ ശിവപ്രസാദ് തുടങ്ങിയവർ ചേർന്നാണ് അറസ്റ്റ് ചെയ്തത്.