കണ്ണൂരില്‍ നാലിടത്ത് ഇന്ന് ഹര്‍ത്താല്‍

by Midhun HP News | Oct 3, 2022 | Latest News, കേരളം, ജില്ലാ വാർത്ത

കണ്ണൂര്‍: അന്തരിച്ച കോടിയേരി ബാലകൃഷ്ണന്റെ സംസ്‌കാരം നടക്കുന്ന ഇന്ന് ആദരസൂചകമായി നാലിടത്ത് ഹര്‍ത്താല്‍ ആചരിക്കും. കണ്ണൂര്‍, തലശ്ശേരി, ധര്‍മ്മടം മണ്ഡലങ്ങളിലും, മാഹിയിലുമാണ് ഹര്‍ത്താല്‍ ആചരിക്കുക. വാഹനങ്ങളേയും ഹോട്ടലുകളേയും ഹര്‍ത്താല്‍ ബാധിക്കില്ല. ഇന്നു വൈകീട്ട് മൂന്നുമണിയ്ക്ക് പയ്യാമ്പലത്ത് ഔദ്യോഗിക ബഹുമതികളോടെയാണ് കോടിയേരി ബാലകൃഷ്ണന്റെ സംസ്‌കാരം നടക്കുക. മുന്‍ മുഖ്യമന്ത്രി ഇ കെ നായനാരുടെയും മുന്‍ സംസ്ഥാന സെക്രട്ടറി ചടയന്‍ ഗോവിന്ദന്റെയും കുടീരങ്ങള്‍ക്ക് നടുവിലായാണ് കോടിയേരിയടെ സംസ്‌കാരം. ഇവിടെ സ്മൃതിമണ്ഡപവും പണിയും.

സിപിഎം ജനറൽ സെക്രട്ടറി സീതാറാം യെച്ചൂരിയും പിബി അംഗങ്ങളും സംസ്കാര ചടങ്ങുകളിൽ പങ്കെടുക്കാൻ കണ്ണൂരിലെത്തും. സംസ്‌കാരത്തിന്‌ ശേഷം നടക്കുന്ന അനുശോചനയോഗത്തിൽ സീതാറാം യെച്ചൂരി, പ്രകാശ്‌ കാരാട്ട്‌, പിണറായി വിജയൻ, പാർടി സംസ്ഥാന സെക്രട്ടറി എം വി ഗോവിന്ദൻ ഉൾപ്പെടെയുള്ള നേതാക്കൾ പങ്കെടുക്കും.

ഗാന്ധിജയന്തി ദിനത്തില്‍ അനുസ്മരണം നടത്തി കോണ്‍ഗ്രസ് പെരുങ്ങുഴി

by Midhun HP News | Oct 2, 2022 | Latest News, കേരളം, ജില്ലാ വാർത്ത

ഗാന്ധി ജയന്തി ദിനത്തോടനുബന്ധിച്ചു കോൺഗ്രസ് പെരുങ്ങുഴി മണ്ഡലം കമ്മിറ്റിയുടെ നേതൃത്വത്തിൽ പെരുങ്ങുഴിയില്‍ പുഷ്പാർച്ചനയും, അനുസ്മരണവും നടന്നു.
കോണ്‍ഗ്രസ് മണ്ഡലം പ്രസിഡന്റ് സി.എച്ച്. സജീവ്, നേതാക്കളായ വി.കെ.ശശിധരന്‍, എ. ആര്‍. നിസാര്‍, എസ്. ജി. അനില്‍കുമാര്‍, എസ്. മധു, എം. കെ. ഷാജഹാന്‍, എം. ഷാബുജാന്‍, ജയാ സജിത്ത്, അനു വി നാഥ്, രാജന്‍ കൃഷ്ണപുരം, അബ്ദുല്‍ റഷീദ്, ചന്ദ്ര ബാബു, പ്രശോഭനന്‍ തുടങ്ങിയവര്‍ പങ്കെടുത്തു. മണ്ഡലത്തിലെ നാലുമുക്ക്, ഗാന്ധിസ്മാരകം, ചിലമ്പില്‍, കന്നുകാലിവനം എന്നിവിടങ്ങളില്‍ അനുസ്മരണ പരിപാടികള്‍ നടത്തി.

വഴിയോരങ്ങളിൽ പതിനായിരങ്ങൾ; കോടിയേരിയ്ക്ക് നാടിന്റെ അന്ത്യാഞ്ജലി

by Midhun HP News | Oct 2, 2022 | Latest News, കേരളം, ജില്ലാ വാർത്ത

അന്തരിച്ച സിപിഎം പോളിറ്റ് ബ്യൂറോ അംഗം കോടിയേരി ബാലകൃഷ്ണന് നാടിന്റെ ഹൃദയാഞ്ജലി. ചെന്നൈയിൽ നിന്ന് എത്തിച്ച ഭൗതികശരീരവും വഹിച്ചു കൊണ്ടുള്ള
വിലാപയാത്ര തലശേരിയിലേക്ക്. വഴിയോരങ്ങളിൽ പതിനായിരങ്ങളാണ്
കോടിയേരിക്ക് അന്തിമോപചാരം അർപ്പിക്കാൻ കാത്തു നിൽക്കുന്നത്.

കണ്ണൂർ വിമാനത്താവളത്തിൽ എത്തിച്ച മൃതദേഹം നേതാക്കൾ ഏറ്റുവാങ്ങി. മുഖ്യമന്ത്രി പിണറായി വിജയൻ, എൽഡിഎഫ് കൺവീനർ ഇ പി ജയരാജൻ, മുൻ പോളിറ്റ് ബ്യൂറോ അംഗം എസ് രാമചന്ദ്രൻ പിള്ള, മറ്റ് പ്രമുഖ നേതാക്കൾ മന്ത്രിമാർ എന്നിവരാണ് മൃതദേഹം ഏറ്റുവാങ്ങിയത്. കോടിയേരിക്ക് അന്തിമോപചാരം അർപ്പിക്കാനും സംസ്ക്കാര ചടങ്ങിൽ പങ്കെടുക്കാനും മുഖ്യമന്ത്രിയും കുടുംബാംഗങ്ങളും തലശ്ശേരിയിലേക്ക് തിരിച്ചു. കോടിയേരിയുടെ മൃതദേഹവും വഹിച്ചുകൊണ്ടുള്ള ആംബുലൻസും തലശ്ശേരിയിലേക്ക് തിരിച്ചു. സിപിഎം കേന്ദ്ര – സംസ്ഥാന നേതാക്കളും റെഡ് വോളന്റിയർമാരും പ്രവർത്തകരും അടങ്ങുന്ന വലിയ ജനാവലി ആംബുലൻസിനെ അനുഗമിക്കുന്നുണ്ട്. വിലാപയാത്ര കടന്നുപോകുന്ന പാതയുടെ ഇരുവശങ്ങളിലുമുള്ള ആളുകൾക്ക് കോടിയേരിയുടെ മൃതദേഹം പുറത്തുനിന്ന് കാണാവുന്ന രീതിയിലാണ് ആംബുലൻസ് ക്രമീകരിച്ചിട്ടുള്ളത്.

തലശ്ശേരിയിൽ ടൗൺ ഹാളിൽ പൊതുദർശനത്തിന് വയ്ക്കുന്നതിന് മുൻപ് 14 കേന്ദ്രങ്ങളിൽ ആംബുലൻസ് നിർത്തും. മട്ടന്നൂർ ടൗൺ, നെല്ലൂന്നി, ഉരുവച്ചാൽ, നീർവേലി, മൂന്നാംപിടിക, തൊക്കിലങ്ങാടി, കൂത്തുപറമ്പ്, പൂക്കോട്, കോട്ടയംപൊയിൽ, ആറാം മൈൽ, വേറ്റുമ്മൽ, കതിരൂർ, പൊന്ന്യം സ്രാമ്പി, ചുങ്കം എന്നിവിടങ്ങളിലാണ് വിലാപയാത്ര നിർത്തുക.

വിവിധ കലാ മത്സരങ്ങളോടെ കെ.റ്റി.സി.റ്റി നബിദിനാചരണം

by Midhun HP News | Oct 2, 2022 | Latest News, കേരളം, ജില്ലാ വാർത്ത

കെ.റ്റി.സി.റ്റി.യുടെ നബിദിനാചരണ പരിപാടികളുടെ ഭാഗമായി താഴെപ്പറയുന്ന മാപ്പിളകലകളുടെ മത്സരം 08-10-2022 ശനിയാഴ്ച കടുവപ്പള്ളി അങ്കണത്തിൽ സംഘടി പിച്ചിരിക്കുന്നു. പങ്കെടുക്കാനാഗ്രഹിക്കുന്നവർ താഴെ സൂചിപ്പിച്ചിട്ടുള്ള ഫോൺ നമ്പ മുകളിലോ, ഈ മെയിലിലോ ബന്ധപ്പെടേണ്ടതാണ്.

mob: 9447015133, 7558846305

Email: ktctnews@gmail.com

ജില്ലാതല മാപ്പിളപ്പാട്ട് മത്സരം (തിരുവനന്തപുരം, കൊല്ലം ജില്ലകൾ)

10 വയസ്സു മുതൽ 17 വയസ്സു വരെയുള്ള കുട്ടികൾക്ക് ജൂനിയർ വിഭാഗത്തിലും, 18 മുതൽ 25 വയസ്സുവരെയുള്ളവർക്ക് സീനിയർ വിഭാഗത്തിലും മത്സരിക്കാവുന്നതാണ്. ആൺകുട്ടികൾക്കും പെൺകുട്ടികൾക്കും പ്രത്യേകം മത്സരങ്ങൾ ഉണ്ടായിരിക്കുന്നതല്ല. 2022 ഒക്ടോബർ 8 ശനിയാഴ്ച പകൽ 2.30 മുതൽ മത്സരങ്ങൾ ആരംഭിക്കുന്നു. ഒന്നാം സമ്മാനമായി 5000 രൂപയും, രണ്ടാം സമ്മാനമായി 3000 രൂപയും, മൂന്നാം സമ്മാനമായി 1000 രൂപയും സർട്ടിഫിക്കറ്റുകളും ട്രോഫികളും ജൂനിയർ സീനിയർ വിഭാഗങ്ങളിൽ പ്രത്യേകം നൽകപ്പെടുന്നതാണ്.

ജില്ലാതല കോൽക്കളി മത്സരം (തിരുവനന്തപുരം, കൊല്ലം ജില്ലകൾ)

20 വയസ്സുവരെ പ്രായമുള്ളവർക്ക് മത്സരത്തിൽ പങ്കെടുക്കാവുന്നതാണ്. ഒന്നാം സമ്മാനമായി 10,000 രൂപയും രണ്ടാം സമ്മാനമായി 6000 രൂപയും, മൂന്നാം സമ്മാനമായി 3000 രൂപയും സർട്ടിഫിക്കറ്റുകളും ട്രോഫികളും നൽകപ്പെടുന്നതാണ് 2022 ഒക്ടോ ബർ 8 ശനിയാഴ്ച വൈകുന്നേരം 5.00 മണി മുതൽ മത്സങ്ങൾ ആരംഭിക്കുന്നു.

ജില്ലാ തല ദഫ്മുട്ട് മത്സരം (തിരുവനന്തപുരം, കൊല്ലം ജില്ലകൾ)

2022 ഒക്ടോബർ 8 ശനിയാഴ്ച വൈകുന്നേരം 7.00 മണി മുതൽ ആരംഭിക്കുന്നു. 18 വയസ്സിൽ താഴെയുള്ളവർ പങ്കെടുക്കുന്ന ഈ മത്സരത്തിൽ ഒന്നാം സമ്മാനമായി 10,000 രൂപയും, രണ്ടാം സമ്മാനമായി 6000 രൂപയും, മൂന്നാം സമ്മാനമായി 3000 രൂപയും പ്രോത്സാഹനസമ്മാനങ്ങളും സർട്ടിഫിക്കറ്റുകളും നൽകപ്പെടും.

കെപിഎസ്ടിഎ കിളിമാനൂർ ഉപജില്ല സ്വദേശ് മെഗാ ക്വിസ്

by Midhun HP News | Oct 2, 2022 | Latest News, കേരളം, ജില്ലാ വാർത്ത

വിദ്യാർത്ഥികൾക്കിടയിൽ ദേശീയബോധവും സ്വാതന്ത്ര്യ സമരത്തെ കുറിച്ചുള്ള അവബോധവും വളർത്തുന്നതിന് കെ പി എസ് ടി എ അക്കാദമിക് കൗൺസിൽ സംഘടിപ്പിക്കുന്ന സ്വദേശ് മെഗാ ക്വിസ് 2022 മത്സരം കിളിമാനൂർ ഗവൺമെന്റ് ഹയർ സെക്കൻഡറി സ്കൂളിൽ വച്ച് നടന്നു. എൽപി, യുപി, എച്ച്എസ്, എച്ച്എസ്എസ് വിഭാഗങ്ങളായി മത്സരം നടന്നു.

മത്സരഫലങ്ങൾ- എൽപി വിഭാഗം

ഒന്നാം സ്ഥാനം: ദക്ഷിത് എ. ആർ ഗവൺമെന്റ് എൽപിഎസ് മടവൂർ

രണ്ടാം സ്ഥാനം: അതുൽ.എസ് ഗവൺമെന്റ് എൽപിഎസ് പകൽകുറി

യുപി വിഭാഗം-

ഒന്നാം സ്ഥാനം: ആദർശ് പി.ആർ ഗവൺമെന്റ് യുപിഎസ് കിളിമാനൂർ

രണ്ടാം സ്ഥാനം: സൂര്യ.സി.ജയകാന്ത്, പി വി യു പി എസ് പുതു മംഗലം

ഹൈസ്കൂൾ വിഭാഗം

ഒന്നാം സ്ഥാനം: അനന്യ പി.എസ് എൻഎസ്എസ് എച്ച്എസ്എസ് മടവൂർ

രണ്ടാം സ്ഥാനം: അഖിലേഷ് എ. എസ് കെ വി എച്ച് എസ് കടമ്പാട്ടുകോണം

ഗാന്ധി ജയന്തി ദിനാനുസ്മരണം നടത്തി ഇന്ത്യൻ നാഷണൽ കോൺഗ്രസ്‌ കിഴുവിലം മണ്ഡലം മൂന്നാം വാർഡ് കമ്മിറ്റി

by Midhun HP News | Oct 2, 2022 | Latest News, കേരളം, ജില്ലാ വാർത്ത

ഇന്ത്യൻ നാഷണൽ കോൺഗ്രസ്‌ കിഴുവിലം മണ്ഡലം മൂന്നാം വാർഡ് (കാട്ടുംപുറം) കമ്മിറ്റി ഗാന്ധി ജയന്തി ദിനത്തിൽ ഗാന്ധി അനുസ്മരണം നടത്തി. ഗാന്ധി ചിത്രത്തിൽ പുഷ്പാർച്ചനയും ഗാന്ധി അനുസ്മരണ പ്രഭാഷണവും നടത്തി. വാർഡ് പ്രസിഡന്റ് ദേവരാജൻ, സെക്രട്ടറി ജതീഷ്, ഗാന്ധി ദർശൻ വേദി തിരുവനന്തപുരം ജില്ലാ വൈസ് ചെയർമാൻ പി. ജി. പ്രദീപ്‌, യുവജന ഗാന്ധി ദർശൻ വേദി തിരുവനന്തപുരം ജില്ലാ കൺവീനർ ജിഷ്ണു. ജെ. എൻ എന്നിവർ പങ്കെടുത്തു.