വിദ്യാരംഗം കലാ സാഹിത്യ വേദി ആറ്റിങ്ങൽ ഉപജില്ല ഭാഷ സെമിനാർ സംഘടിപ്പിച്ചു

by Midhun HP News | Sep 29, 2022 | Latest News, കേരളം, ജില്ലാ വാർത്ത

വിദ്യാരംഗം കലാ സാഹിത്യ വേദി ആറ്റിങ്ങൽ ഉപജില്ല വിദ്യാർഥികൾക്കു വേണ്ടി ഭാഷ സെമിനാർ സംഘടിപ്പിച്ചു. വിദ്യാഭാസ ജില്ല കോ-ഓർഡിനേറ്റർ വി.ഹരികുമാറിൻ്റെ അധ്യക്ഷതയിൽ ആറ്റിങ്ങൽ എ ഇ ഒ വിജയകുമാരൻ നമ്പൂതിരി ഉദ്ഘാടനം നിർവഹിച്ചു. ആറ്റിങ്ങൽ ഉപജില്ല – കോ- ഓർഡിനേറ്റർ കുമാരി ഷിലു ആർ.സ്വാഗതം പറഞ്ഞു. ബി പി ഒ സജി ആശംസ നേർന്നു. പ്രശസ്ത ബാലസാഹിത്യകാരൻ ഉണ്ണി അമ്മയമ്പലം വിഷയാവതരണം നടത്തി. ‘കുട്ടികളുടെ സാഹിത്യം കുട്ടികളുടെ കാഴ്ചപ്പാടിൽ’ എന്നതായിരുന്നു വിഷയം. ഐ സി ടി സാധ്യതകൾ ഉപയോഗിച്ച്, കുട്ടികൾ അവതരിപ്പിച്ച പ്രബന്ധങ്ങൾ നല്ല നിലവാരം പുലർത്തി.

കുട്ടികളുടെ മനസ്സ് ഭാവനാ സമ്പന്നമാണെന്നും, അതിൽ എന്തും വിളയുമെന്നും ഉദാഹരണങ്ങൾ സമർഥിച്ച്, വിദ്യാർഥികൾ പറഞ്ഞു. എന്നാൽ കുട്ടികളുടെ എഴുത്തിൽ മുതിർന്നവരുടെ ഇടപെടൽ കൂടി വേണമെന്നും അവർ പറഞ്ഞു. തുടർന്ന് പ്രബന്ധം അവതരിപ്പിക്കുമ്പോൾ സവിശേഷ ശ്രദ്ധ പതിക്കേണ്ട മേഖല വിശദമാക്കി ബാലസാഹിത്യകാരൻ സംസാരിച്ചു. ചടങ്ങിന് ശാരിക ടീച്ചർ നന്ദിയറിയിച്ചു. ഉപജില്ലയിൽ നിന്നും 9പ്രബന്ധങ്ങളാണ് അവതരിപ്പിക്കപ്പെട്ടത്. ഏറ്റവും മികച്ച പ്രബന്ധമായി തെരഞ്ഞെടുത്തത്: ജി.എച്ച്.എസ്.എസ്. ഇളമ്പയിലെ ആദ്യ സുമൻ്റെതാണ്. ഈ കുട്ടി ജില്ലാ സെമിനാറിൽ പങ്കെടുക്കുo. ഉപജില്ലയിൽ പ്രബന്ധാവതരണം നടത്തിയ എല്ലാ കുട്ടികൾക്കും സർട്ടിഫിക്കറ്റ് നൽകി.

ചിറയിൻകീഴ് ഡീസന്റ്മുക്കിന്റെ ചരിത്രത്തിലെ വൻ ആഘോഷമായി വടം വലി മാമാങ്കം

by Midhun HP News | Sep 29, 2022 | Latest News, കേരളം, ജില്ലാ വാർത്ത

വിന്നേഴ്സ് ആർട്സ് & സ്പോർട്സ് ക്ലബിന്റെ വാർഷികത്തിൽ നടന്ന വടം വലി മത്സരം വൻ ജനാവലിയോടെ ആരവങ്ങൾ ഉയർത്തി നാടിന്റെ ആഘോഷമായി മാറി. 12 ടീമുകൾ അണിനിരന്ന മാമാങ്കം, ചിറയിൻകീഴ് പോലീസ് ഇൻസ്‌പെക്ടർ ഷാലു ഉദ്ഘാടനം ചെയ്തു. ഹെർകുലീസ് വെമ്പായമാണ് ജേതാക്കൾ. ഒന്നാം സമ്മാനമായ 8001 രൂപയും ട്രോഫിയും ഇൻസ്‌പെക്ടർ ഷാലു വിജയികൾക്ക് കൈമാറുകയും ചെയ്തു. 15 ആം വാർഡ് മെമ്പർ സലീന റഫീഖ് ആശംസ അറിയിച്ചു. രണ്ടാം സമ്മാനം 4001 രൂപയും ട്രോഫിയും കൈമാറി, ആഘോഷ കമ്മിറ്റി പ്രസിഡന്റ് മുഹമ്മദ്‌ നിജ ചിറയിൻകീഴ് 3rd പ്രൈസ് 3001 രൂപയും ട്രോഫിയും കൈമാറി, കമ്മറ്റി സെക്രട്ടറി ഫിറോസ് പൂമങ്കലം 4rth പ്രൈസ് 2001 രൂപയും ട്രോഫിയും കൈമാറി, 1000 രൂപ വെച്ച് 5മുതൽ 8വരെയുള്ള സമ്മാനം കമ്മറ്റി അംഗങ്ങളായ ഷാഹിദ് – നൗഷാർ ബാൻ – ഉമർ – ഷിറാസ് എന്നിവർ കൈമാറി.

9:30 നു ആരംഭിച്ച മത്സരം 12:30 മണിയോടെ സമാപിച്ചു. ആൾ കേരള വടം വലി അസോസിയേഷൻ ധർമരാജ് വെഞ്ഞാറമൂടിന്റെ നേതൃത്വത്തിലാണ് മത്സരം നടന്നത്.

ആറ്റിങ്ങലിൽ ഡയറ്റ് സ്കൂളിന് മുന്നിൽ കാറിനു തീപിടിച്ചു

by Midhun HP News | Sep 29, 2022 | Latest News, കേരളം, ജില്ലാ വാർത്ത

ആറ്റിങ്ങൽ: ആറ്റിങ്ങലിൽ ഡയറ്റ് സ്കൂളിന് മുന്നിൽ കാറിനു തീപിടിച്ചു. നിർത്തിയിട്ടിരിയുന്ന കാറിനാണ് തീപിടിച്ചത്. തച്ചൂർകുന്ന്, ശ്രീവിനായകത്തിൽ അരുണും കുടുംബവും സഞ്ചരിച്ച കാർ ആണ് കത്തിയത്. അരുൺ ബി ടി എസ്സ് റോഡിൽ വണ്ടി ഒതുക്കിയിട്ട് കടയിൽ സാധനം വാങ്ങാൻ പോയ സമയത്തായിരുന്നു സംഭവം. ആദ്യം കാറിൽ നിന്നും ഒരു സ്മെല് വരുകയും ചെറുതായിട്ട് പുകയും വരുന്നുണ്ടായിരുന്നു. ഇതു ശ്രദ്ധയിൽ പെട്ട് കാറിലാണ്ടായിരുന്ന കുഞ്ഞടക്കം മൂന്നുപേർ ഇറങ്ങി ഓടുകയായിരുന്നു. അപ്പോഴേയ്കും കാറിൽ തീ ആളി കത്തി. നാട്ടുകാർ ഓടികൊടുകയും ഉടൻ ഫയർ ഫോഴ്‌സിനെ വിവരമറിയിക്കുകയും ഫയർ ഫോഴ്‌സെത്തി സമയ ബന്ധിതമായി അഗ്നി ശമനം നടത്തുകയും ചെയ്തു. ആർക്കും പരിക്ക് ഇല്ല. 500 ൽ അധികം കുട്ടികൾ പഠിക്കുന്ന സ്കൂളിന് മുന്നിലാണ് കാർ കത്തിയത്. ആറ്റിങ്ങൽ ഫയർ ഫോഴ്‌സിന്റെയും നാട്ടുകാരുടെയും സമയോചിതമായ ഇടപെടൽ മൂലം വൻ അപകടമാണ് ഒഴിവായത്.

പത്താം ക്ലാസ് വിദ്യാർത്ഥിനിയുടെ ബാഗിൽ മൂർഖൻ പാമ്പ്

by Midhun HP News | Sep 29, 2022 | Latest News, കേരളം, ജില്ലാ വാർത്ത

ഭോപ്പാൽ: പത്താം ക്ലാസ് വിദ്യാർത്ഥിനിയുടെ ബാഗിൽ നിന്ന് മൂർഖൻ പാമ്പിനെ കണ്ടെത്തുന്ന വീഡിയോ സമൂഹമാദ്ധ്യമങ്ങളിൽ വൈറലാകുന്നു. മദ്ധ്യപ്രദേശിൽ ഷാജാപൂരിലെ ബഡോണി സ്‌കൂളിലാണ് സംഭവം. സ്‌കൂളിലെ അദ്ധ്യാപകനാണ് പാമ്പിനെ ബാഗിൽ നിന്ന് കണ്ടെത്തുന്നത്. പത്താം ക്ലാസ് വിദ്യാർത്ഥിയായ ഉമാ രാജാക്കിന്റെ ബാഗിനുള്ളിലാണ് മൂർഖൻ കയറിയത്.

ബാഗിനുള്ളിൽ എന്തോ അനങ്ങുന്നത് ശ്രദ്ധയിൽ പെട്ട വിദ്യാർത്ഥിനിയാണ് കാര്യം അദ്ധ്യാപകരെ അറിയിക്കുന്നത്. ഉടനെ തന്നെ അദ്ധ്യാപകൻ ബാഗെടുത്ത് പുറത്ത് വച്ചു. ഇതിന് ശേഷം ബാഗ് തുറന്ന് പരിശോധിക്കുന്നത് ദൃശ്യങ്ങളിൽ കാണാം. ബാഗ് തുറക്കുമ്പോഴും ഇതിനുള്ളിൽ നിന്ന് ഒന്നും പുറത്ത് വരുന്നില്ല.

ആറ്റിങ്ങലിൽ തൊഴിൽമേള സംഘടിപ്പിക്കുന്നു

by Midhun HP News | Sep 29, 2022 | Latest News, കേരളം, ജില്ലാ വാർത്ത

ആറ്റിങ്ങൽ തൊഴിൽ രഹിതരില്ലാത്ത കേരളം പദ്ധതിയുടെ ഭാഗമായി ആറ്റിങ്ങൽ പോളിടെക്നിക് ഒക്ടോബർ ഒന്നിന് മെഗാ ജോബ്ഫെയർ സംഘടിപ്പിക്കുന്നു.
75 – ലധികം സ്ഥാപനങ്ങൾ പങ്കെടുക്കുന്ന തൊഴിൽ മേളയിലൂടെ മൂവായിരത്തിൽപ്പരം തൊഴിലവസരങ്ങളാണ് ലഭിക്കുന്നത്. രാവിലെ 9 മണി മുതലാണ് രജിസ്ട്രേഷൻ.
കൂടുതൽ വിവരങ്ങൾക്ക് താഴെ കാണുന്ന നമ്പറിൽ ബന്ധപ്പെടുക.
mob: 9656965692

വർഷങ്ങൾ പഴക്കമുള്ള പുരാവസ്തു ശേഖരം കണ്ടെത്തി

by Midhun HP News | Sep 29, 2022 | Latest News, കേരളം, ജില്ലാ വാർത്ത

വർഷങ്ങൾ പഴക്കമുള്ള പുരാവസ്തു ശേഖരം കണ്ടെത്തി. മദ്ധ്യപ്രദേശിലെ ബാന്ധവ്ഗഡിൽ നിന്നും പുരാതന ഗുഹകളുടെയും ക്ഷേത്രങ്ങളുടെയും ബുദ്ധമത നിർമിതികളുടെ അവശിഷ്ടങ്ങളും കണ്ടെടുത്തതായി ആർക്കിയോളജിക്കൽ സർവേ ഓഫ് ഇന്ത്യ അറിയിയച്ചു. മഥുര, കൗശാംബി തുടങ്ങിയ നഗരങ്ങളുടെ പേരുള്ള ലിഖിതങ്ങളും കണ്ടെടുത്തിട്ടുണ്ട്. പഴയ ലിപിയിലാണ് ഇവ അടയാളപ്പെടുത്തിയിരിക്കുന്നത്. പ്രധാന രാജാക്കന്മാരുടെ പേരുകൾ മഹാരാജ ശ്രീ ഭീംസേനൻ, മഹാരാജ പൊട്ടാസിരി, മഹാരാജ ഭട്ടദേവ എന്നിവയാണ് പഴയ ലിഖിതങ്ങളിൽ പരാമർശിച്ചിരിക്കുന്നത്.

നിലവിൽ ഇതുവരെ 35 ക്ഷേത്രങ്ങൾ പുരാവസ്തു പട്ടികയിൽ രേഖപ്പെടുത്തിയിട്ടുണ്ടെന്ന് എഎസ്‌ഐ ഉദ്യോഗസ്ഥർ പറഞ്ഞു. ഗുഹകളിൽ 26 എണ്ണം പുതുതായി രേഖപ്പെടുത്തിയവയാണ്. ബിസി രണ്ടാം നൂറ്റാണ്ട് മുതൽ എഡി അഞ്ചാം നൂറ്റാണ്ട് വരെയുള്ള കാലയളവിലെയും ഭൂരിഭാഗവും ബുദ്ധമത സ്വഭാവമുള്ളവയുമാണ് രേഖപ്പെടുത്തിയ ക്ഷേത്രങ്ങൾ. 50 എണ്ണം നേരത്തെ റിപ്പോർട്ട് ചെയ്തിരുന്നു.
1938-ന് ശേഷം ആദ്യമായാണ് പ്രദേശത്ത് ഒരു മാസത്തിലേറെ നീണ്ട പര്യവേഷണം നടത്തുന്നത്.

ബാന്ധവ്ഗഡ് കടുവ സങ്കേതത്തിന്റെ 170 കിലോമീറ്റർ ചുറ്റളവിൽ നടത്തിയ പരിശോധനയിലാണ് പുരാവസ്തുക്കൾ കണ്ടെത്തിയത്. പര്യവേഷണത്തിൽ നിരവധി പുരാതന ശിൽപങ്ങളും കണ്ടെടുത്തു. വിഷ്ണുവിന്റെ വിവിധ അവതാരങ്ങളായ വരാഹ, മത്സ്യം എന്നിവയുടെ ശിൽപങ്ങളും പ്രകൃതിദത്ത ഗുഹകളിൽ നിർമ്മിച്ച ബോർഡ് ഗെയിമുകൾ എന്നിവ കണ്ടെടുത്തവയിൽ ഉൾപ്പെടുന്നു.