by Midhun HP News | Aug 16, 2022 | Latest News, കേരളം, ജില്ലാ വാർത്ത
പുന്നയൂര്‍കുളത്ത് പ്ലസ് ടുവിദ്യാര്‍ഥിനിയെ അച്ഛന്റെ മൂന്ന് സുഹൃത്തുക്കള്‍ ചേര്‍ന്ന് ബലാത്സംഗം ചെയ്തു. സംഭവവുമായി ബന്ധപ്പെട്ട് ഒരാളെ അറസ്റ്റുചെയ്തതായി പൊലീസ് അറിയിച്ചു. ഒളിവില്‍ പോയ മറ്റ് രണ്ട് പ്രതികള്‍ക്കായി തിരച്ചില്‍ ഊര്‍ജിതമാക്കിയതായും പൊലീസ് പറഞ്ഞു.
പൊന്നാനിയിലെ എയ്ഡഡ് സ്കൂളില് പഠിക്കുന്ന ഹയര്‍സെക്കന്‍ഡറി വിദ്യാര്‍ഥിനിയാണ് ക്രൂരപീഡനത്തിന് ഇരയായത്. വീട്ടില്‍ വച്ചും ട്യൂഷന്‍ സെന്ററില്‍ വച്ചുമാണ് ഇവര്‍ പീഡിപ്പിച്ചത്. രണ്ടുമാസം മുന്‍പാണ് സംഭവം നടന്നത്. ബലാത്സംഗത്തിനിരയായ വിവരം പെണ്‍കുട്ടി അമ്മയോട് പറഞ്ഞിരുന്നു. എന്നാല്‍ പൊലീസില്‍ പരാതി നല്‍കുകയോ മറ്റ് നടപടികളോ ഒന്നുമുണ്ടായില്ല.
കുട്ടിയുടെ പെരുമാറ്റത്തിലെ മാറ്റങ്ങള്‍ കണ്ട് അധ്യാപകരാണ് ചൈല്‍ഡ് ലൈന്‍ അധികൃതരെ വിവരം അറിയിച്ചത്. ഇവര്‍ നടത്തിയ കൗണ്‍സിലിങ്ങിലാണ് വിവരങ്ങള്‍ പെണ്‍കുട്ടി തുറന്നുപറഞ്ഞത്. ആഗസ്റ്റ് ഒന്‍പതിന് അച്ഛനും അമ്മയും ഇല്ലാത്ത സമയത്ത് വീട്ടിലെത്തിയ സുഹൃത്തുക്കള്‍ കൂട്ടമായി ചേര്‍ന്ന് കൈകള്‍ കെട്ടിയിട്ട് പീഡിപ്പിക്കുകയായിരുന്നു. മെയ് മാസത്തിലും ഇതേ ആളുകള്‍ ട്യൂഷന്‍ സെന്ററിലെത്തി പീഡിപ്പിച്ചതായും പെണ്‍കുട്ടി പറഞ്ഞു. ചൈല്‍ഡ് ലൈന്‍ പ്രവര്‍ത്തകര്‍ ഇക്കാര്യം പൊലീസില്‍ അറിയിക്കുകയായിരുന്നു.
പെണ്‍കുട്ടിയെ ഷെല്‍ട്ടര്‍ ഹോമിലേക്ക് മാറ്റിയതായി പൊലീസ് അറിയിച്ചു. വൈദ്യപരിശോധനയില്‍ പെണ്‍കുട്ടി പീഡനത്തിന് ഇരയായതായി തിരിച്ചറിഞ്ഞിട്ടുണ്ട്. പെണ്‍കുട്ടിയുടെ മാതാവും പിതാവും കഞ്ചാവ് വില്‍പ്പനയ്ക്ക് പലതവണ അറസ്റ്റിലായവരാണ്. ഇവരില്‍ നിന്ന് കഞ്ചാവ് വാങ്ങാനെത്തിയവരാണ് പീഡനത്തിന് ഇരയാക്കിയത്.
by Midhun HP News | Aug 16, 2022 | Latest News, കേരളം, ജില്ലാ വാർത്ത
ജമ്മു കശ്മീരിലെ പഹല്‍ഹാമില്‍ സൈനിക ബസ് കൊക്കയിലേക്ക് മറിഞ്ഞ് ആറു ജവാന്മാര് മരിച്ചു. ഇന്‍ഡോ ടിബറ്റന്‍ ബോര്‍ഡര്‍ പൊലീസ് (ഐടിബിപി) സേനാംഗങ്ങളാണ് മരിച്ചത്. അപകടത്തില്‍ നിരവധി പേര്‍ക്ക് പരിക്കേറ്റിട്ടുണ്ട്.
പരിക്കേറ്റവരെ കശ്മീരിലെ സൈനിക ആശുപത്രിയില്‍ പ്രവേശിപ്പിച്ചു. സൈനിക ബസില്‍ 37 ഐടിബിപി ജവാന്മാരും രണ്ട് ജമ്മുകശ്മീര്‍ പൊലീസ് സേനാംഗങ്ങളുമാണ് ഉണ്ടായിരുന്നത്. ചന്ദന്‍വാരിയില്‍ ബസ് നിയന്ത്രണം വിട്ട് നദിയിലേക്ക് മറിയുകയായിരുന്നുവെന്ന് പൊലീസ് അറിയിച്ചു.
അമര്‍നാഥ് യാത്രയുടെ സുരക്ഷാ ഡ്യൂട്ടി കഴിഞ്ഞ് മടങ്ങിയവരാണ് അപകടത്തില്‍പ്പെട്ടത്. വാഹനം 100 അടി താഴ്ചയിലേക്ക് മറിയുകയായിരുന്നു. ബ്രേക്ക് തകരാറിലായതാണ് അപകടകാരണമെന്നാണ് പ്രാഥമിക റിപ്പോര്‍ട്ട്.
by Midhun HP News | Aug 16, 2022 | Latest News, കേരളം, ജില്ലാ വാർത്ത
ആസാദി കാ അമൃതോൽ സവത്തിന്റെ ഭാഗമായി ആറ്റിങ്ങലിൽ ജീവിച്ചിരിക്കുന്ന ധീര ജവാൻ മാരിൽ ഒരാളായ അർജുനനെ ബി.ജെ.പി. തോട്ട വാരo ബൂത്തു കമ്മിറ്റി ആദരിച്ചു. ബി.ജെ.പി. മണ്ഡലം വൈസ് പ്രസിഡന്റ് അജിത് പ്രസാദ്, കൗൺസിലർ ഷീല, ബൂത്ത് പ്രസിഡന്റ് രാമൻകുട്ടി നായർ, ഈസ്റ്റ് മേഖലാ പ്രസിഡന്റ് ജീവൻ ലാൽ തുടങ്ങിയവർ പങ്കെടുത്തു.
by Midhun HP News | Aug 16, 2022 | Latest News, കേരളം, ജില്ലാ വാർത്ത
സ്വാതന്ത്ര്യത്തിന്‍റെ 75 വാര്‍ഷികം തോന്നയ്ക്കല്‍ ഗവ: ഹയര്‍സെക്കന്‍ഡറി സ്കൂള്‍ വിപുലമായ പരിപാടികളോടെ ആഘോഷിച്ചു. സ്കൂള്‍ അങ്കണത്തില്‍ പ്രധാന അധ്യാപകന്‍ സുജിത്ത്.എസ് ദേശീയ പതാക ഉയര്‍ത്തി. തുടര്‍ന്ന് നടന്ന വര്‍ണാഭമായ ഘോഷയാത്രയില്‍ NCC, SPC, NSS, JRC വിവിധ ക്ലബ്ബുകള്‍ എന്നിവയുടെ നേതൃത്വത്തില്‍ വൈവിധ്യമാര്‍ന്ന നൃത്തവും പരിപാടികളും നടന്നു. അക്ഷരാര്‍ത്ഥത്തില്‍ നാടിനെ ഇളക്കിമറിച്ച ഒന്നായിരുന്നു ഘോഷയാത്ര. ഘോഷയാത്ര വേങ്ങോട് ജംഗ്ഷനിലെത്തി തിരികെ സ്കൂളില് പ്രവേശിക്കുകയായിരുന്നു. വാര്‍ഡ് മെമ്പര്‍ തോന്നയ്ക്കല്‍ രവി, സ്കൂള്‍ എച്ച്.എം സുജിത്ത്. എസ്, മുദാക്കല്‍ പഞ്ചായത്ത് മെമ്പര്‍ സുചേതകുമാര്‍, സീനിയര്‍ അസിസ്റ്റന്‍റ്റ് തങ്കമണി ടീച്ചര്‍, സ്റ്റാഫ് സെക്രട്ടറി സന്തോഷ്തോന്നയ്ക്കല്‍ ഘോഷയാത്ര കണ്‍വീനര്‍ ഷഫീക്ക് സാര്‍, എസ്.ആര്‍.ജി.കണ്‍വീനര്‍ ജ്യോതിലാല്‍, ഷാജി.എ, ജാസ്മിന്‍.എച്ച്.എ, ജിതേന്ദ്രനാഥ് സാര്‍ എന്നിവര്‍ ഘോഷയാത്രയ്ക്ക് നേതൃത്വം നല്‍കി. തുടര്‍ന്ന് സ്കൂളില് കുട്ടികളുടെ കലാപരിപാടികള്‍ നടന്നു.
by Midhun HP News | Aug 15, 2022 | Latest News, കേരളം, ജില്ലാ വാർത്ത
ഇന്ത്യൻ സ്വാതന്ത്യത്തിന്റെ എഴുപത്തഞ്ചാം വാർഷികത്തിൽ “അറിവിലൂടെ സ്വാതന്ത്ര്യം” എന്ന മുദ്രാവാക്യം ഉയർത്തിപ്പിടിച്ചു കൊണ്ട്
പുസ്തകങ്ങൾ ലൈബ്രറിയ്ക്ക് സംഭരിച്ച് നൽകുന്ന ബാലസംഘം കടയ്ക്കാവൂർ മേഖലയുടെ പരിപാടിയ്ക്ക് കല്ലൂർക്കോണം യൂണിറ്റിൽ തുടക്കമായി. CPIM ലോക്കൽ കമ്മിറ്റിയംഗം സുധീന്ദ്രൻ , യൂണിറ്റ് മുഖ്യരക്ഷാധികാരി നസീർ , ബാലസംഘം മേഖലാ കൺവീനർ രാഹുൽ പി, യൂണിറ്റ് രക്ഷാധികാരി മുഹമ്മദ് ആഷിക് എന്നിവർ ചടങ്ങിൽ സംബന്ധിച്ചു. ബാലസംഘം കല്ലൂർക്കോണം യൂണിറ്റ് വൈസ് പ്രസിഡന്റുമാരായ അഭിജിത്ത് , മഹിമ എന്നിവർ പുസ്തകങ്ങൾ കല്ലൂർക്കോണം EMS ഗ്രന്ഥശാല ലൈബ്രേറിയ ഷീജയ്ക്ക് കൈമാറി. യൂണിറ്റംഗങ്ങളായ വരലക്ഷ്മി, വിഷ്ണുപ്രിയ, സീപേൾ , അൻവർ , ആദിൽ, മിഥുൻ, അമൽജിത്ത്, ഗൗതം ഇവർ സന്നിഹിതരായിരുന്നു. ശേഷം കുട്ടികൾ ലൈബ്രേറിയിൽ മെമ്പർഷിപ്പ് എടുക്കുകയുണ്ടായി.
by Midhun HP News | Aug 15, 2022 | Latest News, കേരളം, ജില്ലാ വാർത്ത
ആസാദി കാ അമൃത് മഹോത്സവത്തിന്റെ എഴുപത്തിഅഞ്ചാം വാർഷിക വേളയിൽ ഒരു സ്വാതന്ത്ര്യ പുലരി കൂടി പിറന്നിരിക്കുന്നു. സ്വാതന്ത്ര്യ ദിനാഘോഷ പരിപാടികൾ SS ക്ലബ്‌ ന്റെ ആഭിമുഖ്യത്തിൽ വിപുലമായി ആഘോഷിച്ചു. ഹെഡ്മിസ്ട്രെസ് ശ്രീമതി ബിനു ഷെറിന ടീച്ചർ സ്കൂൾ അങ്കണത്തിൽ പതാക ഉയർത്തി ആഘോഷ പരിപാടികൾക്ക് തുടക്കം കുറിച്ചു. ആസാദി കാ അമൃത് മഹോത്സാവത്തിന്റെ എഴുപത്തഞ്ചാം വാർഷികാഘോഷം 75 ചിരാതുകൾ തെളിയിച്ചു കൊണ്ട് ഹെഡ്മിസ്ട്രെസ് ശ്രീമതി ബിനു ഷെറിന tr, സ്കൂൾ മാനേജർ ശ്രീ അഡ്വക്കേറ്റ് എ. എ ഹമീദ്സർ,മദർ പി ടി എ പ്രസിഡന്റ് ശ്രീമതി ആമിന എന്നിവരുടെ സാനിധ്യത്തിൽ അധ്യാപകർ, അനധ്യാപകർ,വിദ്യാർഥി പ്രതിനിനിധികൾ എന്നിവർ ചേർന്ന് നിർവഹിച്ചു. സ്വാതന്ത്ര്യദിന മാഗസിൻ പ്രകാശനം, പ്രസംഗം, ദേശഭക്തി ഗാനം, സമ്മാനദാനം എന്നിവയോടൊപ്പം രാജ്യത്തിന്റെ പ്രൗഢിയും സംസ്കാരവും വിളിച്ചോതുന്ന വൈവിദ്ധ്യമാർന്ന ഘോഷയാത്രയും സംഘടിപ്പിച്ചു. സ്വാതന്ത്ര്യദിനാഘോഷ പരിപാടികൾക്ക് സമാപനം കുറിച്ച് ഏവർക്കും സ്റ്റാഫ് സെക്രട്ടറി അൽത്താഫ് സർ നന്ദി അറിയിച്ചു.
Recent Comments