Election live: തൃക്കാക്കര ബൈ ഇലക്ഷൻ; ലീഡ് നിലനിർത്തി ഉമാ തോമസ്

by Midhun HP News | Jun 3, 2022 | Latest News, കേരളം, ജില്ലാ വാർത്ത

കൊച്ചി: തൃക്കാക്കര UDF സ്ഥാനാർഥി ഉമാ തോമസ് മുന്നിൽ.

ആകെ വോട്ട് നില
UDF 70101    LDF 45801     NDA 12588

@ 12:16pm ഉമാ തോമസിൻറെ ലീഡ് 24300

@ 12:15pm ഉമാ തോമസിൻറെ ലീഡ് 25084

@ 12:14pm ഉമാ തോമസിൻറെ ലീഡ് 25000

@ 12:10pm ഉമാ തോമസിൻറെ ലീഡ് 24264

@ 12:05pm ഉമാ തോമസിൻറെ ലീഡ് 24115

@ 12:01pm ഉമാ തോമസിൻറെ ലീഡ് 23774

@ 12:00pm ഉമാ തോമസിൻറെ ലീഡ് 23474

@ 11:58am ഉമാ തോമസിൻറെ ലീഡ് 23418

@ 11:55am ഉമാ തോമസിൻറെ ലീഡ് 23413

@ 11:54am ഉമാ തോമസിൻറെ ലീഡ് 22914

@ 11:44am ഉമാ തോമസിൻറെ ലീഡ് 22501

@ 11:37am ഉമാ തോമസിൻറെ ലീഡ് 21000

@ 11:37am ഉമാ തോമസിൻറെ ലീഡ് 20637

@ 11:29am ഉമാ തോമസിൻറെ ലീഡ് 20615

@ 11:27am ഉമാ തോമസിൻറെ ലീഡ് 20503.

ഉമാ തോമസിൻറെ ലീഡ് 20050.

ഉമാ തോമസിൻറെ ലീഡ് 18308.

ഉമാ തോമസിൻറെ ലീഡ് 18272.

ഉമാ തോമസിൻറെ ലീഡ് 18116.

ഉമാ തോമസിൻറെ ലീഡ് 18004.

ഉമാ തോമസിൻറെ ലീഡ് 17852.

എട്ടാം റൗണ്ട് പൂർത്തിയായപ്പോൾ ഉമാ തോമസിൻറെ ലീഡ് 16313 .

ഉമാ തോമസിൻറെ ലീഡ് 16253.

ഉമാ തോമസിൻറെ ലീഡ് 15531.

ഉമാ തോമസിൻറെ ലീഡ് 15505.

ഉമാ തോമസിൻറെ ലീഡ് 12414.

തൃക്കാക്കര ഉപതിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ യുഡിഎഫ് സ്ഥാനാർഥി ഉമാ തോമസ് ലീഡ് ചെയ്യുന്നു. ആദ്യ റൗണ്ട് എണ്ണിക്കഴിഞ്ഞപ്പോൾ കഴിഞ്ഞ തവണ പി.ടി. തോമസ് നേടിയതിനേക്കാൾ ലീഡ് ഉമാ തോമസ് നേടി. വോട്ടെണ്ണലിന്റെ ആദ്യ ഘട്ടം മുതൽ ഉമാ തോമസ് ക്രമാനുഗതമായി ലീഡ് ഉയർത്തിക്കൊണ്ടിരിക്കുകയാണ്.

എറണാകുളം മഹാരാജാസ് കോളേജിലാണ് വോട്ടെണ്ണൽ. രാവിലെ 7.30-ന് സ്ഥാനാർഥികളുടെയും രാഷ്ട്രീയപ്പാർട്ടി പ്രതിനിധികളുടെയും സാന്നിധ്യത്തിൽ സ്ട്രോങ് റൂം തുറന്ന് വോട്ടിങ് യന്ത്രങ്ങൾ പുറത്തെടുത്തു. എട്ടുമണിയോടെ വോട്ടെണ്ണൽ തുടങ്ങി.

എൽപിജി പാചകവാതക സിലിണ്ടറിന് 134 രൂപ കുറച്ചു

by liji HP News | Jun 2, 2022 | Latest News, കേരളം, ജില്ലാ വാർത്ത

കൊച്ചി: വാണിജ്യാവശ്യത്തിനുള്ള എൽപിജി പാചകവാതക സിലിണ്ടറിന് (19 കിലോഗ്രാം) 134 രൂപ കുറച്ചു. ഇതോടെ കൊച്ചിയിൽ വില 2223.50 രൂപയായി. ഗാർഹിക സിലിണ്ടർ നിരക്കിൽ മാറ്റമില്ല. വാണിജ്യസിലിണ്ടറിന് മേയ് ഒന്നിന് 103 രൂപയും ഏപ്രിൽ ഒന്നിന് 256 രൂപയും മാർച്ചിൽ 106 രൂപയും കൂട്ടിയിരുന്നു. വിമാനങ്ങൾക്കുള്ള ഏവിയേഷൻ ഇന്ധനത്തിന്റെ വിലയിൽ 1.3% കുറവുവരുത്തി. 10 തവണയായുള്ള നിരക്ക് വർധനയ്ക്കു ശേഷമാണ് വില കുറയുന്നത്.

മദ്യപാനത്തിനിടെ വാക്കേറ്റം, ഒടുവിൽ ചുറ്റിക കൊണ്ട് തലയ്ക്കടിച്ച് കൊന്നു

by liji HP News | Jun 2, 2022 | Latest News, കേരളം, ജില്ലാ വാർത്ത

തിരുവനന്തപുരം: വഴയില ഇരട്ടകൊലപാതക കേസിലെ പ്രതി വിഷ്ണുരൂപ് എന്ന മണിച്ചനെ (34) ചുറ്റിക കൊണ്ട് തലയ്ക്കടിച്ചു കൊലപ്പെടുത്തിയത് മദ്യപാന സദസിൽ പാടിയ പാട്ടിനെച്ചൊല്ലിയുള്ള തർക്കത്തെ തുടർന്ന്. സംഭവുമായി ബന്ധപ്പെട്ട് പ്രതികളായ ദീപക് ലാൽ, അരുൺ ജി.രാജീവ് എന്നിവരെ പൊലീസ് കസ്റ്റഡിയിലെടുത്തു. ഇവർ നേരത്തെ ക്രിമിനൽ കേസുകളിൽ പ്രതികളല്ലെന്നു പൊലീസ് പറഞ്ഞു. അരുൺ ക്ഷേത്രത്തിലെ പൂജാരിയാണ്.

വഴയില ആറാംകല്ലിലെ സ്വകാര്യ ലോഡ്ജിൽ ബുധനാഴ്ച രാത്രിയാണ് സംഭവം. 31–ാം തീയതി മുതൽ മണിച്ചനും സുഹൃത്തുക്കളും മുറിയെടുത്ത് മദ്യപിച്ചിരുന്നു. മദ്യപാനത്തിനിടെ പാട്ടുപാടിയത് മണിച്ചന് ഇഷ്ടമായില്ല. തുടർന്ന് വാക്കേറ്റമായി. പ്രതികളെ ആറുമാസം മുൻപ് മണിച്ചൻ മർദിച്ചിരുന്നു. ഇതിന്റെയെല്ലാം വാശിയിൽ അടിപിടിയുണ്ടാകുകയും കൊലപാതകത്തിൽ കലാശിക്കുകയും ചെയ്തതായി പൊലീസ് പറയുന്നു. മദ്യപാനത്തിനിടെ ഉണ്ടായ തര്‍ക്കത്തിനൊടുവില്‍ മണിച്ചനേയും ഹരിയേയും ആക്രമിച്ച ശേഷം പ്രതികൾ ഓടി രക്ഷപ്പെടുകയായിരുന്നു.

പ്രതികളെ പൊലീസ് ചോദ്യം ചെയ്തു വരികയാണ്. റൂറൽ എസ്പി സ്ഥലത്തെത്തി സ്ഥിതിഗതികൾ വിലയിരുത്തി. ഗുണ്ടാപകയല്ല കൊലപാതകത്തിനു കാരണമെന്നാണ് പ്രാഥമിക നിഗമനം. വിഷ്ണുരൂപിന്റെ മൃതദേഹം മെഡിക്കൽ കോളജ് മോർച്ചറിയിൽ.

അയിലം ഗവൺമെൻറ് ഹൈസ്കൂളിൽ താൽക്കാലിക ഒഴിവുകൾ

by liji HP News | Jun 2, 2022 | Latest News, കേരളം, ജില്ലാ വാർത്ത

ആറ്റിങ്ങൽ: അയിലം ഗവൺമെൻറ് ഹൈസ്കൂളിൽ എൽപിഎസ്ടി 10 മണി, എച്ച്എസ്ടി (ഹിന്ദി) 11മണി, എച്ച്എസ്ടി (മലയാളം) 12 മണി, എച്ച്എസ്ടി (ഫിസിക്കൽ സയൻസ്) 12.30 ന്, എഫ്ടിഎം 1 മണി എന്നീ താൽക്കാലിക ഒഴിവിലേക്ക് ഇൻറർവ്യൂ നടത്തുന്നു.

യോഗ്യരായ ഉദ്യോഗാർഥികൾ 03.06.2022 വെള്ളിയാഴ്ച സ്കൂളിൽ വെച്ച് നടക്കുന്ന കൂടിക്കാഴ്ചയിൽ ആവശ്യമായ അസൽ സർട്ടിഫിക്കറ്റുകളുമായി ഹാജരാകണം

എൻ്റെ കേരളം എൻ്റെ അഭിമാനം പ്രദർശന മേള ജൂൺ 2ന് അവസാനിക്കും

by Midhun HP News | Jun 2, 2022 | Latest News, കേരളം, ജില്ലാ വാർത്ത

സംസ്ഥാന സർക്കാരിൻ്റെ ഒന്നാം വാർഷിക ആഘോഷങ്ങളുടെ ഭാഗമായി തിരുവനന്തപുരം കനകക്കുന്നിൽ നടക്കുന്ന എൻ്റെ കേരളം എൻ്റെ അഭിമാനം പ്രദർശന മേളയിൽ മോട്ടോർ വാഹന വകുപ്പിൻ്റെ പവലിയനിലേക്ക് സ്വാഗതം. പ്രകൃതി സൗഹൃദ വാഹനങ്ങളുടെ പ്രദർശനമാണ് പ്രധാന ആകർഷണം.രാജ്യത്ത് എത്തിച്ചതും കേരളത്തിൽ രജിസ്റ്റർ ചെയ്തതുമായ ആദ്യ ഹൗഡ്രജൻ ഫ്യുവൽ സെൽ കാർ പ്രദർശനത്തിനുണ്ട്.ഇറക്കുമതി ചെയ്ത ടൊയോട്ട നിർമ്മിച്ച മിറായി കാറാണ് മുഖ്യ ആകർഷണം. വരും തലമുറയ്ക്കായുള്ള പാരമ്പര്യേതര ഉർജ്ജ ശ്രോതസ്സുകൾ ഉപയോഗിക്കുന്ന മലിനീകരണ രഹിതമായ വാഹനങ്ങളാണ് പ്രദർശന വിഷയം.

രാജ്യത്തെ ആദ്യ ഇലക്ട്രിക് എൻഫോഴ്സ്മെൻ്റ് വാഹനവും, ചാർജിംഗ് കേന്ദ്രത്തിൽ കാത്ത് നിൽക്കാതെ ബാറ്ററി മാറ്റി വെച്ച് പോകാൻ സ്വാപ്പിംഗ് സാങ്കേതിക വിദ്യ ഉപയോഗിക്കുന്ന വാഹനങ്ങളും പ്രദർശനത്തിനുണ്ട്.കൂടാതെ CNG, LNG, LPG വാഹനങ്ങളെക്കുറിച്ചും അറിയാം.
കൂടാതെ, മോട്ടോർ വാഹന വകുപ്പിൻ്റെ ഫെയ്സ് ലെസ്സ് / ഓൺലൈൻ സംവിധാനങ്ങളെക്കുറിച്ചും അറിയാം. വാഹനങ്ങളെക്കുറിച്ചും, വിവിധ തരം വാഹനങ്ങളുടെ നിയമപരമായ പേരും, കളർകോഡും ,വിവിധ തരം നമ്പർ പ്ലേറ്റുകളും പരിചയപ്പെടാം.
ഇതിന് പുറമേ, റോഡ് സുരക്ഷയുമായി ബന്ധപ്പെട്ട് വിവിധ തരംറോഡ് മാർക്കിങ്ങുകൾ, സൈൻ ബോർഡുകൾ, ട്രാഫിക്ക് ലൈറ്റ് മുലായവും പരിചയപ്പെടാം.

കൂടാതെ, വാഹനങ്ങളുടെ ചെറു രൂപങ്ങളും പ്രദർശനത്തിനായി ഒരുക്കിയിട്ടുണ്ട്.
റോഡ്‌ സുരക്ഷ വീഡിയോയുടെ പ്രദർശനവും ഒരുക്കിയിട്ടുണ്ട്. റോഡ് സുരക്ഷ അടിസ്ഥാനമാക്കി ക്വിസ് മൽസരം, മൈമ്, കിറ്റി മൻകി ഷോ, സെൽഫികോൺ ടെസ്റ്റ്, ഫ്ളാഷ് മോബ് പോലുള്ള വ്യത്യസ്ത ബോധവൽക്കരണ പരിപാടികളും ഉണ്ട്.
മൽസര വിജയികൾക്ക് ദിവസവും ഹെൽമറ്റ് സമ്മാനമായി നൽകുന്നുണ്ട്.
പൊത് ജനങ്ങൾക്ക് ഉപകാരപ്രദമായ രീതിയിൽ സേവനപാതയിലുള്ള മുന്നേറ്റവും സ്റ്റാളിൽ വിവരിച്ചിട്ടുണ്ട്.
വകുപ്പിൻ്റെ മീഡിയ സെല്ലിൻ്റെ സേവനവും പവലിയനിൽ ലഭ്യമാണ്. സാമൂഹിക സുരക്ഷക്കായുള്ള വെഹിക്കിൾ ലൊക്കേഷൻ ട്രാക്കിംഗ് സംവിധാനവും, സ്ത്രീകളുടേയും, കുട്ടികളുടേയും, യാത്രക്കാരുടേയും സുരക്ഷക്കായി പൊതു വാഹനങ്ങളിലുള്ള പാനിക് ബട്ടൺ സംവിധാനങ്ങളും പരിചയപ്പെടാം.
വകുപ്പിൻ്റെ ഇ ചലാൻ എൻഫോഴ്സ്മെൻ്റ് സംവിധാനങ്ങളും, കാമറ നിരീക്ഷണ സംവിധാനങ്ങളും പരിചയപ്പെടാം. വാഹനത്തിൻ്റെ രേഖകളുടെ കാലാവധി, മറ്റ് സംശയങ്ങൾ, പിഴ ലഭിച്ചിട്ടുണ്ടോ എന്നും അറിയാം. വകുപ്പിൻ്റെ എല്ലാ സേവനങ്ങളും പരിചയപ്പെടുന്നതോടൊപ്പം, സംശയങ്ങളും ദൂരീകരിക്കാം.

ഡ്ഡ്രൈവിംഗ് ലൈസൻസ് സംബന്ധിച്ചുള്ള സേവനങ്ങൾക്കായി പ്രത്യേക സർവ്വീസ് സ്റ്റാളും ഒരുക്കിയിട്ടുണ്ട്. ഇതിനായി സർവ്വീസ് ഫീസ് ഇല്ലാതെ സൗജന്യമായി ഡോക്ടറുടെ സേവനവും ഒരുക്കിയിട്ടുണ്ട്.

വാഹനം ഉപയോഗിക്കുന്നവർക്ക് ഉപകാരപ്രദമായ ‘അറിഞ്ഞോടിക്കാം’ എന്ന വീഡിയോ സീരിസിൻ്റെ പ്രകാശനം പവലിയനിൽ ബഹു. ഗതാഗത മന്ത്രി ശ്രീ.ആൻറണി രാജു സർ പ്രകാശനം ചെയ്തു. കൊല്ലം ട്രാക്കിൻ്റേയും, ഫോഴ്സ് മോട്ടേഴ്സിൻ്റേയും സഹകരണത്തോടെ വിവിധ തരം റോഡ് മാർക്കിങ്ങുകൾ പരിചയപ്പെടുത്തുന്ന വീഡിയോയാണ് മോട്ടോർ വാഹന വകുപ്പിൻ്റെ മീഡിയ സെൽ പുറത്തിറക്കിയത്.ചടങ്ങിൽ ബഹു.ഗതാഗത കമ്മീഷണർ ശ്രീ.ശ്രീജിത്ത് IPS, അഡി. ട്രാൻസ്പോർട് കമ്മീഷണർ ശ്രീ.പ്രമോജ് ശങ്കർ IOFS, ഡെപ്യൂട്ടി ട്രാൻസ്പോർട് കമ്മീഷണർ ശ്രീ മനോജ്, തിരുവനന്തുരം ആർ.ടി.ഒ ശ്രി. ജോഷി, എൻഫോഴ്സ്മെൻ്റ് ആർ.ടി.ഒ ശ്രീ.ജി. സാജൻ മുതലായ ഉന്നത ഉദ്യോഗസ്ഥർ പങ്കെടുത്തു.തിരുവനന്തപുരം ആർ.ടി.ഒ എൻഫോഴ്സ്മെൻ്റ് മോട്ടോർ വെഹിക്കിൾ ഇൻസ്പെക്ടർ ശ്രീ. രാംജി കെ.കരൻ സംവിധാനം ചെയ്ത വീഡിയോയിൽ മോട്ടോർ വെഹിക്കിൾ ഇൻസ്പെക്ടർ ശ്രീമതി. ബ്രിന്ദ സനിൽ, പ്രമുക ആട്ടോ ബ്ലോഗറും വനിതാ റാലി താരവുമായ ശ്രീമതി ആതിരാ മുരളിയുമാണ് അവതാരകർ. മേയ് 27ആരംഭിച്ച ഈ പ്രദർശന മേള ജൂൺ 2ന് അവസാനിക്കും.

കോവിഡ് ലക്ഷണങ്ങളുള്ളവര്‍ സ്കൂളില്‍ പോകരുത് ; ആരോഗ്യവകുപ്പ് മുന്നറിയിപ്പ്.

by Midhun HP News | Jun 2, 2022 | Latest News, കേരളം, ജില്ലാ വാർത്ത

തിരുവനന്തപുരം: സംസ്ഥാനം ഇപ്പോഴും പൂര്‍ണ്ണ തോതില്‍ കോവിഡില്‍ നിന്നും മുക്തമല്ലാത്ത സാഹചര്യത്തില്‍ രോഗലക്ഷണങ്ങളുള്ളവര്‍ ആരും തന്നെ സ്കൂളില്‍ പോകരുതെന്ന് ആരോഗ്യവകുപ്പ് മുന്നറിയിപ്പ് നല്‍കി. പനി, ചുമ, ജലദോഷം, മൂക്കൊലിപ്പ്, തൊണ്ടവേദന തുടങ്ങിയ രോഗലക്ഷണങ്ങള്‍ ഉള്ളവരോ കോവിഡ് ബാധിച്ച ആരെങ്കിലും വീട്ടിലുള്ളവരോ ഒരു കാരണവശാലും സ്കൂളില്‍ പോകരുത്. അദ്ധ്യാപകരും വിദ്യാര്‍ത്ഥികളും അനദ്ധ്യാപകരും മാസ്ക് നിര്‍ബന്ധമായും ധരിക്കണം.

എന്തെങ്കിലും ശാരീരികമോ മാനസികമോ ആയ ബുദ്ധിമുട്ടുകള്‍ അനുഭവപ്പെട്ടാല്‍ തൊട്ടടുത്ത ആരോഗ്യ പ്രവര്‍ത്തകരുമായോ ദിശ 104, 1056, 0471 2552056, 2551056 എന്നീ നമ്പറുകളിലോ, ഇ-സഞ്ജീവനിയുമായോ ബന്ധപ്പെടേണ്ടതാണെന്നും ആരോഗ്യവകുപ്പ് അറിയിച്ചു.

നനഞ്ഞതോ കേടായതോ ആയ മാസ്ക് ധരിക്കരുത്. യാത്രകളിലും സ്കൂളിലും ആരും മാസ്ക് താഴ്ത്തി സംസാരിക്കുകയും അരുത്. കൈകള്‍ വൃത്തിയാക്കാതെ കണ്ണ്, മൂക്ക്, വായ് എന്നിവ സ്പര്‍ശിക്കാന്‍ പാടില്ല. അദ്ധ്യാപകരും ജീവനക്കാരും 12 വയസിന് മുകളിലുള്ള എല്ലാ വിദ്യാര്‍ത്ഥികളും വാക്സിൻ എടുത്തിരിക്കണം. വെള്ളിയാഴ്ചകളില്‍ ഡ്രൈ ഡേ ആചരിക്കണം. പാഴ്വസ്തുക്കളും ആഹാര അവശിഷ്ടങ്ങളും വലിച്ചെറിയരുത്. തിളപ്പിച്ചാറിയ വെള്ളം മാത്രം കുടിക്കാൻ കൊടുത്തു വിടുക. ശൗചാലയത്തില്‍ പോയതിന് ശേഷം കൈകള്‍ സോപ്പും വെള്ളവും അല്ലെങ്കില്‍ സാനിറ്റൈസര്‍ ഉപയോഗിച്ച്‌ വൃത്തിയാക്കുക. വീട്ടിലെത്തിയ ശേഷം കൈകള്‍ സോപ്പിട്ട് കഴുകണം. എന്തെങ്കിലും രോഗലക്ഷണങ്ങളുണ്ടെങ്കില്‍ വീട്ടിലെ പ്രായമായവരോടും അസുഖബാധിതരോടും അടുത്ത് ഇടപഴകരുതെന്നും ആരോഗ്യവകുപ്പ് കര്‍ശന നിര്‍ദ്ദേശം മുന്നോട്ടു വച്ചിട്ടുണ്ട്.