by Midhun HP News | Oct 4, 2025 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ തിരുവോണം ബംപർ ലോട്ടറി ടിക്കറ്റിന്റെ നറുക്കെടുപ്പ് ഇന്ന്. ഒന്നാം സമ്മാനം 25 കോടിയാണ്. തിരുവനന്തപുരം ഗോർഖി ഭവനിൽ ധനമന്ത്രി കെഎൻ ബാലഗോപാലാണ് നറുക്കെടുക്കുന്നത്. ആകെ 75 ലക്ഷം ടിക്കറ്റുകളാണ് വിറ്റഴിച്ചത്.
500 രൂപ വിലയുള്ള ടിക്കറ്റിന് ഒരു കോടി രൂപ വീതം 20 പേർക്കാണ് രണ്ടാം സമ്മാനം. പാലക്കാടാണ് ഏറ്റവും കൂടുതൽ വിൽപ്പന നടന്നത്. 14 ലക്ഷം ടിക്കറ്റുകളാണ് ജില്ലയിൽ വിറ്റത്. തൃശൂരാണ് വിൽപ്പനയിൽ രണ്ടാം സ്ഥാനത്ത്. 9 ലക്ഷത്തിനു മുകളിൽ ടിക്കറ്റുകളാണ് ഇവിടെ വിറ്റത്. തിരുവനന്തപുരത്ത് എട്ടേ മുക്കാൽ ലക്ഷത്തിനു മുകളിൽ ടിക്കറ്റുകളും വിറ്റഴിച്ചു.
സെപ്റ്റംബർ 27ന് നടത്താൻ നിശ്ചയിച്ചിരുന്ന നറുക്കെടുപ്പാണ് ഇന്നത്തേക്ക് മാറ്റിയത്. അപ്രതീക്ഷിതമായുണ്ടായ കനത്ത മഴയും ജിഎസ്ടി മാറ്റവുമായി ബന്ധപ്പെട്ടും ഏജന്റുമാരുടേയും വിൽപ്പനക്കാരുടേയും അഭ്യർഥന പരിഗണിച്ചാണ് ഇന്നത്തേക്ക് നറുക്കെടുപ്പ് മാറ്റിയത്.
പൂജാ ബംപർ ടിക്കറ്റിന്റെ പ്രകാശനവും ഇന്ന് മന്ത്രി നിർവഹിക്കും. 12 കോടി രൂപയാണ് പൂജ ബംപറിന്റെ സമ്മാനത്തുക. 300 രൂപയാണ് ടിക്കറ്റ് വില. ആന്റണി രാജു എംഎൽഎ അധ്യക്ഷനായിരിക്കും. വികെ പ്രശാന്ത് എംഎൽഎ, ഭാഗ്യക്കുറി വകുപ്പ് ഡയറക്ടർ ഡോ. മിഥുൻ പ്രേംരാജ് എന്നിവരും ചടങ്ങിൽ സംബന്ധിക്കും.
by Midhun HP News | Oct 3, 2025 | Latest News, കേരളം
കരൂര് ദുരന്തത്തില് സിബിഐ അന്വേഷണം ആവശ്യപ്പെട്ട് ദേശീയ മക്കള് ശക്തി കക്ഷി ഉള്പ്പെടെ നല്കിയ ഹര്ജി മദ്രാസ് ഹൈക്കോടതി തള്ളി. അന്വേഷണം ആരംഭിച്ച ഉടന് എങ്ങനെ സിബിഐക്ക് കൈമാറുമെന്നും കോടതിയെ രാഷ്ട്രീയപ്പോരിനുള്ള വേദിയാക്കരുതെന്നും ഹൈക്കോടതി മധുരൈ ബെഞ്ച് പറഞ്ഞു. CBI അന്വേഷണം ആവശ്യപ്പെട്ടുള്ള ടിവികെ ഹര്ജി കോടതി ഉടന് പരിഗണിക്കും. കരൂര് ദുരന്തത്തിന്റെ പശ്ചാത്തലത്തില് റോഡിലെ പൊതുയോഗങ്ങള് കോടതി നിരോധിച്ചു.
കേസുമായി ബന്ധപ്പെട്ട് മറ്റൊരു നിര്ണായക ഉത്തവ് കൂടി കോടതി പുറപ്പെടുവിച്ചു. ഇനി ഒരു ഉത്തരവ് ഉണ്ടാകുന്നത് വരെ ദേശീയ പാതയിലോ സംസ്ഥാനപാതയിലോ രാഷ്ട്രീയ പാര്ട്ടികളുടെ റാലികളോ പൊതുയോഗങ്ങളോ നടത്തരുത് എന്നൊരു ഉത്തരവാണ് ഉണ്ടായിരിക്കുന്നത്. ഇത്തരമൊരു ഉത്തരവ് നേരത്തെ കോടതി പുറപ്പെടുവിച്ചിരുന്നു. എന്നാല് ഇത് പാലിക്കപ്പെടുന്നില്ല.
രണ്ടാഴ്ചക്കുള്ളില് സര്ക്കാര് ഇതുമായി ബന്ധപ്പെട്ട നിര്ദേശങ്ങളടങ്ങിയ ഒരു നിയമാവലി ഉണ്ടാക്കണം. അതുവരെ ഇത്തരത്തിലുള്ള പരിപാടികള് നടത്താന് പാടില്ലെന്നാണ് വ്യക്തമാക്കിയിരിക്കുന്നത്. കരൂര് അപകടവുമായി ബന്ധപ്പെട്ട വിവിധ ഹര്ജികളാണ് ഇന്ന് മദ്രാസ് ഹൈക്കോടതിയുടെ വിവിധ ബെഞ്ചുകള് പരിഗണിക്കുന്നത്. അപകടത്തിന് പിന്നിലെ ഗൂഢാലോചന അന്വേഷിക്കണമെന്ന് ആവശ്യപ്പെട്ടുള്ള തമിഴക വെട്രി കഴകത്തിന്റെ ഹര്ജി ഇനി പരിഗണിക്കാനുണ്ട്. കോടതി വിധിയും പരാമര്ശങ്ങളും ടിവികെയ്ക്കും സര്ക്കാരിനും നിര്ണായകമാണ്. ടിവികെ നേതാക്കള് ആയിട്ടുള്ള എന് ആനന്ദ്, നിര്മല് കുമാര് എന്നിവരുടെ മുന്കൂര് ജാമ്യ അപേക്ഷയും പരിഗണിക്കും. അപകടത്തില് വിജയ് യെ പ്രതിച്ചേര്ക്കണം എന്ന് ആവശ്യപ്പെട്ടുള്ള ഹര്ജിയും ഇന്ന് കോടതിയുടെ പരിഗണയില് വരും.
അതിനിടെ, സിപിഐഎം ജനറല് സെക്രട്ടറി എം എ ബേബിയുടെ നേതൃത്വത്തില് ഉള്ള സംഘം ഇന്ന് കരൂരില് എത്തി. എംപിമാരായ കെ.രാധാകൃഷ്ണന്, വി.ശിവദാസന്, ആര്.സച്ചിദാനന്ദം, സിപിഎം പിബി അംഗം യു.വാസുകി എന്നിവരടങ്ങുന്ന സംഘമാണ് കരൂരില് എത്തിയത്.
by Midhun HP News | Oct 3, 2025 | Latest News, കേരളം
തനിക്ക് ഒരു മാസം ജീവിക്കാന് മൂന്നര ലക്ഷം വരെ വേണ്ടി വരുമെന്ന് ബിഗ് ബോസ് വിന്നറും സംവിധായകനും നടനുമായ അഖില് മാരാര് കഴിഞ്ഞ ദിവസം പറഞ്ഞിരുന്നു. പിന്നാലെ സോഷ്യല് മീഡിയ അഖില് മാരാരെ ട്രോളുകയും ചെയ്തു. അഖില് മാരാരുടെ വാക്കുകള് ‘തള്ളാ’ണെന്നായിരുന്നു സോഷ്യല് മീഡിയയുടെ പരിഹാസം. തനിക്കെതിരായ ട്രോളുകള്ക്ക് മറുപടി നല്കുകയാണ് അഖില് മാരാര്.
താന് പറഞ്ഞത് സത്യസന്ധമായ മറുപടിയാണ്. ഒരിക്കല് മകള്ക്ക് മരുന്ന് വാങ്ങാന് പോലും പണമില്ലാതിരുന്ന, മരണം മുന്നില് കണ്ട് ജീവിച്ചിരുന്ന താന് ഇന്ന് ഒന്നര ലക്ഷം ഇഎംഐ മാത്രം അടയ്ക്കുന്നുണ്ടെന്നും അഖില് മാരാര് പറയുന്നു. ഒന്നുകില് നിങ്ങള് എന്നെ പരിഹസിക്കുക അല്ലെങ്കില് ഞാന് എത്തിച്ചേര്ന്ന അവസ്ഥയിലേക്ക് എത്തി മറ്റുള്ളവരുടെ പരിഹാസം കേള്ക്കാന് തയ്യാറാവണമെന്നും വിമര്ശകരോട് അഖില് മാരാര് പറയുന്നുണ്ട്. അഖില് മാരാരുടെ കുറിപ്പ് ഇങ്ങനെയാണ്:
താന് പറഞ്ഞത് സത്യസന്ധമായ മറുപടിയാണ്. ഒരിക്കല് മകള്ക്ക് മരുന്ന് വാങ്ങാന് പോലും പണമില്ലാതിരുന്ന, മരണം മുന്നില് കണ്ട് ജീവിച്ചിരുന്ന താന് ഇന്ന് ഒന്നര ലക്ഷം ഇഎംഐ മാത്രം അടയ്ക്കുന്നുണ്ടെന്നും അഖില് മാരാര് പറയുന്നു. ഒന്നുകില് നിങ്ങള് എന്നെ പരിഹസിക്കുക അല്ലെങ്കില് ഞാന് എത്തിച്ചേര്ന്ന അവസ്ഥയിലേക്ക് എത്തി മറ്റുള്ളവരുടെ പരിഹാസം കേള്ക്കാന് തയ്യാറാവണമെന്നും വിമര്ശകരോട് അഖില് മാരാര് പറയുന്നുണ്ട്. അഖില് മാരാരുടെ കുറിപ്പ് ഇങ്ങനെയാണ്:
ഒന്നുകില് നിങ്ങള് എന്നെ പരിഹസിക്കുക അല്ലെങ്കില് ഞാന് എത്തിച്ചേര്ന്ന അവസ്ഥയിലേക്ക് എത്തി മറ്റുള്ളവരുടെ പരിഹാസം കേള്ക്കാന് തയ്യാറാവുക. 2017 ഷെയര് മാര്ക്കറ്റ് ഇല് ഉണ്ടായ നഷ്ടം നികത്താന് കാര്ഷിക വായ്പ രണ്ടര ലക്ഷം എടുത്തു. പിന്നീട് 2018 അവസാനത്തോടെ മൊബൈല് ടവറിന് ഡീസല് അടിക്കാന് ഒരു പിക് അപ്പ്, ജീറ്റോ രണ്ട് വാഹനങ്ങള് കടം വാങ്ങി എടുത്തു. നാല് മാസങ്ങള്ക്ക് ശേഷം കോണ്ട്രാക്റ്റ് നഷ്ടപ്പെട്ടു. വരുമാനം എല്ലാം നിലച്ചു വലിയ കടത്തില് ആയി കിട്ടിയ വിലയ്ക് വാഹങ്ങനങ്ങള് വിറ്റു. കാറിന്റെ ലോണ് അടയ്ക്കാന് പറ്റാത്ത അവസ്ഥ ആയി. നാട്ടുകാരുടെ മുന്നില് വീട്ടുകാരുടെ മുന്നില് അഭിമാനം പണയം വെയ്ക്കാതെ ജീവിക്കാന് കഴിയാത്ത അവസ്ഥ വന്നു തുടങ്ങി.
150 രൂപ മകളുടെ അസുഖത്തിന് ഡോക്ടര് ഫീസ് നല്കാന് കഴിയാത്ത അവസ്ഥ വന്നു. ഭാര്യ വീട്ടില് അവരുടെ ചിലവില് കഴിയുന്ന ഒരു ഗതിയും ഇല്ലാത്ത ഒരുവന് അവസാനം വീട് വിട്ടു ഇറങ്ങേണ്ടി വന്നു. ആരുമില്ലാതെ ഞാന് കാറില് ഇരുന്ന് കരഞ്ഞു. വീഴാന് ഞാന് തയ്യാറല്ലത്തത് കൊണ്ടും എന്നെ നയിക്കാന് ഒരു ശക്തി എനിക്കൊപ്പം ഉള്ളത് കൊണ്ടും ഞാന് മുന്നോട്ട് പോയി. വണ്ടിയുടെ സിസി മുടങ്ങി, മാസം 800രൂപ പലിശ അടയ്ക്കാന് കഴിയാതെ വന്നു. എല്ലാം നഷ്ടപ്പെട്ടു എന്ന അവസ്ഥയില് സിനിമയ്ക്കു തിരക്കഥ എഴുതി. പല നിര്മാതാക്കളെ കണ്ടു. അവസാനം യോഹന്നാന് സാര് ദൈവമായി അവതരിച്ചു. അദ്ദേഹത്തിനു ഇഷ്ട്ടപെട്ട സിനിമ എഴുതണം. അദ്ദേഹം പറയുന്ന ബഡ്ജറ്റില് ചെയ്യണം.
ഭാര്യയെയും മക്കളെയും അച്ഛനെയും അമ്മയെയും നാടും ഉപേക്ഷിച്ചു മരണം മാത്രം മുന്നില് കണ്ട് ജീവിക്കുന്ന ഞാന് മുന്നോട്ട് പോകാനുള്ള മാര്ഗമായി എനിക്ക് ലഭിച്ച അവസരത്തെ കണ്ടു. സിനിമ പരാജയം ആയിരിക്കാം പക്ഷെ എന്റെ നിശ്ചയദാര്ഢ്യം, കഠിന പരിശ്രമം, പ്രതിസന്ധികള് അതിജീവിച്ച മനസ് ഇതൊന്നും ഒരിക്കലും പരാജയപ്പെട്ടിട്ടില്ല.
ഷോര്ട് ഫിലിം പോലും നീ എടുക്കില്ല എന്ന് പറഞ്ഞവര്ക്ക് മുന്നില് ഇന്നും പലരും ചര്ച്ച ചെയ്യുന്ന പലരും പറയാന് മടിക്കുന്ന ഒരു സിനിമ ഞാന് തീയേറ്ററില് എത്തിച്ചു. വണ്ടിയുടെ സിസി അടയ്ക്കാന് ഗതി ഇല്ലാതിരുന്ന ഞാന് കഴിഞ്ഞ രണ്ട് വര്ഷമായി വാഹനങ്ങളുടെ ഇഎംഐ അടയ്ക്കുന്നത് 1.27 ലക്ഷം രൂപയാണ്. ഇഎംഐ ഇല്ലാത്ത കാറുകള് വേറെയും ഉണ്ട്. കാര്ഷിക വായ്പ രണ്ടര ലക്ഷം രൂപ പിന്നീട് റവന്യു റിക്കവറി ആയി അഞ്ചെമുക്കാല് ലക്ഷം അടച്ചു ഞാന് ലോണ് ക്ലോസ് ചെയ്തു.
2013 ഇല് 8000 രൂപ പെന്റിങ് ആയി കിടന്ന മുത്തൂറ്റിന്റെ ലോണ് പിന്നീട് ഒരു ലക്ഷത്തി നാല്പതിനായിരം അവര് ആവശ്യപ്പെട്ടു. അതും ഞാന് ക്ലോസ് ചെയ്തു. സിബല് സ്കോര് ഇല്ലാത്തത് കൊണ്ട് ഒരു മൊബൈല് പോലും വാങ്ങാന് പറ്റാത്ത എനിക്ക് കഴിഞ്ഞ മാസം 20 ലക്ഷം പ്രീ അപ്രൂവ്ഡ് ഓഡി. 15ലക്ഷം പേര്സണല് പ്രീ അപ്രൂവ്ഡ് ലോണ് ഒക്കെ പാസ്സായി കിടപ്പുണ്ട്. ഹോം ലോണ് 24000( കൊച്ചിയില് ഒരു ത്രീ ബിഎച്ച്കെ ഫ്ലാറ്റ് വാങ്ങി ഫുള് ആയി ഫര്ണിഷ് ചെയ്യാന് എത്ര ആകും ഇഎംഐ പ്രകാരം എത്ര ലോണ് ഉണ്ടെന്ന് മനസ്സിലാക്കുക ആ ലോണില് 5 ലക്ഷം ഫിക്സഡ് ഡിപ്പോസിറ്റുമാണ്)
ഇപ്പോള് ആകെ ഇഎംഐ ഒന്നര ലക്ഷം. ചിട്ടി- 15000(15 ലക്ഷം) എന്റെ എല്ലാ ലോണും ആകെ മുതലിന്റെ 20% മാത്രമാണ്. മൂന്നരലക്ഷം അല്ല പത്തു ലക്ഷം ചിലവ് വരട്ടെ അത് അടയ്ക്കാനുള്ള ശേഷി ഉണ്ടാക്കി എടുക്കാന് ആണ് പരിശ്രമിക്കുന്നത്. എവിടെയെങ്കിലും ആരെങ്കിലും പടച്ചു വിടുന്ന വാര്ത്തകളില് നിങ്ങള് മനസ്സിലാക്കിയ അഖില് അല്ല ഞാന് എന്ന് ബിഗ് ബോസ് കണ്ട പ്രേക്ഷകരോട് ചോദിക്കു. അവര്ക്കറിയാം ഞാന് ആരാണെന്നും എന്റെ മനസ്സിന്റെ നന്മ എന്താണെന്നും എനിക്കുള്ള കഴിവുകള് എന്താണെന്നും. എല്ലാവര്ക്കും നന്മകള് നേരുന്നു.
by Midhun HP News | Oct 3, 2025 | Latest News, കേരളം
പത്തനംതിട്ട: ശബരിമല അയ്യപ്പന്റെ നടയും കട്ടിളപ്പടിയും എന്ന പേരില് ഉണ്ണികൃഷ്ണന് പോറ്റി ചെന്നൈയിലും പ്രദര്ശനം സംഘടിപ്പിച്ചു. നടന് ജയറാമിനെ അടക്കം ക്ഷണിച്ചുകൊണ്ടാണ് പ്രദര്ശനം സംഘടിപ്പിച്ചത്. ജയറാം ചടങ്ങില് പങ്കെടുക്കുന്നതിന്റെ ദൃശ്യങ്ങള് പുറത്തു വന്നിട്ടുണ്ട്. കഴിഞ്ഞ 40 വര്ഷമായി ശബരിമലയില് ദര്ശനം നടത്തുന്ന വ്യക്തിയാണ് താന്. ഇവിടെ ദര്ശനം നടത്തിയപ്പോള് പറഞ്ഞറിയിക്കാനാവാത്ത സന്തോഷമാണെന്നും അന്ന് ജയറാം പറയുന്നതിന്റെ വീഡിയോയും പുറത്തു വന്നിട്ടുണ്ട്.
ശബരിമലയില് മകരവിളക്ക് ദര്ശനത്തിന് നില്ക്കുമ്പോള് വര്ഷങ്ങളായി കാണുന്ന മുഖങ്ങളാണ് ഉണ്ണി, കര്ണാടക സ്വദേശി ഗോവര്ധന് തുടങ്ങിയവര്. ശബരിമല അയ്യപ്പന്റെ നട പുതുക്കിപ്പണിയുകയാണ്. ഇവരാണ് അതു ചെയ്യുന്നതെന്നും, എവിടെയുണ്ടെങ്കിലും വരണമെന്നും ആവശ്യപ്പെട്ടിരുന്നതായും ജയറാം പറയുന്നു. ചങ്ങനാശ്ശേരിയില് വെച്ച് നട ശബരിമലയ്ക്ക് കൊണ്ടുപോകുന്നതിന് മുമ്പ് തൊട്ടു തൊഴുത് ആദ്യത്തെ കര്പ്പുരം കാണിക്കാനുള്ള ഭാഗ്യം ഭഗവാന് ഒരുക്കിത്തന്നു. ഇപ്പോള് സ്വര്ണത്തില് പൊതിഞ്ഞ കട്ടിളപ്പടി ശബരിമലയിലേക്ക് പോകാന് തയ്യാറെടുത്ത് നില്ക്കുന്നു. ചെന്നൈയില് വെച്ച് ആദ്യ പൂജയില് പങ്കെടുക്കാന് അവസരം ലഭിച്ചത് അയ്യപ്പന്റെ രൂപത്തില് ഉണ്ണികൃഷ്ണന് പോറ്റി നല്കിയതാണെന്ന് കരുതുന്നുവെന്നും ജയറാം പറയുന്നു.
2019 മാര്ച്ചില് നടത്തിയ പ്രദര്ശനത്തിന്റെ ദൃശ്യങ്ങളാണ് പുറത്തു വന്നത്. 1999 ലാണ് 30 കിലോ സ്വര്ണം വഴിപാടായി ശബരിമലയ്ക്ക് നല്കുന്നത്. ഈ സ്വര്ണം ഉപയോഗിച്ചു കൊണ്ട് ശബരിമലയുടെ ശ്രീകോവില്, മേല്ക്കൂര, ദാരുശില്പ്പങ്ങള് എന്നിവ സ്വര്ണം പൂശുന്നു. 2018 ല് വാതില്പ്പടിയുടെ സ്വര്ണത്തിന് തിളക്കം കുറഞ്ഞുവെന്ന പേരിലാണ് അറ്റകുറ്റപ്പണിക്കായി തീരുമാനിക്കുന്നത്. ഈ സമയത്താണ് സ്പോണ്സറായി ഉണ്ണികൃഷ്ണന് പോറ്റി രംഗത്തെത്തുന്നതും, ചെന്നൈയിലേക്ക് കൊണ്ടുപോകുന്നതും. ചെന്നൈയില് വെച്ച് ഇത് ഉണ്ണികൃഷ്ണന് പോറ്റി പ്രദര്ശന വസ്തുവാക്കി പൂജ നടത്തി പണം കൈപ്പറ്റിയിരുന്നതായാണ് വിവരം.
‘ഉണ്ണികൃഷ്ണൻ പോറ്റിയുമായി ശബരിമലയിൽ വച്ചുള്ള പരിചയം: ജയറാം’
ഉണ്ണികൃഷ്ണൻ പോറ്റി വിളിച്ചതനുസരിച്ച് പൂജയ്ക്ക് പോയതെന്ന് നടൻ ജയറാം പ്രതികരിച്ചു. ഉണ്ണികൃഷ്ണൻ പോറ്റിയുമായി ശബരിമലയിൽ വച്ചു കണ്ടുള്ള പരിചയമാണ്. ശബരിമലയിലെ വാതിൽ എന്നാണ് പറഞ്ഞത്. അമ്പത്തൂരിലെ ഫാക്ടറിയിൽ ആയിരുന്നു ചടങ്ങ്. വീരമണിയെ ക്ഷണിച്ചത് താൻ ആണ്. മഹാഭാഗ്യം ആയാണ് അന്ന് കരുതിയത്. കടുത്ത അയ്യപ്പ ഭക്തനായതിനാലാണ് പൂജയ്ക്ക് പോയത്. ഇതിന്റെ പേരിൽ പണപ്പിരിവ് നടത്തിയതായി ശ്രദ്ധയിൽ പെട്ടിട്ടില്ല. അങ്ങനെയുള്ള കാര്യങ്ങൾ അറിയില്ലെന്നും ജയറാം പറഞ്ഞു.
ചെന്നൈയില് അറ്റകുറ്റപ്പണിക്കായി ഉണ്ണികൃഷ്ണന് പോറ്റി കൈപ്പറ്റിയ ദ്വാരപാലക ശില്പ്പങ്ങള് ബംഗലൂരുവിലെത്തിച്ച് പ്രദര്ശനം നടത്തിയിരുന്നതായും കണ്ടെത്തിയിട്ടുണ്ട്. ശബരിമലയില് നിന്നും കൊണ്ടുപോയ ദ്വാരപാലക ശില്പ്പങ്ങള് 40 ദിവസത്തിനു ശേഷമാണ് അറ്റകുറ്റപ്പണി നടത്തുന്ന ചെന്നൈയിലെ സ്മാര്ട്ട് ക്രിയേഷന്സ് കമ്പനിയിലെത്തിക്കുന്നത്. കമ്പനിയിലെത്തിച്ചത് ശുദ്ധമായ ചെമ്പുപാളിയായിരുന്നെന്ന് സ്മാര്ട്ട് ക്രിയേഷന്സ് കമ്പനി അഭിഭാഷകന് കെ ബി പ്രദീപ് വ്യക്തമാക്കിയിട്ടുണ്ട്. കാണാതായ ദ്വാരപാലക ശില്പ്പത്തിന്റെ പീഠം ഉണ്ണികൃഷ്ണന് പോറ്റിയുടെ ബന്ധുവിന്റെ വീട്ടില് നിന്നും കണ്ടെത്തിയിരുന്നു. ഈ പീഠം പ്രദര്ശന വസ്തുവാക്കിയും ഉണ്ണികൃഷ്ണന് പോറ്റി പണം സമ്പാദിച്ചുവെന്നാണ് വിജിലന്സിന് ലഭിച്ച വിവരമെന്നാണ് സൂചന.
by Midhun HP News | Oct 3, 2025 | Latest News, കേരളം
ക്രിമിനൽ കേസ് പ്രതികളായാൽ അഡ്മിഷൻ ഇല്ലെന്ന തീരുമാനവുമായി കേരള വി സി മുന്നോട്ട്. വിഷയത്തിൽ കോളേജുകൾക്ക് വിസി മോഹൻ കുന്നുമ്മൽ സർക്കുലർ അയച്ചിരിക്കുകയാണ്. പ്രവേശനം നേടുന്നവർ ക്രിമിനൽ കേസുകളിൽ ഉൾപ്പെട്ടിട്ടില്ല എന്ന് സത്യവാങ്മൂലം നൽകണമെന്നും സര്ക്കുലറിലുണ്ട്. സത്യവാങ്മൂലം ലംഘിച്ച് കേസിൽ പ്രതികളായാൽ നടപടി എടുക്കാം. സത്യവാങ്മൂലത്തിൽ നാല് ചോദ്യങ്ങളാണ് ഉള്പ്പെടുത്തിയിരിക്കുന്നത്. കോളേജുകളിൽ നിന്ന് ഡീബാർ ചെയ്യപ്പെട്ടിട്ടുണ്ടോ? ക്രിമിനൽ കേസുകളിൽ പ്രതികളാണോ? സ്ത്രീകൾക്കെതിരെയുള്ള അതിക്രമ കേസുകളിലോ ക്രിമിനൽ കേസുകളിലോ ശിക്ഷിക്കപ്പെട്ടിട്ടുണ്ടോ? പരീക്ഷ ക്രമക്കേടിന് പെട്ടിട്ടുണ്ടോ? എന്നിവയാണവ. ഈ ചോദ്യങ്ങൾക്ക് പ്രവേശനം നേടുന്ന വിദ്യാർത്ഥികൾ മറുപടി നൽകണം. സർക്കുലർ ലംഘിച്ചാൽ നടപടി കോളേജ് കൗൺസിലിന് തീരുമാനിക്കാമെന്നും സര്ക്കുലറിൽ വ്യക്തമാക്കുന്നു. കൊല്ലം റിയൽ എസ്റ്റേറ്റ്
അതേ സമയം, നടപടിയിൽ പ്രതിഷേധമറിയിച്ച് എസ്എഫ്ഐ സംസ്ഥാന സെക്രട്ടറി പി എസ് സഞ്ജീവ് രംഗത്തെത്തി. ചരിത്ര നിഷേധ ഉത്തരവുകൾ പൊതുജനങ്ങൾ ചവറ്റുകുട്ടയിലേക്ക് വലിച്ചെറിയുമെന്ന് എസ്എഫ് ഐ ഫേസ്ബുക്ക് കുറിപ്പിൽ വ്യക്തമാക്കി. വൈസ് ചാൻസലറുടെ നടപടിക്കെതിരെ ശക്തമായ പ്രതിഷേധം ഉയരുമെന്നും പി എസ് സഞ്ജീവ് പറഞ്ഞു.
by Midhun HP News | Oct 3, 2025 | Latest News, കേരളം
പത്തനംതിട്ട: ശബരിമല സ്വര്ണപ്പാളി വിവാദത്തില് വെളിപ്പെടുത്തലുമായി ചെന്നൈ സ്മാര്ട്ട് ക്രിയേഷന്സ് കമ്പനി. 2019 ല് ചെന്നൈയിലെ സ്മാര്ട്ട് ക്രിയേഷന്സില് അറ്റകുറ്റപ്പണിക്ക് എത്തിച്ചത് ശുദ്ധമായ ചെമ്പുപാളികളായിരുന്നെന്ന് സ്ഥാപനത്തിന്റെ അഭിഭാഷകന് കെ ബി പ്രദീപ് വ്യക്തമാക്കി. കമ്പനിയിലെത്തിച്ചത് മുമ്പൊരിക്കലും സ്വര്ണം പൂശിയിട്ടില്ലാത്ത ചെമ്പുപാളികളാണ്. സ്ഥാപനത്തിന്റെ പ്രോട്ടോക്കോള് അനുസരിച്ച്, ഒരിക്കല് സ്വര്ണം പൂശിയ ലോഹം അറ്റകുറ്റപ്പണിക്കായി സ്ഥാപനം സ്വീകരിക്കാറില്ലെന്നും അദ്ദേഹം പറഞ്ഞു.
ദ്വാരപാലകരെ കവര് ചെയ്ത ക്ലാഡിങ് ആണ് എത്തിച്ചത്. ശബരിമലയില് നിന്നും അഴിച്ചു മാറ്റിയതു തന്നെയാണോ എന്ന് അറിയില്ല. ഒത്തിരി കോംപ്ലിക്കേഷന്സ് ഉള്ളതുകൊണ്ടാണ് ഒരിക്കല് സ്വര്ണം പൂശിയത് വീണ്ടും കമ്പനി സ്വീകരിക്കാത്തത്. ഞങ്ങളുടെ കമ്പനിയിലെത്തിച്ചത് ശുദ്ധമായ ചെമ്പു കൊണ്ടുള്ള സാധനമാണ്. 38 കിലോ ഭാരമുള്ള ദ്വാരപാലക ശില്പങ്ങളിലാണ് കമ്പനി ഇലക്ട്രോ പ്ലേറ്റിങ്ങ് നടത്തിയത്.
അന്ന് ലഭിച്ചപ്പോള് ആദ്യ ക്ലീനിങ്ങില് ദ്വാരപാലക ശില്പങ്ങളിലെ കുമിളകള്ക്കുള്ളിലെ മെഴുക് അടക്കം മാറ്റി ക്ലീന് ചെയ്തപ്പോഴുള്ള ഭാരം 40.137 കിലോ ഗ്രാമാണ്. തുടര്ന്ന് ആസിഡ് വാഷ്, എല്ഗ്രേറ്റ് കെമിക്കല് വാഷ്, ബഫിങ് എന്നിവയെല്ലാം കഴിഞ്ഞപ്പോള് 38 കിലോയാണ് ലഭിച്ചത്. ശബരിമലയിലെ ശില്പങ്ങളില് സ്വര്ണം പൂശിയിട്ടുള്ളതായിരുന്നെങ്കില്, കമ്പനിയിലെത്തിച്ചിട്ടുള്ളത് ശുദ്ധമായ ചെമ്പു പാളിയാണ്. സ്വര്ണം പൂശിയതായിരുന്നെങ്കില് കമ്പനി പോളിസി പ്രകാരം അതു സ്വീകരിക്കുമായിരുന്നില്ലെന്നും അഭിഭാഷകന് കെ ബി പ്രദീപ് വ്യക്തമാക്കി.
ശബരിമല സ്വര്ണപ്പാളി വിവാദത്തില് സ്പോണ്സര് ഉണ്ണികൃഷ്ണന് പോറ്റിയെ നാളെ ചോദ്യം ചെയ്യും. ചോദ്യം ചെയ്യലിന് ഹാജരാകാന് ദേവസ്വം വിജിലന്സ് ഉണ്ണികൃഷ്ണന് പോറ്റിക്ക് നിര്ദേശം നല്കിയിരുന്നു. കിളിമാനൂര് കാരേറ്റ് സ്വദേശിയായ ഉണ്ണികൃഷ്ണന് പോറ്റിയുടെ ഇടപാടുകളില് അടിമുടി ദുരൂഹതയെന്നാണ് ദേവസ്വം വിജിലന്സിന്റെ വിലയിരുത്തല്. 2019 ജൂലായ് 20 ന് സ്വര്ണപ്പാളികള് ഇളക്കിയെങ്കിലും ചെന്നൈയിലെ സ്മാര്ട്ട് ക്രിയേഷന്സ് എന്ന കമ്പനിയില് എത്തിച്ചത് 40 ദിവസം കഴിഞ്ഞാണ്. ഒരു മാസത്തിലേറെ ഇതെവിടെയായിരുന്നു എന്നാണ് ദേവസ്വം വിജിലന്സ് അന്വേഷിക്കുന്നത്.
Recent Comments