by Midhun HP News | Sep 15, 2026 | Latest News, കേരളം
തിരുവനന്തപുരം: സംസ്ഥാനത്ത് ഇന്നും നാളെയും ശക്തമായ മഴയ്ക്ക് സാധ്യത. ഇന്ന് മലപ്പുറം, കോഴിക്കോട്, വയനാട് ജില്ലകളിലും ബുധനാഴ്ച ഇടുക്കി, കോഴിക്കോട്, വയനാട്, കണ്ണൂർ ജില്ലകളിലുമാണ് ഒറ്റപ്പെട്ട ശക്തമായ മഴയ്ക്കുള്ള സാധ്യത നിലനിൽക്കുന്നത്. ജാഗ്രതയുടെ ഭാഗമായി ഈ ജില്ലകളിൽ യെല്ലോ അലർട്ട് പ്രഖ്യാപിച്ചു.
തിരുവനന്തപുരം: സംസ്ഥാനത്ത് ഇന്നും നാളെയും ശക്തമായ മഴയ്ക്ക് സാധ്യത. ഇന്ന് മലപ്പുറം, കോഴിക്കോട്, വയനാട് ജില്ലകളിലും ബുധനാഴ്ച ഇടുക്കി, കോഴിക്കോട്, വയനാട്, കണ്ണൂർ ജില്ലകളിലുമാണ് ഒറ്റപ്പെട്ട ശക്തമായ മഴയ്ക്കുള്ള സാധ്യത നിലനിൽക്കുന്നത്. ജാഗ്രതയുടെ ഭാഗമായി ഈ ജില്ലകളിൽ യെല്ലോ അലർട്ട് പ്രഖ്യാപിച്ചു.
കള്ളക്കടൽ പ്രതിഭാസം
കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം (കാപ്പിൽ മുതൽ പൊഴിയൂർ വരെ), കൊല്ലം (ആലപ്പാട്ട് മുതൽ ഇടവ വരെ), കോഴിക്കോട് (ചോമ്പാല മുതൽ രാമനാട്ടുകര വരെ) കണ്ണൂർ (വളപട്ടണം മുതൽ ന്യൂമാഹി വരെ) ജില്ലകളിലെ തീരങ്ങളിൽ ബുധനാഴ്ച രാത്രി 11.30 വരെ 0.7 മുതൽ 1.1 മീറ്റർ വരെ ഉയർന്ന തിരമാലയ്ക്ക് സാധ്യതയെന്ന് ദേശീയ സമുദ്ര വിവര വിശകലന കേന്ദ്രം (INCOIS) അറിയിച്ചു. ഇതിനെ തുടർന്ന് കടലാക്രമണത്തിന് സാധ്യതയുള്ളതിനാൽ തീരപ്രദേശത്തുള്ളവർ ജാഗ്രത പാലിക്കണമെന്നും മുന്നറിയിപ്പിൽ പറയുന്നു.
by Midhun HP News | Sep 15, 2026 | Latest News, കേരളം
തിരുവനന്തപുരം: മാസപ്പടി കേസില്‍ മുന്‍ മുഖ്യമന്ത്രി പിണറായി വിജയന്റെ മകള്‍ വീണയില്‍ നിന്ന് പിടിച്ചെടുത്ത രേഖകളില്‍ ഹവാല ഇടപാടിന്റെ തെളിവ് ഉണ്ടെന്ന് എന്‍ഫോഴ്‌സ്‌മെന്റ് ഡയറക്ടറേറ്റ്. വീണയുടെ പക്കല്‍ നിന്ന് കണ്ടെടുത്ത ‘റെഡ് ബുക്കിലെ’ കുറിപ്പുകളിലും പണത്തിന്റെ കണക്കുകളിലും വീണയും മുന്‍ മന്ത്രിയും ഭര്‍ത്താവുമായ പി എ മുഹമ്മദ് റിയാസും ഹവാല ഇടപാടിലൂടെ ദുബൈയിലേക്ക് പണമയച്ചതിനെ കുറിച്ച് പറയുന്നതായും ഇഡി പറയുന്നു. സംസ്ഥാന പൊലീസ് മേധാവിക്ക് ഇഡി അയച്ച കത്തിനൊപ്പം തെളിവായി അവര്‍ ചേര്‍ത്തത് ഈ റെഡ് ബുക്കിലെ കുറിപ്പുകളും പണത്തിന്റെ കണക്കുകളുമാണ്. ഇഡി സംസ്ഥാന സര്‍ക്കാരിന് കൈമാറിയ 25 പേജുള്ള കത്തിലെ നിര്‍ണായക വിവരങ്ങളാണ് പുറത്തുവന്നത്.
തിരുവനന്തപുരം ബേക്കറി ജംഗ്ഷനില്‍ പിണറായി വിജയനൊപ്പം വീണ താമസിച്ച വാടകവീട്ടില്‍ മെയ് 27ന് ഇഡി നടത്തിയ റെയ്ഡില്‍ പിടിച്ചെടുത്ത ‘റെഡ് ബുക്കി’ലാണ് പണമിടപാട് വിവരങ്ങള്‍ കുറിച്ചിട്ടുള്ളതെന്നും കത്തില്‍ പറയുന്നു. റിയാസിന്റെ പൂര്‍ണ അറിവോടെ, അദ്ദേഹത്തിന്റെ സുഹൃത്തുക്കള്‍ വഴി 2024 ജൂലൈ മുതല്‍ 2025 ജൂലൈ വരെയായിരുന്നു ഹവാല ഉള്‍പ്പെടെയുള്ള പണമിടപാടുകള്‍ എന്നും കത്തിലുണ്ട്. പിണറായി വിജയന്‍, വീണ, റിയാസ് അടക്കമുള്ളവര്‍ക്കെതിരെ കേസെടുക്കാന്‍ ആവശ്യപ്പെട്ടാണ് ഡിജിപിക്ക് ഇഡി കത്ത് നല്‍കിയത്.
റിയാസിന്റെ സ്റ്റാഫ് അംഗങ്ങളും സുഹൃത്തുക്കളും കൂട്ടാളികള്‍ ആയെന്നും ഇഡിയുടെ കത്തില്‍ പറയുന്നുണ്ട്. ഹവാല കടത്തിന് വേണ്ടി 16 അംഗ വാട്‌സാപ്പ് ഗ്രൂപ്പ് ഉണ്ടാക്കിയെന്നാണ് ഇഡിയുടെ കണ്ടെത്തല്‍. മുന്‍ മന്ത്രിയുടെ സ്റ്റാഫ് അംഗങ്ങളും ഈ വാട്‌സ്ആപ്പ് ഗ്രൂപ്പിലുണ്ട്. ഹവാല ഇടപാടുകാരന്‍ എന്ന് ഇഡി സംശയിക്കുന്ന കൊടുവള്ളി സ്വദേശിയും ഗ്രൂപ്പില്‍ ഉണ്ടെന്ന് ഇഡി കണ്ടെത്തി. 2024 മെയ് മാസത്തില്‍ അടക്കം വീണയും റിയാസും ദുബൈയിലേക്ക് ഒരുമിച്ചു പോയത് കള്ളപ്പണം വെളുപ്പിക്കാന്‍ വേണ്ടി ആയിരുന്നുവെന്നും ഇഡി ആരോപിക്കുന്നു. റെഡ് ബുക്കിലെ കുറിപ്പുകള്‍ താന്‍ തന്നെ എഴുതിയതാണെന്ന് വീണ സമ്മതിച്ചെന്നും ഇഡി പറയുന്നു.
by Midhun HP News | Sep 14, 2026 | Latest News, കേരളം
ആറ്റിങ്ങൽ: ആലംകോട് മുസ്ലിം ജമാഅത്ത് അസയ്യിദ് ഉദാരത്ത് പൂക്കോയ തങ്ങൾ 112മത് ആണ്ട് നേർച്ച 14 മുതൽ 16 വരെ തീയതികളിലായി നടക്കും. 14ന് വൈകുന്നേരം ഏഴിന് നിഹാൽ ഹാദി അൽ മുഹത്തദി ഉദ്ഘാടനം ചെയ്യും. ജമാഅത്ത് പ്രസിഡൻറ് എം.മുഹ്സിൻ അധ്യക്ഷത വഹിക്കും.
ഡോ. ഹാഫിസ് ജുനൈദ് ജൗഹരി മുഖ്യ പ്രഭാഷണം നടത്തും. 15ന് വൈകുന്നേരം ഏഴിന് മുഹമ്മദ് സുഹുഫ് മന്നാനി മത പ്രഭാഷണം നടത്തും. 16ന് വൈകുന്നേരം നാലിന് പള്ളിമുക്ക് ദാറുൽ ഉലവും മദ്രസ നിർമ്മാണ ഉദ്ഘാടനം അസയ്യിദ് മഹമൂദ് സഫുവാൻ തങ്ങൾ അൽ ബുഖാരി നിർവ്വഹിക്കും. രാത്രി ഏഴിന് ഇത് ദുഅ സമ്മേളനം നടക്കും. വിദ്യാർത്ഥി പ്രതിഭകളെ അനുമോദിക്കും.
by Midhun HP News | Sep 14, 2026 | Latest News, കേരളം
കൊച്ചി: മുംബൈയിലെ കോടതി നാല് ചെക്ക് മറുപടി കേസുകളിൽ തടവുശിക്ഷ വിധിച്ചതിന്റെ പശ്ചാത്തലത്തിൽ, മാണി സി. കാപ്പനെ പാലാ എംഎൽഎ സ്ഥാനത്തുനിന്ന് അയോഗ്യനാക്കണമെന്ന് ആവശ്യപ്പെട്ട് സമർപ്പിച്ച ഹർജിയിൽ ഹൈക്കോടതിയുടെ ഇടപെടൽ. മാണി സി. കാപ്പന് പ്രത്യേക ദൂതൻ വഴി നോട്ടീസ് അയക്കാൻ ജസ്റ്റിസ് ബെച്ചു കുര്യൻ തോമസ് ഉത്തരവിട്ടു. വ്യവസായി ദിനേശ് മേനോൻ നൽകിയ ഹർജിയിലാണ് ഹൈക്കോടതി നടപടി. വിശദമായ വാദത്തിനായി ഹർജി സെപ്റ്റംബർ 22 ചൊവ്വാഴ്ചയിലേക്ക് മാറ്റി.
“ശിക്ഷാവിധി നടപ്പാക്കുന്നത് മരവിപ്പിച്ചാൽ അതിന്റെ നിയമപരമായ പ്രത്യാഘാതം എന്താണ്? കുറ്റക്കാരനാണെന്ന വിധികോടതി സ്റ്റേ ചെയ്തിട്ടില്ലെങ്കിൽ അയോഗ്യത നിലനിൽക്കില്ലേ? ശിക്ഷ നടപ്പാക്കുന്നത് താൽക്കാലികമായി നിർത്തിവെച്ചാൽ അയോഗ്യത ബാധകമാകാതിരിക്കുമോ?” എന്ന് ജസ്റ്റിസ് ബെച്ചു കുര്യൻ തോമസ് വാക്കാൽ ആരാഞ്ഞു. വിശദമായ നിർദ്ദേശങ്ങൾ സമർപ്പിക്കാൻ സർക്കാരിനും തെരഞ്ഞെടുപ്പ് കമ്മീഷനും കോടതി സമയം അനുവദിച്ചു.
ദിനേശ് മേനോൻ നൽകിയ നാല് വ്യത്യസ്ത ചെക്ക് മറുപടി കേസുകളിൽ സെപ്റ്റംബർ ഒന്നിനാണ് മുംബൈ ബോറിവിലി അഡീഷണൽ മെട്രോപൊളിറ്റൻ മജിസ്ട്രേറ്റ് കോടതി (43-ാം കോടതി) മാണി സി. കാപ്പൻ കുറ്റക്കാരനാണെന്ന് കണ്ടെത്തി ശിക്ഷ വിധിച്ചത്. നാല് കേസുകളിലുമായി ആകെ മൂന്നര വർഷം തടവും 5.3 കോടി രൂപയുടെ നഷ്ടപരിഹാരവുമാണ് കോടതി വിധിച്ചത്. ജനപ്രാതിനിധ്യ നിയമപ്രകാരം രണ്ട് വർഷത്തിൽ കൂടുതൽ തടവുശിക്ഷ ലഭിക്കുന്ന ജനപ്രതിനിധികൾ അയോഗ്യരാക്കപ്പെടണമെന്നാണ് വ്യവസ്ഥ.
ശിക്ഷാവിധി വന്ന തീയതി മുതൽ മാണി സി. കാപ്പനെ എംഎൽഎ സ്ഥാനത്തുനിന്ന് അയോഗ്യനാക്കണമെന്ന് ആവശ്യപ്പെട്ട് പരാതിക്കാരനായ ദിനേശ് മേനോൻ നേരത്തെ നിയമസഭാ സ്പീക്കറെ സമീപിച്ചിരുന്നു. എന്നാൽ സ്പീക്കറുടെ ഭാഗത്തുനിന്ന് തുടർനടപടികൾ ഉണ്ടാകാതിരുന്ന സാഹചര്യത്തിലാണ് ഇയാൾ ഹൈക്കോടതിയെ സമീപിച്ചത്.
മാണി സി. കാപ്പനെ അടിയന്തരമായി അയോഗ്യനാക്കി പാലാ നിയമസഭാ മണ്ഡലം ഒഴിഞ്ഞുകിടക്കുന്നതായി പ്രഖ്യാപിക്കാൻ സ്പീക്കർക്ക് നിർദ്ദേശം നൽകണമെന്നും, മണ്ഡലത്തിൽ ഉപതെരഞ്ഞെടുപ്പ് നടത്താനുള്ള നടപടികൾ സ്വീകരിക്കാൻ കേന്ദ്ര തെരഞ്ഞെടുപ്പ് കമ്മീഷനോട് ഉത്തരവിടണമെന്നുമാണ് ഹർജിയിലെ പ്രധാന ആവശ്യങ്ങൾ.
by Midhun HP News | Sep 14, 2026 | Latest News, കേരളം
കൊച്ചി: സംസ്ഥാനം അതി തീവ്രമായ വൈദ്യുതി പ്രതിസന്ധിയിലൂടെ കടന്നു പോവുമ്പോള്‍ സോളാറിലേക്കു മാറാന്‍ ശ്രമിക്കുന്നവര്‍ക്കു തിരിച്ചടിയായി കെഎസ്ഇബി ട്രാന്‍സ്‌ഫോര്‍മറിന്റെ കപ്പാസിറ്റിയും നെറ്റ് മീറ്ററിന്റെ ലഭ്യതക്കുറവും. സംസ്ഥാനത്ത് പലയിടത്തും ട്രാന്‍സ്‌ഫോര്‍മറിന് കപ്പാസിറ്റി ഇല്ലാത്തതിനാല്‍ ഉപയോക്താക്കള്‍ക്കു സോളാര്‍ പ്ലാന്റ് വയ്ക്കാന്‍ സാധിക്കാത്ത സാഹചര്യമുണ്ട്. സോളാര്‍ പ്ലാന്റ് സ്ഥാപിച്ച അരലക്ഷത്തോളം പേര്‍ നെറ്റ് മീറ്റര്‍ കിട്ടാത്തതിനാല്‍ ഉത്പാദനം തുടങ്ങാനാവാതെയും വലയുന്നു.
വീടുകള്‍ക്കു മുകളില്‍ സൗരോര്‍ജ പ്ലാന്റ് സ്ഥാപിക്കുന്നതിനു സമീപമുള്ള ട്രാന്‍സ്‌ഫോര്‍മറിന്റെ കപ്പാസിറ്റി അനുസരിച്ചാണ് കെഎസ്ഇബി ഫീസിബിലിറ്റി നല്‍കുന്നത്. ഒരു ട്രാന്‍സ്‌ഫോര്‍മറിന്റെ ലോഡ് കപ്പാസിറ്റിയുടെ 90 ശതമാനം കഴിഞ്ഞാല്‍ പുതിയ പ്ലാന്റുകള്‍ക്ക് ഫീസിബിലിറ്റി നല്‍കില്ല. ഇത്തരം ട്രാന്‍സ്‌ഫോര്‍മറുകള്‍ അപ്‌ഗ്രേഡ് ചെയ്യുമെന്ന് സര്‍ക്കാര്‍ നേരത്തെ അറിയിച്ചിരുന്നെങ്കിലും അതിനു നടപടികളായിട്ടില്ല. കൊച്ചി നഗരത്തില്‍ പലയിടത്തും ട്രാന്‍സ്‌ഫോര്‍മര്‍ കപ്പാസിറ്റി 90 ശതമാനത്തിലെത്തിയതിനാല്‍ പുതിയ ഓണ്‍ഗ്രിഡ് സൗരോര്‍ജ പ്ലാന്റുകള്‍ സ്ഥാപിക്കാനാവുന്നില്ലെന്ന് ഉപയോക്താക്കള്‍ പറയുന്നു.
കെഎസ്ഇബിയില്‍നിന്നു ഫീസിബിലിറ്റി വാങ്ങി, വായ്പയെടുത്ത് പ്ലാന്റുകള്‍ സ്ഥാപിച്ച അര ലക്ഷത്തോളം പേരാണ് സംസ്ഥാനത്ത് നെറ്റ് മീറ്ററിനായി കാത്തിരിക്കുന്നത്. കെഎസ്ഇബിയില്‍ നെറ്റ് മീറ്റര്‍ ഇല്ലാത്തതിനാല്‍ പ്രൊസ്യൂമര്‍മാരോട് മീറ്റര്‍ സ്ഥാപിക്കാന്‍ ആവശ്യപ്പെടുകയാണ് അധികൃതര്‍. ഇങ്ങനെ സ്വന്തം നിലയ്ക്ക് സിംഗിള്‍ ഫേസ് നെറ്റ് മീറ്റര്‍ സ്ഥാപിക്കാന്‍ മൂവായിരം മുതല്‍ അയ്യായിരം രൂപ വരെ ചെലവുണ്ട്. ത്രീഫേസിന് ഇത് പതിനായിരത്തിനു മുകളിലാവും.
നെറ്റ് മീറ്റര്‍ സ്ഥാപിച്ചാല്‍ മാത്രമേ ഗ്രിഡിലേക്കു കണക്ട് ചെയ്ത് വൈദ്യുതി ഉത്പാദനം തുടങ്ങാനാവൂ. വായ്പയെടുത്ത് സോളാര്‍ പ്ലാന്റ് സ്ഥ്ാപിച്ചവര്‍ ഇപ്പോള്‍ കെഎസ്ഇബി ബില്ലും ഒപ്പം വായ്പയുടെ മാസ തവണയും അടയ്‌ക്കേണ്ട അവസ്ഥയിലാണ്.
കേന്ദ്ര സര്‍ക്കാരിന്റെ പിഎം സൂര്യഘര്‍ പദ്ധതി പ്രകാരമുള്ള സബ്‌സിഡി ഏതാനും മാസങ്ങള്‍ കൂടിയേ ഉള്ളൂവെന്നതിനാല്‍ പ്ലാന്റുകള്‍ സ്ഥാപിക്കുന്നവരുടെ എണ്ണം കൂടുതലാണ്. ഇതാണ് നെറ്റ് മീറ്ററില്‍ പ്രതിസന്ധി ഉണ്ടാക്കിയതെന്ന് കെഎസ്ഇബി പറയുന്നു. കഴിഞ്ഞ മാസം 82,000 നെറ്റ് മീറ്ററിന് കെഎസ്ഇബി ഓര്‍ഡര്‍ നല്‍കിയിട്ടുണ്ട്. ഇതു ലഭ്യമാവുന്നതോടെ പ്രതിസന്ധിക്കു പരിഹാരമാവുമെന്നാണ് പ്രതീക്ഷിക്കുന്നത്.
by Midhun HP News | Sep 14, 2026 | Latest News, കേരളം
പ്രതിയെ വിട്ടയയ്ക്കണമെന്ന് ആവശ്യപ്പെട്ട് തിരുവനന്തപുരം പോത്തൻകോട് പോലീസ് സ്റ്റേഷനിൽ 15 വയസുകാരിയുടെ പരാക്രമം. എസ് ഐയുടെ മുഖത്ത് മർദിച്ചും സ്റ്റേഷനിലേക്ക് കല്ലെറിഞ്ഞും പെൺകുട്ടി പോലീസുകാരെ അരമണിക്കുറോളം മുൾമുനയിൽ നിർത്തി. ഒടുവിൽ രക്ഷിതാക്കളെ വിളിച്ചുവരുത്തി പെൺകുട്ടിയെ മാനസിക ആരോഗ്യ കേന്ദ്രത്തിൽ എത്തിക്കുകയായിരുന്നു. ലഹരിക്ക് അടിമയാണ് പെൺകുട്ടിയെന്നാണ് പോലീസ് സംശയിക്കുന്നത്.
ബുധനാഴ്ച രാത്രി 10ന് ആയിരുന്നു സംഭവം. ബാറിനു സമീപത്തെ റോഡിൽ കറങ്ങിനടന്ന റൗഡി ലിസ്റ്റില്‍പെട്ട 28കാരനെ പോലീസ് പട്രോളിങ് സംഘം പിടികൂടി സ്റ്റേഷനിൽ എത്തിച്ചതിന് പിന്നാലെയാണ് നാടകീയ രംഗങ്ങൾ അരങ്ങേറിയത്. സ്റ്റേഷനിലേക്ക് ഓടി എത്തിയ പെൺകുട്ടി തന്റെ സുഹൃത്തിനെ വിട്ടയക്കണമെന്ന് ആവശ്യപ്പെട്ട് ബഹളം വയ്ക്കുകയായിരുന്നു.
പോലീസ് സ്റ്റേഷനിൽ വനിതാ പോലീസുകാർ ഇല്ലാത്തതിനാൽ പെൺകുട്ടിയെ തടഞ്ഞുവയ്ക്കാൻ കഴിയാതെ വരികയും പെൺകുട്ടി എസ്ഐ അടക്കമുള്ളവരെ മർദിക്കുകയുമായിരുന്നു. സംഘർഷം രൂക്ഷമായതോടെ വട്ടപ്പാറ പോലീസ് സ്റ്റേഷനിൽ നിന്നു വനിതാ പോലീസുകാർ എത്തി പെൺകുട്ടിയെ പിടിച്ചുവച്ച ശേഷം വീട്ടുകാരെ വിളിച്ചുവരുത്തി പുലർച്ചെ 2 മണിയോടെ മാനസികാരോഗ്യ കേന്ദ്രത്തിൽ എത്തിക്കുകയായിരുന്നു.
Recent Comments