ആലംകോട് വാഹനാപകടം; ഒരാൾക്ക് പരിക്ക്
ആറ്റിങ്ങൽ: ആലംകോട് ജംഗ്ഷന് സമീപം ബൈക്കും കാറും കൂട്ടിമുട്ടി ബൈക്ക് യാത്രികന് ഗുരുതര പരുക്ക്. പരുക്കേറ്റയാളെ തിരുവനന്തപുരം മെഡിക്കൽ കോളേജിലേയ്ക്ക് മാറ്റിയതായാണ് പ്രാഥമിക വിവരം. കൂടുതൽ വിവരങ്ങൾ ലഭ്യമായിട്ടില്ല.
പിടിച്ചെടുത്ത വാഹനം തിരികെ കിട്ടണം, ദുൽഖർ സൽമാൻ കസ്റ്റംസിൽ അപേക്ഷ നൽകി
കൊച്ചി: ഓപ്പറേഷൻ നുംഖോറിൽ പിടിച്ചെടുത്ത വാഹനം തിരികെ കിട്ടണമെന്ന് ആവശ്യപ്പെട്ട് നടൻ ദുൽഖർ സൽമാൻ കസ്റ്റംസിന് അപേക്ഷ നൽകി. വാഹനം താത്കാലികമായി വിട്ട് കിട്ടണമെന്നാണ് ആവശ്യം. പ്രൊവിഷണൽ റിലീസിന് വേണ്ട അപേക്ഷയാണ് നൽകിയത്. അഭിഭാഷകൻ വഴി നേരിട്ടാണ് അപേക്ഷ നൽകിയത്. രേഖകൾ പരിശോധിച്ച് കസ്റ്റംസ് അഡീഷണൽ കമ്മീഷണർ ഇക്കാര്യത്തിൽ തീരുമാനമെടുക്കും.
ദുൽഖറിന്റെ അപേക്ഷയിൽ പത്ത് ദിവസത്തിനകം കസ്റ്റംസ് തീരുമാനമെടുക്കണമെന്ന് ഹൈക്കോടതി ഉത്തരവിട്ടിരുന്നു. ഓപ്പറേഷൻ നുംഖോറിന്റെ ഭാഗമായി കസ്റ്റംസ് പിടിച്ചെടുത്ത ലാൻഡ് റോവർ വിട്ടുകിട്ടണം എന്നാവശ്യപ്പെട്ട് നേരത്തെ ദുല്ഖര് സല്മാന് ഹൈക്കോടതിയെ സമീപിച്ചിരുന്നു. വിശദമായ വാദം കേട്ട കോടതി കസ്റ്റംസ് അഡീഷണർ കമ്മീഷണർ ദുൽഖറിന്റെ ആവശ്യം പരിഗണിക്കണമെന്ന് ഇടക്കാല ഉത്തരവിടുകയായിരുന്നു.
ഇതിന്റെ അടിസ്ഥാനത്തിലാണ് ലാന്ഡ് റോവര് വിട്ടുകിട്ടാന് ദുല്ഖര് അപേക്ഷ നല്കിയത്.
ഭൂട്ടാനില് നിന്ന് കടത്തി ഇന്ത്യയിലെത്തിച്ച കൂടുതല് വാഹനങ്ങള് പിടിച്ചെടുക്കാനുള്ള തീവ്രശ്രമത്തിലാണ് കസ്റ്റംസ്. അന്വേഷണം തുടങ്ങി ഒരു മാസമാകാനിരിക്കെ ആദ്യ ഘട്ടത്തില് കണ്ടെത്തിയ 39 വാഹനങ്ങള്ക്കപ്പുറം കൂടുതലായൊന്നും കണ്ടെത്താൻ കഴിഞ്ഞിട്ടില്ല. കേസില് ഷൈൻ മോട്ടോഴ്സ് ഉടമകള് കോയമ്പത്തൂരിലെ ഇടനില സംഘമാണെന്ന് ഇ ഡി കണ്ടെത്തിയിരുന്നു. ഫോറൻസിക് പരിശോധനയ്ക്കായി നല്കിയ രേഖകളുടെയും ഇലക്ട്രോണിക് തെളിവുകളുടെയും വിവരങ്ങള്ക്കായി കാത്തിരിക്കുകയാണ് ഇ.ഡി.
ചുമട്ടുതൊഴിലാളികളുടെ നെടുമങ്ങാട് മേഖലാ സമ്മേളനം നടത്തി
പോത്തൻകോട്: ക്ഷേമനിധി ബോർഡിനുകീഴിലുള്ള തൊഴിലാളികളുടെ ആനുകൂല്യങ്ങൾ വർധിപ്പിക്കുക, 26 എ .കാർഡുകൾ വിതരണം ചെയ്യുന്നതിനുള്ള കാലതാമസം ഒഴിവാക്കുക, പദ്ധതി വ്യാപനം സുതാര്യമാക്കുക, ചുമട്ടുതൊഴിലാളികൾക്ക് ഇ എസ് ഐ പദ്ധതി നടപ്പാക്കുക തുടങ്ങി വിവിധ ആവശ്യങ്ങളുന്നയിച്ച് നടത്താൻ പോകുന്ന രണ്ടാം ഘട്ട പ്രക്ഷോഭങ്ങളുടെ മുന്നോടിയായി സംഘടിപ്പിച്ച നെടുമങ്ങാട് മേഖലാ ചുമട്ടു തൊഴിലാളി സമ്മേളനം ഹെഡ് ലോഡ് & ലോഡിംഗ് വർക്കേഴ്സ് കോൺഗ്രസ്സ് (ഐ.എൻ.റ്റി.യു.സി.) പ്രസിഡൻ്റ് വി.ആർ. പ്രതാപൻ ഉദ്ഘാടനം ചെയ്തു.
മേഖലാ പ്രസിഡൻ്റ് എ. നൗഷാദ്ഖാൻ അദ്ധ്യക്ഷത വഹിച്ചു. ഹെഡ് ലോഡ് & ലോഡിംഗ് വർക്കേഴ്സ് കോൺഗ്രസ്സ് ജനറൽ സെക്രട്ടറി മലയം ശ്രീകണ്ഠൻ നായർ, കോൺഗ്രസ്സ് മണ്ഡലം പ്രസിഡൻ്റുമാരായ സാജൻലാൽ, എം.ആർ.ഷാനവാസ്, ഡി.സി.സി.മെമ്പർ അഡ്വ. എ.എസ്. അനസ്, ഹെഡ് ലോഡ് & ലോഡിംഗ് വർക്കേഴ്സ് കോൺഗ്രസ്സ് ജില്ലാ സെക്രട്ടറി കുന്നിട അജിത്ത് തുടങ്ങിയവർ സംസാരിച്ചു. ഐ.എൻ.റ്റി.യു.സി. ജില്ലാ സെക്രട്ടറി ആർ. എസ്. വിനോദ് മണി സ്വാഗതവും ജില്ലാ എക്സിക്യുട്ടീവ് അംഗം ശശിധരൻ നായർ കൃതജ്ഞതയും പറഞ്ഞു.
തിരുവനന്തപുരത്ത് ഡ്രില്ലിങ് മെഷീൻ തലയിൽ തുളച്ചു കയറി രണ്ടര വയസുകാരന് ദാരുണാന്ത്യം
തിരുവനന്തപുരം: ഡ്രില്ലിങ് മെഷീൻ തലയിൽ തുളച്ചു കയറി രണ്ടര വയസുകാരന് ദാരുണാന്ത്യം. തിരുവനന്തപുരം പടിഞ്ഞാറെ നടയ്ക്കടുത്തായിരുന്നു സംഭവം. ധ്രുവ് ആണ് മരിച്ചത്. കഴിഞ്ഞ ദിവസമായിരുന്നു സംഭവം നടന്നത്. വീട്ടിൽ നവീകരണ പ്രവർത്തനങ്ങൾ നടക്കുകയായിരുന്നു. ഇതിന്റെ ആവശ്യങ്ങൾക്കായാണ് ഡ്രില്ലിങ് മെഷീൻ കൊണ്ടുവന്നത്. കുട്ടി ഇതെടുത്തപ്പോഴാണ് അപകടം ഉണ്ടായത്. ആശുപത്രിയിൽ ചികിത്സയിലിരിക്കെയാണ് മരിച്ചത്.
ശബരിമല സ്വര്ണ കൊള്ള കേസ്; ദേവസ്വം ബോര്ഡിനെതിരെ നടപടി വേണമെന്ന് ദേവസ്വം വിജിലന്സ് റിപ്പോര്ട്ട്; ഇഡിയും രംഗത്ത്
തിരുവനന്തപുരം: ശബരിമലയിലെ സ്വര്ണക്കവര്ച്ചയുമായി ബന്ധപ്പെട്ട് ദേവസ്വം വിജിലന്സ് ഹൈക്കോടതിയിൽ സമര്പ്പിച്ച അന്തിമ റിപ്പോര്ട്ടിന്റെ പകര്പ്പ് പുറത്ത്. സ്വര്ണക്കവർച്ചയിലെ ദുരൂഹത വ്യക്തമാക്കുന്ന വിവരങ്ങളാണ് വിജിലന്സ് റിപ്പോര്ട്ടിലുള്ളത്. ദേവസ്വം ബോർഡിനെ സംശയിച്ചാണ് ദേവസ്വം വിജിലൻസ് റിപ്പോര്ട്ട്.
നിയമവിരുദ്ധമായി ഉദ്യോഗസ്ഥർ ചെയ്തത് ദേവസ്വം ബോർഡ് അധികാരികൾ അറിഞ്ഞില്ലെന്ന് കരുതാൻ കഴിയില്ലെന്നും ഉദ്യോഗസ്ഥ താല്പര്യം മാത്രമെന്ന് കാണാൻ കഴിയില്ലെന്നും റിപ്പോര്ട്ടിലുണ്ട്. ദേവസ്വം ബോര്ഡിലെ ഉന്നതരിലേക്ക് സംശയം നീളുന്നതാണ് റിപ്പോര്ട്ട്. 2019 ലെ ബോർഡ് അധികാരികളുടെ പ്രേരണയോ സമ്മർദ്ദമോ നിർദ്ദേശമോ ഉണ്ടോയെന്ന് സംശയമുണ്ടെന്നും നിയമവിരുദ്ധമായി ഉണ്ണികൃഷ്ണൻ പോറ്റി പുറത്തു കൊണ്ട് പോയി സ്വർണ്ണം പൂശാൻ ഇടയായത് 2019 ലെ ബോർഡിന്റെ വീഴ്ചയാണെന്നും ബോർഡിനെതിരെയും തുടർനടപടി വേണമെന്നും ദേവസ്വം വിജിലൻസ് റിപ്പോർട്ടിലുണ്ട്.
അതേസമയം, ശബരിമലയിലെ സ്വർണാപഹരണം സംബന്ധിച്ച് പ്രത്യേക അന്വേഷണസംഘം രജിസ്റ്റര് ചെയ്ത രണ്ടാം കേസിലെ എഫ്ഐആറിൽ ദേവസ്വം ബോര്ഡ് അംഗങ്ങളെയും പ്രതിചേര്ത്തു. 2019 ലെ ദേവസ്വം ബോര്ഡ് അംഗങ്ങളെയാണ് എട്ടാം പ്രതിയായി ചേർത്തിരിക്കുന്നത്. ആരുടെയും പേര് എഫ്ഐആറിലില്ല. എ പത്മകുമാർ പ്രസിഡന്റാായ ഭരണസമിതിയാണ് 2019ൽ ചുമതലയിലുണ്ടായിരുന്നത്. 2019ല് ദേവസ്വം അംഗങ്ങളുടെ അറിവോടുകൂടിയാണ് സ്വര്ണ പാളികള് ഇളക്കി എടുത്തെന്നാണ് എഫ്ഐആറിൽ പറയുന്നത്. ബോർഡിന് നഷ്ടമുണ്ടാക്കാനായി പ്രതികൾ ഗൂഢാലോചന നടത്തിയെന്നാണ് ദേവസ്വം വിജിലന്സിന്റെ കണ്ടെത്തൽ. പത്മകുമാർ പ്രസിഡന്റായ ബോര്ഡിൽ ശങ്കർ ദാസ്, കെ .രാഘവൻ എന്നിവരായിരുന്നു അംഗങ്ങൾ.
ഇതിനിടെ, അന്വേഷണത്തിന്റെ ഭാഗമായി ഇഡി പ്രാഥമിക വിവര ശേഖരണം തുടങ്ങി. പ്രത്യേക അന്വേഷണ സംഘം സ്വര്ണം കാണാതായ സംഭവത്തിൽ കേസ് രജിസ്റ്റര് ചെയ്തതിന് പിന്നാലെയാണ് ഇഡി നടപടി.
‘ആത്മകിരണങ്ങൾ’ എന്ന പുസ്തകത്തിന്റെ പ്രകാശനം നാളെ
മെലിൻഡ ബുക്സ് പ്രസിദ്ധീകരിച്ച, ദീപസുബ്ബലക്ഷ്മിയുടെ കവിത സമാഹാരമായ ആത്മകിരണങ്ങൾ എന്ന പുസ്തകത്തിന്റെ പ്രകാശനം നാളെ (13-10-25) നടക്കും. നാളെ വൈകുന്നേരം 4 മണിക്ക് അവനവഞ്ചേരി കെഎസ്ഇബി ഓഫീസ് അങ്കണത്തിൽ ആണ് പരിപാടി സംഘടിപ്പിക്കുന്നത്.
പുസ്തക പ്രകാശനം കവി കുരീപ്പുഴ ശ്രീകുമാർ നിർവഹിക്കും. എഴുത്തുകാരനായ ഷാനവാസ് പോങ്ങനാട് അധ്യക്ഷനാകുന്ന ചടങ്ങിൽ ആറ്റിങ്ങൽ നഗരസഭ ചെയർപേഴ്സൺ അഡ്വ. എസ് കുമാരി വിശിഷ്ടാതിഥിയാകും. ചടങ്ങിൽ മറ്റു പ്രമുഖരും പങ്കെടുക്കും.
Recent Comments