by Midhun HP News | Sep 29, 2026 | Latest News
തിരുവനന്തപുരം: ഉപരാഷ്ട്രപതി സി.പി.രാധാകൃഷ്ണന്റെ വാഹന വ്യൂഹത്തിനു നേരെ ബൈക്ക് ഓടിച്ചു കയറ്റിയ രണ്ടു പേര് അറസ്റ്റില്‍. വളളക്കടവ് സ്വദേശികളായ അഷ്‌കര്‍, നാദിര്‍ഷാ എന്നിവരെയാണ് പൊലീസ് അറസ്റ്റ് ചെയ്തത്. ഇന്നലെ തിരുവനന്തപുരം കോവളത്താണ് വന്‍ സുരക്ഷാവീഴ്ചയുണ്ടായത്.
ഉപരാഷ്ട്രപതി ബാലരാമപുരത്തെ ഔദ്യോഗിക പരിപാടിക്ക് ശേഷം വിമാനത്താവളത്തിലേക്കു മടങ്ങുന്നതിനിടെയായിരുന്നു സംഭവം.
തിരുവല്ലം ഭാഗത്തുനിന്ന് വന്ന ബൈക്ക് കോവളം ജംക്ഷനില്‍ സുരക്ഷാ ഉദ്യോഗസ്ഥര്‍ തടയാന്‍ ശ്രമിച്ചെങ്കിലും സാധിച്ചില്ല. തുടര്‍ന്ന് ഇവര്‍ വിവരം അറിയിച്ചതിനെ തുടര്‍ന്ന് കാഞ്ഞിരംകുളത്ത് വച്ച് യുവാക്കളെ പിടികൂടുകയായിരുന്നു. ഇരുവരും മദ്യലഹരിയില്‍ ആയിരുന്നുവെന്ന് പൊലീസ് അറിയിച്ചു.
by Midhun HP News | Sep 29, 2026 | Latest News
നാഗോവ്: ഏഷ്യന്‍ ഗെയിംസ് ലോങ് ജംപില്‍ മലയാളി താരം ശ്രീ ശങ്കറിന് വെള്ളി. 8.07 മീറ്റര്‍ ചാടിയാണ് മെഡല്‍ നേട്ടം. ചൈനയുടെ ഷി യുഹായ്ക്കാണ് സ്വര്‍ണം.
8.17 മീറ്റര്‍ ചാടിയാണ് ചൈനീസ് താരം ഒന്നാമത് എത്തിയത്. ആദ്യറൗണ്ടില്‍ 7.16 ചാടി ശ്രീ ശങ്കര്‍ മൂന്നാം സ്ഥാനത്ത് എത്തി. രണ്ടാം റൗണ്ടില്‍ 8.07 ചാടി രണ്ടാമത് എത്തി. നാലാം റൗണ്ടില്‍ പരിക്കേറ്റ് മത്സരത്തില്‍ നിന്ന് പിന്‍മാറുകയായിരുന്നു.
മെഡല്‍ പ്രതീക്ഷയുയര്‍ത്തി ഫൈനലിലേക്ക് യോഗ്യത നേടിയ മറ്റൊരു ഇന്ത്യന്‍താരമായ ഡേവിഡ് പട്ടുരാജുവിന്റെ പ്രകടനം നിരാശജനകമായിരുന്നു. 7.70 മീറ്റര്‍ ചാടി ഏഴാമതാണ് ഫിനിഷ് ചെയ്തത്. ശ്രീശങ്കര്‍ പാലക്കാട് സ്വദേശിയാണ്.
by Midhun HP News | Sep 29, 2026 | Latest News
തിരുവനന്തപുരം: കൊല്ലം, ആലപ്പുഴ ഒഴികെയുള്ള 12 ജില്ലകളിലെ 38 തദ്ദേശ സ്വയംഭരണ വാർഡുകളിലേക്ക് നടന്ന ഉപതെരഞ്ഞെടുപ്പിന്റെ വോട്ടണ്ണൽ ഇന്ന്. രാവിലെ 10 മണി മുതലാണ് വോട്ടെണ്ണൽ ആരംഭിക്കുക. വിഡി സതീശന്റെ നേതൃത്വത്തിലുള്ള യുഡിഎഫ് സർക്കാരിന്റെ വിലയിരുത്തലാകുമെന്ന നിലപാടിലാണ് യുഡിഎഫും എൽഡിഎഫും. 126 സ്ഥാനാർഥികളാണ് ഉപതെരഞ്ഞെടുപ്പിൽ മത്സരിച്ചത്.
യുഡിഎഫ് സർക്കാരിന്റെ ആദ്യ മാസങ്ങളിലെ പ്രവർത്തനങ്ങളും പ്രതിപക്ഷത്തിന്റെ രാഷ്ട്രീയ പ്രചാരണങ്ങളും ഉപതെരഞ്ഞെടുപ്പിൽ പ്രധാന ചർച്ചയായി. വൈദ്യുതി നിയന്ത്രണം, മന്ത്രിമാരുടെ വിദേശയാത്ര, മുഖ്യമന്ത്രിയുടെ വിമാന യാത്രയുമായി ബന്ധപ്പെട്ട വിവാദങ്ങൾ തുടങ്ങിയ വിഷയങ്ങളാണ് എൽഡിഎഫ് പ്രചാരണത്തിൽ ഉയർത്തിയത്.
പ്രിയദർശിനി പദ്ധതി, ആശാ പ്രവർത്തകരുടെ ഓണറേറിയം വർധന, വികസന പദ്ധതികൾ തുടങ്ങിയവ ചൂണ്ടിക്കാട്ടിയാണ് യുഡിഎഫ് പ്രചാരണം നടത്തിയത്. 38 വാർഡുകളിലെ ഫലം സംസ്ഥാനത്തെ രാഷ്ട്രീയ സമവാക്യങ്ങളിൽ നേരിട്ട് മാറ്റമുണ്ടാക്കില്ലെങ്കിലും നിയമസഭാ തെരഞ്ഞെടുപ്പിന് ശേഷമുള്ള ജനവിധി എന്ന നിലയിൽ മുന്നണികൾ ഫലത്തെ വിലയിരുത്തും.
മൂന്ന് ജില്ലാ പഞ്ചായത്ത് ഡിവിഷനുകൾ, രണ്ട് കോർപറേഷൻ വാർഡുകൾ, മൂന്ന് നഗരസഭാ വാർഡുകൾ, ഏഴ് ബ്ലോക്ക് പഞ്ചായത്ത് വാർഡുകൾ, 23 ഗ്രാമപഞ്ചായത്ത് വാർഡുകൾ എന്നിവിടങ്ങളിലാണ് ഉപതെരഞ്ഞെടുപ്പ് നടന്നത്.
കൊച്ചി കോർപറേഷനിലെ അയ്യപ്പൻകാവ്, കോഴിക്കോട് കോർപറേഷനിലെ കുറ്റിച്ചിറ വാർഡുകളും തിരുവനന്തപുരം ജില്ലാ പഞ്ചായത്തിലെ കല്ലറ, കോട്ടയം ജില്ലാ പഞ്ചായത്തിലെ തൃക്കൊടിത്താനം, പാലക്കാട് ജില്ലാ പഞ്ചായത്തിലെ പല്ലശ്ശന എന്നിവടങ്ങളിൽ ശ്രദ്ധേയമായ പോരാട്ടമാണ് നടന്നത്.
ഫാത്തിമ തഹ്‍ലിയ നിയമസഭയിലേക്ക് തെരഞ്ഞെടുക്കപ്പെട്ടതിനെ തുടർന്നാണ് കോഴിക്കോട് കോർപറേഷനിലെ കുറ്റിച്ചിറ വാർഡിൽ ഉപതെരഞ്ഞെടുപ്പ് നടക്കുന്നത്. യുഡിഎഫിനായി ഫർസീന അറക്കലും എൽഡിഎഫിനായി ജംഷീന ടിപിയുമാണ് മത്സരിച്ചത്. ബിജെപിക്കായി കെ ജിജിയും രണ്ട് സ്വതന്ത്ര സ്ഥാനാർഥികളും ജനവിധി തേടി. കുറ്റിച്ചിറയിൽ മൂന്ന് പോളിങ് സ്റ്റേഷനുകളിലായി എട്ട് ബൂത്തുകളിലാണ് വോട്ടെടുപ്പ് നടന്നത്.
by Midhun HP News | Sep 29, 2026 | Latest News
തിരുവനന്തപുരം: പ്രമുഖ വസ്ത്രവ്യാപാര ശൃംഖലയായ സ്വയംവര സിൽക്‌സിന്റെ ജീവനക്കാരുടെ വിനോദയാത്രയോടും (Staff Tour) ‘ഗ്രാൻഡ് സ്റ്റാഫ് മീറ്റ് 2026’നോടും അനുബന്ധിച്ച് ഇന്ന് (സെപ്റ്റംബർ 29, ചൊവ്വാഴ്ച) സ്വയംവരയുടെ എല്ലാ ഷോറൂമുകൾക്കും അവധിയായിരിക്കുമെന്ന് മാനേജ്‌മെന്റ് അറിയിച്ചു.
ജീവനക്കാരുടെ കുടുംബസംഗമവും വാർഷികാഘോഷവും ഇന്ന് വൈകുന്നേരം 4 മണിക്ക് തിരുവനന്തപുരം നഗരൂർ ക്രിസ്റ്റൽ കൺവെൻഷൻ സെന്ററിൽ വെച്ച് വിപുലമായ പരിപാടികളോടെ അരങ്ങേറും. ചടങ്ങിൽ മലയാള ചലച്ചിത്ര-ടെലിവിഷൻ രംഗത്തെ പ്രമുഖരായ മല്ലിക സുകുമാരൻ, മനീഷ, ഡയാന ഹമീദ്, മനസാ രാധാകൃഷ്ണൻ, നയൻതാര ചക്രവർത്തി, ജൂഹി ജയകുമാർ, ലക്ഷ്മി കീർത്തന, ശ്രീലയ തുടങ്ങി നിരവധി താരങ്ങൾ വിശിഷ്ടാതിഥികളായി പങ്കെടുക്കും.
തുടർന്ന് പ്രശസ്ത പിന്നണി ഗായിക അഞ്ചു ജോസഫും സംഘവും നയിക്കുന്ന ഗാനമേളയും സ്വയംവര കുടുംബാംഗങ്ങൾ അവതരിപ്പിക്കുന്ന വിവിധ കലാപരിപാടികളും നടക്കും. കൂടാതെ ജീവനക്കാർക്കുള്ള അനുമോദന ചടങ്ങും തദ്അവസരത്തിൽ ഉണ്ടായിരിക്കും. നാളെ (സെപ്റ്റംബർ 30) മുതൽ എല്ലാ ഷോറൂമുകളും പതിവുപോലെ പ്രവർത്തിക്കുന്നതാണ്.
by Midhun HP News | Sep 28, 2026 | Latest News
കൊച്ചി: ഡല്‍ഹിയിലേക്ക് താന്‍ കരിക്ക്, കശുവണ്ടി തുടങ്ങിയ സാധനങ്ങളൊക്കെ കൊണ്ടു പോകാറുണ്ടെങ്കിലും ഇതുവരെ മീന്‍ കൊണ്ടു പോയിട്ടില്ലെന്ന് മുന്‍ കോണ്‍ഗ്രസ് നേതാവ് കെവി തോമസ്. തിരുത കൊടുത്ത് സീറ്റു സംഘടിപ്പിച്ചെന്നും പാര്‍ട്ടിയില്‍ സ്വീധീനമുണ്ടാക്കിയെന്നെല്ലാം തനിക്കു നേരെ ഉയര്‍ന്ന പരിഹാസങ്ങളെ ചിരിച്ചു തള്ളുകയാണ് ചെയ്തിട്ടുള്ളതെന്ന് കെവി തോമസ് പറഞ്ഞു. സമകാലിക മലയാളവുമായുള്ള അഭിമുഖത്തിലാണ് കെവി തോമസിന്‍റെ തുറന്നു പറച്ചില്‍. തനിക്കു തിരുതത്തോമ എന്നു വട്ടപ്പേര് വീണതെങ്ങനെയെന്ന് തോമസ് മാഷ് പറയുന്നത് ഇങ്ങനെ:
2001ലെ നിയമസഭ തെരഞ്ഞെടുപ്പ് കാലം. അന്ന് സീറ്റ് പ്രതീക്ഷിച്ച കുറേ നേതാക്കന്മാര്‍ എറണാകുളത്ത് ഉണ്ടായിരുന്നു. പാര്‍ട്ടി നേതൃത്വം എറണാകുളം സീറ്റ് എനിക്ക് തന്നപ്പോള്‍ അതില്‍ ചിലര്‍ക്കത് ഇഷ്ടപ്പെട്ടില്ല. അവര്‍ പ്രതിഷേധിക്കാന്‍ തീരുമാനിച്ചു. അതില്‍ 2 ട്രേഡ് യൂണിയന്‍ നേതാക്കന്മാര്‍ ഉണ്ടായിരുന്നു. ഇവര്‍ കുറേ മത്സ്യതൊഴിലാളികളെയും കൂട്ടി തിരുതയും പിടിച്ച് അത് കൈയ്യില്‍ ഉയര്‍ത്തി പിടിച്ച് പ്രതിഷേധ ജാഥ നടത്തി.
മാഷ് കരുണാകരന്‍ വഴി സോണിയ ഗാന്ധിക്ക് തിരുത കൊടുത്ത് സ്വാധീനിച്ച് സീറ്റ് ഒപ്പിച്ചെടുത്തതാണെന്നും പറഞ്ഞ് മുദ്രാവാക്യം വിളിയായി… കൈയ്യില്‍ തിരുതയും ഉയര്‍ത്തിപ്പിടിച്ചുകൊണ്ടായിരുന്നു പ്രതിഷേധ ജാഥ. ഇത് ഇപ്പോഴത്തെ ഭാഷയില്‍ പറഞ്ഞാല്‍ അങ്ങോട്ട് വൈറല്‍ ആയി… അതോടെ എനിക്കൊരു ഇരട്ട പേര് വീണു. തിരുതത്തോമ.
ഞാന്‍ അതിനെ ചിരിച്ചു തള്ളുകയാ ചെയ്തത്…. തിരുത മാത്രമല്ലേ താന്‍ കൊടുത്തുള്ളൂ എന്ന് ലളിതമായി അതിനോട് പ്രതികരിച്ചു. അന്ന് മുതലാണ് തിരുതയുമായി ബന്ധപ്പെടുത്തി എന്നെ കുറിച്ച് കഥകള്‍ പുറത്തു വരാന്‍ തുടങ്ങിയത്. സത്യത്തില്‍ സോണിയ ഗാന്ധി തിരുത കണ്ടിട്ട് പോലും ഇല്ല. ഡല്‍ഹിയിലേക്ക് ഞാന്‍ കരിക്ക്, കശുവണ്ടി തുടങ്ങിയ സാധനങ്ങളൊക്കെ കൊണ്ടു പോകാറുണ്ട്. അല്ലാതെ ഇതുവരെ മീന്‍ കൊണ്ടു പോയിട്ടില്ല. പ്രത്യേകിച്ച് തിരുത.
കഴിഞ്ഞ നിയമസഭ തെരഞ്ഞെടുപ്പ് പ്രചാരണത്തിനിടെ എറണാകുളം മാര്‍ക്കറ്റില്‍ എത്തിയ രമേശ് ചെന്നിത്തല ഇതില്‍ ഏതാ തിരുത എന്ന് ചോദിച്ച് പരിഹസിച്ചിരുന്നു. തന്നെ തിരുതത്തോമ എന്ന് വിളിക്കുന്നതില്‍ തനിക്ക് പ്രയാസം ഒന്നും ഇല്ല. പക്ഷേ, മത്സ്യത്തൊഴിലാളികളെ വിലകുറച്ച് കാണുന്നതില്‍ വിഷമം ഉണ്ട്. പ്രളയദുരന്ത സമയത്ത് സ്വന്തം ജീവന്‍ പോലും പണയം വെച്ച് കേരളത്തെ രക്ഷിച്ചവരാണ് മത്സ്യത്തൊഴിലാളികള്‍. അത് രമേശ് മറന്നു. പിന്നീട് അദ്ദേഹം എന്നെ ഫോണില്‍ വിളിച്ച് താന്‍ അങ്ങനെ ഉദ്ദേശിച്ച് പറഞ്ഞതല്ലെന്ന് വ്യക്തമാക്കുകയും ചെയ്തിരുന്നു.
by Midhun HP News | Sep 28, 2026 | Latest News
കൊല്ലം: കിളികൊല്ലൂരില്‍ പൂജയ്ക്ക് ശേഷം സ്വയം ചിതയൊരുക്കി ജീവനൊടുക്കി. മരിച്ചയാളെ തിരിച്ചറിഞ്ഞിട്ടില്ല. സംഭവത്തില്‍ പൊലീസ് അന്വേഷണം ആരംഭിച്ചു. ഇന്ന് രാവിലെയാണ് സംഭവം.
ചിതയൊരുക്കിയ പറമ്പില്‍ നിന്ന് തീഉയരുന്നത് കണ്ട് ഓടിയെത്തിയ അയല്‍വാസികളാണ് കത്തിക്കരിഞ്ഞ നിലയില്‍ മൃതദേഹം കണ്ടെത്തിയത്. തുടര്‍ന്ന് പൊലിസില്‍ വിവരം അറിയിക്കുകയായിരുന്നു.ചിതയൊരുക്കിയ പറമ്പിലെ വീട്ടുടമ ഹരിയെ ഇന്ന് രാവിലെ മുതല്‍ കാണാതായിരുന്നു. മരിച്ചയാള്‍ ഹരിയാകാമെന്ന പ്രാഥമിക നിഗമനത്തിലാണ് പൊലീസ്.
പ്രദേശത്ത് തന്നെ പൂജാസാമഗ്രികള്‍ വില്‍പന നടത്തുന്നയാളാണ് ഹരി. ഇന്ന് രാവിലെ മുതല്‍ ഇയാളുടെ കടയും തുറന്നിരുന്നില്ല. മൃതദേഹത്തിന് സമീപത്തുവച്ച് പൂജയ്ക്കായി ഉപയോഗിച്ച സാധനങ്ങളും പൊലീസ് കണ്ടെത്തി. തുടര്‍ന്നാണ് പൂജ നടത്തിയ ശേഷം സ്വയം ചിതയൊരുക്കി ആത്മഹത്യ ചെയ്തതാകാമെന്ന നിഗമനത്തില്‍ പൊലീസ് എത്തിയത്.
Recent Comments