by Midhun HP News | Feb 6, 2026 | Latest News, കേരളം
കൊച്ചി: സംസ്ഥാനത്ത് സ്വര്ണ വിലയില് വീണ്ടും വര്ധന. പവന് 1000 രൂപയാണ് കൂടിയത്. ഒരു പവന് സ്വര്ണത്തിന്റെ നിലവിലെ വില 1,12,720 രൂപയാണ്. ഇന്ന് രാവിലെ പവന് 1520 രൂപയാണ് കുറഞ്ഞെങ്കിലും ഉച്ചയോടെ വില കൂടുകയായിരുന്നു.
രാവിലെ 13,965 രൂപയായിരുന്ന ഗ്രാം വില. ഉച്ചയോടെ ഗ്രാമിന് 125 രൂപയാണ് കൂടിയത്. വന് കുതിപ്പ് കാണിച്ച വില ഏതാനും ദിവസങ്ങളായി കൂടിയും കുറഞ്ഞും നില്ക്കുകയാണ്. ഇന്നലെ പവന് ഒറ്റയടിക്ക് 3680 രൂപയാണ് കുറഞ്ഞത്.ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ലക്ഷം കടന്നത്. തുടര്ന്നുള്ള ദിവസങ്ങളില് വില കുതിക്കുകയായിരുന്നു.
by Midhun HP News | Feb 6, 2026 | Latest News, ജില്ലാ വാർത്ത
കിളിമാനൂർ: സ്കൂട്ടർ പാർക്ക് ചെയ്തതിനെ ചൊല്ലിയുണ്ടായ തർക്കത്തിനിടെ കിളിമാനൂരിൽ യുവതിക്ക് അമ്മാവന്റെ വെട്ടേറ്റു. കിളിമാനൂരിന് സമീപം പോങ്ങനാട് സ്വദേശിനിയായ സിന്ധു (34)വിനെയാണ് അമ്മയുടെ സഹോദരനായ മണിക്കുട്ടൻ (54) വെട്ടി പരിക്കേൽപ്പിച്ചത്. ഇന്ന് രാവിലെ ആറുമണിയോടെയാണ് സംഭവം.
മകളെ ട്യൂഷന് വിട്ട ശേഷം വീട്ടിക്ക് മടങ്ങുന്നതിനിടെ സ്കൂട്ടർ പാർക്ക് ചെയ്തതിനെച്ചൊല്ലിയാണ് തർക്കമുണ്ടായതെന്നാണ് വിവരം. സിന്ധുവിന്റെ വീടിന് സമീപമാണ് പ്രതിയായ മണിക്കുട്ടനും കുടുംബവും താമസിക്കുന്നത്. വെട്ടേറ്റ സിന്ധുവിന് ഇരുകൈകളിലും പരിക്കേറ്റിട്ടുണ്ട്. ഇവരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
സംഭവത്തിന് ശേഷം ഒളിവിൽ പോയ മണിക്കുട്ടനെ പിടികൂടുന്നതിനായി അന്വേഷണം ഊർജിതമാക്കിയതായി കിളിമാനൂർ പൊലീസ് അറിയിച്ചു. ഇരുവരും തമ്മിൽ നേരത്തെ തന്നെ സ്ഥിരമായി തർക്കമുണ്ടായിരുന്നുവെന്ന് സമീപവാസികളും പറയുന്നു. പ്രതി ഇടയ്കിടയ്ക്കു സ്കൂട്ടറിന്റെ ടയറിലെ കാറ്റ് ഊരി വിടുകയും ടയർ പഞ്ചറാക്കുകയും ചെയ്യാറുണ്ടെന്നും ആരോപണം ഉണ്ട്.
by Midhun HP News | Feb 6, 2026 | Latest News, കായികം, ജില്ലാ വാർത്ത
ഹരാരെ: അണ്ടര് 19 ലോകകപ്പ് ഫൈനലില് ഇംഗ്ലണ്ടിനെതിരെ വെടിക്കെട്ട് ബാറ്റിങുമായി സെഞ്ച്വറി തീര്ത്ത് 14കാരന് വിസ്മയ ബാറ്റര് വൈഭവ് സൂര്യവംശി. 55 പന്തുകള് നേരിട്ട് 8 വീതം ഫോറും സിക്സും സഹിതം താരം 100 റണ്സിലെത്തി. വെറും 32 പന്തില് വൈഭവ് അര്ധ സെഞ്ച്വറിയിലെത്തി. 23 പന്തില് താരം അടുത്ത 50 അടിച്ചു.
നിലവില് താരം 62 പന്തില് 10 സിക്സും 9 ഫോറും സഹിതം 121 റണ്സുമായി ക്രീസില് നില്ക്കുന്നു. 2 റണ്സുമായി വേദാന്ത് ത്രിവേദിയാണ് കൂട്ട്. ഒടുവില് വിവരം കിട്ടുമ്പോള് ഇന്ത്യ 2 വിക്കറ്റ് നഷ്ടത്തില് 189 റണ്സെന്ന നിലയില് മികച്ച സ്കോറിലേക്ക് നീങ്ങുന്നു. 21 ഓവറാണ് മത്സരം നിലവില് പിന്നിട്ടിരിക്കുന്നത്.
ഫൈനലില് ടോസ് നേടി ഇന്ത്യ ബാറ്റിങ് തിരഞ്ഞെടുക്കുകയായിരുന്നു. സെമിയില് സെഞ്ച്വറിയടിച്ച മലയാളി താരം ആരോണ് ജോര്ജിനു ഫൈനലില് തിളങ്ങാനായില്ല. താരം 11 പന്തില് 9 റണ്സുമായി മടങ്ങി. പിന്നീട് ക്യാപ്റ്റന് ആയുഷ് മാത്രെ ക്രീസിലെത്തി വൈഭവിനു പിന്തുണ നല്കിയതോടെ താരം ടോപ് ഗിയറില് ബാറ്റ് വീശുകയായിരുന്നു.
അര്ധ സെഞ്ച്വറി തികച്ചാണ് ആയുഷ് മാത്രെ മടങ്ങിയത്. താരം 51 പന്തില് 7 ഫോറും 2 സിക്സും സഹിതം 53 റണ്സ് കണ്ടെത്തി.
by Midhun HP News | Feb 6, 2026 | Latest News, ജില്ലാ വാർത്ത
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ സുവര്ണ കേരളം SK-38 ലോട്ടറി ഫലം പ്രഖ്യാപിച്ചു. RT 207473 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ RB 604720 എന്ന നമ്പറിലുള്ള ടിക്കറ്റിനാണ്.RD 753412 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
Consolation Prize Rs.5,000/-
(Remaining all series)
RA 227873
RB 227873
RC 227873
RD 227873
RE 227873
RF 227873
RG 227873
RH 227873
RJ 227873
RK 227873
RM 227873
4th Prize Rs.5,000/-(Last four digits to be drawn 19 times)
0741 0899 1555 3392 3469 4019 4643 4969 5345 5591 7183 7348 7583 8040 8836 9294 9544 9606 9619
5th Prize Rs.2,000/-
(Last four digits to be drawn 6 times)
1146 2403 4467 5095 6682 9990
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
by Midhun HP News | Feb 6, 2026 | Latest News, ദേശീയ വാർത്ത
ഡല്ഹി: സില്വര്ലൈന് പദ്ധതി പ്രായോഗികമല്ലെന്ന് കേന്ദ്ര റെയില്വേ മന്ത്രി അശ്വിനിവൈഷ്ണവ്. കെ റെയില് പദ്ധതി വലിയ പാരിസ്ഥിതികാഘാതം ഉണ്ടാക്കുന്നതാണ്. അതിനാല് നടപ്പാക്കാനാകില്ല. സംസ്ഥാനത്തിന് താല്പ്പര്യമുണ്ടെങ്കില് അതിവേഗ റെയില് പരിഗണിക്കാമെന്നും കേന്ദ്രമന്ത്രി അറിയിച്ചു. രാജ്യസഭയില് ഹാരിസ് ബീരാന്റെ ചോദ്യത്തിന് മറുപടി നല്കുകയായിരുന്നു മന്ത്രി.
റെയില്വേ പദ്ധതികള് നടപ്പിലാക്കാന് സംസ്ഥാന സര്ക്കാര് തീരെ സഹകരിക്കുന്നില്ലെന്ന് കേന്ദ്രമന്ത്രി കുറ്റപ്പെടുത്തി. പദ്ധതിക്കായി 14 ശതമാനം ഭൂമി മാത്രമാണ് ഏറ്റെടുത്ത് നല്കിയത്. സംസ്ഥാന സര്ക്കാര് പ്രഖ്യാപിച്ച ആര്ആര്ടിഎസോ, ഇ ശ്രീധരന്റെ പദ്ധതിയോ, ഏതെങ്കിലും പരിഗണനയ്ക്കായി കേന്ദ്രസര്ക്കാരിന്റെ മുന്നിലുണ്ടോയെന്നായിരുന്നു ഹാരിസ് ബീരാന് ചോദിച്ചിരുന്നത്.
അതിവേഗ റെയില് പദ്ധതിക്കായി ഇ ശ്രീധരന് ഓഫീസ് തുറന്നതിനെ കേന്ദ്രമന്ത്രി അശ്വിനി വൈഷ്ണവ് സ്വാഗതം ചെയ്തു. റെയില്വേയെക്കുറിച്ചും സാങ്കേതിക വിഷയത്തിലും ജ്ഞാനമുള്ള വ്യക്തിയാണ് ഇ ശ്രീധരന്. ശ്രീധരന് എന്നല്ല ആരായാലും റെയില്വേ വികസനത്തിന് മുന്നിലേക്ക് വന്നാല് അവരെ റെയില്വേ മന്ത്രാലയം സ്വാഗതം ചെയ്യുന്നു. ശ്രീധരന്റെ ഇത്തരത്തിലുള്ള നടപടികളെ സര്ക്കാര് സ്വാഗതം ചെയ്യുകയാണെന്നും അശ്വിനി വൈഷ്ണവ് പറഞ്ഞു.
അങ്കമാലി ശബരി പാതയുടെ കാര്യത്തില് ഇപ്പോൾ സംസ്ഥാന സര്ക്കാര് മുന്നോട്ടു വന്നത് തെരഞ്ഞെടുപ്പ് മുന്നില് കണ്ടാകുമെന്ന് കേന്ദ്രമന്ത്രി അശ്വിനി വൈഷ്ണവ് വിമര്ശനം ഉന്നയിച്ചു. ഇ ശ്രീധരന് ഹൈ സ്പീഡ് റെയിലിനായി മലപ്പുറത്ത് ഓഫീസ് തുറന്നതും, പദ്ധതിയുമായി മുന്നോട്ടു പോകുന്നതും കേന്ദ്രമന്ത്രിയുടെ അറിവോടെയാണോ എന്ന ചോദ്യത്തിന് കേന്ദ്രമന്ത്രി വ്യക്തമായ മറുപടി നല്കിയില്ല. കേന്ദ്രസർക്കാർ അനുമതി നൽകിയിട്ടില്ലെങ്കിലും ഹൈ സ്പീഡ് റെയിൽ പദ്ധതിയുമായി ഇ ശ്രീധരൻ മുന്നോട്ടു പോകുകയാണ്.
by Midhun HP News | Feb 6, 2026 | Latest News, കേരളം
തൃശൂര്: കേരളത്തിന്റെ സംസ്കാരവും കലകളും ലോകത്തിന് മുന്നില് അടയാളപ്പെടുത്തിയ പത്മശ്രീ പെപിത സേത്ത് ഇനി ഇന്ത്യൻ പൗരൻ. വെള്ളിയാഴ്ച തൃശൂര് കലക്ടറേറ്റില് നടന്ന ചടങ്ങില് കലക്ടര് അര്ജുന് പാണ്ഡ്യനില് നിന്ന് അവര് പൗരത്വ സര്ട്ടിഫിക്കറ്റ് ഏറ്റുവാങ്ങി. അമ്പതുവര്ഷത്തിലേറേയായി കേരളത്തിന്റെ വളര്ത്തുമകളായ പെപിത സേത്തിന് ഈ നാട് ഔദ്യോഗികമായി സ്വന്തമാവുകയാണ്.
കാവുകളും ആനയും പൂരവുമെല്ലാം ഹൃദയത്തോട് ചേർത്തുപിടിച്ച പെപിതയ്ക്ക് തൃശൂര് ജില്ല കലക്ടര് അര്ജുന്പാണ്ഡ്യന് പൗരത്വരേഖകള് കൈമാറി. ഇന്ത്യന് പൗരത്വം സ്വീകരിക്കാനുള്ള പെപിതയുടെ തീരുമാനത്തിന് ഇതോടെ ഔദ്യോഗിക അംഗീകാരമായി. അപൂര്വ്വമായ നിമിഷം എന്നായിരുന്നു പൗരത്വം രേഖയുടെ കൈമാറ്റത്തെ കലക്ടര് വിശേഷിപ്പിച്ചത്. എണ്പതാം വയസില് ഔദ്യോഗികമായി ഇന്ത്യക്കാരിയാകുന്നതില് അഭിമാനമുണ്ടെന്ന് പെപിതയും പറഞ്ഞു.
ബ്രിട്ടീഷ് പട്ടാളക്കാരനായിരുന്ന അമ്മയുടെ മുത്തച്ഛന്റെ ഡയറിത്താളുകളില് നിന്നാണ് പെപിത ഇന്ത്യയെ കുറിച്ചറിയുന്നത്. ഫോട്ടോഗ്രാഫറും എഴുത്തുകാരിയുമായ പെപിത 27-ാം വയസ്സിലാണ് ഇന്ത്യയിലേക്ക് തിരിച്ചത്. നിക്കോണ് ക്യാമറയില് അവര് പകര്ത്തിയ, മദപ്പാടില് പനമ്പട്ടയും മണ്ണും വീശിയെറിയുന്ന ഗുരുവായൂര് കേശവന്റെ അപൂര്വചിത്രം ലോകശ്രദ്ധ നേടി. 1981-ല് ഗുരുവായൂര് അടക്കമുള്ള ക്ഷേത്രങ്ങളില് പ്രവേശിക്കാന് ഹിന്ദു ആചാരപ്രകാരമുള്ള അനുമതിയും പെപിത നേടിയെടുത്തു.
ഗാന്ധി എന്ന ആറ്റന്ബറോയുടെ വിശ്വപ്രസിദ്ധമായ സിനിമയില് ജവാഹര്ലാല് നെഹ്റുവിന്റെ വേഷമിട്ട റോഷന് സേത്തായിരുന്നു ജീവിതപങ്കാളി. പിന്നീട് സേത്തുമായി വേര്പിരിഞ്ഞെങ്കിലും പേരില് അവര് ഇപ്പോഴും സേത്ത് എന്ന് ചേര്ക്കുന്നു. ജന്മംകൊണ്ട് ബ്രിട്ടീഷുകാരിയായെങ്കിലും ഇന്ത്യയിലും കൂടുതലായി കേരളത്തിലും ജീവിച്ചുതീര്ത്ത അവര്ക്ക് ഇനി ബ്രിട്ടനിലേക്ക് മടങ്ങേണ്ട. ഈ നാട് അവരെ മകളായി സ്വീകരിച്ചിരിക്കുന്നു എന്നതില് മറ്റാരേക്കാളും അവര് ആഹ്ളാദിക്കുന്നതും അതുകൊണ്ടുതന്നെ.
Recent Comments