by Midhun HP News | Aug 20, 2025 | Latest News, ദേശീയ വാർത്ത
ഡല്ഹി: പൊതുജന സമ്പര്ക്ക പരിപാടിക്കിടെ ഡല്ഹി മുഖ്യമന്ത്രി രേഖ ഗുപ്തയെ ആക്രമിച്ച പ്രതിയെ തിരിച്ചറിഞ്ഞു. ഗുജറാത്തിലെ രാജ്കോട്ടില് നിന്നനുള്ള 41കാരനായ രാജേഷ് സക്രിയയാണ് പ്രതി. തെരുവുനായകളെ പിടികൂടി ഷെല്ട്ടറകളിലേക്ക് മാറ്റാനുള്ള സുപ്രീം കോടതി വിധിയില് ഇയാള് അസ്വസ്ഥനായിരുന്നെന്നും ഇദ്ദേഹം നായകളെ അമിതമായി സ്നേഹിക്കുന്ന വ്യക്തിയാണെന്നും കുടുംബം അവകാശപ്പെട്ടു.
നായ്ക്കളോടുള്ള അവന്റെ സ്നേഹവും സുപ്രീം കോടതിയുടെ വിധിയോടുള്ള ദേഷ്യവുമാണ് ഡല്ഹിയിലേക്ക് പോകാനും മുഖ്യമന്ത്രിയെ നേരിടാനും പ്രേരിപ്പിച്ചതെന്ന് സക്രിയയുടെ അമ്മ ഭാനു മാധ്യമങ്ങളോട് പറഞ്ഞു. ‘എന്റെ മകന് നായകളെ വലിയ ഇഷ്ടമാണ്. തെരുവ് നായകള്ക്കെതിരായ സുപ്രീം കോടതിയുടെ ഉത്തരവില് കടുത്ത ദേഷ്യമുണ്ടായിരുന്നു. അതിനു പിന്നാലെ ഉടന് ഡല്ഹിക്ക് പോവുകയായിരുന്നു. ഞങ്ങള്ക്ക് മറ്റൊന്നും അറിയില്ല,’ ഭാനു പറഞ്ഞു.
എല്ലാ ബുധനാഴ്ചയും മുഖ്യമന്ത്രി രേഖാ ഗുപ്ത ജനങ്ങളുമായി സമ്പര്ക്ക പരിപാടി നടത്തിയിരുന്നു. ഇന്ന് രാവിലെ പരിപാടിക്കിടെ എത്തിയ രാജേഷ് ചില കടലാസുകള് നല്കിയ ശേഷം മുഖ്യമന്ത്രിയുടെ കൈ പിടിച്ചുവലിക്കുകയായിരുന്നു. ഉടന് തന്നെ സുരക്ഷാ ഉദ്യോഗസ്ഥര് യുവാവിനെ കീഴ്്പ്പെടുത്തുകയും ചെയ്തു. അതേസമയം, മുഖ്യമന്ത്രിക്ക് അടിയേറ്റുവെന്ന റിപ്പോര്ട്ടുകള് ഡല്ഹി ബിജെപി അധ്യക്ഷന് വീരേന്ദ്ര സച്ചദേവ് നിഷേധിച്ചു. ഇയാള് മുഖ്യമന്ത്രിയെ പിടിച്ചുവലിക്കാന് ശ്രമിക്കുകയായിരുന്നു. മുഖ്യമന്ത്രിയെ ഡോക്ടര്മാര് പരിശോധിച്ചെന്നും ആരോഗ്യനില തൃപ്തികരമാണെന്നും അദ്ദേഹം പറഞ്ഞു.
രാവിലെ ഔദ്യോഗിക വസതിയില് നടന്ന ജനസമ്പര്ക്ക പരിപാടിയില് വച്ചാണ് മുഖ്യമന്ത്രിക്കുനേരെ ആക്രമണം ഉണ്ടായത്. പരാതി നല്കാനെന്ന വ്യാജേന അടുത്തെത്തിയ ആള് മുഖ്യമന്ത്രിയെ അടിച്ചതിനുശേഷം മുടിപിടിച്ചു വലിച്ചുവെന്നായിരുന്നു ആദ്യം പുറത്തുവന്ന റിപ്പോര്ട്ടുകള്
by Midhun HP News | Aug 20, 2025 | Latest News, ജില്ലാ വാർത്ത
കല്ലമ്പലം: നാവായിക്കുളം വെള്ളൂർക്കോണം ഇഎസ്ഐ ആശുപത്രിക്ക് സമീപം ബസ്സും കാറും കൂട്ടിയിടിച്ച് അപകടം. നാവായിക്കുളം കല്ലമ്പലം ഭാഗത്തേക്ക് പോവുകയായിരുന്ന ജനത ബസ്സും എതിർദശിയിൽ നിന്ന് വന്ന സ്വിഫ്റ്റ് ഡിസയർ കാറും തമ്മിലാണ് കൂട്ടിയിടിച്ചത്. ബൈക്കിനെ ഓവർ ടേക്ക് ചെയ്തുവന്ന കാറിനെ ഇടിക്കാതിരിക്കാൻ ബസ് ഒരു വശത്തേക്ക് വെട്ടിച്ചപ്പോൾ നിയന്ത്രണം വിട്ടു 2 ഇലക്ട്രിക് പോസ്റ്റിലും ഇടിച്ചു. അപകടത്തിൽ ആർക്കും പരിക്കുകൾ ഇല്ല
by Midhun HP News | Aug 20, 2025 | Latest News, ദേശീയ വാർത്ത
ഡല്ഹി: പൊതുജന സമ്പര്ക്ക പരിപാടിക്കിടെ ഡല്ഹി മുഖ്യമന്ത്രി രേഖ ഗുപ്തയെ ആക്രമിച്ച പ്രതിയെ തിരിച്ചറിഞ്ഞു. ഗുജറാത്തിലെ രാജ്കോട്ടില് നിന്നനുള്ള 41കാരനായ രാജേഷ് സക്രിയയാണ് പ്രതി. തെരുവുനായകളെ പിടികൂടി ഷെല്ട്ടറകളിലേക്ക് മാറ്റാനുള്ള സുപ്രീം കോടതി വിധിയില് ഇയാള് അസ്വസ്ഥനായിരുന്നെന്നും ഇദ്ദേഹം നായകളെ അമിതമായി സ്നേഹിക്കുന്ന വ്യക്തിയാണെന്നും കുടുംബം അവകാശപ്പെട്ടു.
നായ്ക്കളോടുള്ള അവന്റെ സ്നേഹവും സുപ്രീം കോടതിയുടെ വിധിയോടുള്ള ദേഷ്യവുമാണ് ഡല്ഹിയിലേക്ക് പോകാനും മുഖ്യമന്ത്രിയെ നേരിടാനും പ്രേരിപ്പിച്ചതെന്ന് സക്രിയയുടെ അമ്മ ഭാനു മാധ്യമങ്ങളോട് പറഞ്ഞു. ‘എന്റെ മകന് നായകളെ വലിയ ഇഷ്ടമാണ്. തെരുവ് നായകള്ക്കെതിരായ സുപ്രീം കോടതിയുടെ ഉത്തരവില് കടുത്ത ദേഷ്യമുണ്ടായിരുന്നു. അതിനു പിന്നാലെ ഉടന് ഡല്ഹിക്ക് പോവുകയായിരുന്നു. ഞങ്ങള്ക്ക് മറ്റൊന്നും അറിയില്ല,’ ഭാനു പറഞ്ഞു.
എല്ലാ ബുധനാഴ്ചയും മുഖ്യമന്ത്രി രേഖാ ഗുപ്ത ജനങ്ങളുമായി സമ്പര്ക്ക പരിപാടി നടത്തിയിരുന്നു. ഇന്ന് രാവിലെ പരിപാടിക്കിടെ എത്തിയ രാജേഷ് ചില കടലാസുകള് നല്കിയ ശേഷം മുഖ്യമന്ത്രിയുടെ കൈ പിടിച്ചുവലിക്കുകയായിരുന്നു. ഉടന് തന്നെ സുരക്ഷാ ഉദ്യോഗസ്ഥര് യുവാവിനെ കീഴ്്പ്പെടുത്തുകയും ചെയ്തു. അതേസമയം, മുഖ്യമന്ത്രിക്ക് അടിയേറ്റുവെന്ന റിപ്പോര്ട്ടുകള് ഡല്ഹി ബിജെപി അധ്യക്ഷന് വീരേന്ദ്ര സച്ചദേവ് നിഷേധിച്ചു. ഇയാള് മുഖ്യമന്ത്രിയെ പിടിച്ചുവലിക്കാന് ശ്രമിക്കുകയായിരുന്നു. മുഖ്യമന്ത്രിയെ ഡോക്ടര്മാര് പരിശോധിച്ചെന്നും ആരോഗ്യനില തൃപ്തികരമാണെന്നും അദ്ദേഹം പറഞ്ഞു.
രാവിലെ ഔദ്യോഗിക വസതിയില് നടന്ന ജനസമ്പര്ക്ക പരിപാടിയില് വച്ചാണ് മുഖ്യമന്ത്രിക്കുനേരെ ആക്രമണം ഉണ്ടായത്. പരാതി നല്കാനെന്ന വ്യാജേന അടുത്തെത്തിയ ആള് മുഖ്യമന്ത്രിയെ അടിച്ചതിനുശേഷം മുടിപിടിച്ചു വലിച്ചുവെന്നായിരുന്നു ആദ്യം പുറത്തുവന്ന റിപ്പോര്ട്ടുകള്.
by Midhun HP News | Aug 20, 2025 | Latest News, ദേശീയ വാർത്ത
ഡല്ഹി: വാട്സ്ആപ്പ് വഴിയുള്ള സൈബര് തട്ടിപ്പുകള് വര്ധിച്ചുവരുന്ന സാഹചര്യത്തില് അക്കൗണ്ടുകള് സുരക്ഷിതമാക്കുകയെന്നത് പ്രധാനമാണ്. ഇതിനായി വാട്സ്ആപ്പില് തന്നെ സുരക്ഷാ ക്രമീകരണങ്ങളുണ്ട്. ഉപയോക്താക്കള്ക്ക് മിനിറ്റുകള്ക്കുള്ളില് എളുപ്പത്തില് ക്രമീകരിക്കാന് കഴിയുന്ന സുരക്ഷാ ഫീച്ചറുകള് ഏതൊക്കെയെന്നറിയാം.
ടു-സ്റ്റെപ്പ് വെരിഫിക്കേഷന്- സെറ്റിങ്സ് > അക്കൗണ്ട് > ടു-സ്റ്റെപ്പ് വെരിഫിക്കേഷന് എനേബിള് ചെയ്യുക. നിങ്ങള് ഒരു പുതിയ ഡിവൈസില് ലോഗിന് ചെയ്യുമ്പോള് ഒടിപിയോടൊപ്പം 6 അക്ക പിന് ആവശ്യമാണ്. അക്കൗണ്ട് ഹാക്ക് ചെയ്യാനിരിക്കാനുള്ള സുരക്ഷാ ഫീച്ചറാണിത്.
ഫിംഗര്പ്രിന്റ് അല്ലെങ്കില് ഫേസ് ഐഡി ലോക്ക് -നിങ്ങളുടെ ഡിവൈസ് നിങ്ങളല്ലാതെ മറ്റാരെങ്കിലും ഉപയോഗക്കുന്നുണ്ടെങ്കില് അവര് നിങ്ങളുടെ ചാറ്റുകള് തുറക്കാതിരക്കാന് ഈ ബയോമെട്രിക് ലോക്ക് ഫീച്ചര് എനേബിള് ചെയ്യുക. ഇതിനായി സെറ്റിങ്സ്> പ്രൈവസി > ഫിംഗര്പ്രിന്റ് ലോക്ക് / ഫേസ് ഐഡി ലോക്ക്
ഡിസപ്പിയറിങ് മെസേജ്- വ്യക്തിഗത അല്ലെങ്കില് ഗ്രൂപ്പ് ചാറ്റുകള്ക്കായി ഡിസ്സപ്പിയറിങ് മെസേജസ് ഓപ്ഷന് ഓണാക്കുക. 24 മണിക്കൂര്, 7 ദിവസം അല്ലെങ്കില് 90 ദിവസങ്ങള്ക്ക് ശേഷം സന്ദേശങ്ങള് ഓട്ടോമാറ്റിക്കായി അപ്രത്യക്ഷമാകുന്ന ഫീച്ചറാണിത്.
എന്ഡ്-ടു-എന്ഡ് എന്ക്രിപ്റ്റ് ചെയ്ത ബാക്കപ്പ് – വാട്ആപ്പ് ചാറ്റുകള് ഇതിനകം തന്നെ എന്ഡ്-ടു-എന്ഡ് എന്ക്രിപ്റ്റ് ചെയ്തിട്ടുണ്ട്, എന്നാല് നിങ്ങളുടെ ക്ലൗഡ് ബാക്കപ്പുകള് അങ്ങനെ ആയിരിക്കണമെന്നില്ല. ഇതിനായി സെറ്റിങ്സ്> ചാറ്റ്സ് > ചാറ്റ് ബാക്കപ്പ് > എന്ഡ്-ടു-എന്ഡ് എന്ക്രിപ്റ്റ് ബാക്കപ്പ് എന്നിവയിലേക്ക് പോയി എന്ക്രിപ്റ്റ് ചെയ്ത ബാക്കപ്പുകള് എനേബിള് ചെയ്യുക. നിങ്ങളുടെ ചാറ്റ് ഹിസ്റ്ററി മറ്റാര്ക്കും കാണാത്തവിധം ഒരു പാസ്വേഡ് സജ്ജമാക്കുക.
പ്രൊഫൈല് പ്രൈവസി കണ്ട്രോള് -നിങ്ങളുടെ പ്രൊഫൈല് ഫോട്ടോ, ലാസ്റ്റ് സീന്, ഓണ്ലൈന് സ്റ്റാറ്റസ്, എബൗട്ട് ഇന്ഫര്മേഷന് എന്നിവ ആര്ക്കൊക്കെ കാണാമെന്നത് ക്രമീകരിക്കാം. സെറ്റിങ്സ് > പ്രൈവസി, Everyone, My Contacts, My Contacts Except, Nobody എന്നിവ ഏതെങ്കിലും സെലക്ട് ചെയ്യാം.
by Midhun HP News | Aug 20, 2025 | Latest News, ജില്ലാ വാർത്ത
ആറ്റിങ്ങല് കൊടുമണ് കന്നഡി (KMRA 87) വീട്ടില് പരേതനായ വാസുദേവന് പിള്ളയുടെ സഹധര്മ്മിണി കെ സരസമ്മ(91) നിര്യാതയായി.
മക്കള്: ശശിധരന് നായര്, പരേതനായ മുരളീധരന് നായര്, ശ്യാമളാദേവി, ലീലാദേവി.
മരുമക്കള്: വത്സല, ജയശ്രീ, ശശിധരന് നായര്, പരേതനായ രാജേന്ദ്രന് നായര്.
ശവസംസ്കാരം ഇന്ന് ഉച്ചക്ക് 2 മണിക്ക് വീട്ടുവളപ്പില്
by Midhun HP News | Aug 20, 2025 | Latest News, ജില്ലാ വാർത്ത
മുൻ പ്രധാനമന്ത്രിയും, ഇന്ത്യൻ നാഷണൽ കോൺഗ്രസിന്റെ നേതാവുമായിരുന്ന രാജീവ് ഗാന്ധിയുടെ ജന്മ വാർഷിക ദിനമായ സദ്ഭാവന ദിനം ഇന്ത്യൻ നാഷണൽ കോൺഗ്രസ് ആറ്റിങ്ങൽ ഈസ്റ്റ് മണ്ഡലം കമ്മിറ്റിയുടെ നേതൃത്വത്തിൽ സമുചിതമായി ആചരിച്ചു. മണ്ഡലം പ്രസിഡണ്ട് എച്ച് ബഷീറിന്റെ അധ്യക്ഷതയിൽ ആറ്റിങ്ങൽ സുരേഷ് ഉദ്ഘാടനം ചെയ്തു. ദിവാകരൻ പിള്ള, ഷൈജു ചന്ദ്രൻ, കിരൺ കൊല്ലമ്പുഴ, അഡ്വ: സുരേഷ്, അവനവഞ്ചേരി ഷജീർ, അനിൽകുമാർ, ഇക്ബാൽ, വിജയൻ സോപാനം, രതീഷ്, മധുസൂദനൻ പിള്ള, സിയാദ്, മോഹനൻ നായർ, രവീന്ദ്രൻ, ജോയി, അമൃത ലാൽ, പ്രമോദ്, ശ്രീകുമാർ, ബാബു, അജിത്ത്, എസ്. ഭാസി, പ്രകാശ് തുടങ്ങിയവർ പങ്കെടുത്തു.
Recent Comments