by Midhun HP News | Jun 8, 2025 | Latest News, ദേശീയ വാർത്ത
ഇംഫാല്: മണിപ്പൂരില് വീണ്ടും സംഘര്ഷം പൊട്ടിപ്പുറപ്പെട്ടതിനെത്തുടര്ന്ന് ഇന്റര്നെറ്റ് സേവനങ്ങള് റദ്ദാക്കി. ഇംഫാല്, വെസ്റ്റ് ഇംഫാല്, ഥൗബല്, ബിഷ്ണുപുര്, കാചിങ് ജില്ലകളിലാണ് അടുത്ത അഞ്ചു ദിവസത്തേക്ക് ഇന്റര്നെറ്റ് റദ്ദാക്കിയത്. ശനിയാഴ്ച രാത്രി 11. 45 മുതല് വിലക്ക് പ്രാബല്യത്തില് വന്നതായി അധികൃതര് അറിയിച്ചു. ബിഷ്ണുപൂര് ജില്ലയില് കര്ഫ്യൂ ഏര്പ്പെടുത്തി. ഇംഫാല് ഈസ്റ്റ്, ഇംഫാല് വെസ്റ്റ്, ഥൗബല്, കാചിങ് ജില്ലകളില് നിരോധനാജ്ഞയും പുറപ്പെടുവിച്ചിട്ടുണ്ട്.
മെയ്തെയ് സംഘടനയായ ആരംഭായ് തെങ്കോലിന്റെ നേതാവ് കനാന് സിങ്ങിനെ അറസ്റ്റ് ചെയ്തതിനെ തുടര്ന്നാണ് സംഘര്ഷം പൊട്ടിപ്പുറപ്പെട്ടത്. ഇയാളെ വിട്ടയയ്ക്കണമെന്ന് ആവശ്യപ്പെട്ട് ആരംഭിച്ച പ്രതിഷേധം അക്രമങ്ങളിലേക്ക് നീങ്ങുന്ന സാഹചര്യത്തിലാണ് ഇന്റര്നെറ്റ് സേവനങ്ങള്ക്ക് വിലക്കേര്പ്പെടുത്തിയത്. ഇംഫാലില് പ്രതിഷേധക്കാര് തെരുവിലിറങ്ങുകയും റോഡില് ടയറുകള് കത്തിക്കുകയും ചെയ്തു.
സാമൂഹിക വിരുദ്ധര് വിദ്വേഷ പരാമര്ശങ്ങളും ചിത്രങ്ങളും വിഡിയോകളും സമൂഹമാധ്യമത്തിലൂടെ പ്രചരിക്കുന്നത് ഗുരുതരമായ ക്രമസമാധാന പ്രശ്നങ്ങള്ക്ക് ഇടയാക്കുമെന്ന് കണക്കാക്കിയാണ് നടപടിയെന്ന് ആഭ്യന്തര സെക്രട്ടറി എന് അശോക് കുമാര് വ്യക്തമാക്കി. ഗവര്ണര് എ കെ ഭല്ലയുടെ ഉത്തരവിനെ തുടര്ന്ന് ആരംഭായ് തെങ്കോല് ആയുധങ്ങള് അടിയറവ് വെച്ചിരുന്നു.
വംശീയ കലാപത്തില് പങ്കുള്ള കുക്കി സംഘടനാ നേതാക്കളെയും പ്രവര്ത്തകരെയും അറസ്റ്റ് ചെയ്യണമെന്ന് പ്രതിഷേധക്കാര് ആവശ്യപ്പെട്ടു. 2023 ഒക്ടോബറില് പൊലീസുദ്യോഗസ്ഥനെ സ്നൈപ്പര് ഗണ് ഉപയോഗിച്ച് വെടിവെച്ച് കൊലപ്പെടുത്തിയ കേസില്, മണിപ്പുരിലെ മൊറെയില് നിന്ന് കുക്കി വിഭാഗത്തില് നിന്നുള്ള ഒരാളെ പൊലീസ് അറസ്റ്റ് ചെയ്തിരുന്നു. ഇതിന്റെ പേരില് കുക്കികളും പ്രതിഷേധിച്ചിരുന്നു.
by Midhun HP News | Jun 8, 2025 | Latest News, ജില്ലാ വാർത്ത, മരണം
ആറ്റിങ്ങൽ കടുവയിൽ വാവറ വിള വീട് സുനിത വിലാസത്തിൽ ദേവരാജൻ (75) അന്തരിച്ചു.
ഭാര്യ: രാധ
മക്കൾ: സുനിത, സുരേഷ് ഉണ്ണിക്കൃഷ്ണൻ, ശുഭ.
മരുമക്കൾ: കുമാർ സുരേഷ്, ഷീജ, വിനീത.
by Midhun HP News | Jun 8, 2025 | Latest News, കേരളം
തൊടുപുഴ: ഇടുക്കി തൂവല് വെള്ളചാട്ടത്തില് അകപ്പെട്ട വിനോദ സഞ്ചാരിയെ രക്ഷപ്പെടുത്തി നാട്ടുകാര്. സെല്ഫിയെടുക്കാനുള്ള ശ്രമത്തിനിടെയാണ് തമിഴ്നാട് മധുര സ്വദേശിയായ സഞ്ചാരി അപകടത്തില്പ്പെട്ടത്. ശനിയാഴ്ച വൈകീട്ട് ആയിരുന്നു അപകടം.
മധുരയില് നിന്നും നാലംഗ സംഘത്തിനൊപ്പമാണ് അപടത്തില്പ്പെട്ട യുവാവ് ഇടുക്കിയിലെത്തിയത്. കാല് വഴുതി വെള്ള ചാട്ടത്തിലേയ്ക്ക് പതിച്ച സഞ്ചാരി ഒഴുക്കിപ്പെട്ട് മുന്നോട്ട് പൊയെങ്കിലും പാറയിടുക്കില് തങ്ങി നില്ക്കുകയയായിരുന്നു. വിവരം അറിഞ്ഞെത്തിയ നാട്ടുകാര് വടം ഉപയോഗിച്ച് യുവാവിനെ രക്ഷപെടുത്തുകയായിരുന്നു.
സ്ഥിരം അപകടമേഖലയാണ് ഇടുക്കിയിലെ തൂവല് വെള്ളച്ചാട്ടം. കഴിഞ്ഞ പത്ത് വര്ഷത്തിനിടെ 12 പേര് ഇവിടെ അപകടത്തില്പ്പെട്ട് മരിച്ചിട്ടുണ്ട്. ഇതില് രണ്ട് പേര് കഴിഞ്ഞ വര്ഷമാണ് മരിച്ചത്. നിരവധി സഞ്ചാരികള് എത്തുന്ന വെള്ളച്ചാട്ടമാണെങ്കിലും മുന്നറിയിപ്പ് ബോര്ഡുകള്ക്ക് അപ്പുറത്ത് മറ്റ് സുരക്ഷാ ക്രമീകരണങ്ങള് മേഖലയില് ഒരുക്കിയിട്ടില്ല.
by Midhun HP News | Jun 8, 2025 | Latest News, കേരളം
മലപ്പുറം: നിലമ്പൂരില് പത്താം ക്ലാസ് വിദ്യാര്ഥി അനന്തു പന്നിക്കെണിയില് നിന്നു ഷോക്കേറ്റ് മരിച്ച സംഭവത്തില് മുഖ്യപ്രതി അറസ്റ്റില്. വഴിക്കടവ് വെള്ളക്കെട്ട സ്വദേശി വിനീഷ് ആണ് അറസ്റ്റിലായത്. കാട്ടുപന്നിയുടെ ഇറച്ചിക്ക് വേണ്ടിയാണ് ഇയാള് കെണി വെച്ചത്. വിനീഷ് നേരത്തെയും സമാനമായ രീതിയില് കെണി വെച്ച് പന്നിയെ പിടികൂടിയിരുന്നതായി പൊലീസിന് വിവരം ലഭിച്ചിട്ടുണ്ട്.
മലപ്പുറം: നിലമ്പൂരില് പത്താം ക്ലാസ് വിദ്യാര്ഥി അനന്തു പന്നിക്കെണിയില് നിന്നു ഷോക്കേറ്റ് മരിച്ച സംഭവത്തില് മുഖ്യപ്രതി അറസ്റ്റില്. വഴിക്കടവ് വെള്ളക്കെട്ട സ്വദേശി വിനീഷ് ആണ് അറസ്റ്റിലായത്. കാട്ടുപന്നിയുടെ ഇറച്ചിക്ക് വേണ്ടിയാണ് ഇയാള് കെണി വെച്ചത്. വിനീഷ് നേരത്തെയും സമാനമായ രീതിയില് കെണി വെച്ച് പന്നിയെ പിടികൂടിയിരുന്നതായി പൊലീസിന് വിവരം ലഭിച്ചിട്ടുണ്ട്.
മരിച്ച അനന്തുവിന്റെ മൃതദേഹം പോസ്റ്റ് മോര്ട്ടത്തിന് ശേഷം ബന്ധുക്കള്ക്ക് കൈമാറി. തോട്ടില് മീന്പിടിക്കാന് പോയപ്പോഴാണ് അനന്തുവിനും സുഹൃത്തുക്കള്ക്കും ഷോക്കേറ്റത്. ഷോക്കേറ്റ് പരിക്കേറ്റ സുഹൃത്തുക്കളുടെ നില ഗുരുതരമല്ലെന്നാണ് വിവരം. അനന്തുവിന്റെ വയറില് നേരിട്ട് ഷോക്കേറ്റതാണ് മരണത്തിന് കാരണമായതെന്നാണ് സൂചന. വയറില് ഷോക്കേറ്റ് പൊള്ളലേറ്റതിന്റെ പാടുണ്ട്.
നിലമ്പൂരില് പന്നിക്കെണിയില് നിന്നു ഷോക്കേറ്റ് വിദ്യാര്ഥി മരിച്ചു. പത്താം ക്ലാസ് വിദ്യാര്ഥിയായ അനന്തു(15)വാണ് മരിച്ചത്. വഴിക്കടവ് വെള്ളക്കട്ടയില് ഇന്നലെ രാത്രിയോടെയാണ് സംഭവം. രണ്ട് പേര്ക്ക് പരിക്കേറ്റു. ഷാനു, യദു എന്നിവര്ക്കാണ് അപകടത്തില് പരിക്കേറ്റത്. ഇതില് ഒരാളുടെ നില ഗുരുതരമാണെന്നാണ് റിപ്പോര്ട്ട്. സംഭവത്തില് പൊലീസ് മനപ്പൂര്വമല്ലാത്ത നരഹത്യക്ക് കേസെടുത്തു. വഴിക്കടവ് പൊലീസാണ് കേസ് രജിസ്റ്റര് ചെയ്തത്.
by Midhun HP News | Jun 7, 2025 | Latest News, ജില്ലാ വാർത്ത
ഇന്ത്യയിലെ യുവാക്കൾക്കിടയിൽ ‘ചെയ്യാൻ കഴിയും’ എന്ന മനോഭാവം വളർത്തുന്നതിൽ മൻ കീ ബാത്ത് പ്രഭാഷണ പരമ്പര വലിയ പങ്ക് വഹിച്ചിട്ടുണ്ടെന്ന് മുൻകേന്ദ്രമന്ത്രി വി.മുരളീധരൻ.
സാധാരണക്കാരായ എത്രയോ സൂപ്പർ ഹീറോകളെ പ്രധാനമന്ത്രി നരേന്ദ്രമോദി രാജ്യത്തിന് മൻ കീ ബാത്തിലൂടെ കാണിച്ചു തന്നു. ജീവിത വിജയം കൈവരിക്കാൻ പ്രചോദനമായി വിദ്യാർത്ഥികൾ അവയെ കാണണമെന്നും പരിശ്രമത്തിലൂടെ ഉയരത്തിലെത്തണമെന്നും വി.മുരളീധരൻ പറഞ്ഞു.
മേരാ യുവ ഭാരതും ഗ്ലോബൽ ഗിവേഴ്സ് ഫൌണ്ടേഷനും സംഘടിപ്പിച്ച മൻ കി ബാത്ത് ക്വിസ് മത്സരത്തിൽ വിജയികളായ ചിറയിൻകീഴ് താലൂക്കിലെ വിദ്യാർത്ഥികളെ അനുമോദിക്കുന്ന ചടങ്ങിൽ പങ്കെടുത്ത് സംസാരിക്കുകയായിരുന്നു അദ്ദേഹം.
സമയത്തെ എങ്ങനെ വിനിയോഗിക്കാം, കഴിവുകൾ എങ്ങനെ തിരിച്ചറിയാം, എന്തുകൊണ്ട് നമ്മൾ കഠിനാധ്വാനം തുടരണം എന്നിങ്ങനെ വിവിധ വിഷയങ്ങളിൽ പ്രധാനമന്ത്രി പങ്കുവക്കുന്ന വിജയമന്ത്രങ്ങൾ വിദ്യാർത്ഥികൾ പിന്തുടരണമെന്നും മുൻ കേന്ദ്രമന്ത്രി കൂട്ടിച്ചേർത്തു. ക്വിസ് മത്സരത്തിൽ വിജയികളായ വിദ്യാർത്ഥികൾക്ക് ഹൈക്കോടതി ജഡ്ജി എസ്.മനു പുരസ്കാരങ്ങൾ വിതരണം ചെയ്തു.
ജീവിത വിജയം ഉറപ്പാക്കും എന്ന മനോഭാവത്തോടെ വിദ്യാർത്ഥികൾ മുന്നേറണമെന്ന് എസ്. മനു പറഞ്ഞു.പോസിറ്റിവ് ചിന്തകളിലേക്ക് പൗരന്മാരെ നയിക്കാൻ മൻ കീ ബാത്തിന്
സാധിച്ചെന്നും അദ്ദേഹം അഭിപ്രായപ്പെട്ടു. ഡോ.എ. രാധാകൃഷ്ണന് നായര്, എം. അനില്കുമാര് തുടങ്ങിയവരും ആറ്റിങ്ങൽ ജ്യോതിസ് പബ്ലിക്ക് സ്കൂളിൽ നടന്ന ചടങ്ങിൽ പങ്കെടുത്തു.
by Midhun HP News | Jun 7, 2025 | Latest News, ജില്ലാ വാർത്ത
ഡ്രൈവിങ്ങിനിടെ നെഞ്ച് വേദന എടുത്ത യുവാവിന് നഗരൂർ പോലീസിന്റെ
സംയോജിതമായ ഇടപെടലിൽ ആണ് പുതു ജീവൻ ലഭിച്ചത്. നെടുംപറമ്പ് നന്ദായ് വനം സ്വദേശി ഷാനവാസാണ് പോലീസിന്റെ ചടുലമായ നീക്കത്തിൽ ജീവിതത്തിലേയ്ക്ക് തിരികെ എത്തിയത്. കഴിഞ്ഞ ദിവസം പുലർച്ചെ 3. 15 ഓടെ നന്ദായ് വനം ജംഗ്ഷനിലാണ് സംഭവം. നൈറ്റ് പെട്രോളിംഗ് ഡ്യൂട്ടിയുടെ ഭാഗമായി വന്ന പോലീസ് ഉദ്യോഗസ്ഥരാണ് യുവാവിനെ കേശവപുരം ആശുപത്രിയിൽ എത്തിച്ച് ജീവൻ രക്ഷിച്ചത്
Recent Comments