by Midhun HP News | Dec 31, 2024 | Latest News, കേരളം
യു. പ്രതിഭ എംഎൽഎയുടെ മകനെതിരെ കേസെടുത്തതിനു പിന്നാലെ ആലപ്പുഴ എക്സൈസ് ഡെപ്യൂട്ടി കമ്മീഷണറെ സ്ഥലം മാറ്റി. പി.കെ ജയരാജിനാണ് അടിയന്തര നടപടി. സർവീസിൽനിന്നു വിരമിക്കാൻ അഞ്ചുമാസം ശേഷിക്കെയാണ് മലപ്പുറത്തേക്ക് സ്ഥലം മാറ്റിയത്. കൊല്ലം സ്വദേശിയായ ഇദ്ദേഹം ആലപ്പുഴ ഡെപ്യൂട്ടി കമ്മീഷണറായി ചുമതല ഏറ്റെടുത്ത് മൂന്ന് മാസം തികയും മുൻപാണ് നടപടി.
ഇതിനിടയിൽ, ലഹരിക്കേസുകളിൽ നിരവധി പേരെ അറസ്റ്റ് ചെയ്യുകയും ബിനാമി കള്ളുഷാപ്പുകൾക്കെതിരെ കർശന നടപടി സ്വീകരിക്കുകയും ചെയ്തിരുന്നു. കഴിഞ്ഞ ദിവസമാണ് പ്രതിഭയുടെ മകൻ കനിവിനെതിരെ കഞ്ചാവ് കൈവശംവച്ചതിനു കേസെടുത്തത്. കനിവ് ഉൾപ്പെട്ട സംഘത്തെയാണ് പൊലീസ് അറസ്റ്റ് ചെയ്തത്.
by Midhun HP News | Dec 31, 2024 | Latest News, കേരളം
സംസ്ഥാന സ്കൂൾ കലോൽസവം സ്വർണ്ണക്കപ്പിൻ്റെ സ്വീകരണത്തിനായി തട്ടത്തുമലയിൽ സ്വാഗതസംഘം രൂപീകരിച്ചു. ഒ.എസ്.അംബിക എം എൽ എ ഉദ്ഘാടനം ചെയ്തു. പഴയകുന്നുമ്മേൽ ഗ്രാമ പഞ്ചായത്ത് പ്രസിഡൻ്റ് എൻ സലിൽ അദ്ധ്യക്ഷത വഹിച്ചു. ഡി ഇ ഓ ബിന്ദു, എ ഇ ഒ വി എസ് പ്രദീപ്, ബി പി സി നവാസ് കെ, വിദ്യാഭ്യാസ സ്റ്റാൻഡിഗ് കമ്മിറ്റി ചെയർമാൻ സിബി, വാർഡ് മെമ്പർമാരായ ഹരീഷ്, ജി.ഗിരിജകുമാരി, സി ഡി എസ് ചെയർപേഴ്സൺ എ റഹിയാനത്ത് ബീവി, പി ടി എ പ്രസിഡൻറ് കെ.ജി: ബിജു ജനപ്രതിനിധികൾ, അധ്യാപക സംഘടനാ ഭാരവാഹികൾ എന്നിവർ പങ്കെടുത്തു. യോഗത്തിന് പ്രിൻസിപ്പാൾ ഷീജ സ്വാഗതവും എച്ച് അനില ശങ്കർ നന്ദിയും രേഖപ്പെടുത്തി.
ജനുവരി 3-ാം തീയതി രാവിലെ 9 മണിക്ക് തട്ടത്തുമല സ്കൂളിന് മുൻഭാഗത്ത് MLA യുടെ നേതൃത്വത്തിൽ സ്വർണ്ണക്കപ്പിന് സ്വീകരണം നൽകും. തുടർന്ന് തട്ടത്തുമല ഗവ.ഹയർ സെക്കൻ്ററി സ്കൂളിൽ സമീപ സ്കൂളുകളിലെ വിദ്യാർത്ഥികളെക്കൂടി ഉൾപ്പെടുത്തിക്കൊണ്ട് സ്വീകരണം നൽകും. സബ് ജില്ലയിലെ രണ്ടാമത്തെ സ്വീകരണ കേന്ദ്രം കിളിമാനൂർ ഗവ.ഹയർ സെക്കൻ്ററി സ്കൂൾ ആണ്. സമീപ സ്കൂളുകളിലെ വിദ്യാർത്ഥികളുടെ കൂടി പങ്കാളിത്തത്തോടെ അവിടെ സ്വീകരണം നൽകും
സ്വാഗതസംഘം
by Midhun HP News | Dec 31, 2024 | Latest News, കേരളം
കൊച്ചി: പതുവത്സര ആഘോഷത്തിനു മദ്യപിച്ചു ഫിറ്റായാലും സാരമില്ല! വീട്ടിലെത്തിക്കാൻ ആളുണ്ട്. എറണാകുളം റീജിയണൽ ട്രാൻസ്പോർട്ട് ഓഫീസ് (ആർടിഒ) പുതുവഴിയാണ് ഇതിനായി ഒരുക്കിയത്. പുതുവത്സര ആഘോഷത്തോടനുബന്ധിച്ചു എറണാകുളത്തെ ബാർ ഹോട്ടലുകളിൽ പ്രൊഫഷണൽ ഡ്രൈവർമാരുടെ സേവനം ലഭ്യമാക്കാനാണ് ആർടിഒ നിർദ്ദേശം. പുതുവത്സരത്തിനു മദ്യപിച്ചു വാഹനമോടിക്കുന്നതു തടയാനാണ് ആർടിഒ പുതുവഴി അവതരിപ്പിച്ചത്.
മദ്യപിച്ചു വാഹനമോടിക്കുന്നതു മൂലമുണ്ടാകുന്ന റോഡപകടങ്ങൾ തടയുന്നതിന്റെ ഭാഗമായാണു ബാറുകൾ ഉള്ള എല്ലാ ഹോട്ടലുകളും ഡ്രൈവർമാരുടെ സേവനം ലഭ്യമാക്കണമെന്നു നിർദ്ദേശിച്ചത്. ഹോട്ടലുകൾ പ്രൊഫഷണൽ ഡ്രൈവർമാരെ ഇതിനായി ക്രമീകരിക്കണം. ഹോട്ടലുകളിൽ എത്തുന്നവരോട് ഇത്തരം ഡ്രൈവർമാരുടെ സേവനമുണ്ടെന്നു അറിയിക്കണം. നേരത്തെ ബുക്ക് ചെയ്യാനുള്ള സൗകര്യങ്ങളും ഒരുക്കണം.
ഡ്രൈവറെ നൽകുക മാത്രമല്ല ഹോട്ടലുകാർ വേണ്ടത്. മദ്യപിച്ച് വാഹനമോടിക്കുന്നതിന്റെ അപകടത്തെക്കുറിച്ചു ഉപഭോക്താക്കളുമായി ആശയ വിനിമയം നടത്തണമെന്നും ആർടിഒ നിർദ്ദേശത്തിലുണ്ട്. ഇക്കാര്യം ഹോട്ടലുകളിൽ ശരിയായി കാണാവുന്ന വിധത്തിൽ പ്രദർശിപ്പിക്കണം. ഡ്രൈവർമാരുടെ സേവനം ഉപയോഗിക്കുന്ന ഉപഭോക്താക്കൾ അതിനെക്കുറിച്ചു പറയുന്നത് രജിസ്റ്ററ് രേഖപ്പെടുത്തണം. ഇത് അധികൃതർ പരിശോധിക്കും.
ഡ്രൈവർമാരുടെ സേവനം ഉപയോഗിക്കാൻ വിസമ്മതിക്കുകയും മദ്യ ലഹരിയിൽ വാഹനമോടിക്കാൻ ശ്രമിക്കുകയോ ചെയ്താൽ ഹോട്ടൽ അധികൃതർ ഉടനെ അടുത്തുള്ള പൊലീസ് സ്റ്റേഷനിലോ ആർടിഒയെയോ അറിയിക്കണം. ഈ നിർദ്ദേശങ്ങൾ പാലിച്ചില്ലെങ്കിൽ മോട്ടോർ വാഹന വകുപ്പിലെ നിയമങ്ങളുടെ അടിസ്ഥാനത്തിൽ കർശന നടപടിയെന്ന മുന്നറിയിപ്പും നൽകിയിട്ടുണ്ട്.
by Midhun HP News | Dec 31, 2024 | Latest News, ദേശീയ വാർത്ത
ഡല്ഹി: യെമനില് വധശിക്ഷയ്ക്ക് വിധിക്കപ്പെട്ട മലയാളി നഴ്സ് നിമിഷ പ്രിയയുടെ മോചനത്തിനായി സാധ്യമായ എല്ലാം ചെയ്യുമെന്ന് വിദേശകാര്യ വകുപ്പ്. നിമിഷപ്രിയയെ യെമനില് വധശിക്ഷയ്ക്ക് വിധിച്ച കാര്യം അറിയാം. അവരെ മോചിപ്പിക്കാനായി കുടുംബം പരിശ്രമിക്കുകയാണ്. ഈ വിഷയത്തില് കേന്ദ്രസര്ക്കാര് സാധ്യമായ എല്ലാ സഹായവും ചെയ്യും. വിദേശകാര്യ വക്താവ് രണ്ധീര് ജയ്സ്വാള് പറഞ്ഞു.
യെമന് പൗരനായ യുവാവ് കൊല്ലപ്പെട്ട കേസില് നിമിഷപ്രിയയുടെ വധശിക്ഷ കഴിഞ്ഞദിവസം യെമന് പ്രസിഡന്റ് റഷദ് അല് അലിമി ശരിവെച്ചിരുന്നു. ഒരുമാസത്തിനകം വധശിക്ഷ നടപ്പാക്കിയേക്കുമെന്നാണ് റിപ്പോര്ട്ടുകള്. വധശിക്ഷയ്ക്ക് പ്രസിഡന്റ് അംഗീകാരം നല്കിയ വാര്ത്ത അറിഞ്ഞതിന്റെ ഞെട്ടലിലാണ് നിമിഷപ്രിയയുടെ കുടുംബം.
നിമിഷപ്രിയയുടെ വധശിക്ഷയില് ഇളവ് നേടിയെടുക്കാന് അമ്മ പ്രേമകുമാരി (57) നിരന്തരം ശ്രമിച്ചുകൊണ്ടിരിക്കുകയാണ്. ഈ വര്ഷം ആദ്യം, സാമൂഹിക പ്രവര്ത്തകരുടെ സംഘടനയായ സേവ് നിമിഷപ്രിയ ഇന്റര്നാഷണല് ആക്ഷന് കൗണ്സിലിന്റെ സഹായത്തോടെ ഇരയുടെ കുടുംബത്തിന് ദയാധനം നല്കുന്നത് സംബന്ധിച്ച് ചര്ച്ച നടത്താന് പ്രേമകുമാരി സനയിലേക്ക് പോയിരുന്നു.
മോചനശ്രമവുമായി എട്ടുമാസമായി നിമിഷ പ്രിയയുടെ അമ്മ യെമനില് തന്നെയാണ് ഉള്ളത്. 40,000 യുഎസ് ഡോളറാണ് ചര്ച്ചയ്ക്കായി അഭിഭാഷകന് ആവശ്യപ്പെട്ടത്. ആദ്യഗഡുവായി 20,000 കോടി ഡോളര് നല്കിയിരുന്നു. യമന് പൗരനെ കൊലപ്പെടുത്തിയെന്നാണ് നിമിഷപ്രിയക്ക് എതിരെയുള്ള കേസ്. മാപ്പപേക്ഷ, ദയാധനം നല്കി മോചിപ്പിക്കല് തുടങ്ങിയ ശ്രമങ്ങൾ നടത്തിയിരുന്നെങ്കിലും പരാജയപ്പെട്ടിരുന്നു.
by Midhun HP News | Dec 31, 2024 | Latest News, ജില്ലാ വാർത്ത
തിരുവനന്തപുരം: കേരള പബ്ലിക് സര്വീസ് കമ്മീഷന് അഭിമുഖം നിശ്ചയിച്ച തീയതിയില് മാറ്റം ആവശ്യപ്പെട്ടുള്ള ഉദ്യോഗാര്ഥികളുടെ അപേക്ഷ ഇനി പ്രൊഫൈല് വഴി മാത്രം. നാളെമുതലാണ് ( ജനുവരി 1) ഇത് പ്രാബല്യത്തില് വരിക. ഇതിന് ശേഷം തപാല്, ഇ-മെയില് വഴി സമര്പ്പിക്കുന്ന അപേക്ഷ പരിഗണിക്കില്ലെന്ന് പിഎസ് സി അറിയിച്ചു.
അഭിമുഖ ദിവസം മറ്റു പിഎസ്സി പരീക്ഷയിലോ, സംസ്ഥാന, ദേശീയ തലത്തിലുള്ള മത്സര പരീക്ഷയിലോ, യൂണിവേഴ്സിറ്റി പരീക്ഷയിലോ പങ്കെടുക്കേണ്ടിവരുന്ന ഉദ്യോഗാര്ത്ഥിക്ക് അഭിമുഖ തീയതിയില് മാറ്റം ആവശ്യപ്പെട്ടുകൊണ്ട് സ്വന്തം പ്രൊഫൈല് വഴി അപേക്ഷ സമര്പ്പിക്കാനുള്ള ക്രമീകരണമാണ് ഒരുക്കിയിരിക്കുന്നത്. പ്രൊഫൈലില് പ്രവേശിച്ചാല് റിക്വസ്റ്റ് എന്ന ടൈറ്റിലില് കാണുന്ന ഇന്റര്വ്യൂ ഡേറ്റ് ചേഞ്ച് എന്ന ലിങ്കില് ക്ലിക്ക് ചെയ്താണ് അപേക്ഷ സമര്പ്പിക്കേണ്ടത്. ആവശ്യമായ രേഖകള് സഹിതം അഭിമുഖ തീയതിക്കു മുന്പായി സമര്പ്പിക്കുന്നതും നിശ്ചയിച്ച ഇന്റര്വ്യൂ ഷെഡ്യൂളില് ഉള്പ്പെടുത്താന് പറ്റുന്നതുമായ അപേക്ഷകള് മാത്രമേ പരിഗണിക്കുകയുള്ളൂ.
by Midhun HP News | Dec 31, 2024 | Latest News, ദേശീയ വാർത്ത
ദുബായ്: ഐസിസിയുടെ 2024ലെ മികച്ച ക്രിക്കറ്റ് താരം, മികച്ച ടെസ്റ്റ് താരം പുരസ്കാര പട്ടികയില് ഇടം പിടിച്ച് ഇന്ത്യയുടെ സൂപ്പര് പേസര് ജസ്പ്രിത് ബുംറ. 2024 കലണ്ടര് വര്ഷം മൂന്ന് ഫോര്മാറ്റിലും മിന്നും ബൗളിങാണ് ബുംറ നടത്തിയത്. പ്രത്യേകിച്ച് ടെസ്റ്റില്. നിലവില് നടക്കുന്ന ഓസ്ട്രേലിയക്കെതിരായ പരമ്പരയിലും മാരകമായ ഫോമിലാണ് ബുംറ പന്തെറിയുന്നത്.
ഈ വര്ഷം 13 ടെസ്റ്റ് മത്സരങ്ങളില് നിന്നായി 71 വിക്കറ്റുകളാണ് ബുംറ വീഴ്ത്തിയത്. 14.92 ആണ് ആവറേജ്. ഓസീസ് മണ്ണില് നിന്നു മാത്രം നാല് ടെസ്റ്റില് നിന്നു ബുംറ വീഴ്ത്തിയത് 30 വിക്കറ്റുകള്. മികച്ച ക്രിക്കറ്റ് താരത്തിനുള്ള ഗാരി സോബേഴ്സ് പുരസ്കാര പട്ടികയിലാണ് ബുംറയും ഉള്പ്പെട്ടത്. ഇംഗ്ലണ്ടിന്റെ ജോ റൂട്ട്, ഹാരി ബ്രൂക്, ഓസ്ട്രേലിയയുടെ ട്രാവിസ് ഹെഡ് എന്നിവരാണ് പട്ടികയിലുള്ള മറ്റുള്ളവര്.
മികച്ച ടെസ്റ്റ് താരങ്ങളുടെ അന്തിമ പട്ടികയില് ബുംറയ്ക്കൊപ്പം റൂട്ടും ബ്രൂക്കും ഇടം പിടിച്ചു. ശ്രീലങ്കയുടെ കാമിന്ദു മെന്ഡിസാണ് ടെസ്റ്റ് താരങ്ങളുടെ പട്ടികയിലുള്ള നാലാമന്.
Recent Comments