by Midhun HP News | Dec 25, 2024 | Latest News, കേരളം
കണ്ണൂര്: പയ്യാമ്പലത്ത് റിസോര്ട്ടിന് തീയിട്ട ശേഷം ജീവനക്കാരന് ആത്മഹത്യ ചെയ്തു. ബാനൂസ് ബിച്ച് എന്ക്ലേവില് ഉച്ചയോടെയാണ് സംഭവം. പെട്രോളും ഗ്യാസ് സിലിണ്ടറും തുറന്നിട്ടാണ് യുവാവ് തീ കൊളുത്തിയത്. പാലക്കാട് സ്വദേശി പ്രേമനാണ് മരിച്ചത്.
റിസോര്ട്ടിലെ സെക്യൂരി ജീവനക്കാരനാണ് പ്രേമന്. ആദ്ദേഹത്തെ ജോലിയില് നിന്ന് പിരിച്ചുവിടുന്നതായി ഉടമ നിര്ദേശം നല്കിയിരുന്നു. അതിന് പിന്നാലെയായിരുന്നു പ്രേമന്റെ പരാക്രമം. റിസോര്ട്ടിന്റെ താഴത്തെ നിലയില് ഗ്യാസ് സിലിണ്ടര് തുറന്നുവച്ച നായകളെ റൂമിനകത്ത് അടച്ചിടുകയും തീ കൊളുത്തുകയുമായിരുന്നു. ലോഡ്ജില് ഉണ്ടായിരുന്ന അതിഥികളാണ് വിവരം പൊലിസിനെ അറിയിച്ചത്.
വിവരം അറിഞ്ഞ് സ്ഥലത്തെത്തിയ ഫയര്ഫോഴ്സാണ് തീ കൊളുത്തിയത്. തീപ്പിടിത്തത്തില് രണ്ട് വളര്ത്തുനായകളും ചത്തു. പൊള്ളലേറ്റ നിലയില് പുറത്തുവന്ന ഇയാള് റിസോര്ട്ടിന് സമീപത്തെ ഒഴിഞ്ഞ വീട്ടിലേക്കു കയറുകയായിരുന്നു. പിന്നീട് ഇവിടെനിന്ന് ഇയാളെ തൂങ്ങിമരിച്ച നിലയില് കണ്ടെത്തി. തീപ്പിടിത്തത്തില് റിസോര്ട്ടിലെ മുറികള് കത്തിനശിച്ചു. മുകള് നിലയിലെ മുറിയിലും ഹാളിലുമുണ്ടായ പൊട്ടിത്തെറിയില് വലിയ നാശനഷ്ടമാണ് സംഭവിച്ചത്. കണ്ണൂരില് നിന്ന് രണ്ട് യൂണിറ്റ് ഫയര്ഫോഴ്സ് എത്തിയാണ് തീയണച്ചത്. മൃതദേഹം കണ്ണൂര് ജില്ലാ ആശുപത്രിയിലെത്തിച്ചു.
by Midhun HP News | Dec 25, 2024 | Latest News, കേരളം
കോഴിക്കോട്: ക്രിസ്മസ് പരീക്ഷയുടെ ചോദ്യപേപ്പര് ചോര്ച്ചയില് എം എസ് സൊലൂഷ്യന്സ് സിഇഒ മുഹമ്മദ് ഷുഹൈബിനായി പൊലീസ് ലൂക്ക്ഔട്ട് നോട്ടീസ് ഇറക്കി. ഷുഹൈബ് വിദേശത്തേക്ക് കടക്കാനുളള സാധ്യത കൂടി കണക്കിലെടുത്താണ് ക്രൈംബ്രാഞ്ച് നടപടി.
ചോദ്യപേപ്പര് എവിടെ നിന്നാണ് ചോര്ന്നത്, എങ്ങനെ കിട്ടി എന്നതുള്പ്പടെയുള്ള കാര്യങ്ങള് അന്വേഷണ സംഘത്തിന് ശാസ്ത്രീയമായി തെളിയിക്കണ്ടെതുണ്ട്. കഴിഞ്ഞ ദിവസം ചോദ്യം ചെയ്യലിന് ഹാജരാകാന് നോട്ടിസ് നല്കിയിരുന്നെങ്കിലും ഷുഹൈബ് ഹാജരായിരുന്നില്ല. ഷുഹൈബിനായുള്ള തിരച്ചില് അന്വേഷണ സംഘം ഊര്ജിതമാക്കി. മൊബൈല് ഫോണ് സ്വിച്ച് ഓഫ് ചെയ്ത നിലയിലാണ്.
ഷുഹൈബിനൊപ്പം ഹാജരാകാന് നിര്ദ്ദേശിച്ചിരുന്ന സ്ഥാപനത്തിലെ അധ്യാപകരും അന്വേഷണ സംഘത്തിന് മുന്നില് ഹാജരായില്ല. മറ്റന്നാള് ഹാജരാകാമെന്നാണ് അധ്യാപകര് അന്വേഷണ സംഘത്തെ നിലവില് അറിയിച്ചിരിക്കുന്നത്. ഷുഹൈബ് ഹാജരാകാത്ത സാഹചര്യത്തില് കസ്റ്റഡിയില് എടുക്കാനുള്ള നടപടികളുമായി മുന്നോട്ട് പോകാനാണ് ക്രൈം ബ്രാഞ്ച് തീരുമാനം. ഷുഹൈബിന്റെ സാമ്പത്തിക ഇടപാടുകളും അന്വേഷണ സംഘം പരിശോധിക്കും.രണ്ട് വര്ഷത്തെ സാമ്പത്തിക ഇടപാടുകളാണ് പരിശോധിക്കുക. എസ്എസ്എല്സി കെമിസ്ട്രി പരീക്ഷയ്ക്ക് എം എസ് സൊല്യൂഷന് പ്രവചിച്ച പാഠ ഭാഗങ്ങളില് നിന്നുള്ള 32 മാര്ക്കിന്റെ ചോദ്യങ്ങള് പരീക്ഷയില് വന്നെന്നായിരുന്നു കെ.എസ്.യു ആരോപിച്ചത്.
by Midhun HP News | Dec 25, 2024 | Latest News, ജില്ലാ വാർത്ത, സിനിമ
മോഹൻലാൽ ആദ്യമായി സംവിധാനം ചെയ്ത ബറോസ് ഇന്ന് പ്രേക്ഷകരിലേക്കെത്തി. സംവിധായകനായി മോഹൻലാലിന്റെ പേര് ആദ്യമായി സ്ക്രീനില് തെളിഞ്ഞിരിക്കുന്നു. വീണ്ടും മലയാളത്തിന്റെ വിസ്മയിപ്പിച്ച് ത്രീഡി സിനിമാ കാഴ്ച. പ്രതീക്ഷകള്ക്കപ്പുറമാണ് ബറോസ് എന്നാണ് ആദ്യ ഷോ പകുതി കണ്ടവരെല്ലാം അഭിപ്രായപ്പെടുന്നതെന്ന് വിജയമാണ്.
നിരവധിപ്പേരാണ് ബറോസ് കണ്ട് സിനിമയെ കുറിച്ച് സാമൂഹ്യ മാധ്യമങ്ങളില് കുറിപ്പ് എഴുതുന്നത് എന്നത് ബറോസിന്റെ വിജയത്തെ സൂചിപ്പിക്കുന്നതാണ്. ആദ്യ പകുതി മികച്ചതെന്ന് മിക്കവരും പറയുന്നത് ബറോസിന് നേട്ടമായിരിക്കുകയാണ്. മലയാളം ഇന്നോളം കണ്ടിട്ടില്ലാത്ത ത്രീഡിയെന്നാണ് സിനിമ കണ്ടവര് മിക്കവരും അഭിപ്രായപ്പെടുന്നതെന്നാണ് റിപ്പോര്ട്ട്. സംവിധായകനായി മോഹൻലാല് അരങ്ങേറ്റം മികച്ചതാക്കിയെന്നും സിനിമ കുടുംബപ്രേക്ഷകര്ക്കുള്ളതാണെന്നും പ്രേക്ഷകര് മിക്കവരും അഭിപ്രായപ്പെടുന്നു.
ബറോസിന്റെ റിലീസ് പാൻ ഇന്ത്യ ചിത്രമായിട്ടാണ് എന്നതും പ്രത്യേകതയാണ്. കേരളത്തില് മാത്രം അഡ്വാൻസായി ഒരു കോടി രൂപയില് അധികം നേടിയിരുന്നു ബറോസ്. ആരൊക്കെ വീഴ്ത്തിയാണ് മുന്നേറ്റം എന്നത് റിലീസിന് ശേഷമുള്ള കണക്കുകള് പരിശോധിച്ചാല് മാത്രമാണ് വ്യക്തമാകുക. എന്തായാലും മോഹൻലാലിന്റെ ബറോസ് മലയാള സിനിമാ ചരിത്രത്തില് നാഴികക്കല്ലാകും.
മോഹൻലാല് പാടുന്നുവെന്നതും ബറോസ് എന്ന ചിത്രത്തിന്റെ ആകര്ഷണമാണ്. മനോഹരമായ ഗാനമാണ് ചിത്രത്തിലേത് എന്നാണ് താരത്തിന്റെ ആരാധകരുടെ അഭിപ്രായവും. സംവിധായകൻ മോഹൻലാലിന്റെ ബറോസ് എന്ന സിനിമയുുടെ ഛായാഗ്രാഹണം നിര്വഹിച്ചിക്കുന്നത് സന്തോഷ് ശിവനാണ്. ജിജോ പുന്നൂസ് എഴുതിയ കഥയിലെടുക്കുന്ന ചിത്രം ത്രീഡിയില് എത്തുമ്പോള് ആകെ ബജറ്റ് 100 കോടിയായിരിക്കുമെന്നും റിപ്പോര്ട്ടുണ്ട്. നിര്മാണം ആന്റണി പെരുമ്പാവൂര് ആണ്. മോഹൻലാല് നായകനാകുന്ന ഒരു ഫാന്റസി ചിത്രമായിരിക്കും ബറോസ്. മാര്ക്ക് കില്യനും ലിഡിയൻ നാദസ്വരവും സംഗീതം പകരുമ്പോള് നായകനായ മോഹൻലാലിന്റെ ബറോസ് കഥാപാത്രം കുട്ടികള്ക്കും ഇഷ്ടമാകുന്നതായിരിക്കും.
by Midhun HP News | Dec 25, 2024 | Latest News, കേരളം
തിരുവനന്തപുരം: സ്വകാര്യ വാഹനങ്ങള് വാടകയ്ക്ക് വാങ്ങി ഉപയോഗിക്കുന്നവര്ക്കും നല്കുന്നവര്ക്കും മുന്നറിയിപ്പുമായി മോട്ടോര് വാഹന വകുപ്പ്. സ്വകാര്യ വാഹനങ്ങള് മറ്റുള്ള വ്യക്തികളുടെ ഉപയോഗത്തിന് പണമോ പ്രതിഫലമോ വാങ്ങി നല്കുന്നത് മോട്ടോര് വാഹന നിയമപ്രകാരം ശിക്ഷാര്ഹമാണെന്ന് മുന്നറിയിപ്പ് വിഡിയോയിലൂടെ മോട്ടോര് വാഹനവകുപ്പ് അറിയിച്ചു.
അനധികൃതമായി വാടകയ്ക്ക് നല്കുന്ന സ്വകാര്യ വാഹനങ്ങളുടെ രജിസ്ട്രേഷന് റദ്ദ് ചെയ്യുന്നത് ഉള്പ്പെടെയുള്ള നിയമ നടപടികള് സ്വീകരിക്കുന്നതാണ്. വാഹന ഉടമയുടെ കുടുംബാംഗങ്ങള് സ്ഥിരമായി ഉപയോഗിക്കുന്നത് നിയമവിരുദ്ധമല്ല. അതേപോലെ തന്നെ ബന്ധുക്കള്ക്കോ സുഹൃത്തുക്കള്ക്കോ അത്യാവശ്യഘട്ടങ്ങളില് പ്രതിഫലം കൂടാതെ വാഹനം ഉപയോഗിക്കാന് നല്കുന്നതിലും തെറ്റില്ല.
എന്നാല് സ്വകാര്യ വാഹനങ്ങള് സ്ഥിരമായി മറ്റു വ്യക്തികളുടെ ഉപയോഗത്തിനായി വിട്ടുനല്കുന്നതും സ്ഥിരമായി പല വ്യക്തികളെ വിമാനത്താവളം, റെയില്വേ സ്റ്റേഷന്, വിനോദസഞ്ചാര കേന്ദ്രം തുടങ്ങിയ സ്ഥലങ്ങളില് കൊണ്ടുപോകുകയോ കൊണ്ടുവരികയോ ചെയ്യുന്നതും പത്രമാധ്യമങ്ങള് വഴിയോ സോഷ്യല്മീഡിയ വഴിയോ പരസ്യം നല്കി വാഹനങ്ങള് മറ്റുള്ളവരുടെ ഉപയോഗത്തിന് വാടകയ്ക്ക് നല്കുന്നതും മോട്ടോര് വാഹന നിയമപ്രകാരം ശിക്ഷാര്ഹമാണെന്നും വിഡിയോയില് പറയുന്നു.
by Midhun HP News | Dec 25, 2024 | Latest News, ജില്ലാ വാർത്ത
തിരുവനന്തപുരം: ക്രിസ്മസ് ദിനത്തില് പുലര്ച്ചെ സംസ്ഥാന ശിശുക്ഷേമ സമിതിയുടെ തിരുവനന്തപുരം അമ്മത്തൊട്ടിലില് 3 ദിവസം പ്രായമുള്ള പെണ്കുഞ്ഞിനെ ലഭിച്ചുവെന്ന് മന്ത്രി വീണാ ജോര്ജ്. പുലര്ച്ചെ 5.50നാണ് കുഞ്ഞിനെ കിട്ടിയതെന്നും ഈ മകള്ക്ക് ഇടാന് പറ്റുന്ന പേര് അറിയിക്കണമെന്നും മന്ത്രി സമൂഹ മാധ്യമത്തില് കുറിച്ചു.
ഈ വര്ഷം ഇതുവരെ 22 കുഞ്ഞുങ്ങളെയാണ് തിരുവനന്തപുരത്തെ ശിശുക്ഷേമ സമിതിയുടെ അമ്മത്തൊട്ടിലില് മാത്രം ലഭിച്ചത്.
മന്ത്രി ഫെയ്സ്ബുക്കില് പങ്കുവച്ച കുറിപ്പ്
ഇന്ന് ക്രിസ്തുമസ് ദിനത്തില് പുലര്ച്ചെ 5.50ന് കേരള സംസ്ഥാന ശിശുക്ഷേമ സമിതിയുടെ തിരുവനന്തപുരം അമ്മത്തൊട്ടിലില് 3 ദിവസം പ്രായമുള്ള ഒരു പെണ്കുഞ്ഞിനെ ലഭിച്ചു. ഈ വര്ഷം ഇതുവരെ 22 കുഞ്ഞുങ്ങളെയാണ് തിരുവനന്തപുരത്തെ ശിശുക്ഷേമ സമിതിയുടെ അമ്മത്തൊട്ടിലില് മാത്രം ലഭിച്ചത്. ഈ മകള്ക്ക് നമുക്കൊരു പേരിടാം. പേരുകള് ക്ഷണിച്ചു കൊള്ളുന്നു.
by Midhun HP News | Dec 25, 2024 | Latest News, കേരളം
കൊല്ലം: നിലമേലില് പ്രഭാതസവാരിക്ക് ഇറങ്ങിയ സ്ത്രീ ലോറിയിടിച്ച് മരിച്ചു. മുരുക്കുമണ് സ്വദേശിനി ഷൈല (51) ആണ് മരിച്ചത്. കാറിടിച്ച് റോഡില് വീണ ഷൈലയുടെ ദേഹത്തുകൂടി ലോറി കയറി ഇറങ്ങുകയായിരുന്നു. ഇന്ന് രാവിലെ ആറുമണിയോടെയാണ് സംഭവം. എല്ലാദിവസവും ഷൈല പ്രഭാത സവാരിക്ക് ഇറങ്ങാറുണ്ട്. പതിവ് പോലെ ഇന്ന് രാവിലെ നടത്തത്തിന് ഇറങ്ങിയപ്പോഴാണ് കാര് ഇടിച്ചത്. കാര് ഇടിച്ച് റോഡില് വീണ ഷൈലയുടെ ദേഹത്തുകൂടി എതിര്ദിശയില് നിന്ന് വന്ന ലോറി കയറി ഇറങ്ങുകയായിരുന്നു
Recent Comments