കിളിമാനൂർ ആലംകോട് രാജാ രവിവർമ്മ റോഡിൽ ചെമ്പരത്ത് മുക്കിലാണ് അല്പം മുമ്പ് അപകടം നടന്നത്. ബൈക്കിൽ സഞ്ചരിച്ചു വന്ന യുവാവാണ് മരണപ്പെട്ടത്. മടത്തറ മേലേ മുക്ക് സ്വദേശി അൻസിലാണ് മരണപ്പെട്ടത്. അൻസിൽ ഓടിച്ചിരുന്ന ബൈക്കാണ് അപകടത്തിൽപെട്ടത് മടത്തറ ഒഴുകുപാറ സ്വദേശി തൻസീലിന് ഗുരുതര പരിക്കുകളോടെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
കിഴുവിലം ഗവ:യു.പി.എസി ലെ പ്രവേശനോത്സവം ഗ്രാമപഞ്ചായത്ത് പ്രസിഡന്റ് ആർ രജിത ഉദ്ഘാടനം ചെയ്തു. പി.റ്റി.എ പ്രസിഡന്റ് വി.കെ ശാന്തി അധ്യക്ഷത വഹിച്ചു. വാർഡ്മെമ്പർമാരായ ജി ഗോപകുമാർ, അനീഷ് ജി.ജി, സലീന റഫീക്ക്, സൈജാ നാസർ, മുൻ ഹെഡ്മാസ്റ്റർ എസ് സതീഷ് കുമാർ, ഹെഡ്മിസ്ട്രസ്സ് എസ് ഷീബ, അധ്യാപകരായ റ്റി.ആർ ബാലമുരളീഷ്ണൻ, റാസി മങ്ങാട്, പി.റ്റി.എ വൈസ് പ്രസിഡൻറ് എ ഹിഷിം എന്നിവർ സംസാരിച്ചു. കുട്ടികൾ അക്ഷരദീപം തെളിയിച്ചു. അക്ഷരപ്പറ നീറയ്ക്കുകയും ചെയ്തു.ഒന്നാം ക്ലാസിലെ കുട്ടികൾക്കും എൽ.കെ.ജി, യു.കെ.ജി വിഭാഗത്തിലെ കുട്ടികൾക്കും പഠനോപകരണങ്ങൾ വിതരണം ചെയ്തു.
അവനവഞ്ചേരി ഗവ. ഹൈസ്കൂളിൽ പരിസ്ഥിതി ദിനാചരണം നടത്തി. സ്കൂളിലെ സ്റ്റുഡൻ്റ് പോലീസ് കേഡറ്റുകൾക്കൊപ്പം എക്സൈസ് വകുപ്പ് ഉദ്യോഗസ്ഥരും പങ്കെടുത്തു. ചിറയിൻകീഴ് അസി. എക്സൈസ് ഓഫീസർ കെ. ഷിബുകുമാർ സ്കൂൾ വളപ്പിൽ ചാമ്പ മരം നട്ടുകൊണ്ട് ഉദ്ഘാടനം ചെയ്തു. സ്കൂൾ സീനിയർ അധ്യാപകൻ എൻ. സാബു, സിവിൽ എക്സൈസ് ഓഫീസർ ആർ. അജിത്കുമാർ, വനിതാ സിവിൽ എക്സൈസ് ഓഫീസർ സി. ബിസ്മി, എസ്. ഉഫൈസ്ഖാൻ, സ്റ്റാഫ് സെക്രട്ടറി ആർ.എസ്. ലിജിൻ എന്നിവർ സംബന്ധിച്ചു. പരിസ്ഥിതി സംരക്ഷണത്തിൻ്റെ പ്രാധാന്യത്തെക്കുറിച്ചും ലഹരിയുടെ വിപത്തിനെ കുറിച്ചും ബോധവത്കരണ ക്ലാസും ലഘുലേഖ വിതരണവും നടന്നു.
എസ്എഫ്ഐ ആറ്റിങ്ങൽ ഏരിയ കമ്മിറ്റി പഠനോത്സവം സംഘടിപ്പിച്ചു. നെടുoങ്ങണ്ട എം എം എം ജി എൽ പി സ്കൂളിലാണ് പഠനോത്സവം സംഘടിപ്പിച്ചത്. സ്കൂളിലെ മുഴുവൻ വിദ്യാർത്ഥികൾക്കും പഠനോപകരണങ്ങൾ വിതരണം ചെയ്തു. സിപിഐഎം അഞ്ചുതെങ്ങ് ലോക്കൽ കമ്മിറ്റി സെക്രട്ടറി എസ്.പ്രവീൺ ചന്ദ്ര പഠനോത്സവം ഉദ്ഘാടനം ചെയ്തു.
എസ്എഫ്ഐ ആറ്റിങ്ങൽ ഏരിയ കമ്മിറ്റി പ്രസിഡന്റ് അർജുൻ അധ്യക്ഷൻ ആയിരുന്നു. സ്കൂൾ ഹെഡ്മിസ്ട്രസ് ഫസീല ഏരിയ സെക്രട്ടറി വിജയ് വിമൽ, ഗ്രാമപഞ്ചായത്ത് അംഗം സരിത, എസ്എഫ്ഐ ലോക്കൽ കമ്മിറ്റി സെക്രട്ടറി വിശാഖ് വിജയൻ, നിതിൻ എന്നിവർ പങ്കെടുത്തു.
തിരുവനന്തപുരം: ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ നടത്തുന്ന വിദ്യാനിധി വിദ്യാഭ്യാസ പ്രതിഭാ പുരസ്‌കാരങ്ങൾ വിതരണം ചെയ്തു. തിരുവനന്തപുരം ഡി സി സി ഓഫീസിലെ ഇന്ദിരാഗാന്ധി ആഡിറ്റോറിയത്തില്‍ നടന്ന ചടങ്ങ് പ്രതിപക്ഷ നേതാവ് വി.ഡി.സതീശന്‍ ഉദ്ഘാടനം ചെയ്തു. ഡോ.ശശി തരൂർ മുഖ്യാതിഥിയായി. ഡി സി സി പ്രസിഡന്റ് പാലോട് രവി അധ്യക്ഷത വഹിച്ചു.പത്രപ്രവർത്തകനും എഴുത്തുകാരനുമായ ഡോ.പി. കെ.രാജശേഖരൻ മുഖ്യ പ്രഭാഷണം നടത്തി .
എസ് എസ് എൽ സി പരീക്ഷയിൽ മുഴുവൻ വിഷയങ്ങൾക്കും എ പ്ളസ് നേടിയ എസ്.ബി ആര്യനെ മുൻ മന്ത്രി എൻ.ശക്തൻ മൊമൻ്റോയും ക്യാഷ് അവാർഡും നൽകി ആദരിച്ചു.
പത്രപ്രവർത്തകനും അധ്യാപകനുമായിരുന്ന സുനിൽ കൊടുവഴന്നൂർ, ബിന്ദു നന്ദന എന്നിവരുടെ മകനാണ് ആര്യൻ.
എം.വിന്‍സെന്റ് എം എല്‍എ, വി..എസ്.ബാബു, ജി.സുബോധന്‍, മര്യാപുരം ശ്രീകുമാര്‍, ടി. ശരത്ചന്ദ്രപ്രസാദ്, വർക്കല കഹാർ, കെ.മോഹന്‍കുമാര്‍, ആനാട് ജയൻ, കരകുളം കൃഷ്ണപിള്ള, നെയ്യാറ്റിന്‍കര സനല്‍, മണക്കാട് സുരേഷ് തുടങ്ങിയവര്‍ പങ്കെടുത്തു. തിരുവനന്തപുരം ജില്ലയിൽ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികള്‍ക്കാണ് പുരസ്‌കാരം നൽകിയത്.
ആറ്റിങ്ങൽ: അവനവഞ്ചേരി കിളിത്തട്ടുമുക്ക് കുന്നും പുറത്ത് വീട്ടിൽ പരേതനായ എം ജനാർദ്ദനൻ നായരുടെ സഹധർമ്മിണി കെ സരസ്വതിയമ്മ (96) നിര്യാതയായി.
മക്കൾ: എസ് ലളിതാഭായി (റിട്ടയേർഡ് ഹെഡ്മിസ്ട്രസ്സ് ഗവ: എച്ച്.എസ് ,അയിലം),ജെ രവീന്ദ്രൻ നായർ (റിട്ടയേർഡ് കെൽട്രോൺ), എസ് ഗീത, എസ് മിനി (റിട്ടയേർഡ് ഹെഡ്മിസ്ട്രസ്സ്, സെൻട്രൽ എൽ.പി.എസ് ,ഇലകമൺ),ജെ അനിൽ കുമാർ.
മരുമക്കൾ എസ് മഹേശ്വരി അമ്മ (റിട്ടയേർഡ് കെൽട്രോൺ),ജെ പുരുഷോത്തമൻ പിള്ള, എസ് പ്രസാദ് (റിട്ടയേർഡ് ഫാർമസിസ്റ്റ്), പരേതനായ സി പ്രഭാകരൻ നായർ(റിട്ടയേർഡ് സബ് എഞ്ചിനീയർ കെ.എസ്.ഇ.ബി, അവനവഞ്ചേരി).
സഞ്ചയനം ശനിയാഴ്ച രാവിലെ എട്ട് മണിക്ക്.
Recent Comments