by Midhun HP News | Mar 20, 2026 | Latest News, ദേശീയ വാർത്ത
തിരുവനന്തപുരം: പശ്ചിമേഷ്യയിലെ സംഘർഷാവസ്ഥയിൽ ഗൾഫ് രാജ്യങ്ങളിലെ പ്രവാസി സമൂഹത്തിന്റെ പ്രത്യേക സാഹചര്യങ്ങൾ പരിഗണിച്ച് അനുപാതികമായ വിമാന സർവീസുകൾ ഉറപ്പാക്കണമെന്ന് മുഖ്യമന്ത്രി പിണറായി വിജയൻ. കേന്ദ്രസർക്കാർ അടിയന്തര ഇടപെടൽ നടത്തി കൂടുതൽ വിമാന സർവീസുകൾ ക്രമീകരിക്കുകയും യാത്രാ സൗകര്യങ്ങൾ സുഗമമാക്കുകയും വേണമെന്ന് മുഖ്യമന്ത്രി ഫെയ്സ്ബുക്ക് കുറിപ്പിൽ ആവശ്യപ്പെട്ടു.
പശ്ചിമേഷ്യയിലെ സംഘർഷാവസ്ഥ മൂലം ഗൾഫ് രാജ്യങ്ങളിലെ പ്രവാസി സമൂഹം മാനസികമായ അസ്വസ്ഥതയിലും ആശയക്കുഴപ്പത്തിലുമാണ്. ഈദ് ആഘോഷക്കാലം സാധാരണയായി പ്രവാസികൾ നാട്ടിലേക്ക് മടങ്ങിയെത്തുന്ന സന്തോഷ നിമിഷങ്ങളാണ്. എന്നാൽ ഇത്തവണ അനേകർക്ക് യാത്ര തന്നെ മുടങ്ങിയിരിക്കുന്നു. ആവശ്യത്തിന് വിമാന സർവീസുകളുടെ അഭാവം പ്രതിസന്ധിയാകുന്നു.
ലഭ്യമായ വിമാനങ്ങൾക്കുപോലും അമിതമായ തിരക്കും ടിക്കറ്റ് നിരക്കുകളും സാധാരണക്കാരുടെ കയ്യെത്തുന്നതിന് പുറത്താണ്. നാട്ടിലെത്തിയാൽ തിരികെ ജോലി സ്ഥലങ്ങളിലേക്കെത്താൻ കഴിയുമോ എന്ന ആശങ്കയും അവർക്കുണ്ട്. ഈദ് പോലുള്ള ആഘോഷകാലത്ത് അവരുടെ മനസ്സിൽ ആശ്വാസവും ആത്മവിശ്വാസവും സൃഷ്ടിക്കാൻ ആവശ്യമായ നടപടികൾ അടിയന്തരമായി കൈക്കൊള്ളാൻ ബന്ധപ്പെട്ട അധികൃതർ തയ്യാറാവണം. എല്ലാ പ്രവാസി സഹോദരങ്ങൾക്കും കുടുംബങ്ങൾക്കും ഈദ് ആശംസകൾ നേരുന്നുവെന്നും മുഖ്യമന്ത്രി കുറിച്ചു.
by Midhun HP News | Mar 20, 2026 | Latest News, കേരളം
കൊച്ചി: സംസ്ഥാനത്ത് ഇന്ന് ചെറിയ പെരുന്നാള് ആഘോഷിക്കും. നമസ്കാരത്തിനായി ഈദ്ഗാഹുകളും പള്ളികളും ഒരുങ്ങിക്കഴിഞ്ഞു. ഇന്നലെ മലപ്പുറം പരപ്പനങ്ങാടിയില് മാസപ്പിറ കണ്ടതോടെയാണ് ഇന്ന് ചെറിയ പെരുന്നാളാണെന്ന് വിവിധ ഖാസികള് പ്രഖ്യാപിച്ചത്. യുഎഇ അടക്കമുള്ള രാജ്യങ്ങളിലും ഇന്നാണ് പെരുന്നാള്.
റംസാന് 29 പൂര്ത്തിയാക്കിയാണ് വിശ്വാസികള് ഈദുള് ഫിത്തര് ആഘോഷിക്കുന്നത്. പള്ളികളിലും ഈദ്ഗാഹുകളിലും നടക്കുന്ന പെരുന്നാള് നമസ്കാരങ്ങളില് ആയിരങ്ങള് പങ്കുചേരും. സ്നേഹത്തിന്റെ കൂടിച്ചേരലുകളുടേയും ആഘോഷം കൂടിയാണ് ചെറിയ പെരുന്നാള്.നന്മകളാല് സ്ഫുടം ചെയ്തെടുത്ത മനസുമായാണ് വിശ്വാസികള് ഈദ് ആഘോഷത്തിലേയ്ക്ക് കടക്കുന്നത്.
ഗള്ഫിലെ മലയാളികള്ക്ക് ഇത് അതിജീവനത്തിന്റെ ചെറിയ പെരുന്നാള് കൂടിയാണ്. നിയന്ത്രണങ്ങളോടെ മേഖലയിലെങ്ങും പെരുന്നാള് പ്രാര്ത്ഥനകള് നടക്കും. ഒമാനിലും നാട്ടിലും ഗള്ഫിലാകെയും ഒന്നിച്ചാണ് പെരുന്നാള് ആഘോഷിക്കുന്നത്. എന്നാല്, ഗള്ഫിലെ പ്രവാസികള് രാജ്യമേതെന്ന വ്യത്യാസമില്ലാതെ സംഘര്ഷങ്ങള്ക്കിടയിലാണ്. എങ്കിലും ജനജീവിതം സ്തംഭിച്ചിട്ടില്ല. പെരുന്നാള് നമസ്കാരം പള്ളികള്ക്കുള്ളില് മാത്രമാണ്. പുറത്ത് തുറന്ന സ്ഥലത്തെ ഈദ്ഗാഹുകളില്ല.
by Midhun HP News | Mar 20, 2026 | Latest News, ജില്ലാ വാർത്ത
ചിറയിൻകീഴ് ശ്രീ ശാർക്കര ദേവീക്ഷേത്രത്തിലെ എട്ടാം ഉത്സവ ദിനമായ മാർച്ച് 20ന് പതിവു പൂജകളെ തുടർന്ന് രാവിലെ 7നു പ്രഭാത ഭക്ഷണം, ഉച്ചയ്ക്ക് 12നു അന്നദാനം, വൈകുന്നേരം 5നു തിരുവാതിര / കൈകൊട്ടിക്കളി, തുടർന്ന് നവന്യ നടനം 2026, 6.45നു ആറ്റിങ്ങൽ വേണി ഭജൻസ് അവതരിപ്പിക്കുന്ന ദേവീ ഭജൻ, രാത്രി 9നു ആനന്ദ ഭൈരവി നാടകവും അരങ്ങേറും.
by Midhun HP News | Mar 19, 2026 | Latest News, ദേശീയ വാർത്ത
ഡല്ഹി: നിയമസഭാ തെരഞ്ഞെടുപ്പില് സീറ്റ് ഇല്ലെന്നു വ്യക്തമായതിനു പിന്നാലെ സ്വതന്ത്രനായി മത്സരിക്കാനില്ലെന്നു വ്യക്തമാക്കി കെ സുധാകരന് എംപി. പാര്ട്ടിക്ക് വിധേയനായി നില്ക്കുമെന്ന് അദ്ദേഹം വ്യക്തമാക്കി. നിയമസഭാ തെരഞ്ഞെടുപ്പില് കണ്ണൂര് സീറ്റില് മത്സരിക്കണമെന്ന ആഗ്രഹത്തിലായിരുന്നു സുധാകരന്. ഇതിനായി കടുത്ത സമ്മർദ്ദമുയർത്തി നിൽക്കുകയായിരുന്നു അദ്ദേഹം.
എന്നാല് എംപിമാര് ആരേയും പരിഗണിക്കേണ്ടെന്ന തീരുമാനത്തില് ഹൈക്കമാന്ഡ് ഉറച്ചു നിന്നു. സമ്മര്ദ്ദവുമായി നിന്ന സുധാകരന്റ വില പേശലിനു വഴങ്ങേണ്ടതില്ലെന്നും പാര്ട്ടി തീരുമാനമെടുത്തു. ഇതോടെ അദ്ദേഹത്തിന്റെ സാധ്യതകള് അടഞ്ഞു. പിന്നാലെ മാധ്യമങ്ങളോട് പ്രതികരിക്കവേയാണ് അദ്ദേഹം പാര്ട്ടിക്ക് വിധേയനായി തുടരുമെന്നു വ്യക്തമാക്കിയത്.
‘പാര്ട്ടിയില് തുടരാന് തന്നെയാണ് തീരുമാനം. പുതിയ പുതിയ കാര്യങ്ങളുമായി പാര്ട്ടിക്കു വേണ്ടി മുന്നോട്ടു പോകും.’
പാര്ട്ടിയില് തുടരുമോ എന്ന ചോദ്യത്തിനു അദ്ദേഹത്തിന്റെ മറുപടി ഇങ്ങനെയായിരുന്നു.
‘പാര്ട്ടിയില് തുടരാതെ ഞാന് പിന്നെ ഏട്യ പോണ്ടത്.’
‘സ്ഥാനാര്ഥിത്വം നിഷേധിച്ചു എന്നതു കൊണ്ട് പാര്ട്ടിയില് നിന്നു പുറത്താക്കിയിട്ടില്ലല്ലോ. സ്വതന്ത്രനായി മത്സരിക്കില്ല. പാര്ട്ടിയുടെ അംഗീകാരം കിട്ടുമെങ്കില് മത്സരിക്കും. ഇല്ലെങ്കില് ഇല്ല.’
‘പാര്ട്ടിയെ വെല്ലുവിളിക്കാനൊന്നും ഞാനില്ല. എന്റെ അനുയായികള് മറ്റ് മണ്ഡലങ്ങളില് പാര്ട്ടി സ്ഥാനാര്ഥികള്ക്കായി പ്രവര്ത്തിക്കും. പാര്ട്ടി എത്രയോ വലുതാണ്. പാര്ട്ടിക്ക് വിധേയനായി നില്ക്കാന് തന്നെയാണ് എന്റെ തീരുമാനം. അതനുസരിച്ച് ഞാന് മുന്പോട്ട് പോകും- സുധാകരൻ വ്യക്തമാക്കി.
by Midhun HP News | Mar 19, 2026 | Latest News, കേരളം
കോഴിക്കോട്: കേരളത്തിൽ നാളെ (വെള്ളിയാഴ്ച) ചെറിയ പെരുന്നാൾ. പരപ്പനങ്ങാടിയില് ശവ്വാല് മാസപ്പിറവി ദൃശ്യമായതിനാൽ നാളെ ചെറിയ പെരുന്നാൾ ആയിരിക്കുമെന്ന് പാണക്കാട് സയ്യിദ് സാദിഖലി ശിഹാബ് തങ്ങൾ അറിയിച്ചു. ഒരു മാസം നീണ്ട വ്രതാനുഷ്ഠാനത്തിന് പരിസമാപ്തി കുറിച്ചുള്ളതാണ് ഈദുൽ ഫിത്തർ ആഘോഷം. ഗള്ഫ് രാജ്യങ്ങളിലും നാളെയാണ് പെരുന്നാള്.
by Midhun HP News | Mar 19, 2026 | Latest News, ദേശീയ വാർത്ത
ന്യൂഡല്ഹി: നിയമസഭാ തെരഞ്ഞെടുപ്പില് മത്സരിക്കാനുള്ള ആഗ്രഹവുമായി വന് സമ്മര്ദ്ദമുയര്ത്തി നിന്ന കെ സുധാകരന് എംപിയുടെ മോഹം വിഫലമായി. കോണ്ഗ്രസ് രണ്ടാം ഘട്ട സ്ഥാനാര്ഥി പട്ടിക പുറത്തിറക്കിയപ്പോള് സുധാകരന്റെ പേരില്ല. രണ്ടാം ഘട്ടം പ്രഖ്യാപിച്ച പട്ടികയിലും പേരില്ലെന്നു വന്നതോടെ സുധാകരന് കണ്ണൂരില് സ്വതന്ത്രനായി മത്സരിച്ചേക്കുമെന്ന സൂചനകളും പുറത്തു വന്നിട്ടുണ്ട്.
മാരത്തണ് ചര്ച്ചകള്ക്കൊടുവിലാണ് സുധാകരനെ തഴഞ്ഞ് നേരത്തെ തീരുമാനിച്ച പട്ടികയുമായി മുന്നോട്ടു പോകാന് കോണ്ഗ്രസ് ഹൈക്കമാന്ഡ് നിലപാട് എടുത്തത്. സുധാകരന്റെ സമ്മര്ദ്ദത്തിനു വഴങ്ങേണ്ടെന്ന തീരുമാനമാണ് ഹൈക്കമാന്ഡ് സ്വീകരിച്ചത് എന്നു വ്യക്തം.
നേരത്തെ സുധാകരന്റെ സമ്മര്ദ്ദത്തിന് കോണ്ഗ്രസ് ഹൈക്കമാന്ഡ് വഴങ്ങിയതായി സൂചനകളുണ്ടായിരുന്നു. എന്നാല് പട്ടിക പുറത്തു വന്നപ്പോള് സുധാകരന്റെ പേരില്ല. എംപിമാര് മത്സരിക്കേണ്ടെന്ന തീരുമാനത്തില്, കെ സുധാകരന് ഇളവു നല്കാന് ഹൈക്കമാന്ഡ് തീരുമാനിച്ചെന്നായിരുന്നു നേരത്തെ വന്ന വാര്ത്തകള്.
എന്നാല് സുധാകരനെ മത്സരിപ്പിക്കരുതെന്ന നിലപാടാണ് പ്രതിപക്ഷ നേതാവ് വിഡി സതീശന് എടുത്തത്. സുധാകരനു മാത്രം ഇളവ് നല്കുന്നതിനെതിരെ മറ്റ് എംപിമാരും രംഗത്തു വന്നതോടെയാണ് അദ്ദേഹത്തിന്റെ വഴിയടഞ്ഞത്.
Recent Comments