2025 ലെ ജ്ഞാനപീഠ പുരസ്കാരം കവിയും ഗാനരചയിതാവുമായ ആർ വൈരമുത്തുവിന്. തമിഴ്നാട്ടിൽ ജ്ഞാനപീഠ പുരസ്കരത്തിന് അർഹനാകുന്ന മൂന്നാമത്തെ വ്യക്തിയാണ് വൈരമുത്തു. മികച്ച ഗാനരചയിതാവാനുള്ള ദേശീയ അവാർഡ് ഏഴ് പ്രാവശ്യം സ്വന്തമാക്കിയിട്ടുണ്ട് വൈരമുത്തു.
1980 ൽ പുറത്തിറങ്ങിയ നിഴൽഗൾ എന്ന ചിത്രത്തിലൂടെയാണ് വൈരമുത്തു സിനിമയിൽ തുടക്കം കുറിക്കുന്നത്. 40 വർഷത്തെ സിനിമാ ജീവിതത്തിൽ അദ്ദേഹം 7,500-ലധികം ഗാനങ്ങളും കവിതകളും എഴുതിയിട്ടുണ്ട്.
മകള് അഹാനയുടെ കല്യാണത്തെക്കുറിച്ച് കൃഷ്ണകുമാര്. കല്യാണം കഴിക്കാന് പോവുകയാണെന്ന് അഹാന കഴിഞ്ഞ ദിവസം മെസേജ് അയച്ചിരുന്നുവെന്നാണ് കൃഷ്ണകുമാര് പറയുന്നത്. വെറൈറ്റി മീഡിയ്ക്ക് നല്കിയ അഭിമുഖത്തിലാണ് കൃഷ്ണകുമാര് മനസ് തുറന്നത്. നിമിഷിനെക്കുറിച്ചും കൃഷ്ണകുമാര് സംസാരിക്കുന്നുണ്ട്.
”അഹാന കഴിഞ്ഞ ദിവസം മെസേജ് അയച്ചു. കല്യാണം കഴിക്കാന് പോവുകയാണെന്ന്. ഞങ്ങളോട് അവതരിപ്പിക്കുകയേ വേണ്ട. അവരൊക്കെ വീട്ടില് വരുന്നുണ്ട്. ഞാനും ഇതുപോലെയായിരുന്നു. സിന്ധുവിനെ എന്റെ വീട്ടില് കൊണ്ടു പോകാറുണ്ടായിരുന്നു. ഏറ്റവും സൗകര്യം ഓരോരുത്തരും കല്യാണം കഴിക്കാന് പോകുന്നത് ആരെയാണെന്ന് അവര്ക്കും അറിയാം, എനിക്കും അറിയാം. നമുക്കും എത്ര സുഖം. സമാധാനം” കൃഷ്ണകുമാര് പറയുന്നു.
”എന്ത് ആവശ്യമുണ്ടേലും ഇപ്പോഴേ ഇവരോടൊക്കെ പറയാം. അശ്വിനേ അത് ചെയ്തേക്കണേ, അര്ജുനേ ഇങ്ങനെയാണേ, നിമിഷേ അങ്ങനെയാണേ. നിമിഷിന്റെ അച്ഛന് രവിയുമായി എനിക്ക് 35 കൊല്ലമായുള്ള പരിചയമാണ്. അദ്ദേഹം സിനിമയില് പ്രൊഡ്യൂസറായിരുന്നു. എത്ര സൗകര്യം. വര്ഷങ്ങള് മുമ്പ് അഹാനയും നിമിഷും ഷോര്ട്ട് ഫിലിം ചെയ്തപ്പോഴാണ് ഞാന് നിമിഷിനെ പരിചയപ്പെടുന്നത്.”
”അതിശയകരമായ വളര്ച്ചയാണ് നിമിഷിന്റേത്. നിമിഷിന്റെ അച്ഛന് ഒരുപാട് മോഹങ്ങളുണ്ടായിരുന്നു. സിനിമയില് കുറേ ഇന്വെസ്റ്റ് ചെയ്തിരുന്നു. കുറെ പൈസ പോയ മനുഷ്യനാണ്. അന്നത്തെ കഷ്ടപ്പാടുകള്ക്ക് ദൈവം കൊടുക്കുന്നത് മക്കളിലൂടെയായിരിക്കും. ഗംഭീര വിജയം കൊടുത്തിരിക്കുന്നു. നിമിഷ് ഹംബിളും സിമ്പിളുമാണ്. അച്ഛനമ്മമാരുടെ ക്വാളിറ്റിയായിരിക്കും അത്.” എന്നും അദ്ദേഹം പറയുന്നു.
തിരുവനന്തപുരം: നാളെ മുതല് ബെവ്കോയുടെ സെല്ഫ് ഹെല്പ് പ്രീമിയം കൗണ്ടറുകളില് ഓണ്ലൈന് പേയ്മെന്റ് മാത്രം. മാര്ച്ച് 15 മുതല് സംസ്ഥാനത്തെ എല്ലാ സെല്ഫ് ഹെല്പ് പ്രീമിയം കൗണ്ടറുകളിലും പൂര്ണമായും ക്യാഷ്ലെസ് പെയ്മെന്റിലൂടെ മാത്രമേ മദ്യവില്പന നടത്താന് പാടുള്ളൂവെന്ന് എംഡി ഹര്ഷിത അട്ടലൂരി നിര്ദേശം നല്കി.
നിര്ദേശം കര്ശനമായി പാലിക്കണമെന്നാണ് ആവശ്യപ്പെട്ടിരിക്കുന്നത്. നാളെ മുതല് പണം സ്വീകരിക്കില്ലെന്നും യുപിഐ, കാര്ഡ് പെയ്മെന്റ് മാത്രമേ സ്വീകരിക്കുകയുള്ളുവെന്നും അറിയിച്ച് ഹിന്ദിയില് ഉള്പ്പെടെ നോട്ടിസുകള് ഔട്ട്ലറ്റുകള്ക്കു മുന്നില് പ്രദര്ശിപ്പിക്കുകയും ചെയ്തിട്ടുണ്ട്. കഴിഞ്ഞ മാസം 15 മുതല് തന്നെ ഇതിന്റെ നടപടികള് ആരംഭിച്ചിരുന്നു.
കൊല്ലം: കരുനാഗപ്പള്ളിയില് ഗുണ്ടാ നേതാവിനെ പട്ടാപ്പകല് വെട്ടിക്കൊന്നു. അലുവ അതുല് എന്നയാളാണ് കൊല്ലപ്പെട്ടത്. കൊലക്കേസില് ജാമ്യത്തിലിറങ്ങി സ്റ്റേഷനിലെത്തി മടങ്ങുന്നതിനിടെയാണ് അതുലിന് നേരെ ആക്രമണം ഉണ്ടായത്.
കരുനാഗപ്പള്ളി ജിം സന്തോഷ് വധക്കേസിലെ ഒന്നാം പ്രതിയാണ് കൊല്ലപ്പെട്ട അതുല്. കരുനാഗപ്പള്ളി പുതിയ കാവിന് സമീപത്ത് വച്ചായിരുന്നു ആക്രണം. അതുല് സംഞ്ചരിച്ച കാറിനെ പിന്തുടര്ന്നെത്തിയ സംഘമാണ് ആക്രമിച്ചത്. അതുല് സഞ്ചരിച്ച കാറ് ദേശീയപാത നിര്മാണത്തിനായി നിര്മിച്ച താഴ്ചയിലേക്ക് ഇടിച്ചുവീഴ്ത്തിയ ശേഷമാണ് ആക്രമിച്ചത്. അലുവ അതുലിനെ അതീവ ഗുരുതരാവസ്ഥയിൽ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പൊലീസ് അന്വേഷണം ആരംഭിച്ചു. എന്നാൽ ആരാണ് ആക്രമണത്തിന് പിന്നിലെന്ന് വ്യക്തമല്ല.
അറോളം പേരടങ്ങുന്ന സംഘമാണ് ആക്രമിച്ചത്. ഗുണ്ടാ കുടിപ്പകയാണ് ആക്രമണത്തിന് പിന്നില് എന്നാണ് വിലയിരുത്തല്. അതുലിനെ ആക്രമിക്കുന്ന സിസിടിവി ദൃശ്യങ്ങള് ഉള്പ്പെടെ പുറത്തുവന്നിട്ടുണ്ട്.
കൊല്ലം: പത്തനാപുരം എന്എസ്എസ് താലൂക്ക് യൂണിയന് പരിച്ചുവിട്ടതില് പ്രതികരിച്ച് മന്ത്രി കെബി ഗണേഷ്കുമാര്. തന്റെ പിതാവായ ആര് ബാലകൃഷ്ണ പിള്ള ഒരു പായ ഇട്ടാണ് എന്എസ്എസ് പത്തനാപുരം താലൂക്ക് യൂണിയന് ആരംഭിച്ചത്. ഇന്ന് 300 കോടിയുടെ ആസ്തിയാണ് താലൂക്ക് യൂണിയനുള്ളത്. ഈ ആസ്തി കൈക്കലാക്കാനുള്ള നീക്കമാണ് ഇപ്പോള് നടക്കുന്നതെന്നും ഗണേഷ്കുമാര് പറഞ്ഞു.
‘എനിക്ക് എല്ലാ സമുദായവും ഒരു പോലെയാണ്. മതേതര വിശ്വാസിയായ രാഷ്ട്രീയ പ്രവര്ത്തകനാണ് ഞാന്, എന്എസ് എസും മറ്റുള്ളവരും ഒരു പോലെയാണ്. ജനാധിപത്യ രീതിയില് വോട്ടിട്ട് തെരഞ്ഞെടുക്കപ്പെട്ടയാളാണ് ഞാന്. എന്നെ സ്ഥാനത്ത് നിന്ന് മാറ്റുമ്പോള് ജനാധിപത്യപരമാണോയെന്ന് പരിശോധിക്കപ്പെടേണ്ടതാണെന്നും’ അദ്ദേഹം പറഞ്ഞു.
എന്റെ പിതാവ് മരിക്കുമ്പോള് എനിക്ക് ചില ഉപദേശങ്ങള് നല്കിയിട്ടുണ്ട്. അതില് പ്രധാനപ്പെട്ട കാര്യം ജീവിച്ചിരിക്കുന്ന കാലമത്രയും എന്എസ് എസ് ജനറല് സെക്രട്ടറി ജി സുകുമാരന് നായരെ എതിര്ക്കരുതെന്നും അദ്ദേഹത്തിന്റെ കൂടെനില്ക്കമണമെന്നുമാണ്. അത് ഞാന് എന്റെ അച്ഛന് കൊടുത്ത വാക്കാണ് അത് താന് പാലിക്കുമെന്നും ഗണേഷ് കുമാര് പറഞ്ഞു. ജി സുകുമാരന് നായര് പിതൃതുല്യനാണെന്നും അദ്ദേഹത്തെ ഒരിക്കലും എതിര്ക്കില്ലെന്നും ഇപ്പോള് പത്തനാപുരം എന്എസ്എസ് താലൂക്ക് യൂണിയനുമായി ബന്ധപ്പെട്ട ആരോപണങ്ങള്ക്ക് പിന്നില് രാഷ്ട്രീയമാണെന്നും കെബി ഗണേഷ്കുമാര് പറഞ്ഞു.
മന്നത്ത് പത്മനാഭന് കെട്ടിപടുത്തതാണ് എന്എസ്എസ് എന്ന മഹാപ്രസ്താനം. താന് ഏകാധിപതിയൊന്നുമല്ല. അത്തരത്തില് താന് ഏകാധിപതിയാണെന്ന് പത്തനാപുരത്തെ ജനങ്ങള് പറയില്ല. ജനാധിപത്യ വ്യസ്ഥയില് തെരഞ്ഞെടുത്തയാളാണ് താന്, സാധാരണക്കാരനായ പൊതുപ്രവര്ത്തകനാണ്. എല്ലാസമൂഹത്തിനും എന്നെ വിമര്ശിക്കാനും തിരുത്താനും അവകാശമുണ്ട്. താന് താലൂക്ക് യൂണിയന് ഭാരവാഹിത്വത്തില് നിന്ന് രാജിവെക്കാന് കത്ത് നല്കാന് തയ്യാറാണെന്ന് അറിയിച്ചതാണ്. പത്തനാപുരത്ത് എന്എസ്എസിനെ ആരെങ്കിലും നയിച്ചാല് മതിയല്ലോ. തനിക്ക് ജീവിക്കാന് ഒരു തൊഴിലുണ്ട്. ഒരുപാട് കാര്യങ്ങള് ചെയ്യാനുണ്ടെന്നും താന് ഓടിളക്കി വന്നയാളല്ലെന്നും കെബി ഗണേഷ്കുമാര് പറഞ്ഞു.
തൃശൂര്: തെരഞ്ഞെടുപ്പ് രാഷ്ട്രീയത്തിലേക്ക് ഇല്ലെന്ന് വ്യക്തമാക്കി മുന് ഇന്ത്യന് ഫുട്ബോള് ഇതിഹാസ താരം ഐ എം വിജയന്. നിയമസഭാ തെരഞ്ഞെടുപ്പില് സ്ഥാനാര്ഥിയായേക്കുമെന്ന അഭ്യൂഹങ്ങള് സജീവമായി തുടരുന്നതിനിടെയാണ് ഐ എം വിജയന്റെ പ്രതികരണം.
ഒരു പാര്ട്ടിയുടെയും ഭാഗമായി നില്ക്കാന് സാധിക്കില്ലെന്നാണ് ഐഎം വിജയന്റെ നിലപാട്. കേരളത്തില് മൂന്ന് പ്രമുഖ പാര്ട്ടികളുമായും തനിക്ക് ബന്ധമുണ്ട്. അടുത്തിടെ പ്രധാനമന്ത്രിയുടെ ദൂതന് വന്നു കണ്ടിരുന്നു. കേന്ദ്ര മന്ത്രി സുരേഷ് ഗോപിയും വിളിച്ചു. ഇടതുപക്ഷവും കോണ്ഗ്രസും സ്ഥാനാര്ഥിയാകാന് താത്പര്യം അറിയിച്ച് സമീപിച്ചിരുന്നു. ഒരിക്കലും വിളിക്കാത്തവര് പോലും വിളിച്ച് തെരഞ്ഞെടുപ്പില് നില്ക്കണമെന്ന് ആവശ്യപ്പെട്ടു. എല്ലാവരില് നിന്നും ഇപ്പോള് ലഭിക്കുന്ന സ്നേഹം തുടര്ന്നും ലഭിക്കാനാണ് താല്പര്യമെന്നും ഐഎം വിജയന് പറഞ്ഞു. എന്നാല് തെരഞ്ഞെടുപ്പ് രാഷ്ട്രീയത്തിലേക്ക് ഇല്ലെന്നാണ് തന്റെ നിലപാടെന്നും ഐഎം വിജയന് മാധ്യമങ്ങളോട് പ്രതികരിച്ചു.
താന് ദേശീയ കായികതാരമാണ്, സ്പോര്ട്സ് പ്രേമികളും അല്ലാത്തവരും ഒരു പോലെ സ്നേഹിക്കപ്പെടുന്നുണ്ട്. അത് തുടര്ന്നും ലഭിക്കാനാണ് താപ്പര്യം. അതേസമയം, സ്പോര്ട്സിന്റെ ഭാഗമായി രാജ്യസഭാംഗത്വം കിട്ടിയാല് സ്വീകരിക്കുമെന്നും ഐ എം വിജയന് പറഞ്ഞു.
Recent Comments