by Midhun HP News | Jan 9, 2026 | Latest News, കേരളം
തൊടുപുഴ: നെടുംകണ്ടത്ത് ടോറസ് ലോറി വീടിന് മുകളിലേക്ക് മറിഞ്ഞ് അപകടം. താന്നിമൂട് സ്വദേശി അബ്ദുള്റസാക്കിന്റെ വീടിന് മുകളിലേക്കാണ് ലോറി മറിഞ്ഞത്. റോഡ് നിര്മ്മാണത്തിനായി മെറ്റലുമായി എത്തിയ ലോറിയാണ് അപകടത്തില്പ്പെട്ടത്. രാവിലെ പത്തരയോടെയായിരുന്നു ആയിരുന്നു സംഭവം.
കൊടും വളവ് തിരിയ്ക്കുന്നതിനിടെ നിയന്ത്രണം വിട്ട ലോറി റോഡിന് താഴ്ഭാഗത്തെ വീടിന് മുകളിലേക്ക് പതിക്കുകയായിരുന്നു. വീട് പൂര്ണ്ണമായും ഉപയോഗശൂന്യമായി. വീട്ട് ഉപകരണങ്ങളും നശിച്ചു. കുട്ടികള് സ്കൂളിലേക്കും മുതിര്ന്നവര് വിവിധ ആവശ്യങ്ങള്ക്കായി പുറത്തേയ്ക്കും പോയ സമയത്താണ് അപകടം നടന്നത്. ഇതിനാല് വന് ദുരന്തം ഒഴിവായി.
വലിയ വാഹനം കടന്ന് പോകാത്ത പാതയിലൂടെ ലോഡുമായി വാഹനം എത്തിയത് നാട്ടുകാരുടെ പ്രതിഷേധത്തിനും ഇടയാക്കി.
by Midhun HP News | Jan 9, 2026 | Latest News, ജില്ലാ വാർത്ത
കേരള സർക്കാരിന്റെ കീഴിൽ പ്രവർത്തിക്കുന്ന ഡിപ്പാർട്മെന്റ് ഓഫ് സോയിൽ സർവ്വേ ആൻഡ് സോയിൽ കൺസേർവഷൻ (DSSSC) വിവിധ തസ്തികകളിൽ നിയമനം നടത്തുന്നു. നാഷണൽ സോയിൽ മാപ്പിങ് പ്രോഗ്രാമിന് കീഴിലുള്ള വിവിധ തസ്തികകളിലേക്ക് ആകും നിയമനം ലഭിക്കുക.
ഇതുമായി ബന്ധപ്പെട്ട വിജ്ഞാപനം സെന്റർ ഫോർ മാനേജ്മെന്റ് ഡെവലപ്മെന്റ് (CMD) പുറത്തിറക്കി. അപേക്ഷകൾ സമർപ്പിക്കേണ്ട അവസാന തീയതി 2026 ജനുവരി 22, വൈകുന്നേരം 05.00 മണി.
തസ്തികയും ഒഴിവുകളും
ഫീൽഡ് ഓഫീസസ്
സോയിൽ സർവേ ഓഫീസർ
ഒഴിവുകൾ: 12
യോഗ്യത: ബി.എസ്.സി അഗ്രികൾച്ചർ
പരിചയം: 6 മാസത്തെ പ്രവൃത്തിപരിചയം (അഭിലഷണീയം)
പരമാവധി പ്രായം: 36 വയസ്
വേതനം: ₹46,230 /- പ്രതിമാസം
ഫീൽഡ് അസിസ്റ്റന്റ്
ഒഴിവുകൾ: 19
യോഗ്യത: വി.എച്ച്.എസ്.ഇ (അഗ്രികൾച്ചർ) പാസ്
പരമാവധി പ്രായം: 36 വയസ്
വേതനം: ₹21,070 /- പ്രതിമാസം
ലസ്കർ
ഒഴിവുകൾ: 16
യോഗ്യത: എസ്.എസ്.എൽ.സി പാസ്
പരമാവധി പ്രായം: 36 വയസ്
വേതനം: ₹19,310 /- പ്രതിമാസം
സോയിൽ ടെസ്റ്റിങ് ലബോറട്ടറികൾ
റിസർച്ച് അസിസ്റ്റന്റ്
ഒഴിവുകൾ: 12
യോഗ്യത: ബി.എസ്.സി അഗ്രികൾച്ചർ
പരിചയം: 6 മാസത്തെ ലാബ് പരിചയം (അഭിലഷണീയം)
പരമാവധി പ്രായം: 36 വയസ്
വേതനം: ₹46,230 /- പ്രതിമാസം
ലാബ് അസിസ്റ്റന്റ്
ഒഴിവുകൾ: 07
യോഗ്യത: ബി.എസ്.സി ലൈഫ് സയൻസസ് (കെമിസ്ട്രിക്ക് മുൻഗണന)
പരമാവധി പ്രായം: 36 വയസ്
വേതനം: ₹21,070 /- പ്രതിമാസം
ലാബ് അറ്റൻഡർ
ഒഴിവുകൾ: 07
യോഗ്യത: എസ്.എസ്.എൽ.സി പാസ്
പരമാവധി പ്രായം: 36 വയസ്
വേതനം: ₹19,310 /- പ്രതിമാസം
ഫീൽഡ് അസിസ്റ്റന്റ്
ഒഴിവുകൾ: 07
യോഗ്യത: വി.എച്ച്.എസ്.ഇ (അഗ്രികൾച്ചർ) പാസ്
പരമാവധി പ്രായം: 36 വയസ്
വേതനം: ₹21,070 /- പ്രതിമാസം
ലസ്കർ
ഒഴിവുകൾ: 12
യോഗ്യത: എസ്.എസ്.എൽ.സി പാസ്
പരമാവധി പ്രായം: 36 വയസ്
വേതനം: ₹19,310 /- പ്രതിമാസം
ജിഐഎസ് എക്സ്പെർട്ട്
ഒഴിവുകൾ: 20
യോഗ്യത: ജിയോ ഇൻഫർമാറ്റിക്സിൽ പിജി
പരമാവധി പ്രായം: 36 വയസ്
വേതനം: ₹32,550 /- പ്രതിമാസം
പ്രോജക്റ്റ് കൺസൾട്ടന്റ്
ഒഴിവുകൾ: 02
യോഗ്യത/പരിചയം: സോയിൽ സർവേ മേഖലയിൽ കുറഞ്ഞത് 15 വർഷത്തെ പരിചയം
വേതനം: ₹50,000 /- പ്രതിമാസം
ഡാറ്റാ എൻട്രി ഓപ്പറേറ്റർ
ഒഴിവുകൾ: 07
യോഗ്യത: പ്ലസ് ടു + ഡി.സി.എ
പരിചയം: 1 വർഷം
പരമാവധി പ്രായം: 36 വയസ്
വേതനം: ₹22,240 /- പ്രതിമാസം
കൂടുതൽ വിവരങ്ങൾ അറിയാൻ വിജ്ഞാപനം സന്ദർശിക്കുക
https://cmd.kerala.gov.in/wp-content/uploads/2026/01/DSSSC-Notification-Final-Draft.pdf
by Midhun HP News | Jan 9, 2026 | Latest News, കേരളം
ശബരിമല സ്വര്ണക്കൊള്ള കേസില് തന്ത്രി കണ്ഠരര് രാജീവരര് അറസ്റ്റില്. രാവിലെയാണ് തന്ത്രിയെ എസ്ഐടി ചോദ്യം ചെയ്യാന് വിളിപ്പിച്ചത്. തുടര്ന്ന് കസ്റ്റഡിയിലെടുത്തു. പിന്നാലെ അറസ്റ്റ് രേഖപ്പെടുത്തുകയായിരുന്നു. തന്ത്രിയെ രാത്രിയോടെ മജിസ്ട്രേറ്റിന് മുന്നില് ഹാജരാക്കും.
തന്ത്രിയ്ക്ക് ഉണ്ണികൃഷ്ണന് പോറ്റിയുമായുള്ള ബന്ധത്തിന് എസ്ഐടിക്ക് തെളിവ് ലഭിച്ചു. ഇരുവരും പല തവണ കൂടിക്കാഴ്ച നടത്തി. 2018 മുതല് നിരവധി കൂടിക്കാഴ്ച ഇരവരും നടത്തി. ഉണ്ണികൃഷ്ണന് പോറ്റിയെ ശബരിമലയിലേക്ക് കൊണ്ടുവന്നതും, സ്വാധീനം ഉണ്ടാക്കി കൊടുത്തതും തന്ത്രിയെന്ന് എസ്ഐടിക്ക് വിവരം ലഭിച്ചു.
ഉണ്ണികൃഷ്ണന് പലപ്പോഴും നിര്ണായക തീരുമാനങ്ങള് എടുക്കുന്നതിനായി തന്ത്രിയുമായി കൂടിക്കാഴ്ച നടത്തിയിരുന്നു. സ്വര്ണപ്പാളികള് പുറത്തേക്ക് കൊണ്ടുപോകാന് ഉണ്ണികൃഷ്ണന് പോറ്റി പറയുന്നതനുസരിച്ച് തന്ത്രി ഒത്താശ ചെയ്തുവെന്നാണ് എസ്ഐടിയുടെ കണ്ടെത്തല്. ഗൂഢാലോചനയില് കൃത്യമായ പങ്ക് തന്ത്രി കണ്ഠരര് രാജീവരിന് ഉണ്ടെന്നാണ് എസ്ഐടി പറയുന്നത്. സ്വര്ണക്കൊള്ളയില് തന്ത്രിക്ക് അറിവും സമ്മതവും ഉണ്ടായിരുന്നു.
എ പത്മകുമാര്, തന്ത്രി കണ്ഠരര് രാജീവരര്, ഉണ്ണികൃഷ്ണന് പോറ്റി എന്നിവര് അറിഞ്ഞുകൊണ്ട് നടത്തിയ കൊള്ളയാണ് ശബരിമലയില് നടന്നതെന്നാണ് എസ്ഐടി കണ്ടെത്തിയിരിക്കുന്നത്. ഉണ്ണികൃഷ്ണന് പോറ്റിയെ പലയിടത്തും ശിപാര്ശ ചെയ്തത് തന്ത്രിയാണെന്ന് ചില ക്ഷേത്രം ഭാരവാഹികള് എസ്ഐടിയ്ക്ക് മൊഴി നല്കിയിരുന്നു.
by Midhun HP News | Jan 9, 2026 | Latest News, ജില്ലാ വാർത്ത
ചിറയിൻകീഴ് ബ്ലോക്ക് പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ആയി മഞ്ജു പ്രദീപിനെയും, ആരോഗ്യ- വിദ്യാഭ്യാസ സ്റ്റാന്റിങ് കമ്മിറ്റി ചെയർമാനായി ജൂഡ് ജോർജിനെയും, വികസനകാര്യ സ്റ്റാന്റിങ് കമ്മിറ്റി ചെയർപേഴ്സൺ ആയി ജയന്തി കൃഷ്ണയെയും തെരഞ്ഞെടുത്തു.
by Midhun HP News | Jan 9, 2026 | Latest News, ജില്ലാ വാർത്ത
തിരുവനന്തപുരം: ശബരിമല സ്വര്ണ്ണക്കൊള്ള കേസില് തന്ത്രി കണ്ഠര് രാജീവരെ പ്രത്യേക അന്വേഷണ സംഘം ചോദ്യം ചെയ്യുന്നു. തിരുവനന്തപുരത്തേക്ക് വിളിച്ചു വരുത്തിയ രാജീവരെ രഹസ്യകേന്ദ്രത്തില് ചോദ്യം ചെയ്യുകയാണ്. തന്ത്രിയെ എസ്ഐടി കസ്റ്റഡിയിലെടുത്തതായി സൂചനയുണ്ട്. സ്വര്ണ്ണക്കൊള്ള കേസിലെ മുഖ്യപ്രതി ഉണ്ണികൃഷ്ണന് പോറ്റിയുമായി തന്ത്രി കണ്ഠര് രാജീവര്ക്ക് അടുത്ത ബന്ധമുണ്ടെന്ന് എസ്ഐടി കണ്ടെത്തിയിരുന്നു.
ഉണ്ണികൃഷ്ണന് പോറ്റിക്ക് ശബരിമലയിലേക്കുള്ള പ്രവേശനത്തിന് വാതില് തുറന്നത് തന്ത്രി കണ്ഠര് രാജീവരുമായുള്ള ബന്ധമാണെന്നാണ് എസ്ഐടിയുടെ നിഗമനം. ശബരിമല സ്വര്ണ്ണക്കൊള്ളയില് തന്ത്രി കണ്ഠര് രാജീവര്ക്ക് അറിവുണ്ടെന്നും എസ്ഐടി വിലയിരുത്തുന്നു.ശബരിമല സ്വര്ണ്ണക്കൊള്ള കേസില് പ്രത്യേക അന്വേഷണ സംഘത്തിന്റെ അന്വേഷണം അന്തിമ ഘട്ടത്തിലേക്ക് എത്തിയിരിക്കുകയാണ്. അന്വേഷണം കൂടുതല് ഉന്നതരിലേക്ക് എത്തുന്നില്ലെന്ന് ഹൈക്കോടതി അടുത്തിടെ വിമര്ശിച്ചിരുന്നു. ഇതിനു പിന്നാലെയാണ് നിര്ണായക നീക്കത്തിലേക്ക് പ്രത്യേക അന്വേഷണ സംഘം കടന്നിരിക്കുന്നത്. ദൈവതുല്യരായ ആളുകള് പിന്നിലുണ്ടെന്ന് സ്വര്ണ്ണക്കൊള്ള കേസില് അറസ്റ്റിലായ മുന് ദേവസ്വം ബോര്ഡ് പ്രസിഡന്റ് എ പത്മകുമാര് നേരത്തെ സൂചിപ്പിച്ചിരുന്നു.
by Midhun HP News | Jan 9, 2026 | Latest News, ദേശീയ വാർത്ത
ഡല്ഹി: രാജ്യത്ത് റോഡ് സുരക്ഷ വര്ധിപ്പിക്കുന്നതിനും അപകടങ്ങള് കുറയ്ക്കുന്നതിനും പുതിയ പദ്ധതിയുമായി കേന്ദ്രസര്ക്കാര്. നെറ്റ്വര്ക്ക് ഇല്ലാതെതന്നെ വാഹനങ്ങള്ക്ക് പരസ്പരം ആശയവിനിമയം നടത്താന് സാധിക്കുന്ന വെഹിക്കിള്-ടു-വെഹിക്കിള് (V2V) കമ്മ്യൂണിക്കേഷന് സാങ്കേതികവിദ്യ നടപ്പിലാക്കാനാണ് കേന്ദ്ര ഉപരിതല ഗതാഗത മന്ത്രാലയം തയ്യാറെടുക്കുന്നത്.
പുതിയ സംവിധാനം വരുന്നതോടെ വാഹനങ്ങളിലെ ഡ്രൈവര്മാര്ക്ക് പരസ്പരം സംവദിക്കാനും, മൊബൈല് നെറ്റ്വര്ക്കുകളെയോ ഇന്റര്നെറ്റിനെയോ ആശ്രയിക്കാതെ തന്നെ നിരത്തുകളിലെ അപകടങ്ങളെ കുറിച്ച് മുന്കൂട്ടി അറിയിക്കുന്നതിനും തത്സമയം സുരക്ഷാ അലേര്ട്ടുകള് അപ്ഡേറ്റ് പങ്കിടാനും സാധിക്കും. സംസ്ഥാന ഗതാഗത മന്ത്രിമാരുടെ വാര്ഷിക യോഗത്തിനുശേഷം കേന്ദ്ര റോഡ് ഗതാഗത – ഹൈവേ മന്ത്രി നിതിന് ഗഡ്കരിയാണ് ഈ പദ്ധതിയുടെ വിശദാംശങ്ങള് വെളിപ്പെടുത്തിയത്.
വാഹനങ്ങളില് ഘടിപ്പിക്കുന്ന സിം കാര്ഡ് പോലുള്ള ഒരു ഉപകരണം വഴിയായിരിക്കും ഈ സംവിധാനം പ്രവര്ത്തിക്കുന്നത്. ഏത് ദിശയില് നിന്നായാലും മറ്റൊരു വാഹനം വളരെ അടുത്തെത്തുമ്പോള് വാഹനങ്ങള്ക്ക് തത്സമയ മുന്നറിയിപ്പുകള് ലഭിക്കും. റോഡരികില് നിര്ത്തിയിട്ടിരിക്കുന്ന വാഹനങ്ങള്ക്ക് പിന്നില് അതിവേഗത്തില് സഞ്ചരിക്കുന്ന മറ്റുവാഹനങ്ങള് ഇടിക്കുന്നതും മൂടല്മഞ്ഞും പോലുള്ള സാഹചര്യങ്ങളില് ഉണ്ടാകുന്ന അപകടങ്ങളും തടയാന് ഈ സംവിധാനം ഫലപ്രദമാകുമെന്ന് കേന്ദ്രമന്ത്രി പറഞ്ഞു.
മറ്റൊരു വാഹനം അപകടകരമായ രീതിയില് തൊട്ടടുത്തെത്തുമ്പോള് വാഹനങ്ങള് പരസ്പരം സിഗ്നലുകള് കൈമാറുകയും ഡ്രൈവര്മാര്ക്ക് മുന്നറിയിപ്പ് നല്കുകയും ചെയ്യും. മോശം കാലാവസ്ഥയില് യാത്ര ചെയ്യുന്നവരെയും ദീര്ഘദൂരം വാഹനം ഓടിക്കുന്നവരെയും സഹായിക്കുക എന്നതാണ് പദ്ധതിയുടെ പ്രധാന ലക്ഷ്യം. ലോകത്ത് വളരെ കുറച്ച് രാജ്യങ്ങളില് മാത്രമാണ് ഇത്തരം സാങ്കേതികവിദ്യ നിലവില് ഉപയോഗിക്കുന്നത്. ഈ പദ്ധതിക്ക് ഏകദേശം 5,000 കോടി രൂപ ചെലവ് വരുമെന്നും അദ്ദേഹം കൂട്ടിച്ചേര്ത്തു.
Recent Comments