ആറ്റിങ്ങൽ: മാമം കുന്നുംപുറം ലെയ്നിൽ മകം വീട്ടിൽ (സി.എം.ആർ.എ:31) ആർ കൃഷ്ണൻ കുട്ടി നായർ (76)അന്തരിച്ചു.
ഭാര്യ: എസ് വനജകുമാരി.
മകൾ: രേഷ്മ കെ നായർ.
മരുമകൻ: അരുൺ രാജ് ആർ(ബഹ്റിൻ).
സഞ്ചയനം: തിങ്കളാഴ്ച രാവിലെ 8 മണിക്ക്.
കൊച്ചി: തദ്ദേശ തെരഞ്ഞെടുപ്പ് തീയതി പ്രഖ്യാപിച്ചതോടെ തെരഞ്ഞെടുപ്പ് ചൂടിലേക്ക് കടന്നിരിക്കുകയാണ് സംസ്ഥാനം. വാര്ഡില് ജയസാധ്യതയുള്ള ആളുകളെ നിര്ത്തി മത്സരിപ്പിക്കാനായി യോഗ്യതയുള്ള സ്ഥാനാര്ഥികളെ കണ്ടെത്തുന്നതിനായി നെട്ടോട്ടത്തിലാണ് മുന്നണികള്. ഇതിനോടകം തന്നെ നിരവധി സ്ഥലങ്ങളില് മുന്നണികള് സ്ഥാനാര്ഥികളെ പ്രഖ്യാപിച്ച് പ്രചാരണം കൊഴുപ്പിച്ചിട്ടുണ്ട്. തെരഞ്ഞെടുപ്പ് അടുത്തത്തോടെ മെംബര്മാരുടെ ശമ്പളം എത്രയാണ്?, പഞ്ചായത്ത് പ്രസിഡന്റ് ആയാല് എന്തുകിട്ടും? തുടങ്ങിയ ചോദ്യങ്ങള് വീണ്ടും ജനങ്ങള്ക്കിടയില് ചര്ച്ചയാവുകയാണ്.
യഥാര്ഥത്തില് ഒരു മാസം നീണ്ടുനില്ക്കുന്ന പ്രചാരണ പരിപാടികള്ക്കൊടുവില് ജനപിന്തുണയിലൂടെ അധികാരത്തിലെത്തിയാലും ഇവര്ക്കു ലഭിക്കുന്നത് വളരെ വലിയ പ്രതിഫലമൊന്നും അല്ലെന്ന് കണക്കുകള് വ്യക്തമാക്കുന്നു. ശമ്പളത്തിനു പകരം ഓണറേറിയം എന്നാണ് തദ്ദേശസ്ഥാപനങ്ങളിലെ അംഗങ്ങള്ക്കുള്ള പ്രതിഫലത്തെ വിശേഷിപ്പിക്കുന്നത്. 2016ലാണ് ഇത് അവസാനമായി പരിഷ്കരിച്ചത്. പ്രതിമാസ ഓണറേറിയത്തിന് പുറമേ തദ്ദേശ സ്ഥാപനങ്ങളിലെ യോഗങ്ങളില് പങ്കെടുക്കുന്നതിന് അംഗങ്ങള്ക്ക് ബത്തയുമുണ്ട്. പ്രസിഡന്റ്, വൈസ് പ്രസിഡന്റ്, സ്റ്റാന്ഡിങ് കമ്മിറ്റി ചെയര്മാന് എന്നിവര്ക്ക് 250 രൂപയും അംഗങ്ങള്ക്ക് 200 രൂപയുമാണ് ബത്ത.പ്രതിമാസം പരമാവധി 1250 രൂപ ഈയിനത്തില് കൈപ്പറ്റാം. തദ്ദേശസ്ഥാപനങ്ങളിലെ ഉയര്ന്ന ഓണറേറിയം ജില്ലാ പഞ്ചായത്ത് പ്രസിഡന്റിനാണ്. ജില്ലാ പഞ്ചായത്ത്, കോര്പ്പറേഷന്, നഗരസഭ, ബ്ലോക്ക്, ഗ്രാമ പഞ്ചായത്ത് തലത്തില് മെംബര്മാരുടെ ഓണറേറിയം ചുവടെ:
ജില്ലാ പഞ്ചായത്ത്
ജില്ലാ പഞ്ചായത്ത് പ്രസിഡന്റ്: 15,800
വൈസ് പ്രസിഡന്റ്: 13,200
സ്റ്റാന്ഡിങ് കമ്മിറ്റി ചെയര്മാന്: 9,400
ജില്ലാ പഞ്ചായത്ത് അംഗം: 8,800
കോര്പ്പറേഷന്
കോര്പ്പറേഷന് മേയര്: 15,800 രൂപ
ഡെപ്യൂട്ടി മേയര്ക്ക്: 13,200 രൂപ
സ്റ്റാന്ഡിങ് കമ്മിറ്റി ചെയര്മാന്: 9,400 രൂപ
കൗണ്സിലര്: 8,200 രൂപ
നഗരസഭ
നഗരസഭാ ചെയര്മാന്: 14,600
വൈസ് ചെയര്മാന്: 12,000
സ്റ്റാന്ഡിങ് കമ്മിറ്റി ചെയര്മാന്: 8,800
നഗരസഭാ കൗണ്സിലര്: 7,600
ബ്ലോക്ക് പഞ്ചായത്ത്
ബ്ലോക്ക് പഞ്ചായത്ത് പ്രസിഡന്റ്: 14,600
വൈസ് പ്രസിഡന്റ്: 12,000
സ്റ്റാന്ഡിങ് കമ്മിറ്റി ചെയര്മാന്: 8,800
ബ്ലോക്ക് പഞ്ചായത്ത് അംഗം: 7,600
ഗ്രാമപ്പഞ്ചായത്ത്
പഞ്ചായത്ത് പ്രസിഡന്റ്: 13,200
വൈസ് പ്രസിഡന്റ്: 10,600
സ്റ്റാന്ഡിങ് കമ്മിറ്റി ചെയര്മാന്: 8,200
പഞ്ചായത്ത് അംഗം: 7,000
ഗ്രാമപ്പഞ്ചായത്ത്
പഞ്ചായത്ത് പ്രസിഡന്റ്: 13,200
വൈസ് പ്രസിഡന്റ്: 10,600
സ്റ്റാന്ഡിങ് കമ്മിറ്റി ചെയര്മാന്: 8,200
പഞ്ചായത്ത് അംഗം: 7,000
തിരുവനന്തപുരം: തദ്ദേശ തെരഞ്ഞെടുപ്പ് പ്രഖ്യാപനത്തിന് ദിവസങ്ങള്ക്ക് മുന്പ് മുഖ്യമന്ത്രി പിണറായി വിജയന് പ്രഖ്യാപിച്ച സ്ത്രീ സുരക്ഷാ പെന്ഷന് പദ്ധതിയുടെ മാനദണ്ഡങ്ങള് പുറത്തിറക്കി സര്ക്കാര്. സാമൂഹ്യക്ഷേമ പദ്ധതികളില് ഗുണഭോക്താക്കള് അല്ലാത്ത പാവപ്പെട്ട കുടുംബങ്ങളിലെ സ്ത്രീകള്ക്കും ട്രാന്സ് വനിതകള്ക്കും പ്രതിമാസം 1000 രൂപ വീതം ലഭിക്കും. 35 മുതല് 60 വയസ്സ് വരെയുള്ള, എഎവൈ (മഞ്ഞക്കാര്ഡ്), പിഎച്ച്എച്ച് ( പിങ്ക് കാര്ഡ്) വിഭാഗത്തില്പെട്ടവര്ക്ക് അപേക്ഷിക്കാം.
പൊതു മാനദണ്ഡങ്ങള്
1. അപേക്ഷകര് മറ്റ് സാമൂഹ്യ ക്ഷേമ പദ്ധതികളില് ഒന്നും തന്നെ ഗുണഭോക്താക്കള് ആകാത്തവരും അന്ത്യോദയ അന്നയോജനയിലും [എഎവൈ- മഞ്ഞ കാര്ഡ് മുന്ഗണനാ വിഭാഗത്തിലും [പിഎച്ച്എച്ച – പിങ്ക് കാര്ഡ്) ഉള്പ്പെടുന്നവരുമായ 35 നും 60 നും ഇടയില് പ്രായമുള്ള ട്രാന്സ് വുമണ് അടക്കമുള്ള സ്ത്രീകള് ആയിരിക്കണം.
2. പ്രസ്തുത പ്രായപരിധി കടക്കുന്ന ദിവസം മുതല് ആനുകൂല്യത്തിന് അര്ഹത ഉണ്ടായിരിക്കുന്നതല്ല.
3. സംസ്ഥാനത്തു സ്ഥിരതാമസം ഉള്ളവര്ക്ക് മാത്രമായിരിക്കും ആനുകൂല്യം ലഭിക്കുന്നത്.
4. പദ്ധതിയുടെ പ്രതിമാസ അനുകൂല്യം 1000 രൂപ (ആയിരം രൂപ) ആയിരിക്കും.
5. വിധവാ പെന്ഷന്, അവിവാഹിത പെന്ഷന്, വികലാംഗ പെന്ഷന് മുതലായ ഏതെങ്കിലും സാമൂഹ്യ ക്ഷേമ പെന്ഷനുകള്, വിവിധ തരം സര്വീസ് പെന്ഷനുകള്, കുടുംബ പെന്ഷന്, ക്ഷേമ നിധി ബോര്ഡുകളില് നിന്നുള്ള കടുംബ പെന്ഷന്, ഇപിഎഫ് പെന്ഷന് മുതലായവ ലഭിക്കുന്നവര്ക്ക് പദ്ധതിയുടെ ആനുകൂല്യം ലഭിക്കുന്നതല്ല.
6. സംസ്ഥാനത്തിനകത്ത് നിന്നും താമസം മാറുകയോ, കേന്ദ്ര/സംസ്ഥാന സര്ക്കാര് സര്വീസ്, കേന്ദ്ര/സംസ്ഥാന സര്ക്കാര് ഉടമസ്ഥതയിലുള്ള സ്ഥാപനങ്ങള്, പദ്ധതികള്, സര്വ്വകലാശാലകള്, മറ്റ് സ്വയം ഭരണ/ഗ്രാന്റ് ഇന് എയ്ഡ് സ്ഥാപനങ്ങള് എന്നിവയില് സ്ഥിരം/കരാര് നിയമനം ലഭിക്കുകയോ ചെയ്യുന്നതോട് കൂടി അനുകൂല്യത്തിനുള്ള അര്ഹത ഇല്ലാതാകുന്നതാണ്.
7. അന്ത്യോദയ അന്നയോജന, മുന്ഗണനാ റേഷന് കാര്ഡുകള് നീല, വെള്ള റേഷന് കാര്ഡുകള് ആയി തരം മാറ്റപ്പെടുന്ന പക്ഷം പദ്ധതി ആനുകൂല്യത്തിനുള്ള അര്ഹത ഇല്ലാതാകുന്നതാണ്.
8. ഗുണഭോക്താവ് മരണപ്പെട്ടതിനു ശേഷമുള്ള ആനുകൂല്യത്തിന് അവകാശികള്ക്ക് അര്ഹത ഉണ്ടായിരിക്കുന്നതല്ല.
9. എല്ലാ ഗൂണഭോക്താക്കളും പദ്ധതി മാനദണ്ഡങ്ങളുടെ പരിധിയില് വരുന്നുണ്ടെന്ന് കാണിക്കുന്ന സ്വയം സാക്ഷ്യപ്പെടുത്തിയ ഒരു സത്യപ്രസ്താവന നല്കേണ്ടതാണ്.
10. ഗുണഭോക്താവ് ഒരു മാസമോ അതിലധികമോ കാലം റിമാന്ഡ് ചെയ്യപ്പെടുകയോ ജയിലില് അടക്കപ്പെടുകയോ ചെയ്യുന്ന പക്ഷം പ്രസ്തുത കാലയളവിലെ ആനുകൂല്യത്തിന് അര്ഹത ഉണ്ടായിരിക്കുന്നതല്ല.
11. പ്രായം തെളിയിക്കുന്നതിനുള്ള രേഖയായി ജനന സര്ട്ടിഫിക്കറ്റ്, സ്കൂള് സര്ട്ടിഫിക്കറ്റ്, ഡ്രൈവിങ് ലൈസന്സ്, പാസ്പോര്ട്ട് എന്നിവ ഉപയോഗിക്കാം. ഇവയുടെ അഭാവത്തില് മാത്രം വയസ് തെളിയിക്കുന്നതിനു മറ്റ് രേഖകളൊന്നും ലഭ്യമല്ല എന്നുള്ള അപേക്ഷകരുടെ സ്വയം സാക്ഷ്യപ്പെടുത്തിയ അപേക്ഷയുടെ അടിസ്ഥാനത്തില് ലഭിക്കുന്ന ഡോക്ടര് സര്ട്ടിഫിക്കറ്റ്, പ്രായം തെളിയിക്കുന്നതിനുള്ള രേഖയായി ഉപയോഗിക്കാവുന്നതാണ്.
12. അനര്ഹമായി ആനുകൂല്യം കൈപ്പറ്റുന്നവരില് നിന്നും ഇത്തരത്തില് കൈപ്പറ്റിയ തുക 18 ശതമാനം പലിശ സഹിതം തിരികെ ഈടാക്കുന്നതാണ്.
13. ഗുണഭോക്താക്കള്ക്ക് ആധാര് അടിസ്ഥാനമാക്കിയുള്ള വാര്ഷിക മസ്റ്ററിങ് ഉണ്ടായിരിക്കുന്നതാണ്.
ഡല്ഹി: ജനുവരി 26 ന് റിപ്പബ്ലിക് ദിനത്തില് വലിയ സ്ഫോടനങ്ങള്ക്ക് പദ്ധതിയിട്ടിരുന്നതായി ഫരീദാബാദില് നിന്നും പിടിയിലായ ഡോക്ടര് മൊഴി നല്കിയതായി സൂചന. ഇതിന്റെ ഭാഗമായി താനും ഡല്ഹിയില് ചാവേര് സ്ഫോടനം നടത്തിയ ഡോ. ഉമര് നബിയും ചെങ്കോട്ടയില് സന്ദര്ശനം നടത്തിയിരുന്നുവെന്നാണ് വെളിപ്പെടുത്തൽ. ജമ്മു കശ്മീരിലെ പുല്വാമ സ്വദേശിയായ ഡോക്ടര് മുസമ്മല് ഷക്കീലാണ് ഇക്കാര്യം അന്വേഷണ സംഘത്തോട് പറഞ്ഞത്. പലതവണ ചെങ്കോട്ടയും പരിസരത്തും സംഘം നിരീക്ഷണം നടത്തിയിരുന്നതായാണ് അന്വേഷണ സംഘം കരുതുന്നത്. ഫരീദാബാദിലെ അല് ഫലാഹ് മെഡിക്കല് കോളജിലെ ഡോക്ടറാണ് മുസമ്മില്.
ഡോക്ടര് മുസമ്മലിന്റെ ഫോണില് നിന്നും ലഭിച്ച വിവരങ്ങളുടെ അടിസ്ഥാനത്തില് വിശദമായി ചോദ്യം ചെയ്തപ്പോഴാണ് അദ്ദേഹം ഇക്കാര്യം വെളിപ്പെടുത്തിയത്. ഇക്കഴിഞ്ഞ ദീപാവലി ദിവസം തിരക്കേറിയ സ്ഥലത്ത് സ്ഫോടനം നടത്താന് പദ്ധതിയിട്ടിരുന്നു. എന്നാല് അത് നടപ്പാക്കാന് കഴിഞ്ഞില്ലെന്നും ഇയാള് മൊഴി നല്കിയതായി അധികൃതര് സൂചിപ്പിക്കുന്നു. ഭീകരസംഘങ്ങളുമായി ബന്ധപ്പെട്ട് പ്രവര്ത്തിച്ചിരുന്ന ജമ്മുകശ്മീര് സ്വദേശിയായ ഡോക്ടര് ആദില് മുഹമ്മദ് റാത്തറാണ് ആദ്യം അറസ്റ്റിലാകുന്നത്.
ഇയാളെ ചോദ്യം ചെയ്തതില് നിന്നും ലഭിച്ച വിവരങ്ങളുടെ അടിസ്ഥാനത്തിലാണ് ഫരീദാബാദിലെ ഡോക്ടറായ മുസമ്മില് ഷക്കീലും പിടിയിലാകുന്നത്. ആദിലിന്റെ വെളിപ്പെടുത്തലിന്റെ അടിസ്ഥാനത്തില് പൊലീസ് നടത്തിയ റെയ്ഡില് ഫരീദാബാദിലെ ആശുപത്രില് റെയ്ഡ് നടത്തിയ പൊലീസ് സംഘം 300 കിലോ ആര്ഡിഎക്സ്, എകെ 47 തോക്കുകള്, വെടിക്കോപ്പുകള് തുടങ്ങിയവ പിടിച്ചെടുത്തിരുന്നു. കൂട്ടാളികളായ രണ്ടു ഡോക്ടര്മാരും പിടിയിലായതോടെ ഡല്ഹിയില് ചാവേറായ ഡോക്ടര് ഉമര് നബി പരിഭ്രാന്തനായി. തുടര്ന്ന് ഫരീദാബാദില് നിന്നും കാറില് ചെങ്കാട്ടയ്ക്ക് സമീപമെത്തി സ്ഫോടനം നടത്തുകയായിരുന്നുവെന്നാണ് റിപ്പോര്ട്ട്.
അതിനിടെ ഡല്ഹി സ്ഫോടനവുമായി ബന്ധപ്പെട്ട് ഏഴു പേരുടെ അറസ്റ്റ് കൂടി രേഖപ്പെടുത്തി. കാര് വില്പ്പനയ്ക്ക് സഹായിച്ച ഡീലറും അറസ്റ്റിലായിട്ടുണ്ട്. ഇന്നലെ എട്ടുപേര് അറസ്റ്റിലായിരുന്നു. ഭീകരസംഘടനയായ ജെയ്ഷെ മുഹമ്മദിന്റെ വനിതാ വിങ്ങിന്റെ മുഖ്യചുമതലക്കാരിയായി പ്രവര്ത്തിച്ച, നേരത്തെ അറസ്റ്റിലായ ഡോക്ടര് ഷഹീന് ഷാഹിദയുടെ സഹോദരന് പര്വേസ് സയീദിനെയും പൊലീസ് അറസ്റ്റ് ചെയ്തു. പൊലീസ് വ്യാപക റെയ്ഡ് ആരംഭിച്ചതോടെ, ഡോ. ഷഹീന്റെ പക്കല് സൂക്ഷിച്ചിരുന്ന സ്ഫോടക വസ്തുക്കള് ഇയാള് നശിപ്പിച്ചതായിട്ടാണ് സംശയിക്കുന്നത്. ഷഹീന്റെ കൂട്ടാളിയായ കശ്മീരി ഡോക്ടര് മുസമ്മില് ഗ്രാനി എന്ന മുസൈബിന്റെ രണ്ട് വാടകമുറിയില് നിന്നായി 2,900 സ്ഫോടക വസ്തുക്കൾ കണ്ടെടുത്തിരുന്നു. ഫരീദാബാദിലെ അല് ഫലാഹ് മെഡിക്കല് സര്വകലാശാല കേന്ദ്രീകരിച്ച് പരിശോധനകള് തുടരുകയാണ്.
ഇന്ത്യൻ ബഹിരാകാശ ഗവേഷണ സംഘടനയായ ഇസ്രോ (ISRO)യിൽ ജോലി നേടാൻ അവസരം. ഹൈദരാബാദിലുള്ള നാഷണൽ റിമോട്ട് സെൻസിങ് സെന്റർ (NRSC) പുതിയ നിയമനം നടത്താനുള്ള വിജ്ഞാപനം പുറത്തിറക്കി. ടെക്നിക്കൽ അസിസ്റ്റന്റ്, ടെക്നീഷ്യൻ-ബി, ഡ്രാഫ്റ്റ്സ്മാൻ-ബി എന്നീ തസ്തികകളിലായി ആകെ 13 ഒഴിവുകളാണ് റിപ്പോർട്ട് ചെയ്തിരിക്കുന്നത്. ഡിപ്ലോമ, ഐ ടി ഐ യോഗ്യത ഉള്ള ഉദ്യോഗാർത്ഥികൾക്ക് അപേക്ഷിക്കാം.
വിദ്യാഭ്യാസ യോഗ്യതകൾ
1. ടെക്നിക്കൽ അസിസ്റ്റന്റ് (സിവിൽ): അംഗീകരിച്ച സ്റ്റേറ്റ് ബോർഡ് / സർവകലാശാല / സ്ഥാപനത്തിൽ നിന്ന് സിവിൽ എഞ്ചിനീയറിങ്ങിൽ ഫസ്റ്റ് ക്ലാസ് ഡിപ്ലോമ നേടിയിരിക്കണം.
2. ടെക്നിക്കൽ അസിസ്റ്റന്റ് (ഓട്ടോമൊബൈൽ): അംഗീകരിച്ച സ്റ്റേറ്റ് ബോർഡ് / സർവകലാശാല / സ്ഥാപനത്തിൽ നിന്ന് ഓട്ടോമൊബൈൽ എഞ്ചിനീയറിങ്ങിൽ ഫസ്റ്റ് ക്ലാസ് ഡിപ്ലോമ നേടിയിരിക്കണം.
3. ടെക്നീഷ്യൻ-ബി (ഇലക്ട്രോണിക് മെക്കാനിക്):
SSLC/SSC പാസായിരിക്കണം, കൂടാതെ NCVT അംഗീകരിച്ച സ്ഥാപനത്തിൽ നിന്ന് ഇലക്ട്രോണിക് മെക്കാനിക് ട്രേഡിൽ ITI/NTC/NAC സർട്ടിഫിക്കറ്റ് ഉണ്ടായിരിക്കണം.
4. ടെക്നീഷ്യൻ-ബി (ഇൻഫർമേഷൻ ടെക്നോളജി):
SSLC/SSC പാസായിരിക്കണം, കൂടാതെ NCVT അംഗീകരിച്ച ഇൻഫർമേഷൻ ടെക്നോളജി ട്രേഡിൽ ITI/NTC/NAC സർട്ടിഫിക്കറ്റ് ഉണ്ടായിരിക്കണം.
5. ടെക്നീഷ്യൻ-ബി (ഇലക്ട്രിക്കൽ):
SSLC/SSC പാസായിരിക്കണം, കൂടാതെ NCVT അംഗീകരിച്ച ഇലക്ട്രിക്കൽ ട്രേഡിൽ ITI/NTC/NAC സർട്ടിഫിക്കറ്റ് ഉണ്ടായിരിക്കണം.
6. ഡ്രാഫ്റ്റ്സ്മാൻ-ബി (സിവിൽ):
SSLC/SSC പാസായിരിക്കണം, കൂടാതെ NCVT അംഗീകരിച്ച ഡ്രാഫ്റ്റ്സ്മാൻ സിവിൽ ട്രേഡിൽ ITI/NTC/NAC സർട്ടിഫിക്കറ്റ് ഉണ്ടായിരിക്കണം.
പ്രായ പരിധി
പരമാവധി പ്രായം 35 വയസ്. സംവരണ വിഭാഗത്തിൽ ഉൾപ്പെട്ടവർക്ക് പ്രായ പരിധിയിൽ ഇളവ് ലഭിക്കും. അപേക്ഷകൾ സമർപ്പിക്കേണ്ട അവസാന തീയതി നവംബർ 30.
ഡൽഹി: ചെങ്കോട്ടയ്ക്ക് സമീപത്തെ സ്ഫോടനത്തിൽ അന്വേഷണം ഊർജിതമാക്കി എൻഐഎ. കഴിഞ്ഞ ദിവസം ഫരീദാബാദ്, സഹറൻപുർ എന്നിവിടങ്ങളിൽ നിന്ന് അറസ്റ്റിലായ ഡോക്ടർമാരായ ആദിൽ, മുസ്മീൽ, ഷഹീന എന്നിവരെ കസ്റ്റഡിയിൽ എടുത്ത് ചോദ്യം ചെയ്യും. ആക്രമണത്തിൽ പാക് ഭീകരസംഘടനയായ ജയ്ഷെ മുഹമ്മദിന്റെ പങ്ക് സംശയിക്കുമ്പോഴും ഇതുവരെയും സ്ഥിരീകരിക്കാൻ കഴിഞ്ഞിട്ടില്ല. സ്ഫോടനം നടന്ന സ്ഥലത്ത് അമോണിയം നൈട്രേറ്റിൻ്റെ സാന്നിധ്യം കണ്ടെത്തിയിട്ടുണ്ട്.
ഇതിനിടെ, സ്ഫോടനവുമായി ബന്ധപ്പെട്ട് ഫരീദാബാദിലെ അൽഫലാഹ് സർവ്വകലാശാലയിൽ പരിശോധനകൾ തുടരുന്നതായി പൊലീസ് അറിയിച്ചു. ഇവിടുത്തെ പള്ളിയിലെ പുരോഹിതൻ ശ്രീനഗർ സ്വദേശി മുഹമ്മദ് ഇഷ്താഖിനെ ഡൽഹി പൊലീസ് കസ്റ്റഡിയിലെടുത്തു. സർവകലാശാലയിലെ 70 പേരെ ചോദ്യം ചെയ്തതായും സർവ്വകലാശാലയിലെ സിസിടിവി ദൃശ്യങ്ങൾ ശേഖരിച്ചതായും പൊലീസ് വ്യക്തമാക്കി.
അതേസമയം, സ്ഫോടനം നടന്നത് അബദ്ധത്തിലാണോയെന്ന സംശയവും പൊലീസ് പങ്കുവയ്ക്കുന്നു. കൂട്ടാളികൾ പിടിയിലായെന്ന് വ്യക്തമായതോടെ സ്ഫോടക വസ്തുക്കൾ എവിടേക്കോ മാറ്റാൻ നോക്കുമ്പോൾ സ്ഫോടനം നടന്നു എന്നാണ് അനുമാനം. ഉമറും മുസമീലും നേരത്തെ ചെങ്കോട്ട പരിസരത്ത് എത്തിയിരുന്നു. ഈ വർഷം ജനുവരിയിൽ സ്ഫോടനം നടത്താനും സംഘം പദ്ധതിയിട്ടിരുന്നു. സ്ഫോടനം നടന്ന ദിവസം മയൂർ വിഹാറിലും ഉമറിൻ്റെ വാഹനം എത്തിയെന്നു പൊലീസ് പറയുന്നു.
Recent Comments