by Midhun HP News | Feb 17, 2026 | Latest News, ജില്ലാ വാർത്ത
നേമം: കരമന-കളിയിക്കാവിള പാതയിൽ പാപ്പനംകോട് ആഡംബര കാറിൽനിന്ന് മുന്നൂറ് കിലോയോളം വരുന്ന കഞ്ചാവ് പോലീസിന്റെ ഡാൻസാഫ് വിഭാഗം പിടികൂടി. തിങ്കളാഴ്ച വൈകീട്ടായിരുന്നു സംഭവം. റോഡരികിൽ നിർത്തിയിട്ടിരുന്ന കാറിൽനിന്നാണ് കഞ്ചാവ് പിടികൂടിയത്. പ്ലാസ്റ്റിക് കവറുകളിൽ പൊതിഞ്ഞ നിലയിലാണ് കഞ്ചാവ് പിടിച്ചെടുത്തത്. അൻപതിലധികം പായ്ക്കറ്റുകളുണ്ടായിരുന്നു. കാറിന്റെ പിൻവശത്താണ് ഇവ വെച്ചിരുന്നത്.
ഞായറാഴ്ച മുതൽ കാർ ഈ ഭാഗത്ത് നിർത്തിയിട്ടിരുന്നതിനെ തുടർന്ന് പോലീസിന്റെ നിരീക്ഷണത്തിലായിരുന്നു. കാറെടുക്കാൻ ആളെത്തിയപ്പോൾ കാത്തുനിന്ന പോലീസ് സംഘം കസ്റ്റഡിയിലെടുക്കുകയായിരുന്നു. കരകുളം സ്വദേശിയായ അഫ്സൽ(23) എന്നയാളും ഇയാൾ വിളിച്ചുവരുത്തിയ സുഹൃത്തും പോലീസ് കസ്റ്റഡിയിലുണ്ട്. ഹൈദരാബാദിൽനിന്നാണ് കഞ്ചാവ് കൊണ്ടുവന്നതെന്നാണ് പോലീസിന്റെ പ്രാഥമിക നിഗമനം. കാർ വാടകയ്ക്കെടുത്തതാണെന്നു സംശയിക്കുന്നു. സംഭവമറിഞ്ഞ് നാട്ടുകാർ തടിച്ചുകൂടിയതോടെ കൂടുതൽ പോലീസ് സ്ഥലത്തെത്തി.
കാറിൽനിന്നെടുത്ത കഞ്ചാവുപൊതികൾ റോഡരികിൽ നിരത്തിവെച്ച ശേഷം രാത്രി വൈകിയാണ് വൈദ്യുതസംവിധാനങ്ങളൊരുക്കി അളവെടുത്ത് സീൽ ചെയ്തത്. സിറ്റി പോലീസ് കമ്മിഷണർ കെ.കാർത്തിക്കും സ്ഥലത്തെത്തി. കസ്റ്റഡിയിലുള്ളവരെ വിശദമായി ചോദ്യംചെയ്താൽ മാത്രമേ കൂടുതൽ വിവരങ്ങൾ ലഭ്യമാകൂ. കൂടുതൽ അന്വേഷണങ്ങൾക്കായി പ്രതികളെ നേമം പോലീസിനു കൈമാറും.
by Midhun HP News | Feb 17, 2026 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ സ്ത്രീശക്തി ലോട്ടറി ഫലം പ്രഖ്യാപിച്ചു. എറണാകുളത്ത് വിറ്റ SO 595985 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ കൊല്ലത്ത് വിറ്റ SY 451700 എന്ന നമ്പറിലുള്ള ടിക്കറ്റിനാണ്. ഇരിഞ്ഞാലക്കുടയില് വിറ്റ SP 881144 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില..ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize Rs.5,000/-
SN 595985
SP 595985
SR 595985
SS 595985
ST 595985
SU 595985
SV 595985
SW 595985
SX 595985
SY 595985
SZ 595985
4th Prize Rs.5,000/-
0527 1202 1362 1579 2112 2525 2960 4105 4237 4426 5361 6674 7945 8222 8233 8706 9173 9178 9528
5th Prize Rs.2,000/-
0295 2718 5948 6462 6968 8111
6th Prize Rs.1,000/-
0414 1094 1545 1869 2343 2466 2773 2788 3901 3926 4557 5168 6310 6499 6696 6912 7076 7147 7399 7908 8245 8522 9165 9363 9453
7th Prize Rs.500/-
0033 0157 0267 0272 0314 0516 0602 0767 0795 0809 1208 1354 1397 1453 1557 1771 1830 2001 2234 2284 2397 2577 2706 2803 2932 3033 3103 3135 3136 3343 3647 3786 3846 3876 4107 4476 4808 4874 5240 5510 5769 6120 6178 6475 6531 6577 6646 6790 7135 7258 7327 7518 7582 7605 7829 7836 7927 7958 8086 8152 8266 8364 8599 8603 8709 8865 8932 9454 9466 9579 9646 9666 9690 9753 9911 9912
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Feb 17, 2026 | Latest News, ദേശീയ വാർത്ത
ഡല്ഹി: ക്രിക്കറ്റ് ചരിത്രത്തില് പുതിയ അധ്യായം എഴുതി ചേര്ത്ത് അഫ്ഗാനിസ്ഥാന് നായകനും സ്പിന്നറുമായ റാഷിദ് ഖാന്. ടി20 ക്രിക്കറ്റില് 700 വിക്കറ്റുകള് നേടുന്ന ആദ്യ താരമെന്ന അപൂര്വ നേട്ടമാണ് റാഷിദ് സ്വന്തമാക്കിയത്. യുഎഇക്കെതിരായ ടി20 ലോകകപ്പ് പോരാട്ടത്തില് ഒരു വിക്കറ്റെടുത്താണ് റാഷിദ് അനുപമ നേട്ടം സ്വന്തമാക്കിയത്. 518 മത്സരങ്ങളില് നിന്നാണ് റാഷിന്റെ നേട്ടം.
നേരത്തെ ടി20 ഫോര്മാറ്റില് ഏറ്റവും കൂടുതല് വിക്കറ്റുകള് നേടുന്ന താരമെന്ന റെക്കോര്ഡ് നേരത്തെ റാഷിദ് സ്വന്തമാക്കിയിരുന്നു. ഒരു വര്ഷം മുന്പാണ് താരം റെക്കോര്ഡിട്ടത്. വിന്ഡീസ് ഇതിഹാസം ഡ്വെയ്ന് ബ്രാവോയുടെ 631 വിക്കറ്റുകളെന്ന നേട്ടമാണ് അന്ന് റാഷിദ് പഴങ്കഥയാക്കിയത്.
അന്താരാഷ്ട്ര ടി20യില് ഏറ്റവും കൂടുതല് വിക്കറ്റുള്ള താരവും റാഷിദാണ്. 114 മത്സരങ്ങളില് നിന്നു 191 വിക്കറ്റുകളാണ് നേട്ടം.
ടി20യില് കൂടുതല് വിക്കറ്റ് നേടിയ താരങ്ങള്
റാഷിദ് ഖാന്: അഫ്ഗാനിസ്ഥാന്, 700 വിക്കറ്റുകള്, 518 മത്സരങ്ങള്
ഡ്വെയ്ന് ബ്രാവോ: വെസ്റ്റ് ഇന്ഡീസ്, 631 വിക്കറ്റുകള്, 582 മത്സരങ്ങള്
സുനില് നരെയ്ന്: വെസ്റ്റ് ഇന്ഡീസ്, 613 വിക്കറ്റുകള്, 583 മത്സരങ്ങള്
ഇമ്രാന് താഹിര്: ദക്ഷിണാഫ്രിക്ക, 572 വിക്കറ്റുകള്, 448 മത്സരങ്ങള്
ആന്ദ്രെ റസ്സല്: വെസ്റ്റ് ഇന്ഡീസ്, 590 വിക്കറ്റുകള്, 508 മത്സരങ്ങള്
by Midhun HP News | Feb 17, 2026 | Latest News, കേരളം
തിരുവനന്തപുരം: സംസ്ഥാനത്ത് വ്യാഴം, വെള്ളി, ശനി ദിവസങ്ങളില് മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. 19 മുതല് 21 വരെ തിരുവനന്തപുരം, കൊല്ലം, പത്തനംതിട്ട ജില്ലകളിലും; 20, 21 തീയതികളില് ഇടുക്കി ജില്ലയിലും നേരിയ/ഇടത്തരം മഴയ്ക്ക് സാധ്യതയെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
ഭൂമധ്യരേഖ പ്രദേശത്തുള്ള ഇന്ത്യന് മഹാസമുദ്രത്തിനും അതിനോട് ചേര്ന്നുള്ള തെക്കന് ബംഗാള് ഉള്ക്കടലിന്റെ മധ്യഭാഗത്തിനും മുകളിലായി നിലനിന്നിരുന്ന ന്യൂനമര്ദം പടിഞ്ഞാറ്-വടക്കുപടിഞ്ഞാറ് ദിശയില് നീങ്ങി തെക്കുപടിഞ്ഞാറന് ബംഗാള് ഉള്ക്കടലിനും ഭൂമധ്യ രേഖ ഇന്ത്യന് മഹാസമുദ്രത്തിനും മുകളിലായി സ്ഥിതി ചെയ്യുന്നു. ഇത് പടിഞ്ഞാറ്-വടക്കുപടിഞ്ഞാറ് ദിശയിലേക്ക് നീങ്ങാനും ഫെബ്രുവരി പതിനെട്ടോടെ തെക്കുപടിഞ്ഞാറന് ബംഗാള് ഉള്ക്കടലിനും അനുബന്ധ മേഖലയ്ക്കും മുകളില് കൂടുതല് ശക്തമാകാനും സാധ്യതയെന്ന് മുന്നറിയിപ്പില് പറയുന്നു.
കൂടാതെ തെക്കന് കേരള തീരത്തോട് ചേര്ന്നുള്ള തെക്കുകിഴക്കന് അറബിക്കടലിന് മുകളില് സമുദ്രനിരപ്പില് നിന്ന് 0.9 കിലോമീറ്റര് ഉയരത്തില് മറ്റൊരു ചക്രവാതച്ചുഴിയും നിലനില്ക്കുന്നു. ഈ സാഹചര്യത്തിലാണ് സംസ്ഥാനത്ത് മഴ മുന്നറിയിപ്പ്.
by Midhun HP News | Feb 17, 2026 | Latest News, ജില്ലാ വാർത്ത
തിരുവനന്തപുരം: ആഗോള അയ്യപ്പ സംഗമത്തിലെ ഓഡിറ്റ് റിപ്പോർട്ടിലെ പിഴവ് സമ്മതിച്ച് ദേവസ്വം ബോർഡ് പ്രസിഡന്റ് കെ ജയകുമാർ. ഓഡിറ്റ് റിപ്പോർട്ട് ദേവസ്വം ബോർഡ് പരിശോധിച്ചെന്നും റിപ്പോർട്ട് അന്തിമമല്ലെന്നും ജയകുമാർ വാർത്ത സമ്മേളനത്തിൽ പറഞ്ഞു. ഓർഡിറ്റ് റിപ്പോർട്ടിൽ 27ന് മുമ്പ് വ്യക്തത വരുത്തുമെന്നും ഇതിനായി ടാക്സ് ഫോഴ്സ് രൂപീകരിച്ചെന്നും അദ്ദേഹം പറഞ്ഞു.
by Midhun HP News | Feb 17, 2026 | Latest News, ജില്ലാ വാർത്ത
തിരുവനന്തപുരം: ശബരിമല യുവതീപ്രവേശനത്തില് സര്ക്കാര് നിലപാട് തിരുത്തുമെന്ന് സൂചിപ്പിച്ച് ഗതാഗതമന്ത്രി കെ ബി ഗണേഷ് കുമാര്. ആചാരലംഘനം പാടില്ല എന്നതാണ് സര്ക്കാര് നിലപാട്. ജനാധിപത്യ വ്യവസ്ഥയില് തീരുമാനം ഇരുമ്പുലക്കയല്ല. ചില സാഹചര്യങ്ങളില് എടുത്ത തീരുമാനം തിരുത്തേണ്ടി വരുമെന്നും മന്ത്രി ഗണേഷ് കുമാര് മാധ്യമങ്ങളോട് പറഞ്ഞു.
‘ഡെമോക്രസിയില് തീരുമാനങ്ങളൊന്നും ഇരുമ്പുലക്ക അല്ല. ചില തീരുമാനങ്ങള് ചില സമയത്ത് എടുക്കും. ആ സാഹചര്യം മാറിയപ്പോള്, ജനങ്ങളുടെ വികാരങ്ങള് മാനിച്ചുകൊണ്ട് ജനാധിപത്യസര്ക്കാരുകള് തീരുമാനത്തില് മാറ്റം വരുത്തും. ഇത് ജനാധിപത്യ സര്ക്കാരാണ്. അല്ലാതെ ഏകാധിപതിയുടെ ഭരണമല്ല. ഈ വിഷയം എല്ഡിഎഫ് ചര്ച്ച ചെയ്യുമെന്ന്’ മന്ത്രി ഗണേഷ് കുമാര് പറഞ്ഞു.
‘കെപിഎംഎസ്, എസ്എന്ഡിപി, എന്എസ്എസ് തുടങ്ങിയ സമുദായങ്ങള് ഈ വിഷയത്തില് നിലപാട് അറിയിച്ചിട്ടുണ്ട്. അതെല്ലാം ശബരിമലയില് ആചാരലംഘനം പാടില്ല എന്നുള്ളതാണ്. ആചാര ലംഘനം പാടില്ല എന്നതു തന്നെയാണ് സര്ക്കാരിന്റെ തീരുമാനമെന്നും’ മന്ത്രി ഗണേഷ് കുമാര് വ്യക്തമാക്കി. ശബരിമല യുവതി പ്രവേശന വിഷയത്തില് ഇന്നലെ നിയമമന്ത്രി പി രാജീവ് സര്ക്കാര് സ്വീകരിക്കുന്ന നിലപാട് എന്താണെന്ന് കൃത്യമായി പറഞ്ഞിരുന്നില്ല.
ശബരിമല യുവതീപ്രവേശനവുമായി ബന്ധപ്പെട്ട പുനഃപരിശോധനാ ഹര്ജികള് ഏപ്രില് 7 മുതല് വാദം കേള്ക്കാന് സുപ്രീംകോടതി തീരുമാനിച്ചതോടെയാണ് വിഷയം വീണ്ടും സജീവ ചര്ച്ചയായത്. 9 അംഗ ഭരണഘടനാബെഞ്ച് രൂപീകരിച്ചാണ് ഹര്ജികള് പരിഗണിക്കുക. യുവതി പ്രവേശനത്തെ അനുകൂലിക്കുന്ന നിലപാടാണ് സംസ്ഥാന സര്ക്കാര് മുമ്പ് സുപ്രീംകോടതിയില് സ്വീകരിച്ചിരുന്നത്. എന്നാല് തെരഞ്ഞെടുപ്പ് അടുത്ത വേളയില് സിപിഎമ്മും സര്ക്കാരും മുന് നിലപാടില് ഉറച്ചു നില്ക്കുമോ എന്നാണ് രാഷ്ട്രീയകേരളം ആകാംക്ഷയോടെ ഉറ്റുനോക്കുന്നത്.
Recent Comments