by Midhun HP News | Oct 3, 2026 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ കാരുണ്യ ലോട്ടറി ഫലം പ്രഖ്യാപിച്ചു. KF 335755 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 25 ലക്ഷം രൂപ KH 874154 എന്ന നമ്പറിലുള്ള ടിക്കറ്റിനാണ്. KB 809651 എന്ന നമ്പറിലുള്ള ടിക്കറ്റിനാണ് പത്തുലക്ഷം രൂപയുടെ മൂന്നാം സമ്മാനം.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല്‍ ഫലം ലഭ്യമാകും.
Consolation Prize ₹5,000/-
KA 335755
KB 335755
KC 335755
KD 335755
KE 335755
KG 335755
KH 335755
KJ 335755
KK 335755
KL 335755
KM 335755
4th Prize: ₹5,000/-
0585 1158 1953 2357 2997 3522 3687 4789 5810 6219 6224 6802 6923 7031 7747 8259 8973 9488 9619
5th Prize: ₹2,000/-
4164 4517 6487 9015 9271 9292
6th Prize ₹1,000/-
0476 0587 0646 0959 0989 1406 1780 2143 2595 2811 2940 3173 3228 3789 3822 4484 4504 4969 6163 6249 7895 8024 8046 8192 9270
7th Prize ₹500/-
0554 0560 0807 0939 1057 1441 1937 2354 2602 2712 2926 3399 3404 3462 3582 3631 3643 3725 3788 4030 4259 4273 4325 4360 4450 4529 4572 4690 4746 4921 4929 5184 5350 5757 5763 5912 5920 6027 6070 6128 6397 6547 6656 6701 6703 6744 6762 6820 6911 6961 6993 7011 7082 7113 7170 7273 7417 7506 7613 7731 7830 7890 8030 8309 8329 8523 8577 8747 8969 9006 9100 9416 9448 9535 9657 9841
ലോട്ടറിയുടെ സമ്മാനം 5000 രൂപയിൽ താഴെയാണെങ്കിൽ കേരളത്തിലുള്ള ഏത് ലോട്ടറിക്കടയിൽ നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കിൽ ടിക്കറ്റും ഐഡി പ്രൂഫും സർക്കാർ ലോട്ടറി ഓഫീസിലോ ബാങ്കിലോ ഏൽപിക്കണം. വിജയികൾ സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാർഹമായ ലോട്ടറി ടിക്കറ്റ് സമർപ്പിക്കേണ്ടതുമുണ്ട്.
by Midhun HP News | Oct 3, 2026 | Latest News, ജില്ലാ വാർത്ത
ചിറയിൻകീഴ്: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പുന: സ്ഥാപിക്കണമെന്ന് കർഷക തൊഴിലാളി യൂണിയൻ ചിറയിൻകീഴ് മേഖലാ സമ്മേളനം ആവശ്യപ്പെട്ടു. സമ്മേളനം കെ.എസ്.കെ.റ്റി.യു ജില്ലാ സെന്റർ അംഗം റ്റി.എൻ വിജയൻ ഉദ്ഘാടനം ചെയ്തു.
എൻ പ്രസാദ് അധ്യക്ഷത വഹിച്ചു. വിഷ്ണു രക്തസാക്ഷി പ്രമേയവും മിനി ദാസ് അനുശോചന പ്രമേയവും അവതരിപ്പിച്ചു. കെ ബിജു സ്വാഗതം പറഞ്ഞു. കെ.എസ്.കെ.റ്റി.യു ആറ്റിങ്ങൽ ഏര്യയാ പ്രസിഡൻ്റ് സി.എസ് അജയകുമാർ, സി.ഐ.റ്റി.യു ജില്ലാ കമ്മിറ്റി അംഗം വി വിജയകുമാർ, സി.പി.ഐ.എം ചിറയിൻകീഴ് ലോക്കൽകമ്മിറ്റി സെക്രട്ടറി വി സുഭാഷ്, കെ.എസ്.കെ.റ്റി.യു ഏര്യയാ ജോയിൻ്റ് സെക്രട്ടറി എസ് സതീഷ് കുമാർ, ഏര്യയാ കമ്മിറ്റി അംഗങ്ങളായ സി രവീന്ദ്രൻ, ജി ചന്ദ്രശേഖരൻ നായർ എന്നിവർ സംസാരിച്ചു. പുതിയ ഭാരവാഹികളായി എൻ പ്രസാദ് (സെക്രട്ടറി), കെ ബിജു (പ്രസിഡൻ്റ്)), മിനി ദാസ് (ട്രഷറർ)എന്നിവരെ തിരഞ്ഞെടുത്തു.
by Midhun HP News | Oct 3, 2026 | Latest News, ജില്ലാ വാർത്ത, മരണം
ആറ്റിങ്ങൽ: വലിയകുന്ന് റോയൽ ക്ലബ്ബിന് സമീപം ലൗവ്ഡയലിൽ എ.എം റിസാം (55) (റിട്ടയേർഡ് എയർ ഫോഴ്സ്) അന്തരിച്ചു.
ഭാര്യ: എസ് സസ്ന
മക്കൾ: ആർ ആഷിക്ക്, ആർ ആഷിയ.
സംസ്കാരം: നാളെ (04/10/2026, ഞായറാഴ്ച) രാവിലെ 10 മണിക്ക് ആറ്റിങ്ങൽ ജുമാ മസ്ജിദിൽ.
by Midhun HP News | Oct 3, 2026 | Latest News, ജില്ലാ വാർത്ത
തിരുവനന്തപുരം: തിരുവനന്തപുരം കോര്‍പറേഷന്‍ കൗണ്‍സിലര്‍ സ്ഥാനം ആർ ശ്രീലേഖ രാജിവെച്ച് കൊണ്ടുള്ള കത്ത് കിട്ടിയതായി സ്ഥിരീകരിച്ച് മേയര്‍ വിവി രാജേഷ്. വ്യക്തിപരമായ ചില അസൗകര്യങ്ങള്‍ കാരണം രാജിവെയ്ക്കുന്നതായാണ് കത്തില്‍ പറയുന്നതെന്നും വിവി രാജേഷ് മാധ്യമങ്ങളോട് പറഞ്ഞു.
എന്നാല്‍ രാജിക്കത്ത് നല്‍കേണ്ടത് കോര്‍പറേഷന്‍ സെക്രട്ടറിക്കാണ്. മറ്റ് രാഷ്ട്രീയ പാര്‍ട്ടിയുടെ സമ്മര്‍ദ്ദം ഉള്ളതായി തോന്നുന്നില്ലെന്നും മേയര്‍ പറഞ്ഞു. വ്യക്തിപരമായ അസൗകര്യങ്ങള്‍ ഉണ്ടെന്ന് പറയുന്നത് വീഴ്ചയല്ലല്ലോ. അസൗകര്യങ്ങള്‍ പരിഹരിക്കാനുള്ള മാര്‍ഗങ്ങള്‍ നോക്കുകയാണെന്നും വിവി രാജേഷ് കൂട്ടിച്ചേര്‍ത്തു.
അതേ സമയം, രാജിക്കത്ത് ലഭിച്ചിട്ടില്ലെന്നും ഇതുവരെ യാതൊരു ആശയ വിനിമയവും ലഭിച്ചിട്ടില്ലെന്നും നഗരസഭ സെക്രട്ടറി ഷാഫി അറിയിച്ചു. മേയറും അറിയിച്ചിട്ടില്ല. ജില്ലാ കലക്ടര്‍ക്ക് നിയമപ്രകാരം രാജി സ്വീകരിക്കാന്‍ കഴിയില്ല. സെക്രട്ടറിക്കാണ് രാജിക്കത്ത് നല്‍കേണ്ടത്. കലക്ടര്‍ക്ക് നല്‍കിയാലും അതിന് നിയമസാധുതയില്ലെന്നും സെക്രട്ടറി പ്രതികരിച്ചു.അതിനിടെ ശ്രീലേഖയെ അനുനയിപ്പിക്കാനുള്ള ശ്രമത്തിലാണ് ബിജെപി. വിഷയത്തില്‍ സംസ്ഥാന നേതൃത്വം തന്നെയാണ് ഇടപെടുന്നത്. ശ്രീലേഖയ്ക്ക് ഉയര്‍ന്ന പദവി നല്‍കുന്നത് ഉള്‍പ്പെടെയുള്ള കാര്യങ്ങള്‍ നേതൃത്വം പരിഗണിക്കുന്നതായും റിപ്പോര്‍ട്ടുകള്‍ വ്യക്തമാക്കുന്നു.
by Midhun HP News | Oct 3, 2026 | Latest News, കായികം
നഗോയ: വനിതകള്‍ക്ക് പിന്നാലെ ഏഷ്യന്‍ ഗെയിംസ് പുരുഷ ടി20 ക്രിക്കറ്റിലും സ്വര്‍ണം നിലനിര്‍ത്തി ഇന്ത്യ. ത്രില്ലര്‍ പോരാട്ടം കണ്ട ഫൈനലില്‍ ബദ്ധവൈരികളായ പാകിസ്ഥാനെ തുരത്തിയാണ് ഇന്ത്യ സ്വര്‍ണം നിലനിര്‍ത്തിയത്. ഇന്ത്യ 19 റണ്‍സിന്റെ വിജയമാണ് പിടിച്ചെടുത്തത്. ടോസ് നേടി ആദ്യം ബാറ്റ് ചെയ്ത ഇന്ത്യ നിശ്ചിത ഓവറില്‍ 6 വിക്കറ്റ് നഷ്ടത്തില്‍ 211 റണ്‍സ് അടിച്ചെടുത്തു. മറുപടി പറയാനിറങ്ങിയ പാക് ടീമിന് 6 വിക്കറ്റ് നഷ്ടത്തില്‍ 192 റണ്‍സ് എടുക്കാനെ സാധിച്ചുള്ളു. ഗെയിംസില്‍ ഇന്ത്യയുടെ 19ാം സ്വര്‍ണമാണിത്.
212 റണ്‍സ് ലക്ഷ്യത്തിലേക്ക് ബാറ്റെടുത്ത പാകിസ്ഥാനായി ഹസന്‍ നവാസ് അര്‍ധ സെഞ്ച്വറിയുമായി ഇന്ത്യയെ വെല്ലുവിളിച്ച് പൊരുതിയെങ്കിലും അന്തിമ ജയത്തിലേക്ക് ടീമിനെ എത്തിക്കാന്‍ താരത്തിനു സാധിച്ചില്ല. 51 പന്തില്‍ 7 സിക്‌സും 5 ഫോറും സഹിതം ഹസന്‍ നവാസ് 96 റണ്‍സെടുത്തു.
പാകിസ്ഥാനായി മാസ് സദാഖത് മികച്ച രീതിയിലാണ് തുടക്കം നല്‍കിയത്. ക്യാപ്റ്റനും ഓപ്പണറുമായി സാഹിബ്‌സാദ ഫര്‍ഹാന്‍ തപ്പിത്തടഞ്ഞെങ്കിലും മറുഭാഗത്ത് മാസ് സദാഖത്ത് ഫോമിലായിരുന്നു. സ്‌കോര്‍ 33ല്‍ നില്‍ക്ക് ഫര്‍ഹാന്‍ മടങ്ങി. വാഷിങ്ടന്‍ സുന്ദറാണ് ഇന്ത്യക്ക് ആദ്യ വിക്കറ്റ് സമ്മാനിച്ചത്. പിന്നാലെ 36ല്‍ നില്‍ക്കെ ഉസ്മാന്‍ ഖാനെ (3) അക്ഷര്‍ പട്ടേലും പുറത്താക്കി. പവര്‍ പ്ലേ അവസാനിച്ചതിനു പിന്നാലെ സ്‌കോര്‍ 39ല്‍ നില്‍ക്കെ പാകിസ്ഥാന് മൂന്നാം വിക്കറ്റും നഷ്ടമായി. മാസ് സദാഖത്താണ് ഔട്ടായത്. താരം 23 റണ്‍സ് കണ്ടെത്തി.
പിന്നീട് നാലാം വിക്കറ്റില്‍ ഒന്നിച്ച ഹസന്‍ നവാസ്- സയിം അയൂബ് സഖ്യം പോരാട്ടം ഇന്ത്യന്‍ ക്യാംപിലേക്ക് നയിച്ചു. ഇരുവരും ചേര്‍ന്നു 87 റണ്‍സ് ചേര്‍ത്താണ് പിരിഞ്ഞത്. സയിം അയൂബിനെ മടക്കി ശിവം ദുബെയാണ് കളി വീണ്ടും ഇന്ത്യയ്ക്ക് അനുകൂലമാക്കിയത്. താരം 29 റണ്‍സെടുത്തു.
ഇന്ത്യക്കായി അക്ഷര്‍ പട്ടേല്‍, വാഷിങ്ടന്‍ സുന്ദര്‍, ശിവം ദുബെ എന്നിവര്‍ 2 വിക്കറ്റെടുത്തു.
നേരത്തെ അതിവേഗ അര്‍ധ സെഞ്ച്വറിയുമായി കളം വാണ അഭിഷേക് ശര്‍മയുടേയും തിലക് വര്‍മയുടേയും ബാറ്റിങ് കരുത്തിലാണ് ഇന്ത്യ പൊരുതാവുന്ന സ്‌കോര്‍ മുന്നില്‍ വച്ചത്. ബാറ്റിങ് തുടങ്ങിയ ഇന്ത്യക്കായി അഭിഷേക് കത്തും ഫോമിലാണ് തുടക്കം നല്‍കിയത്. അതിവേഗ അര്‍ധ സെഞ്ച്വറിയുമായി അഭിഷേക് കളം അടക്കിവാണു. 20 പന്തില്‍ 6 സിക്‌സും 3 ഫോറും സഹിതം അഭിഷേക് 52 റണ്‍സ് അടിച്ചെടുത്തു. താരത്തിന്റെ മികവില്‍ ഇന്ത്യ പവര്‍പ്ലേയില്‍ തൂക്കിയത് 36 പന്തില്‍ 81 റണ്‍സ്.
സെമിയ്ക്ക് പിന്നാലെ ഫൈനലിലും വൈഭവ് സൂര്യവംശി- അഭിഷേക് ശര്‍മ കൂട്ടുകെട്ടാണ് ഇറങ്ങിയത്. മലയാളി താരം സഞ്ജു സാംസണ്‍ മൂന്നാം സ്ഥാനത്തും ബാറ്റിങിനെത്തി. സ്‌കോര്‍ 28ല്‍ നില്‍ക്കെ ഇന്ത്യക്ക് വൈഭവിനെ നഷ്ടമായി. താരം 9 പന്തില്‍ 2 സിക്‌സുകള്‍ സഹിതം 15 റണ്‍സുമായി മടങ്ങി. പിന്നാലെ ഇറങ്ങിയ സഞ്ജുവിന് തിളങ്ങാനായില്ല. താരം 2 റണ്‍സുമായി പുറത്ത്.
സ്‌കോര്‍ 93ല്‍ നില്‍ക്കെ അഭിഷേകിനെ പുറത്താക്കി ഒടുവില്‍ പാകിസ്ഥാന് ആശ്വാസം കൊണ്ടു. പുറത്താകുമ്പോള്‍ താരം 7 സിക്‌സും 3 ഫോറും സഹിതം വെറും 28 പന്തില്‍ 61 റണ്‍സ് അടിച്ചെടുത്തിരുന്നു.
ഇഷാന് കിഷനാണ് നാലാം വിക്കറ്റായി മടങ്ങിയത്. സെമിയില്‍ ഇന്ത്യയുടെ ടോപ് സ്‌കോററായി മാറിയ ഇഷാന് ഫൈനലില്‍ ആ മികവ് ആര്‍ത്തിക്കാനായില്ല. നല്ല രീതിയില്‍ മുന്നോട്ടു പോകവെ അരാഫത് മിന്‍ഹാസിന്റെ പന്തില്‍ ഇഷാന് ക്ലീന്‍ ബൗള്‍ഡായി. 18 പന്തില്‍ 20 റണ്‍സാണ് താരം നേടിയത്. ഇഷാന് മടങ്ങി അധികം വൈകാതെ ക്യാപ്റ്റന്‍ ശ്രേയസ് അയ്യരും പുറത്തായി. ശ്രേയസ് 21 റണ്‍സാണ് സ്വന്തമാക്കിയത്.
പിന്നീട് ആറാം വിക്കറ്റില്‍ ക്രീസില്‍ ഒന്നിച്ച തിലക് വര്‍മ- ശിവം ദുബെ കൂട്ടുകെട്ടാണ് ഇന്ത്യന്‍ സ്‌കോര്‍ 200 കടത്തിയത്. 195ല്‍ നില്‍ക്കെ ആറാം വിക്കറ്റായി ശിവം ദുബെ മടങ്ങിയെങ്കിലും താരം തിലകിനൊപ്പം 62 റണ്‍സ് ബോര്‍ഡില്‍ ചേര്‍ത്തു. ദുബെ 15 പന്തില്‍ രണ്ട് വീതം സിക്‌സും ഫോറും സഹിതം 27 റണ്‍സെടുത്തു. അതിനിടെ തിലക് വര്‍മ അര്‍ധ സെഞ്ച്വറി നേടി. താരം 22 പന്തില്‍ 4 സിക്‌സും 3 ഫോറും സഹിതം 51 റണ്‍സുമായി പുറത്താകാതെ നിന്നു. കളി തീരുമ്പോള്‍ തിലകിനൊപ്പം അക്ഷര്‍ പട്ടേലും (1) പുറത്താകാതെ തുടര്‍ന്നു.
പാകിസ്ഥാനായി അഹമദ് ദനിയാല്‍, അരാഫത് മിന്‍ഹാസ് എന്നിവര്‍ 2 വീതം വിക്കറ്റുകള്‍ നേടി. സയം അയൂബ്, അബ്രാര്‍ അഹമദ് എന്നിവര്‍ ഓരോ വിക്കറ്റും സ്വന്തമാക്കി.
by Midhun HP News | Oct 3, 2026 | Latest News, ദേശീയ വാർത്ത
ഡല്‍ഹി: രാജ്യത്തെ മുന്‍നിര സ്വകാര്യ എണ്ണ വിതരണ കമ്പനിയായ നയാര പെട്രോള്‍, ഡീസല്‍ വില വര്‍ധിപ്പിച്ചു. പെട്രോള്‍ ലിറ്ററിന് അഞ്ചു രൂപയും ഡീസല്‍ മൂന്നു രൂപയുമാണ് കൂട്ടിയത്. രാജ്യാന്തര വിപണിയില്‍ അസംസ്‌കൃത എണ്ണയുടെ വില വര്‍ധിച്ച സാഹചര്യത്തിലാണ് നടപടി.
ശനിയാഴ്ച മുതല്‍ പുതുക്കിയ വില പ്രാബല്യത്തില്‍ വന്നതായി നയാരയെ ഉദ്ധരിച്ചുകൊണ്ടുള്ള റിപ്പോര്‍ട്ടുകളില്‍ പറയുന്നു. ഇറാന്‍ സംഘര്‍ഷത്തെത്തുടര്‍ന്നുണ്ടായ ഊര്‍ജ പ്രതിസന്ധിയില്‍, രാജ്യത്ത് ആദ്യം ഇന്ധന വില വര്‍ധിപ്പിച്ചത് നയാര ആയിരുന്നു. മാര്‍ച്ച് 26ന് പെട്രോളിന് അഞ്ചു രൂപയും ഡീസലിന് മൂന്നു രൂപയുമാണ് കമ്പനി വര്‍ധിപ്പിച്ചത്. തുടര്‍ന്നു മറ്റു കമ്പനികളും ഇന്ധന വില ഉയര്‍ത്തി.
മാര്‍ച്ചില്‍ ഉയര്‍ത്തിയ വില നയാര ജൂലൈയില്‍ കുറച്ചിരുന്നു. രാജ്യാന്തര വിപണിയിലെ മാറ്റം ചൂണ്ടിക്കാട്ടിയായിരുന്നു വില പുനര്‍ നിര്‍ണയിച്ചത്.
രാജ്യത്ത് വിവിധ സംസ്ഥാനങ്ങളിലായി ഏഴായിരത്തിലേറെ റീട്ടെയ്ല്‍ കേന്ദ്രങ്ങളാണ് നയാരയ്ക്കുള്ളത്.
Recent Comments