by Midhun HP News | Nov 6, 2025 | Latest News, ജില്ലാ വാർത്ത
തിരുവനന്തപുരം: സപ്ലൈകോ വില്പന ശാലകളില് കാര്ഡൊന്നിന് പ്രതിമാസം രണ്ടുലിറ്റര് വെളിച്ചെണ്ണ നല്കുമെന്ന് ഭക്ഷ്യമന്ത്രി ജി ആര് അനില്. നിലവില് കാര്ഡൊന്നിന് 319 രൂപ നിരക്കില് പ്രതിമാസം ഒരു ലിറ്റര് വെളിച്ചെണ്ണയാണ് നല്കുന്നത്. സബ്സിഡി ഇതര ശബരി വെളിച്ചെണ്ണ 359 രൂപക്കും കേര വെളിച്ചെണ്ണ 429 രൂപക്കും ലഭ്യമാക്കും.
ഓണത്തോട് അനുബന്ധിച്ച് 25 രൂപ നിരക്കില് കാര്ഡൊന്നിന് പ്രതിമാസം 20 കിലോ പച്ചരി/പുഴുക്കലരി നല്കിയിരുന്നത് സ്ഥിരമായി നല്കാന് തീരുമാനിച്ചതായി മന്ത്രി അറിയിച്ചു. സ്ത്രീ ഉപഭോക്താക്കള്ക്ക് സബ്സിഡി ഇതര ഉല്പന്നങ്ങള്ക്ക് 10 ശതമാനം വരെ അധിക വിലക്കുറവ് നല്കും.
1,000 രൂപക്ക് മുകളില് സബ്സിഡിയിതര സാധനങ്ങള് വാങ്ങുന്ന എല്ലാവര്ക്കും ഒരു കിലോ പഞ്ചസാര അഞ്ച് രൂപക്ക് ഈ മാസം മുതല് നല്കുന്നുണ്ട്. 500 രൂപക്ക് മുകളില് സബ്സിഡി ഇതര സാധനങ്ങള് വാങ്ങുന്നവര്ക്ക് 250 ഗ്രാമിന്റെ ശബരി ഗോള്ഡ് തേയില 25 ശതമാനം വിലക്കുറവില് നല്കും. 500 രൂപക്ക് മുകളിലുള്ള ബില്ലുകളില് സപ്ലൈകോ വില്പനശാലകളില് യുപിഐ മുഖേന പണം അടച്ചാല് അഞ്ചു രൂപ കുറവ് നല്കും. ഈ വര്ഷവും തിരുവനന്തപുരം, കൊല്ലം, പത്തനംതിട്ട, എറണാകുളം, കോട്ടയം, തൃശൂര് എന്നിവിടങ്ങളില് പ്രത്യേക ക്രിസ്മസ് ഫെയറുകള് സംഘടിപ്പിക്കും. ഡിസംബര് 21 മുതല് ജനുവരി ഒന്നു വരെ ആയിരിക്കും ഫെയറുകള്. താലൂക്ക് തലത്തില് തെരഞ്ഞെടുത്ത സൂപ്പര്മാര്ക്കറ്റുകള് ക്രിസ്മസ് ഫെയറുകളായി പ്രവര്ത്തിക്കുമെന്നും മന്ത്രി അറിയിച്ചു.
by Midhun HP News | Nov 5, 2025 | Latest News, ദേശീയ വാർത്ത
റിയാദ്: ഒരു വർഷം പഴക്കമുള്ള, പ്രവാസിയുടെ അസ്ഥികൂടം സൗദി അറേബ്യയില് കണ്ടെത്തി. ബംഗ്ലാദേശ് സ്വദേശിയിയായ ഷഫീഖ് ബിസാസിന്റെ (48) മൃതദേഹ അവശിഷ്ടങ്ങളാണ് കണ്ടെത്തിയത്. ഇയാൾക്കെതിരെ ജോലിയിൽ നിന്നും ഒളിച്ചോടിയതിന് (ഹുറൂബ്) കേസ് രജിസ്റ്റർ ചെയ്തിരുന്നതായി സൗദി പൊലീസ് വ്യക്തമാക്കി.
റിയാദ്: ഒരു വർഷം പഴക്കമുള്ള, പ്രവാസിയുടെ അസ്ഥികൂടം സൗദി അറേബ്യയില് കണ്ടെത്തി. ബംഗ്ലാദേശ് സ്വദേശിയിയായ ഷഫീഖ് ബിസാസിന്റെ (48) മൃതദേഹ അവശിഷ്ടങ്ങളാണ് കണ്ടെത്തിയത്. ഇയാൾക്കെതിരെ ജോലിയിൽ നിന്നും ഒളിച്ചോടിയതിന് (ഹുറൂബ്) കേസ് രജിസ്റ്റർ ചെയ്തിരുന്നതായി സൗദി പൊലീസ് വ്യക്തമാക്കി.
കിഴക്കൻ പ്രവിശ്യയിലെ നാരിയയിലെ സറാർ പ്രദേശത്ത് നിന്ന് കഴിഞ്ഞ ദിവസം ഒരു അസ്ഥികൂടം കണ്ടെത്തിയിരുന്നു. ഇതിന് സമീപത്ത് നിന്ന് ലഭിച്ച വസ്ത്രങ്ങളുടെ ഭാഗങ്ങൾ ഷഫീഖ് ധരിച്ചിരുന്നതാണെന്ന് തിരിച്ചറിഞ്ഞിരുന്നു.
ഫോറൻസിക് സംഘം സ്ഥലത്ത് എത്തി പരിശോധന നടത്തി. സംഭവത്തിൽ ദുരൂഹതയില്ലെന്ന് സൗദി പൊലീസ് അറിയിച്ചു. ഔദ്യോഗിക നടപടികൾ പൂർത്തിയാക്കി മൃതദേഹം മുലൈജ മഖ്ബറയിൽ ഖബറടക്കി.
by Midhun HP News | Nov 5, 2025 | Latest News, ദേശീയ വാർത്ത
കൊച്ചി: കഴുത്തിന് മുറിവേറ്റ നിലയില് ആശുപത്രിയിലെത്തിച്ച ആറ് മാസം പ്രായമുള്ള കുഞ്ഞ് മരിച്ചു. അങ്കമാലി – കറുകുറ്റി സ്വദേശികളായ ആന്റണി-റൂത്ത് ദമ്പതികളുടെ മകള് ഡല്ന മരിയ സാറയാണ് മരിച്ചത്. ഇന്ന് രാവിലെയാണ് സംഭവം.
കുഞ്ഞിനെ കഴുത്തിന് മുറിവേറ്റ നിലയില് രക്ഷിതാക്കള് തന്നെയാണ് അങ്കമാലിയെ ആശുപത്രിയില് എത്തിച്ചത്. എന്തോ ജീവി കടിച്ചു മുറിവ് പറ്റിയെന്നാണ് ഇവര് ഡോക്ടറോട് പറഞ്ഞത്. കത്തിയോ, ബ്ലേഡ് ഉപയോഗിച്ചുകൊണ്ടുള്ള മുറിവാണെന്ന് മനസിലാക്കിയ ഡോക്ടര്മാര് വിവരം പൊലീസിനെ അറിയിക്കുകയായിരുന്നു. അസ്വാഭാവിക മരണത്തിന് കേസ് എടുത്ത പൊലീസ് അന്വേഷണം ആരംഭിച്ചു. കുട്ടിയുടെ അമ്മയുടെ അച്ഛന്റെയും അപ്പൂപ്പന്റെയും മൊഴി പൊലീസ് രേഖപ്പെടുത്തി. മുത്തശ്ശിയെ കസ്റ്റഡിയിലെടുത്ത് ചോദ്യം ചെയ്യുമെന്ന് പൊലീസ് പറഞ്ഞു.
by Midhun HP News | Nov 5, 2025 | Latest News, കേരളം
കൊച്ചി: സംസ്ഥാന ഭാഗ്യക്കുറി വകുപ്പിന്റെ ധനലക്ഷ്മി ലോട്ടറി ഫലം പ്രഖ്യാപിച്ചു. DE 606067 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ DG 258220 എന്ന നമ്പറിലുള്ള ടിക്കറ്റിനാണ്.DF 539824 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചു ലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില.ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize Rs.5,000/-
DA 606067
DB 606067
DC 606067
DD 606067
DF 606067
DG 606067
DH 606067
DJ 606067
DK 606067
DL 606067
DM 606067
4th Prize Rs.5,000/-
1522 2429 2561 3004 3318 3426 3698 3795 3835 5927 5938 6307 6924 6947 7062 8274 8381 8585 9100
5th Prize Rs.2,000/-
5680 6060 6377 6946 8222 9815
6th Prize Rs.1,000/-
0196 0287 0547 0805 1442 1504 1701 2697 3488 3623 3953 4054 6115 6193 6700 7093 7175 7317 7517 7597 8660 8982 9161 9180 9714
ലോട്ടറിയുടെ സമ്മാനം 5000 രൂപയില് താഴെയാണെങ്കില് കേരളത്തിലുള്ള ഏത് ലോട്ടറിക്കടയില് നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കില് ടിക്കറ്റും ഐഡി പ്രൂഫും സര്ക്കാര് ലോട്ടറി ഓഫീസിലോ ബാങ്കിലോ ഏല്പിക്കണം. വിജയികള് സര്ക്കാര് ഗസറ്റില് പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാര്ഹമായ ലോട്ടറി ടിക്കറ്റ് സമര്പ്പിക്കേണ്ടതുമുണ്ട്.
by Midhun HP News | Nov 5, 2025 | Latest News, ജില്ലാ വാർത്ത, മരണം
ആറ്റിങ്ങൽ: പി ആർ എ അംഗം കെ. ശിവസുബ്രമണ്യൻ – (84) (PRA – 14-B) – (മധുര അലൂമിനിയം) അന്തരിച്ചു. സംസ്കാരം നാളെ (6/11/2025) വ്യാഴം രാവിലെ 10.30 മണിക്ക്.
by Midhun HP News | Nov 5, 2025 | Latest News, ജില്ലാ വാർത്ത
ഹയര്സെക്കന്ഡറി, നോണ് വൊക്കേഷനല് ഹയര്സെക്കന്ഡറി അധ്യാപക നിയമനത്തിനുള്ള സംസ്ഥാനതല യോഗ്യതാ നിര്ണയ പരീക്ഷയായ ‘സെറ്റ് ജനുവരി 2026’ന് ഇപ്പോള് അപേക്ഷിക്കാം. എല്.ബി.എസ്. സെന്ററിനാണ് പരീക്ഷാ ചുമതല. പരീക്ഷാതീയതി പിന്നീട് അറിയിക്കും. വിജ്ഞാപനവും വിശദവിവരങ്ങളുമടങ്ങിയ പ്രോസ്പെക്ടസ് https://www.lbscentre.kerala.gov.in ല് ലഭിക്കും. ഫീസ് 1300 രൂപ. എസ്.സി/എസ്.ടി/ഭിന്നശേഷി വിഭാഗത്തിന് 750 രൂപ മതി. ഓണ്ലൈനില് നവംബര് 28 വൈകീട്ട് അഞ്ചുമണിവരെ രജിസ്റ്റര് ചെയ്യാം.
വിഷയങ്ങള്: സെറ്റ് പേപ്പര് രണ്ടില് 31 വിഷയങ്ങള് ഉള്ക്കൊള്ളിച്ചിട്ടുണ്ട്. അറബിക്, ബോട്ടണി, കെമിസ്ട്രി, കോമേഴ്സ്, ഇക്കണോമിക്സ്, ഇംഗ്ലീഷ്, ഫ്രഞ്ച്, ജ്യോഗ്രഫി, ജിയോളജി, ജര്മന്, ഹിന്ദി, ഹിസ്റ്ററി, ഹോം സയന്സ്, ജേണലിസം, ലാറ്റിന്, മലയാളം, മാത്തമാറ്റിക്സ്, മ്യൂസിക്, ഫിലോസഫി, ഫിസിക്സ്, പൊളിറ്റിക്കല് സയന്സ്, സൈക്കോളജി, റഷ്യന്, സംസ്കൃതം, സോഷ്യല് വര്ക്ക്, സോഷ്യോളജി, സ്റ്റാറ്റിസ്റ്റിക്സ്, സിറിയക്, ഉര്ദു, സുവോളജി, ബയോടെക്നോളജി എന്നീ വിഷയങ്ങളിലാണ് പരീക്ഷ. 14 ജില്ലകളിലും പരീക്ഷാ കേന്ദ്രങ്ങളുണ്ടാവും.
പരീക്ഷ: സെറ്റില് രണ്ട് പേപ്പറുകളാണുള്ളത്. പേപ്പര് ഒന്ന് എല്ലാവര്ക്കും പൊതുവാണ്. പൊതുവിജ്ഞാനം, അധ്യാപന അഭിരുചി അളക്കുന്ന ചോദ്യങ്ങളുണ്ടാവും. പേപ്പര് രണ്ടില് പരീക്ഷാര്ഥി തിരഞ്ഞെടുക്കപ്പെടുന്ന വിഷയത്തെ ആസ്പദമാക്കിയിട്ടുള്ള ചോദ്യങ്ങളാണുണ്ടാവുക. ഓരോ പേപ്പറിനും രണ്ട് മണിക്കൂര് വീതം ലഭിക്കും. പേപ്പര് ഒന്നില് 120 ചോദ്യങ്ങള്. ഓരോ മാര്ക്കുവീതം. പേപ്പര് രണ്ടിലും 120 ചോദ്യങ്ങള്. ഇതില് 80 ചോദ്യങ്ങള് മാത്തമാറ്റിക്സിലും സ്റ്റാറ്റിസ്റ്റിക്സിലും. ഒന്നര മാര്ക്ക് വീതം. മറ്റ് വിഷയങ്ങള്ക്കുള്ള ചോദ്യങ്ങള്ക്ക് ഓരോ മാര്ക്ക് വീതം. പരീക്ഷാഘടനയും സിലബസും മൂല്യനിര്ണയ തീയതിയും പ്രോസ്പെക്ടസിലുണ്ട്.
സെറ്റില് യോഗ്യത നേടുന്നതിന് ജനറല് വിഭാഗത്തില്പ്പെടുന്നവര് പേപ്പര് ഒന്നിലും രണ്ടിലും 40 മാര്ക്ക് വീതവും മൊത്തത്തില് 48 മാര്ക്കും നേടണം. ഒ.ബി.സി, നോണ് ക്രീമിലെയര് വിഭാഗത്തിന് യഥാക്രമം 35, 45 മാര്ക്ക് വീതവും എസ്.സി/എസ്.ടി/ഭിന്നശേഷി വിഭാഗങ്ങളില്പ്പെടുന്നവര്ക്ക് 35, 40 മാര്ക്ക് വീതവും നേടേണ്ടതുണ്ട്. ഇങ്ങനെ യോഗ്യത നേടുന്നവര്ക്ക് ‘സെറ്റ് പാസ് സര്ട്ടിഫിക്കറ്റ്’ ലഭിക്കും.
യോഗ്യത: ബന്ധപ്പെട്ട വിഷയത്തില് 50 ശതമാനം മാര്ക്കില്/ തത്തുല്യ ഗ്രേഡില് കുറയാതെ മാസ്റ്റേഴ്സ് ബിരുദവും ഏതെങ്കിലും വിഷയത്തില് ബി.എഡും ഉള്ളവര്ക്ക് സെറ്റിന് അപേക്ഷിക്കാം.
മാത്തമാറ്റിക്സ്, ഫിസിക്സ്, കെമിസ്ട്രി, ബോട്ടണി, സുവോളജി വിഷയത്തില് എം.എസ്.സി.എഡ് (50 ശതമാനം മാര്ക്കില് / തത്തുല്യ ഗ്രേഡില് കുറയരുത്) ഉള്ളവര്ക്കും അപേക്ഷിക്കാം.
കോമേഴ്സ്, ഫ്രഞ്ച്, ജര്മന്, ജിയോളജി, ഹോംസയന്സ്, ജേണലിസം, ലാറ്റിന്, മ്യൂസിക്, ഫിലോസഫി, സൈക്കോളജി, റഷ്യന്, സോഷ്യല് വര്ക്ക്, സോഷ്യോളജി, സ്റ്റാറ്റിസ്റ്റിക്സ്, സിറിയക് പി.ജികള്ക്ക് ബി.എഡ് വേണമെന്നില്ല.
അറബിക്, ഉര്ദു, ഹിന്ദി വിഷയങ്ങളില് ഡി.എല്.എഡ്/ എല്.ടി.ടി.സി ഉള്ളവര്ക്ക് ബി.എഡ് ഇല്ലെങ്കിലും അപേക്ഷിക്കാന് അര്ഹതയുണ്ട്. ബയോളജി പി.ജിക്കാര്ക്ക് നാച്വറല് സയന്സില് ബി.എഡ് മതിയാകും. പി.ജി നേടി അവസാനവര്ഷം ബി.എഡ് പഠിക്കുന്നവര്ക്കും ബി.എഡ് നേടി അവസാനവര്ഷം പി.ജിക്ക് പഠിക്കുന്നവര്ക്കും നിബന്ധനകള്ക്ക് വിധേയമായി അപേക്ഷിക്കാം. സെറ്റ് എഴുതുന്നതിന് പ്രായപരിധിയില്ല. രണ്ടാം വര്ഷ പി.ജി/ബി.എഡ് വിദ്യാര്ഥികള് സെറ്റിന് അപേക്ഷിക്കാന് അര്ഹരല്ല.
Recent Comments