by Midhun HP News | Nov 5, 2024 | Latest News, സിനിമ
മേഘ്ന ഗുൽസാർ സംവിധാനം ചെയ്യുന്ന പുതിയ ചിത്രത്തിൽ പൃഥ്വിരാജ് നായകനായെത്തുന്നു. കരീന കപൂറാണ് ചിത്രത്തിൽ നായികയായെത്തുക. ദായ്‌റ എന്നാണ് ചിത്രത്തിന് താല്ക്കാലികമായി നൽകിയിരിക്കുന്ന പേര്. യഥാർഥ സംഭവത്തെ ആസ്പദമാക്കിയൊരുക്കുന്ന ചിത്രമാണിതെന്നാണ് പുറത്തുവരുന്ന റിപ്പോർട്ടുകൾ. പൊലീസുദ്യോഗസ്ഥനായിട്ടായിരിക്കും പൃഥ്വിരാജ് എത്തുകയെന്നും റിപ്പോർട്ടുകൾ സൂചിപ്പിക്കുന്നു.
ആയുഷ്മാൻ ഖുറാന, സിദ്ധാർഥ് മൽഹോത്ര എന്നിവരെയായിരുന്നു ചിത്രത്തിനായി ആദ്യം സമീപിച്ചത്. എന്നാൽ മറ്റു ചിത്രങ്ങളുടെ തിരക്കുകൾ കാരണം ഇരുവരും ചിത്രത്തോട് നോ പറയുകയായിരുന്നു. ഇതേത്തുടർന്നാണ് പൃഥ്വിരാജിനെ ചിത്രത്തിനായി പരിഗണിച്ചതെന്നും ദേശീയ മാധ്യമങ്ങൾ റിപ്പോർട്ട് ചെയ്യുന്നു.
സിനിമയുടെ കഥയും അത് പങ്കുവയ്ക്കുന്ന മെസേജും പൃഥ്വിയ്ക്ക് ഇഷ്ടമായെന്നും ഇതോടെയാണ് താരം ചിത്രം ചെയ്യാൻ സമ്മതം മൂളിയതെന്നും റിപ്പോർട്ടുകൾ സൂചിപ്പിക്കുന്നു. എന്നാൽ ചിത്രത്തിന്റെ കരാറിൽ പൃഥ്വിരാജ് ഇതുവരെ ഒപ്പുവച്ചിട്ടില്ല. അക്ഷയ് കുമാറും ടൈഗർ ഷറോഫും പ്രധാന വേഷങ്ങളിലെത്തിയ ബഡേ മിയാൻ ഛോട്ടെ മിയാൻ എന്ന ചിത്രത്തിലാണ് പൃഥ്വിരാജ് ബോളിവുഡിൽ അവസാനമായി അഭിനയിച്ചത്. ദായ്‌റയുടെ ചിത്രീകരണം ഉടനെ തുടങ്ങും. 2012 ൽ പുറത്തിറങ്ങിയ അയ്യ എന്ന ചിത്രത്തിലൂടെയായിരുന്നു പൃഥ്വിരാജ് ബോളിവുഡിൽ അരങ്ങേറ്റം കുറിച്ചത്. റാണി മുഖർജിയായിരുന്നു ചിത്രത്തിലെ നായിക. മലയാളത്തിൽ എംപുരാൻ ആണ് പൃഥ്വിയുടേതായി പ്രേക്ഷകർ ആകാംക്ഷയോടെ കാത്തിരിക്കുന്ന ചിത്രം. ചിത്രത്തിന്റെ ചിത്രീകരണം പുരോഗമിക്കുകയാണിപ്പോൾ.
by Midhun HP News | Nov 2, 2024 | Latest News, ജില്ലാ വാർത്ത, സിനിമ
പണി സിനിമയ്ക്കെതിരെ വിമർശനാത്മകമായ റിവ്യൂ പങ്കുവെച്ച റിവ്യൂവറെ ഫോണിൽ വിളിച്ച് ഭീഷണിപ്പെടുത്തിയ സംഭവത്തിൽ പ്രതികരിച്ച് നടനും സംവിധായകനുമായ ജോജു ജോർജ്. ഇൻസ്റ്റഗ്രാം ലൈവിലൂടെയായിരുന്നു ജോജുവിന്റെ പ്രതികരണം. ഒരു സിനിമയുടെ സ്പോയിലറുകൾ പ്രചരിപ്പിക്കുന്നത് റിവ്യൂവേഴ്സ് ചെയ്യാറില്ല.
ചിത്രത്തിലെ പ്രധാനപ്പെട്ട കാര്യം പറഞ്ഞാണ് അദ്ദേഹം എഴുതിയിരിക്കുന്നത്. കരുതിക്കൂട്ടി ഇങ്ങനെ ചെയ്യുന്നതിൽ എനിക്ക് ദേഷ്യമുണ്ട്. ഇത് ഒരു വിനോദമാണെങ്കിലും ജീവിത പ്രശ്നം കൂടെയാണ്. നിയമപരമായി മുന്നോട്ട് പോവുകതന്നെ ചെയ്യുമെന്നും ജോജു വിഡിയോയിൽ വ്യക്തമാക്കി.
ജോജുവിന്റെ വാക്കുകൾ
വളരെ അത്യാവശ്യമുള്ള കാര്യം പറയാനുണ്ട്. അതിനാലാണ് രാത്രി തന്നെ ലൈവ് വന്നത്. ഞാൻ ഭീഷണിപ്പെടുത്തി എന്ന് പറഞ്ഞുകൊണ്ട് ഒരു ഫോൺകോൾ പ്രചരിക്കുന്നുണ്ട്. അത് ഞാൻ തന്നെ വിളിച്ചതാണ്. ദയവായി ഇപ്പോൾ പറയുന്ന കാര്യങ്ങൾ നല്ല അർഥത്തിൽ തന്നെ എടുക്കണം. ഒരുപാട് നെഗറ്റീവ് റിവ്യൂകൾ വന്നിട്ടുണ്ട്.
അവരെ ആരെയും ഞാൻ വിളിച്ചിട്ടില്ല. അതെല്ലാം അഭിപ്രായ സ്വാതന്ത്ര്യമാണ്. എന്നാൽ, ഈ വ്യക്തി ഒരു റിവ്യൂ കുറേ സ്ഥലത്ത് പങ്കുവെച്ചിട്ടുണ്ട്. പല ഗ്രൂപ്പുകളിലും റിവ്യൂ കോപ്പി പ്രചരിപ്പിച്ചു. കമന്റുകൾക്കടിയിൽ ഈ സിനിമ കാണരുത് എന്ന് എഴുതി. അഭിപ്രായ സ്വാതന്ത്ര്യമായി ബന്ധപ്പെട്ട വിഷയമല്ല ഞാൻ അദ്ദേഹത്തെ വിളിച്ച് സംസാരിച്ചത്. ഒരുപാട് സ്ഥലത്ത് ഒരേ റിവ്യൂ പങ്കുവയ്ക്കുന്നത് വ്യക്തമായ ഉദ്ദേശ്യത്തോടെയാണ്. ഒരു സിനിമയുടെ സ്പോയിലറുകൾ പ്രചരിപ്പിക്കുന്നത് റിവ്യൂവേഴ്സ് ചെയ്യാറില്ല.
ചിത്രത്തിലെ പ്രധാനപ്പെട്ട കാര്യം പറഞ്ഞാണ് അദ്ദേഹം എഴുതിയിരിക്കുന്നത്. കരുതിക്കൂട്ടി ഇങ്ങനെ ചെയ്യുന്നതിൽ എനിക്ക് ദേഷ്യമുണ്ട്. ഇത് ഒരു വിനോദമാണെങ്കിലും ജീവിത പ്രശ്നം കൂടെയാണ്. നിയമപരമായി മുന്നോട്ട് പോവുകതന്നെ ചെയ്യും. എനിക്ക് ഒരുപാട് ശത്രുക്കളുണ്ട്. എന്നെ ഇഷ്ടമില്ലാത്തവരും എന്നോട് താത്പര്യമില്ലാത്തവരും. ഇതെല്ലാം വ്യക്തിപരമായി കാണിക്കാവുന്നതാണ്.
‘നിനക്ക് ധൈര്യമുണ്ടോ എന്റെ മുന്നിൽ വരാൻ’; പണിക്കെതിരെ വിമർശനക്കുറിപ്പ്, റിവ്യൂവറെ ഫോണിൽ വിളിച്ച് ഭീഷണിപ്പെടുത്തി നടൻ ജോജു ജോർജ്
എന്നാൽ, സിനിമ എന്റേതുമാത്രമല്ല. ഇത് വളരെ വേദനാജനകമാണ്, കാരണം അത്രയും വർക്ക് ചെയ്തിട്ടുണ്ട്. ഞങ്ങളെ സംബന്ധിച്ച് ഞങ്ങളുടെ കൂടെയുള്ള എല്ലാവരും നൂറു ശതമാനം പണിയെടുത്തു എന്നേ പറയാൻ പറ്റുള്ളൂ.’, ജോജു പറഞ്ഞു.
by Midhun HP News | Oct 17, 2024 | Latest News, സിനിമ
തിരുവനന്തപുരം: പ്രേംനസീറിൻ്റെ ആദ്യ നായിക നെയ്യാറ്റിൻകര കോമളം അന്തരിച്ചു. പാറശ്ശാല സരസ്വതി ആശുപത്രിയിൽ വച്ചായിരുന്നു അന്ത്യം. കഴിഞ്ഞ കുറച്ച് നാളായി അസുഖ ബാധിതയായി ചികിത്സയിലായിരുന്നു.
മലയാള സിനിമയിലെ ആദ്യകാല നായികയായിരുന്നു കോമളം. പ്രേം നസീറിന്റെ ആദ്യ ചിത്രമായ മരുമകളിൽ കോമളം നായികയായി എത്തി. 1955ല്‍ പുറത്ത് വന്ന ന്യൂസ്പേപ്പര്‍ ബോയ് ശ്രദ്ധേയ ചിത്രം. ഇതിൽ കല്ല്യാണിയമ്മ എന്ന വേഷത്തിലായിരുന്നു കോമളം എത്തിയത്. ശേഷം വനമാല, ആത്മശാന്തി, സന്ദേഹി തുടങ്ങിയ സിനിമകളിലും അവർ അഭിനയിച്ചു.
by Midhun HP News | Oct 17, 2024 | Latest News, സിനിമ
തെലുങ്ക് സിനിമയില്‍ ഏറെ ആരാധകരുള്ള താരമാണ് അല്ലു അര്‍ജുന്‍. ആഗോള ശ്രദ്ധ നേടിയ ‘പുഷ്പ’ യുടെ റിലീസിന് പിന്നാലെ താരത്തിന്റെ ജനപ്രീതിയും കുതിച്ചുയര്‍ന്നിരുന്നു. ഇപ്പോഴിതാ ഉത്തര്‍പ്രദേശില്‍ നിന്നുള്ള ഒരു ആരാധകന് ഇഷ്ടതാരത്തെ കാണാന്‍ സൈക്കിളില്‍ 1600 കി.മീ യാത്ര ചെയ്ത് ഹൈദരാബാദിലെത്തിയ വാര്‍ത്ത സോഷ്യല്‍മീഡിയ ഏറ്റെടുത്തിരിക്കുകയാണ്.
തന്നെ കാണാന്‍ അലിഗഢില്‍ നിന്ന് 1,600 കിലോമീറ്ററിലധികം സഞ്ചരിച്ചെത്തിയ ആരാധകനെ അല്ലു അര്‍ജുന്‍ സ്വീകരിക്കുകയും ഏറെ നേരം സംസാരിക്കുകയും ചെയ്തു. സോഷ്യല്‍മീഡിയയിലൂടെ ആരാധകനെ കുറിച്ചറിഞ്ഞ താരം ആരാധകനെ നേരിട്ട് കാണണമെന്ന ആഗ്രഹം പ്രകടിപ്പിക്കുകയായിരുന്നു.
തന്നെ ഇഷ്ടപ്പെടുന്ന ആരാധകന്റെ സൈക്കിളിലേറിയുള്ള ഈ ദീര്‍ഘ യാത്രയെക്കുറിച്ച് അറിഞ്ഞപ്പോള്‍ അല്ലു അര്‍ജുന്‍ വികാരാധീനനായെന്ന് മാത്രമല്ല ആരാധകന് സുരക്ഷിതമായി വീട്ടിലേക്ക് മടങ്ങാന്‍ ഒരു വിമാന ടിക്കറ്റും വാഗ്ദാനം ചെയ്തു. കൂടാതെ ആരാധകന്റെ സൈക്കിള്‍ ബസില്‍ വീട്ടിലേക്ക് അയയ്ക്കാനും വേണ്ട സജ്ജീകരണങ്ങളും താരം ചെയ്തു.
അല്ലു അര്‍ജുനും ആരാധകനും തമ്മിലുള്ള കൂടിക്കാഴ്ചയുടെ ചിത്രങ്ങളും വിഡിയോയും സോഷ്യല്‍ മീഡിയയില്‍ വൈറലായിരിക്കുകയാണ്. തന്റെ പുതിയ ചിത്രമായ പുഷ്പ 2ന്റെ പ്രമോഷന്റെ ഭാഗമായി ഉത്തര്‍പ്രദേശ് സന്ദര്‍ശിക്കുമ്പോള്‍ അദ്ദേഹത്തെ വീണ്ടും കാണാമെന്ന ഉറപ്പുനല്‍കിയാണ് അല്ലു അര്‍ജുന്‍ ആരാധകനെ യാത്രയാക്കുകയുണ്ടായത്.
by Midhun HP News | Oct 10, 2024 | Latest News, സിനിമ
കാക്കിയണിഞ്ഞ് രജിനികാന്ത് എത്തിയപ്പോഴെല്ലാം അതൊരു പുതിയ അനുഭവമായിരുന്നു പ്രേക്ഷകർക്ക്. ഏറ്റവും ഒടുവിൽ അദ്ദേഹം പൊലീസായെത്തിയ വേട്ടയ്യനിലും ആ സ്വാഗ് പ്രേക്ഷകന് കാണാം. ഉശിരും മനസാക്ഷിയുമുള്ള വേട്ടയ്യനെന്ന വിളിപ്പേരുള്ള എസ്പി ആത്തിയൻ എന്ന കഥാപാത്രവും തലൈവരുടെ കൈയ്യിൽ ഭദ്രം. ഒരേസമയം മാസും ക്ലാസും പ്രേക്ഷകന് സമ്മാനിച്ചു കൊണ്ടാണ് വേട്ടയ്യന്റെ കുതിപ്പ്.
ഒരു കേസുമായി ബന്ധപ്പെട്ട് ആത്തിയൻ നടത്തുന്ന എൻകൗണ്ടറും തുടർന്നു നടക്കുന്ന സംഭവവികാസങ്ങളുമാണ് ചിത്രം പറയുന്നത്. നിയമത്തെ വെല്ലുവിളിച്ചു കൊണ്ട് നടത്തുന്ന പൊലീസ് എൻകൗണ്ടിങ് ശരിയോ, തെറ്റോ എന്ന ചോദ്യം പ്രേക്ഷകന് മുന്നിൽ വച്ചു കൊണ്ടാണ് സിനിമ തുടങ്ങുന്നത്. പൊലീസ് കഥകളും പൊലീസ് എൻകൗണ്ടർ കഥകളുമൊക്കെ ധാരാളം വന്നിട്ടുണ്ടെങ്കിലും ആ സിനിമകളിൽ നിന്നെല്ലാം വ്യത്യസ്തമാണ് ടി ജെ ജ്ഞാനവേലിന്റെ വേട്ടയ്യൻ.
സാമൂഹിക യാഥാര്‍ഥ്യങ്ങളെ വെള്ളിത്തിരയിലെത്തിച്ച് കൈയ്യടി നേടിയ ജ്ഞാനവേൽ, രജിനികാന്ത് ചിത്രം എങ്ങനെയായിരിക്കും ഒരുക്കിയിരിക്കുക എന്ന് കാണാനുള്ള ആകാംക്ഷ ഓരോ പ്രേക്ഷകനിലും ഉണ്ടായിരുന്നു. വേട്ടയ്യൻ ഒരു പക്കാ രജനി പടമാണോ എന്ന് ചോദിച്ചാൽ അല്ല എന്ന് തന്നെയാണ് ഉത്തരം. സംവിധായകന്റെ കൃത്യമായ അടയാളപ്പെടുത്തലുകൾ വേട്ടയ്യനിൽ നിറഞ്ഞു കാണാം. എന്നാൽ രജിനി ആരാധകരെ സംവിധായകൻ നിരാശപ്പെടുത്തിയിട്ടുമില്ല.
ജ്ഞാനവേൽ തന്നെയാണ് ചിത്രത്തിന് തിരക്കഥയൊരുക്കിയിരിക്കുന്നതും. കെട്ടുറപ്പുള്ള തിരക്കഥ തന്നെയാണ് വേട്ടയ്യനിൽ എടുത്തു പറയേണ്ട ഒന്ന്. സാധാരണക്കാരായ ജനങ്ങളുടെ അടിസ്ഥാനപരമായ കാര്യങ്ങളെ വരെ, കോർപ്പറേറ്റ് ഇടപെടലിലൂടെ കച്ചവടവത്കരിക്കുന്നതിനെ കൃത്യമായി തുറന്നു കാണിക്കുന്നുണ്ട് ചിത്രം. ചേരിയിൽ ജീവിക്കുന്നവരും വിദ്യാഭ്യാസമില്ലാത്തവരും മാത്രമാണ് കുറ്റം ചെയ്യുന്നതെന്ന മനോഭാവത്തിന് നേരെയുള്ള ഒരടി കൂടിയാണ് വേട്ടയ്യൻ.
വളരെ സ്ലോ മൂഡിലാണ് കഥ ആദ്യ പകുതിയിൽ മുന്നോട്ട് പോകുന്നത്. പതിയെ പതിയെ കഥ വികസിക്കുകയാണ്. പാട്ട്, ഫൈറ്റ് എല്ലാം ഉൾക്കൊള്ളിച്ച് തന്നെയാണ് ആദ്യ പകുതി മുന്നേറുന്നത്. അനിരുദ്ധ് രവിചന്ദർ ഒരുക്കിയിരിക്കുന്ന മനസിലായോ… എന്ന ഗാനം തിയറ്ററിൽ നൽകിയ ഓളം പറയാതെ വയ്യ. പ്രേക്ഷകരിൽ ആവേശം നിറയ്ക്കുന്ന ഒരു ഇൻട്രോ സീൻ തന്നെയാണ് രജനികാന്തിനായി സംവിധായകൻ ഒരുക്കിയതും.
രജനികാന്തിന്റെയും ബിഗ് ബിയുടെയും മത്സരിച്ചുള്ള പെർഫോമൻസ് തന്നെയാണ് വേട്ടയ്യന്റെ ഏറ്റവും വലിയ ഹൈലൈറ്റ്. അമിതാഭ് ബച്ചന്റെ സത്യദേവ് എന്ന കഥാപാത്രത്തിലൂടെയാണ് വേട്ടയ്യൻ തുടങ്ങുന്നത് തന്നെ. ഹം എന്ന ചിത്രത്തിന് ശേഷം നീണ്ട 33 വർഷങ്ങൾക്ക് ശേഷമാണ് രജനികാന്തും ബിഗ് ബിയും ഒന്നിക്കുന്നത്. അതുകൊണ്ട് തന്നെ പല തരത്തിലുള്ള ചോദ്യങ്ങളും പ്രേക്ഷക മനസിൽ ഉണ്ടാകും. എന്നാൽ വെറുമൊരു റീയൂണിയൻ അല്ല രജനിയുടെയും ബിഗ് ബിയുടെയുമെന്ന് സിനിമ മുന്നേറുന്തോറും പ്രേക്ഷകന് മനസിലാകും.
കഥയിൽ ഒരു നിർണായക ഗതി കൊണ്ടുവരുന്നത് തന്നെ ബിഗ് ബിയുടെ ഇടപെടലാണ്. മറ്റു സിനിമകളിലേതു പോലെ തന്നെ രജനിക്ക് കൃത്യമായ ഒരു സ്റ്റൈലും സംവിധായകൻ ഒരുക്കിയിട്ടുണ്ട്. സിനിമയിൽ പലയിടങ്ങളിലും ഈ രജനി സ്റ്റൈൽ പ്രേക്ഷകരെ ആവേശത്തിലാക്കും. മറ്റൊന്ന് ഫഹദ് ഫാസിലിന്റെ സാന്നിധ്യമാണ്. ഇതിനോടകം തന്നെ തമിഴ് സിനിമാ പ്രേക്ഷകർക്കിടയിൽ ഫഹദിന് വലിയൊരു ഫാൻ ബേസ് തന്നെയുണ്ട്. അത് വേട്ടയ്യനിലൂടെ ഇരട്ടിയാകുമെന്ന കാര്യം ഉറപ്പാണ്.
ബാറ്ററി എന്ന അപരനാമത്തിലെത്തുന്ന പാട്രിക് എന്ന ഫഹദിന്റെ കഥാപാത്രം വേട്ടയ്യന്റെ നെടുംതൂണുകളിൽ ഒന്നാണ്. ബാറ്ററി എന്ന പേര് പോലെ തന്നെ ഫഹദിന്റെ കഥാപാത്രം നൽകിയ എനർജിയും വളരെ വലുതാണ്. രജനികാന്തിനൊപ്പമുള്ള ഫഫയുടെ കോമ്പിനേഷൻ രംഗങ്ങളെല്ലാം പ്രേക്ഷക മനം കവർന്നു. ബാറ്ററി എന്ന കഥാപാത്രത്തിലേക്ക് ഫഹദല്ലാതെ മറ്റൊരു നടനെ ചിന്തിക്കാൻ പോലും നമ്മുക്കാകില്ല. കിടിലൻ ഡയലോഗുകളും മാസ് സീനുകളുമെല്ലാമുണ്ട് ചിത്രത്തിൽ ഫഹദിന്. നടരാജ് എന്ന വില്ലനായെത്തിയ റാണ ദഗുപതിയും കൈയ്യടി നേടി.
സ്ത്രീ കഥാപാത്രങ്ങൾക്കും കൃത്യമായ സ്പെയ്സ് നൽകിയാണ് വേട്ടയ്യൻ ഒരുക്കിയിരിക്കുന്നത്. ദുഷാര വിജയൻ അവതരിപ്പിക്കുന്ന ശരണ്യ എന്ന കഥാപാത്രത്തിലൂടെയാണ് വേട്ടയ്യൻ വികസിക്കുന്നത്. നായകന്റെ നിഴലായി മാത്രം നിൽക്കുന്ന ഒരു നായികയാണോ മഞ്ജു വാര്യർ അവതരിപ്പിക്കുന്ന താര എന്ന കഥാപാത്രം എന്ന് ആദ്യം തോന്നുമെങ്കിലും അവിടെയും ചെറിയൊരു ട്വിസ്റ്റ് സംവിധായകൻ ഒരുക്കിയിട്ടുണ്ട്.
മനസിലായോ എന്ന പാട്ടിൽ മഞ്ജു വാര്യർ ആദ്യാവസാനം വരെ തകർത്താടുകയായിരുന്നു. പൊലീസ് വേഷത്തിലെത്തിയ റിതിക സിങും തന്റെ ഭാഗം മികച്ചതാക്കി. ആക്ഷൻ രംഗങ്ങളിലും റിതിക തിളങ്ങി. ഫഹദിനെയും മഞ്ജുവിനെയും കൂടാതെ മലയാളത്തിൽ നിന്ന് സാബു മോൻ, അലൻസിയർ, രമ്യ സുരേഷ്, വഴക്ക് എന്ന സിനിമയിലൂടെ ബാലതാരത്തിനുള്ള സംസ്ഥാന പുരസ്കാരം നേടിയ തന്മയ സോൾ എന്നിവരും ചിത്രത്തിലെത്തുന്നുണ്ട്. ചെറിയ റോളുകളിലെ സ്ക്രീനിൽ എത്തുന്നുള്ളൂവെങ്കിലും പ്രേക്ഷക ശ്രദ്ധ നേടാൻ ഈ താരങ്ങൾക്കായി.
അനിരുദ്ധിന്റെ പശ്ചാത്തല സംഗീതമാണ് വേട്ടയ്യന്റെ മറ്റൊരു പോസിറ്റീവ്. മാസ് വേണ്ടിടത്ത് മാസും ഇമോഷൻ വേണ്ടിടത്ത് ഇമോഷനുമെല്ലാം കൃത്യമായി അനിരുദ്ധ് ചെയ്ത് വച്ചിട്ടുണ്ട്. മാത്രമല്ല മനസിലായോ എന്ന പാട്ടിൽ അനിരുദ്ധ് സിനിമയിൽ മുഖം കാണിച്ചിട്ടുമുണ്ട്. എസ് ആർ കതിറിന്റെ ഛായാഗ്രഹണമാണ് എടുത്തുപറയേണ്ട മറ്റൊന്ന്. വേട്ടയ്യന്റെ ഓരോ ഫ്രെയിമും പ്രേക്ഷകരിലേക്ക് മനോഹരമായി തന്നെ കതിർ എത്തിച്ചിട്ടുണ്ട്.
ചിത്രത്തിന്റെ ക്ലൈമാക്സും എടുത്തു പറയേണ്ടതാണ്. സാധാരണ കാണുന്ന ഒരു മാസ് പടം പോലെ അല്ല വേട്ടയ്യന്റെ ക്ലൈമാക്സ്. മാസ് രംഗങ്ങൾ ഒന്നുമില്ലാതെ സംവിധായകന്റെ കൈയ്യൊപ്പ് ചാർത്തിയാണ് ക്ലൈമാക്സ് ഒരുക്കിയിരിക്കുന്നത്. പൊലീസ് വേട്ടക്കാരനല്ല സംരക്ഷകരാണ് എന്നും വേട്ടയ്യൻ പറഞ്ഞു വയ്ക്കുന്നു.
വേട്ടയ്യന് മുൻപ് രജനി ചെയ്ത ചില സിനിമകളെ അനുസ്മരിപ്പിക്കുന്ന സീനുകളുണ്ട് ചിത്രത്തിൽ. അത് തന്നെയാണ് ചിത്രത്തിന്റെ പോരായ്മയായി തോന്നിയതും, കാരണം ചില രംഗങ്ങളിലെ രജനിയുടെ വരവ് തന്നെ അദ്ദേഹത്തിന്റെ തന്നെ മറ്റു സിനിമകളിലേക്ക് ഡയറക്ടായി പ്രേക്ഷകനെ കണക്ട് ചെയ്യിപ്പിക്കുന്നുണ്ട്. തലൈവരുടെ മാസും ക്ലാസും തിയറ്ററിൽ എക്സ്പീരിയൻസ് ചെയ്യാൻ പറ്റിയ സിനിമകളിലൊന്ന് തന്നെയാണ് വേട്ടയ്യനും.
by Midhun HP News | Oct 8, 2024 | Latest News, സിനിമ
വീണ്ടും സംവിധായക കുപ്പായമണിഞ്ഞ് നടി രേവതി. ഒരിടവേളക്ക് ശേഷമാണ് രേവതി വീണ്ടും സംവിധായകയാവുന്നത്. രേവതി തന്നെയാണ് തന്റെ പുതിയ സംവിധാന സംരംഭം ഒരുങ്ങുന്നതായി സോഷ്യൽ മീഡിയ വഴി പ്രഖ്യാപിച്ചത്. ചിത്രത്തിലെ അണിയറ പ്രവർത്തകർ ആരൊക്കെയാണെന്നത് പ്രഖ്യാപിച്ചിട്ടില്ല.
കഴിഞ്ഞ ദിവസമാണ് തമിഴിൽ ഒരുങ്ങുന്ന സീരിസിന്റെ ചിത്രീകരണം ആരംഭിച്ചത്. ഹോട്ട് സ്റ്റാറിന് വേണ്ടി ഒരുങ്ങുന്ന സീരിസാണ് രേവതി ഇത്തവണ സംവിധാനം ചെയ്യുന്നത്. സംവിധായകൻ സിദ്ധാർത്ഥ് രാമസാമിയാണ് സീരിസിന്റെ സഹസംവിധായകൻ.
2022 ൽ കജോളും വിശാൽ ജേത്വയും അഭിനയിച്ച സലാം വെങ്കിയാണ് രേവതി സംവിധാനം ചെയ്ത് റിലീസ് ചെയ്ത അവസാന ചിത്രം. 2002 ലാണ് രേവതി സംവിധാന രംഗത്തേക്ക് എത്തുന്നത്. ശോഭനയെ നായികയാക്കി ഒരുക്കിയ മൈത്രി, മൈ ഫ്രണ്ട് എന്ന ഇംഗ്ലീഷ് ചിത്രമായിരുന്നു ആദ്യ ചിത്രം.
Recent Comments