by Midhun HP News | Oct 3, 2026 | Latest News, കായികം
നിഷിൻ: ഏഷ്യൻ ഗെയിംസ് ക്രിക്കറ്റ് ഫൈനലിൽ പാകിസ്താനെതിരേ 212 റൺസ് വിജയലക്ഷ്യമുയർത്തി ഇന്ത്യ. ആദ്യം ബാറ്റുചെയ്ത ഇന്ത്യ നിശ്ചിത 20 ഓവറിൽ ആറു വിക്കറ്റ് നഷ്ടത്തിൽ 211 റൺസെടുത്തു. അഭിഷേക് ശർമയുടെയും തിലക് വർമയുടെയും വെടിക്കെട്ട് പ്രകടനമാണ് ഇന്ത്യയ്ക്ക് കരുത്തായത്. 20 പന്തിൽ ഫിഫ്റ്റി തികച്ച അഭിഷേക് ശർമ ഇന്ത്യയ്ക്ക് മികച്ച തുടക്കം സമ്മാനിച്ചു. അവസാനഓവറുകളിൽ തിലക് വർമ, ശിവം ദുബെ എന്നിവരുടെ ഇന്നിങ്സുകൾ ഇന്ത്യയെ 200 കടത്തി.
പാകിസ്താനെതിരേ വെടിക്കെട്ട് തുടക്കമായിരുന്നു ഇന്ത്യയുടെത്. അഭിഷേക് ശർമ കത്തിക്കയറിയതോടെ പവർപ്ലേയിൽ ഇന്ത്യ മികച്ച സ്കോർ സ്വന്തമാക്കി. ഓപ്പണർ വൈഭവ് സൂര്യവംശി ഒൻപത് പന്തിൽ നിന്ന് 15 റൺസെടുത്ത് മടങ്ങി. രണ്ട് സിക്‌സറടങ്ങുന്നതായിരുന്നു ഇന്നിങ്സ്. വൺഡൗണായി ഇറങ്ങിയ സഞ്ജു സാംസൺ നിരാശപ്പെടുത്തി. താരം നാലുപന്തിൽ നിന്ന് വെറും രണ്ട് റൺസ് മാത്രമെടുത്തു. എന്നാൽ അഭിഷേക് ശർമയാണ് ഇന്ത്യൻ സ്കോർ മുന്നോട്ടുകൊണ്ടുപോയത്. പാകിസ്താൻ ബൗളർമാരെ തകർത്തടിച്ച അഭിഷേക് പവർപ്ലേയിൽ ഇന്ത്യയെ 80 കടത്തി.
20 പന്തിൽ നിന്ന് ഫിഫ്റ്റിയുമായി അഭിഷേക് തിളങ്ങി. എന്നാൽ എട്ടാം ഓവറിൽ അഭിഷേക് പുറത്തായത് ഇന്ത്യക്ക് തിരിച്ചടിയായി. 28 പന്തിൽ 61 റൺസെടുത്താണ് താരം മടങ്ങിയത്. മൂന്ന് ഫോറുകളും ഏഴ് സിക്‌സറുമടങ്ങുന്നതായിരുന്നു ഇന്നിങ്സ്. നാലാം വിക്കറ്റിൽ ക്യാപ്റ്റൻ ശ്രേയസ് അയ്യരും ഇഷാൻ കിഷനും ടീമിനെ നൂറുകടത്തി. പത്തോവർ അവസാനിക്കുമ്പോൾ 114-3 എന്ന നിലയിലായിരുന്നു ഇന്ത്യ.
അഭിഷേകിന്റെ മടക്കം ഇന്ത്യയുടെ റണ്ണൊഴുക്കിനെ ബാധിച്ചു. ഇഷാൻ കിഷനും(20) അയ്യരും(21) പിന്നാലെ മടങ്ങി. അതോടെ 14.1 ഓവറിൽ അഞ്ചുവിക്കറ്റ് നഷ്ടത്തിൽ 133 റൺസെന്ന നിലയിലേക്ക് ഇന്ത്യ വീണു. പിന്നീട് തിലക് വർമയും ശിവം ദുബെയും ഇന്ത്യയെ 150 കടത്തി. അവസാനഓവറുകളിൽ തിലക് വർമയും ദുബെയും അടിച്ചുകളിച്ചതോടെ ഇന്ത്യ മികച്ച സ്‌കോറിലേക്ക് കുതിച്ചു. 18-ാം ഓവറിൽ 18 റൺസും 19-ാം ഓവറിൽ 23 റൺസും പിറന്നു. ഒടുക്കം റൺസിന് ഇന്ത്യൻ ഇന്നിങ്സ് അവസാനിച്ചു. ശിവം ദുബെ 15 പന്തിൽ നിന്ന് 27 റൺസെടുത്തപ്പോൾ തിലക് വർമ22 പന്തിൽ 51 റൺസെടുത്തു.
by Midhun HP News | Sep 30, 2026 | Latest News, കായികം
ഒകാസകി : ഏഷ്യന്‍ ഗെയിംസില്‍ ഇന്ത്യ വീണ്ടും സ്വര്‍ണം നേടി. വനിതാ അമ്പെയ്ത്ത് കോംപൗണ്ട് ടീം ഇനത്തിലാണ് ഇന്ത്യ സ്വര്‍ണം നേടിയത്. ഫൈനലില്‍ ചൈനയെ പിന്തള്ളിയാണ് ഇന്ത്യയുടെ സുവര്‍ണനേട്ടം.
ഫൈനലില്‍ 238-234 എന്ന സ്‌കോറിനാണ് ചൈനയെ തകര്‍ത്തത്. ചികിത തനിപാര്‍ത്തി, പ്രിതിക പ്രദീപ്, ജ്യോതി സുരേഖ വെന്നം എന്നിവരടങ്ങുന്ന സംഘമാണ് സ്വര്‍ണം എയ്തിട്ടത്. ലോകറെക്കോര്‍ഡിനൊപ്പമെത്തിയാണ് ഇന്ത്യ സ്വര്‍ണം നേടിയത്.
ദക്ഷിണ കൊറിയയുടെ ലോകറെക്കോര്‍ഡിനൊപ്പമാണ് ഇന്ത്യ എത്തിയത്. ഏഷ്യന്‍ ഗെയിംസില്‍ ഇന്ത്യയുടെ ഏഴാം സ്വര്‍ണമാണിത്. ഇതോടെ മെഡൽ പട്ടികയിൽ ഇന്ത്യ ആദ്യ പത്തിൽ ഇടംപിടിച്ചു. വനിതാ ടീം സ്ക്വാഷ് ഇനത്തിൽ, തൻവി ഖന്നയും അനഹത് സിങ് സഖ്യം സെമിഫൈനലിലേക്ക് യോഗ്യത നേടി. ഇതോടെ ഇന്ത്യക്കായി മറ്റൊരു മെഡൽ കൂടി ഉറപ്പായിട്ടുണ്ട്. ഹോക്കിയിൽ, ഫൈനൽ ഉറപ്പിക്കാനായി ഇന്ത്യൻ വനിതാ ടീം ദക്ഷിണ കൊറിയയെ നേരിടും. ജൂഡോ താരം അസ്മിത ദേവും ഇന്ന് മത്സരരംഗത്തുണ്ട്.
by Midhun HP News | Sep 27, 2026 | Latest News, കായികം
നഗോയ: ഏഷ്യന്‍ ഗെയിംസ് പുരുഷ ഹൈ ജംപില്‍ ഇന്ത്യക്ക് വെള്ളി. ഇന്ത്യയുടെ സര്‍വേശ് കുശാരെയാണ് നേട്ടം സമ്മാനിച്ചത്. 2.25 മീറ്റര്‍ താണ്ടിയാണ് സര്‍വേശ് വെള്ളിയില്‍ എത്തിയത്. 2.25 താണ്ടി ചൈനീസ് തായ്‌പേയ് താരം ഫു ചോ ഹസ്വാനാണ് സ്വര്‍ണം സ്വന്തമാക്കിയത്. ദക്ഷിണ കൊറിയയുടെ വു സംഗ്യോക്കിനാണ് വെങ്കലം.
2 വെങ്കലം കൂടി
ഏഷ്യന്‍ ഗെയിംസ് ഡെക്കാത്‌ലണില്‍ വെങ്കലം നേടി ഇന്ത്യ. പിന്നാലെ വനിതകളുടെ 3000 മീറ്റര്‍ സ്റ്റീപ്പിള്‍ ചെയ്‌സിലും ഇന്ത്യ വെങ്കലം സ്വന്തമാക്കി. ഇന്ത്യയുടെ തേജസ്വിന്‍ ശങ്കറാണ് ഡെക്കാത്‌ലണില്‍ വെങ്കലം നേടിയത്. പരുള്‍ ചൗധരിയാണ് സ്റ്റീപ്പിള്‍ ചെയ്‌സില്‍ വെങ്കലം സമ്മാനിച്ചത്.
7,934 പോയിന്റുകള്‍ നേടിയാണ് തേജസ്വിന്‍ മൂന്നാം സ്ഥാനത്ത് ഫിനിഷ് ചെയ്തത്. ജപ്പാന്‍ താരം യുമ മരുയമയ്ക്കാണ് സ്വര്‍ണം. ചൈനയുടെ ചെന്‍ സിനുവയ്ക്കാണ് വെള്ളി.
9:08.67 സമയത്തില്‍ ഫിനിഷ് ചെയ്താണ് പരുളിന്റെ വെങ്കലം. ബഹ്‌റൈന്‍ താരം വിന്‍ഫ്രെഡ് യവിയാണ് സ്വര്‍ണം നേടിയത്. കസാഖിസ്ഥാന്റെ നോറ ജെറുതോ തനുയിക്കാണ് വെള്ളി.
ഇന്ത്യയുടെ ആകെ മെഡല്‍ നേട്ടം 37ല്‍ എത്തി. 4 സ്വര്‍ണം 16 വെള്ളി 17 വെങ്കലം മെഡലുകളാണ് നിലവില്‍ ഇന്ത്യയ്ക്കുള്ളത്. ആന്‍സിക്ക് വെള്ളി
വനിതാ ലോങ് ജംപില്‍ ഇന്ത്യയുടെ മലയാളി താരം ആന്‍സി സോജന് നേരിയ വ്യത്യാസത്തില്‍ സ്വര്‍ണം. തുടരെ രണ്ടാം ഏഷ്യന്‍ ഗെയിംസിലും താരം വെള്ളി കൊണ്ട് തൃപ്തിപ്പെട്ടു. ഒന്നാം ശ്രമത്തില്‍ 6.49 മീറ്റര്‍ താണ്ടിയും അഞ്ചാം ശ്രമത്തില്‍ 6.53 മീറ്റര്‍ താണ്ടിയും ആന്‍സി മുന്നില്‍ നിന്നിരുന്നു. എന്നാല്‍ ആറാം ശ്രമത്തില്‍ ചൈനയുടെ ഹ്വങ് യിങ്യിങ് 6.55 മീറ്റര്‍ താണ്ടി സ്വര്‍ണം പിടിച്ചെടുക്കുകയായിരുന്നു.
കഴിഞ്ഞ ഏഷ്യന്‍ ഗെയിംസില്‍ വെള്ളി നേടിയ താരം ഇത്തവണ അത് സുവര്‍ണ നേട്ടമാക്കി മാറ്റാനുള്ള ശ്രമത്തിലായിരുന്നു. എന്നാല്‍ നേരിയ വ്യത്യാസത്തില്‍ താരത്തിന് പോഡിയം ഫിനിഷ് നഷ്ടമായി.
200 മീറ്ററില്‍ വെങ്കലം
വനിതകളുടെ 200 മീറ്ററില്‍ ഇന്ത്യക്ക് വെങ്കലം. ഇന്ത്യയുടെ ഹരിത ഭദ്രയാണ് മെഡല്‍ സമ്മാനിച്ചത്. താരം 23.20 സെക്കന്‍ഡില്‍ ഫിനിഷ് ചെയ്താണ് മൂന്നാമതെത്തി മെഡലുറപ്പിച്ചത്. സിങ്കപ്പുരിന്റെ ശാന്തി പെരേരയ്ക്കാണ് സ്വര്‍ണം. ചൈനയുടെ ചെന്‍ യുജിക്കാണ് വെള്ളി.
by Midhun HP News | Sep 26, 2026 | Latest News, കായികം, ജില്ലാ വാർത്ത
നഗോയ: ഏഷ്യന്‍ ഗെയിംസ് പുരുഷ, വനിതാ സ്ക്വാഷ് സിംഗിള്‍സില്‍ സ്വര്‍ണം, വെള്ളി മഡലുകളില്‍ ഒന്നുറപ്പിച്ച് ഇന്ത്യ. വനിതാ വിഭാഗത്തില്‍ ഇന്ത്യയുടെ അനാഹത് സിങും പുരുഷ വിഭാഗത്തില്‍ അഭയ് സിങും ഫൈനലിലേക്ക് മുന്നേറി. അനാഹത് അതിഥേയ താരമായ സതോമി വതനബെയേയും അഭയ് പാകിസ്ഥാന്‍ താരം മുഹമ്മദ് ഇര്‍ഫാനേയും സെമിയില്‍ വീഴ്ത്തിയാണ് ഫൈനലിലേക്ക് കുതിച്ചത്.
വനിതാ പോരാട്ടത്തില്‍ മിന്നും തിരിച്ചുവരവാണ് അനാഹത് നടത്തിയത്. ആദ്യ രണ്ട് സെറ്റുകളും നഷ്ടമായ താരം പിന്നീടുള്ള രണ്ട് സെറ്റുകള്‍ പിടിച്ച് അവിശ്വസനീയ സമനില സ്വന്തമാക്കി. അഞ്ചാം സെറ്റില്‍ ഇന്ത്യന്‍ താരം ജപ്പാന്‍ താരത്തിനു ഒരവസരവും നല്‍കിയതുമില്ല. തീര്‍ത്തും ഏകപക്ഷീയമായ മുന്നേറ്റമാണ് അവസാന സെറ്റില്‍ അനാഹത് നടത്തിയത്. സ്‌കോര്‍: 9-11, 11-13, 12-10, 11-6, 11-3.
അഭയ് സിങും പാകിസ്ഥാന്റെ മുഹമ്മദ് ഇർഫാനും തമ്മിലുള്ള പോരാട്ടം തീർത്തും ഏകപക്ഷീയമായിരുന്നു. പാക് താരത്തിനു ഒരു പഴുതും നല്‍കാതെ അതിവേഗമാണ് അഭയ് മത്സരം പിടിച്ചെടുത്തത്. രണ്ടാം സെറ്റില്‍ മാത്രമാണ് മുഹമ്മദ് ഇര്‍ഫാന് ചെറിയ വെല്ലുവിളി ഉയര്‍ത്താന്‍ സാധിച്ചത്. സ്‌കോര്‍: 11-3, 12-10, 11-6.
by Midhun HP News | Sep 26, 2026 | Latest News, കായികം, ജില്ലാ വാർത്ത
നഗോയ: ഏഷ്യന്‍ ഗെയിംസ് വനിതാ കബഡി സ്വര്‍ണം നിലനിര്‍ത്തി ഇന്ത്യ. ഫൈനലില്‍ കടുത്ത പോരാട്ടത്തില്‍ ഇറാനെ 37-34 എന്ന സ്‌കോറിന് ഇന്ത്യന്‍ വനിതകള്‍ വീഴ്ത്തി. ഗെയിംസില്‍ ഇന്ത്യയുടെ മൂന്നാം സ്വര്‍ണമാണിത്. നിലവില്‍ ഇന്ത്യയുടെ മെഡല്‍ നേട്ടം 27ല്‍ എത്തി. 3 സ്വര്‍ണം, 11 വെള്ളി, 13 വെങ്കലം മെഡലുകളാണ് ഇന്ത്യക്കുള്ളത്. 12ാം സ്ഥാനത്താണ് ഇന്ത്യ.
മത്സരത്തിന്റെ ആദ്യ പകുതിയില്‍ തന്നെ ഇന്ത്യന്‍ ആധിപത്യം വ്യക്തമായിരുന്നു. ആദ്യ പകുതിയുടെ അവസാന ഘട്ടത്തില്‍ ഇറാന്‍ തിരിച്ചടിച്ചത് മത്സരത്തിന്റെ ആവേശം കൂട്ടി. 23- 19 എന്ന സ്‌കോറിലാണ് ആദ്യ പകുതി അവസാനിച്ചത്.
ആദ്യ പകുതിയില്‍ സഞ്ജു ദേവിയുടെ മികവാണ് ഇന്ത്യക്ക് കരുത്തായത്. താരം റെയ്ഡില്‍ നിരവധി പോയിന്റുകളാണ് ഇന്ത്യക്ക് സമ്മാനിച്ചത്. രണ്ടാം പകുതിയില്‍ നിഖിത, പൂജ എന്നിവരുടെ മികവും ഇന്ത്യയെ തുണച്ചു.
by Midhun HP News | Sep 26, 2026 | Latest News, കായികം
ടോക്കിയോ: ഏഷ്യന്‍ ഗെയിംസില്‍ മലയാളി താരം വിദര്‍ശ വിനോദിന് വീണ്ടും മെഡല്‍. വനിതകളുടെ 50 മീറ്റര്‍ റൈഫിള്‍ 3 പൊസിഷന്‍സ് ഇനത്തില്‍ തിലോത്തമ സെന്‍, വിദര്‍ശ വിനോദ്, ആഷി ചൗക്‌സി എന്നിവരടങ്ങിയ ടീമാണ് വെള്ളി നേടിയത്.
1,773 പോയിന്റോടെ ഗെയിംസ് റെക്കോര്‍ഡ് തുല്യമാക്കിയ ചൈന സ്വര്‍ണം നേടിയപ്പോള്‍, 1,763 പോയിന്റോടെയാണ് ഇന്ത്യന്‍ സംഘം വെള്ളിമെഡല്‍ ഉറപ്പിച്ചത്. ഷൂട്ടിങ്ങില്‍ വ്യക്തിഗത ഇനത്തില്‍ തിലോത്തമയും വിദര്‍ശയും യഥാക്രമം മൂന്നും ആറും സ്ഥാനങ്ങള്‍ നേടി ഫൈനലിലെത്തി. ടീമിനൊപ്പം മെഡല്‍ നേട്ടത്തില്‍ പങ്കാളിയായെങ്കിലും, വ്യക്തിഗത ഫൈനലില്‍ ഇടംപിടിക്കാന്‍ ആഷിക്ക് സാധിച്ചില്ല.
ഗെയിംസില്‍ വിദര്‍ശ രണ്ടാം മെഡലാണ് നേടിയത്. നേരത്തെ ഷൂട്ടിങ്ങില്‍ മെഡല്‍ നേടുന്ന ആദ്യ മലയാളിയെന്ന നേട്ടം വിദര്‍ശ സ്വന്തമാക്കിയിരുന്നു. 10 മീറ്റര്‍ എയര്‍ റൈഫിള്‍ ടീം ഇനത്തിലാണ് വിദര്‍ശയ്ക്ക് വെള്ളി മെഡല്‍ ലഭിച്ചത്. കോഴിക്കോട് തിരുവമ്പാടി സ്വദേശി ആണ് വിദര്‍ശ.
Recent Comments