by liji HP News | Mar 7, 2024 | Latest News, ദേശീയ വാർത്ത
ദുബായ്: സ്വകാര്യ മേഖലയിലെ കമ്പനികളിലെ ജീവനക്കാരുടെ താമസ നടപടിക്രമങ്ങളും വര്ക്ക് പെര്മിറ്റുകളും സുഗമമാക്കുന്നതിന് ‘വര്ക്ക് ബണ്ടില്’ പദ്ധതി ആരംഭിച്ച് യുഎഇ സര്ക്കാര്.
എട്ട് സേവനങ്ങള് ഒരു പ്ലാറ്റ്ഫോമിലേക്ക് സംയോജിപ്പിക്കുന്ന പദ്ധതിയാണിത്. പദ്ധതിയുടെ ആദ്യഘട്ടം ദുബായില് നടപ്പാക്കുകയും ക്രമേണ മറ്റ് എമിറേറ്റുകളെ ഉള്പ്പെടുത്തി വിപുലീകരിക്കുകയും ചെയ്യും. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂമാണ് പദ്ധതി പ്രഖ്യാപിച്ചത്.
സര്ക്കാര് ചട്ടക്കൂടുകള്ക്കുള്ളില് റെസിഡന്സികളും തൊഴില് കരാറുകളും പുതുക്കുന്നതിന് മുമ്പ് നീക്കിവച്ചിരുന്ന 62 ദശലക്ഷം പ്രവൃത്തിദിനങ്ങള് വീണ്ടെടുക്കാന് എംപ്ലോയ്മെന്റ് പാക്കേജ് സജ്ജമാണെന്ന് അദ്ദേഹം പറഞ്ഞു. പദ്ധതി പ്രതിവര്ഷം 25 ദശലക്ഷം നടപടിക്രമങ്ങള് വെട്ടിക്കുറയ്ക്കുകയും അതുവഴി സര്ക്കാര്, സ്വകാര്യ മേഖലകള്ക്ക് ഗണ്യമായ ലാഭം നല്കുകയും ചെയ്യുമെന്ന് പ്രതീക്ഷിക്കുന്നു.
by liji HP News | Mar 7, 2024 | Latest News, കേരളം
കൊച്ചി: നാളെ ( വെള്ളിയാഴ്ച) മുതല് മൂന്ന് ദിവസം ബാങ്ക് അവധി. ശിവരാത്രി പ്രമാണിച്ചാണ് നാളെ ബാങ്ക് പ്രവര്ത്തിക്കാത്തത്. മാര്ച്ച് 9 രണ്ടാം ശനിയാഴ്ചയാണ്. തുടര്ച്ചയായി മൂന്ന് ദിവസം ബാങ്ക് പ്രവര്ത്തിക്കാത്തത് കാരണം ഇടപാടുകള് നടത്തേണ്ടവര് ഇന്ന് തന്നെ ചെയ്യണം. എന്നാല് ഓണ്ലൈന് ഇടപാടിന് അവധികള് തടസ്സമല്ല.
സംസ്ഥാനത്ത് ഈ മാസം 9 ദിവസമാണ് ബാങ്കുകള്ക്ക് അവധിയുള്ളത്. ഞായറാഴ്ചകളിലും രണ്ടാമത്തെ ശനിയാഴ്ചയും നാലാമത്തെ ശനിയാഴ്ചയും ശിവരാത്രിയും ദുഃഖ വെള്ളിയാഴ്ചയും അടക്കമാണ് അവധി.
മാര്ച്ച് മാസത്തില് രാജ്യത്ത് മൊത്തം 14 ദിവസമാണ് ബാങ്കുകള്ക്ക് അവധിയുള്ളത്. പ്രാദേശിക, ദേശീയ അവധികള് അടക്കമാണിത്. സംസ്ഥാനാടിസ്ഥാനത്തില് ബാങ്കുകളുടെ അവധി ദിനത്തില് വ്യത്യാസമുണ്ടാകും. അവധി സമയത്തും ഓണ്ലൈന് ഇടപാടുകള് നടത്താന് സാധിക്കുമെന്നത് ഇടപാടുകാര്ക്ക് ആശ്വാസമാണ്. റിസര്വ് ബാങ്ക് ഓഫ് ഇന്ത്യ പുറത്തിറക്കുന്ന ഹോളിഡേ കലണ്ടര് അനുസരിച്ചാണ് മാര്ച്ചില് മൊത്തം 14 അവധികള് വരുന്നത്.
കേരളത്തിലെ ബാങ്കുകളിലെ അവധി ദിവസങ്ങള്
മാര്ച്ച് 8: മഹാശിവരാത്രി
മാര്ച്ച് 9: രണ്ടാം ശനിയാഴ്ച
മാര്ച്ച് 10: ഞായറാഴ്ച
മാര്ച്ച് 17: ഞായറാഴ്ച
മാര്ച്ച് 23: നാലാം ശനിയാഴ്ച
മാര്ച്ച് 24: ഞായറാഴ്ച
മാര്ച്ച് 29: ദുഃഖവെള്ളി
മാര്ച്ച് 31: ഞായറാഴ്ച
by liji HP News | Mar 7, 2024 | Latest News, കേരളം
സംസ്ഥാന സർക്കാരിന്റെ ഈ വർഷത്തെ മികച്ച ഡോക്യുമെന്ററി സംവിധായകനുള്ള പുരസ്കാരം മണിലാലിന്. സംവിധായകനും ചെമ്മീൻ തുടങ്ങിയ ശ്രദ്ധേയമായ സിനിമകളിൽ സഹസംവിധായകനുമായി പ്രവർത്തിച്ച ടി.കെ. വാസുദേവന്റെ സിനിമാ കാലമാണ് ബ്ലാക്ക് ആൻഡ് വൈറ്റ് എന്ന സിനിമയിലൂടെ ദൃശ്യവത്കരിച്ചത്. അറുപതുകളിലെ സിനിമാ കാലം സംഗീതാത്മകമായിട്ടാണ് സിനിമയിൽ അവതരിപ്പിക്കുന്നത്.
ഫെഡറേഷൻ ഓഫ് ഫിലിം സൊസൈറ്റീസ് ഓഫ് ഇന്ത്യ നടത്തിയ സൈൻസ് ഫിലിം ഫെസ്റ്റിവലിലും ബ്ലാക്ക് ആൻഡ് വൈറ്റ് മികച്ച ഡോക്യുമെന്ററിയായി തിരഞ്ഞെടുത്തിരുന്നു. സതി ബാബുവും രതി പതിശ്ശേരിയുമാണ് നിർമാണം. മണിലാൽ ഛായാഗ്രഹണവും സുരേഷ് നാരായണൻ എഡിറ്റിങും ടി. കൃഷ്ണനുണ്ണി ശബ്ദമിശ്രണവും അർജുൻ, ജോഫി എന്നിവർ സംഗീതവും നിർവഹിച്ചു.
by liji HP News | Mar 7, 2024 | Latest News, ജില്ലാ വാർത്ത
പദ്മജയുടെ ബി ജെ പി പ്രവേശം ദൗർഭാഗ്യകരമെന്ന് കെ മുരളീധരൻ. പദ്മജയ്ക്ക് കോൺഗ്രസ് കൊടുത്തത് മുന്തിയ പരിഗണന. പദ്മജയ്ക്ക് പാർട്ടി നല്കിയത് ഉറച്ച വിജയ സാധ്യതയുള്ള സീറ്റുകൾ. ചില വ്യക്തികൾ കാലുവാരിയാൽ തോല്ക്കുമോയെന്നും മുരളീധരൻ.
പദ്മജയെ വളർത്തി വലുതാക്കിയെടുത്തത് കോൺഗ്രസ് പാർട്ടിയാണ്. പദ്മജ ചേർന്നത് കൊണ്ട് ബി ജെ പിക്ക് കാൽ കാശിനുള്ള ഗുണമുണ്ടാകില്ല. 20 സീറ്റിലും വിജയിക്കാൻ പാർട്ടി തീവ്ര ശ്രമം നടത്തുമ്പോഴാണ് പദ്മജയുടെ നീക്കം. പദ്മജ ചെയ്തത് ചതിയാണെന്നും കെ മുരളീധരന് ആരോപിച്ചു.
by liji HP News | Mar 7, 2024 | Latest News, ദേശീയ വാർത്ത
ലക്നൗ: ഷോപ്പിങ് മാളിലെ സീലിങ് തകര്ന്നു വീണ് രണ്ടു പേര് മരിച്ചു. ഉത്തര്പ്രദേശിലെ ഗ്രേറ്റര് നോയിഡയിലെ ഗാലക്സി ബ്ലൂ സഫയര് മാളില് ഇന്ന് രാവിലെ ആയിരുന്നു സംഭവം. എസ്കലേറ്ററില് കയറാന് പോകുകയായിരുന്ന രണ്ട് പേരുടെ ദേഹത്തേക്ക് അഞ്ചാം നിലയില് നിന്ന് സീലിങ് ഗ്രില് പതിക്കുകയായിരുന്നുവെന്ന് പൊലീസ് പറഞ്ഞു.
അപകടത്തില് മരിച്ച ഹരേന്ദ്ര ഭാട്ടി, ഷക്കീല് എന്നിവര്ക്ക് ഏകദേശം 35 വയസ്സ് പ്രായമുണ്ടെന്നും തൊട്ടടുത്ത ഗാസിയാബാദ് ജില്ലയിലെ വിജയ് നഗര് പ്രദേശത്തെ താമസക്കാരാണെന്നും റിപ്പോര്ട്ടുണ്ട്.സംഭവത്തിന്റെ വീഡിയോ വാര്ത്താ ഏജന്സിയായ പിടിഐ സോഷ്യല് മീഡിയയില് പോസ്റ്റ് ചെയ്തിട്ടുണ്ട്, അതില് മാളിന്റെ താഴത്തെ നിലയില് തകര്ന്നു വീണ സീലിങ്ങിന്റെ ഭാഗങ്ങള് കാണാം. അഞ്ചാം നിലയില് നിന്ന് ഇരുമ്പ് ഗ്രില് വീണതിനെ തുടര്ന്ന് ബ്ലൂ സഫയര് മാളില് രണ്ട് പേര് മരിച്ചതായി യാഥര്ത്ത് ഹോസ്പിറ്റല് അധികൃതര് പൊലീസിനെ അറിയിക്കുകയായിരുന്നു.
സംഭവത്തില് പൊലീസ് സംഘം ഉടന് സ്ഥലത്തെത്തി. മരിച്ചത് ഹരേന്ദ്ര ഭാട്ടി, ഷക്കീല് എന്നിവരാണെന്ന് തിരിച്ചറിഞ്ഞതായി അഡീഷണല് ഡിസിപി (സെന്ട്രല് നോയിഡ) ഹൃദേഷ് കതേരിയ പറഞ്ഞു. മരിച്ചവരുടെ കുടുംബാംഗങ്ങളെ വിവരമറിയിച്ചതായും പൊലീസ് അറിയിച്ചു.
Recent Comments