by Midhun HP News | Sep 21, 2026 | Latest News, ജില്ലാ വാർത്ത
തിരുവനന്തപുരം: കെഎസ്ആർടിസി ബസ് യാത്രയിൽ ഹെഡ്ഫോൺ എടുക്കാൻ മറന്നുപോയോ? സാരമില്ല. പ്രതിദിനം യാത്ര ചെയ്യുന്ന 21 ലക്ഷത്തോളം വരുന്ന യാത്രക്കാർക്കായി ബസുകളിൽ സ്വന്തം ഡിജിറ്റൽ റേഡിയോ ശൃംഖല ഒരുക്കി യാത്രാനുഭവം മികച്ചതാക്കാൻ കെഎസ്ആർടിസി ഒരുങ്ങുന്നു. പ്രിയദർശനി സർവീസ് ആരംഭിച്ചതോടെ യാത്രക്കാരുടെ എണ്ണത്തിൽ വലിയ വർധനവുണ്ടായിട്ടുണ്ട്. ഇതിനു പിന്നാലെയാണ് പുതിയ നീക്കം. യാത്രയിൽ ഇനി സംഗീതവും കാലാവസ്ഥാ വിവരങ്ങളും യാത്രാ നിർദ്ദേശങ്ങളും ജീവനക്കാരുടെ കഥകളുമൊക്കെ ബസിലിരുന്ന് കേൾക്കാം.
പൊതുജനങ്ങൾക്ക് യാതൊരു സാമ്പത്തിക ബാധ്യതയുമില്ലാതെ പരസ്യ വരുമാനത്തിലൂടെയാണ് പദ്ധതി നടപ്പിലാക്കുന്നത്. ഗതാഗത മന്ത്രി സിപി ജോൺ മുൻകൈയെടുത്ത് നടപ്പിലാക്കുന്നതാണ് ഈ ഡിജിറ്റൽ റേഡിയോ. ഭാവിയിൽ തിരഞ്ഞെടുക്കപ്പെട്ട റൂട്ടുകളിൽ മൾട്ടിമീഡിയ ടെലിവിഷൻ സ്ക്രീനുകൾ അവതരിപ്പിക്കാനും കെഎസ്ആർടിസി ആലോചിക്കുന്നുണ്ട്.
പ്രിയദർശിനി സൗജന്യ യാത്രാ പദ്ധതി ജൂൺ 15നു തുടങ്ങിയ ശേഷം ആദ്യ ആഴ്ചയിലെ 11.08 യാത്രക്കാരിൽ നിന്നു 13ാം ആഴ്ചയിലെത്തുമ്പോൾ യാത്രക്കാരുടെ എണ്ണം 25.7 ശതമാനം വർധിച്ച് 13.93 ലക്ഷമായിട്ടുണ്ട്. ഓർഡിനറി ബസ് യാത്രക്കാരിൽ 60 ശതമാനത്തിനു മുകളിൽ ഇപ്പോൾ സ്ത്രീകളും ട്രാൻസ്ജെൻഡറുകളുമാണ് യാത്ര ചെയ്യുന്നത്. ഇതോടെ പ്രതിദിന യാത്രക്കാരുടെ എണ്ണം 27 ലക്ഷം കടന്നു. ഇതോടെയാണ് കെഎസ്ആർടിസി കൂടുതൽ സൗകര്യങ്ങൾ ഒരുക്കാനുള്ള നീക്കം തുടങ്ങിയത്.
സർവീസ് നടത്തുന്ന 5,700 ബസുകളിലും പുതിയ ഓഡിയോ സിസ്റ്റം ഘടിപ്പിക്കാനുള്ള പ്രവർത്തനങ്ങൾ നടക്കുന്നു. രാവിലെ 6 മണി മുതൽ രാത്രി 9 മണിവരെയുള്ള സർവീസുകളിലായിരിക്കും റേഡിയോ പ്രവർത്തിക്കുക. ശബ്ദപരിധി കൃത്യമായി ക്രമീകരിക്കും. രാഷ്ട്രീയ, മതപരമായ വിഷയങ്ങൾക്ക് പൂർണ വിലക്കായിരിക്കും. കൂടാതെ ഔദ്യോഗിക യാത്രാ നിർദ്ദേശങ്ങൾക്കും പൊതുജനക്ഷേമ അറിയിപ്പുകൾക്കുമായി ഓരോ മണിക്കൂറിലും 5 മിനിറ്റ് മാറ്റിവയ്ക്കും.
സംസ്ഥാനത്തിന്റെ ഭൂപ്രകൃതിയ്ക്ക് യോജിക്കുന്ന നിലയിൽ പ്രത്യേകമായി രൂപകൽപ്പന ചെയ്ത ക്ലൗഡ് കണക്റ്റഡ് സാങ്കേതികവിദ്യയാണ് ഇതിനായി ഉപയോഗിക്കുന്നത്. ബസ് വനത്തിലൂടെയോ മൊബൈൽ സിഗ്നലുകൾ ലഭിക്കാത്ത ഗ്രാമീണ വഴികളിലൂടെയോ കടന്നുപോകുമ്പോൾ തടസമില്ലാതെ ഓഫ്‍ലൈൻ പ്ലേബാക്ക് ഉറപ്പാക്കാൻ സ്മർട്ട് ഓൺബോർഡ് യൂണിറ്റുകൾ പാട്ടുകൾ മുൻകൂട്ടി ഡൗൺലോ‍ഡ് ചെയ്ത് സൂക്ഷിക്കും. അടിയന്തര സാഹചര്യങ്ങളിൽ സാധാരണ പ്രോഗ്രാമുകൾ നിർത്തി സുരക്ഷാ നിർദ്ദേശങ്ങൾ തത്സമയം നൽകാനും കഴിയും.
by Midhun HP News | Sep 21, 2026 | Latest News, ജില്ലാ വാർത്ത
ചിറയിൻകീഴ് പോലീസ് സ്റ്റേഷൻ പരിധിയിൽ ഉൾപ്പെട്ട ആനത്തലവട്ടം കൊട്ടിമുക്ക്, പോസ്റ്റോഫീസ് ജംഗ്ഷൻ എന്നീ പ്രദേശങ്ങളിൽ സ്ഥിരം കൂലിതല്ല്, നിയമലംഘനം പ്രവർത്തികൾ,സ്ത്രീകൾക്കെതിരെയുള്ള അക്രമങ്ങൾ, പിടിച്ചുപറി എന്നീ കുറ്റകൃത്യങ്ങൾ സ്ഥിരമായി നടത്തിവന്ന ആനത്തലവട്ടം ഇരുപറ വിളയിൽ വീട്ടിൽ സബിൻ (30)നെ ചിറയിൻകീഴ് പോലീസ് അറസ്റ്റ് ചെയ്തു.
എസ് ഐ ശ്രീകുമാർ, എഎസ്ഐ മാരായ നാസർ, പ്രസന്നകുമാർ, സിപിഒമാരായ അഭിലാഷ് അനു, രാഹുൽ, ശ്രീജിത്ത്, നാദിർഷ, രാജീവ് എന്നിവരുടെ നേതൃത്വത്തിൽ ആണ് പ്രതിയെ അറസ്റ്റ് ചെയ്തത്.
by Midhun HP News | Sep 21, 2026 | Latest News, ജില്ലാ വാർത്ത, മരണം
ആറ്റിങ്ങൽ: അവനവഞ്ചേരി കൈപ്പറ്റിമുക്ക് പയ്യമ്പള്ളി വീട്ടിൽ ആർ മണികണ്ഠൻ നായർ (43) അന്തരിച്ചു.
ഭാര്യ: എം.എം അശ്വതി.
മക്കൾ: എം.എ അനശ്വർ, എം.എ പാർവതി.
സഞ്ചയനം: വെള്ളിയാഴ്ച രാവിലെ 8 മണിക്ക്.
by Midhun HP News | Sep 21, 2026 | Latest News, കേരളം
മലപ്പുറം: മലപ്പുറം ചോക്കാട് പൂക്കോട്ടുപാടം ടി കെ നഗറിലുണ്ടായ മലവെള്ളപ്പാച്ചിലില്‍ കാണാതായ മൂന്നുപേരുടെ മൃതദേഹം കൂടി കണ്ടെടുത്തു. ഇതോടെ മരണം അഞ്ചായി. പൊട്ടിക്കല്‍ ഭാഗത്തു നിന്നാണ് തിരച്ചിലില്‍ മൃതദേഹം കണ്ടെത്തിയത്. കാണാതായ ഒരാള്‍ക്കായി പുഴയില്‍ തിരച്ചില്‍ തുടരുകയാണ്. ഒരു സ്ത്രീ ഉള്‍പ്പെടെ ആറു പേരാണ് അപകടത്തില്‍പ്പെട്ടത്.
ഇന്നലെ കണ്ടെത്തിയ രണ്ടു മൃതദേഹങ്ങള്‍ ജില്ലാ ആശുപത്രിയിലേക്ക് മാറ്റി. മലവെള്ളപ്പാച്ചിലില്‍ അപകടത്തില്‍പ്പെട്ടവരില്‍ അഞ്ചുപേര്‍ പുറത്തു നിന്നും വന്നവരാണെന്നും, ഒരു സ്ത്രീ മാത്രമാണ് പ്രദേശവാസിയായിട്ടുള്ളതെന്നും മന്ത്രി വ്യക്തമാക്കി. ടികെ കോളനി വെളുത്തേടത്ത് സഞ്ജയ് ദാസിന്റെ ഭാര്യ സജിത (26) യാണ് പുഴക്കടവില്‍ വസ്ത്രം അലക്കി കൊണ്ടിരിക്കെ ഒഴുക്കില്‍പ്പെട്ടത്.
ഇതോടെ സംസ്ഥാനത്ത് കോട്ടയം, ഇടുക്കി, മലപ്പുറം ജില്ലകലിലുണ്ടായ വിവിധ മഴക്കെടുതികളില്‍ മരണം ഒമ്പതായി ഉയര്‍ന്നു. വാഗമണ്‍ റോഡില്‍ വേലത്തുശ്ശേരിയില്‍ മണ്ണിടിച്ചിലില്‍ വിനോദസഞ്ചാരി മരിച്ചു. വാഹനത്തിന് മുകളിലേക്ക് മണ്ണിടിഞ്ഞ് വീണ് തമിഴ്നാട് സ്വദേശിയായ സംഗീതയാണ് മരിച്ചത്. അടിമാലിയില്‍ മണ്ണിടിച്ചില്‍ സാധ്യത കണക്കിലെടുത്ത് അഞ്ചു കുടുംബങ്ങളെ മാറ്റിപാര്‍പ്പിച്ചു.
മണ്ണിടിച്ചിലിന്റെ സാഹചര്യത്തില്‍ ഇടുക്കിയില്‍ മലയോര മേഖലയില്‍ രാത്രികാല യാത്രാ നിരോധനം ഏര്‍പ്പെടുത്തി. വൈകീട്ട് ഏഴു മണി മുതല്‍ രാവിലെ 6 മണിവരെയാണ് നിയന്ത്രണം. സാഹസിക വിനോദ കേന്ദ്രങ്ങള്‍ അടയ്ക്കാനും നിര്‍ദേശം നല്‍കിയിട്ടുണ്ട്.
മണ്ണിടിച്ചില്‍ കണക്കിലെടുത്ത് പഴയ മൂന്നാറില്‍ ഗതാഗത നിയന്ത്രണം ഏര്‍പ്പെടുത്തി. പഴയ മൂന്നാറില്‍ നിന്ന് എത്തുന്ന വാഹനങ്ങള്‍ സിഎസ്‌ഐ പള്ളിക്ക് സമീപത്തുനിന്ന് ഗ്യാപ് റോഡിലേക്ക് പ്രവേശിച്ച്, പൊലീസ് സ്റ്റേഷന് സമീപത്തെ പാലം കടന്നാണ് മൂന്നാര്‍ ടൗണിലെത്തേണ്ടത്. മണ്ണിടിച്ചില്‍ സാധ്യത കണക്കിലെടുത്താണ് ഗതാഗത നിയന്ത്രണം. യാത്രക്കാര്‍ ജാഗ്രത പാലിക്കണമെന്ന് അധികൃതര്‍ നിര്‍ദേശിച്ചു.
by Midhun HP News | Sep 21, 2026 | Latest News, കേരളം
തിരുവനന്തപുരം: മോട്ടോര്‍ വാഹന വകുപ്പിലെ 60 സേവനങ്ങള്‍ തിങ്കളാഴ്ച മുതല്‍ ആധാര്‍ അധിഷ്ഠിതമാകും. ഡ്രൈവിങ് ലൈസന്‍സ്, വാഹന രജിസ്‌ട്രേഷന്‍ രേഖകള്‍ ആധാറുമായി ബന്ധിപ്പിച്ച അപേക്ഷകര്‍ക്കേ ഈ സൗകര്യം ലഭ്യമാകു. ഇടനിലക്കാരെ പൂര്‍ണമായി ഒഴിവാക്കുന്നതിന്റെ ഭാഗമായാണിത്.
അപേക്ഷ സമര്‍പ്പിക്കുമ്പോള്‍ ഉടമയുടെ ആധാര്‍ബന്ധിത മൊബൈല്‍ ഫോണിലേക്ക് വരുന്ന ഒടിപിയാണ് സുരക്ഷാക്രമീകരണം. വാഹനം വില്‍ക്കുമ്പോള്‍ വാങ്ങുന്നയാളും വില്‍ക്കുന്നയാളും ഇത്തരത്തില്‍ ആധാര്‍ ഒടിപി വച്ച് അപേക്ഷ പൂര്‍ത്തിയാക്കണം. ഓഫീസിലേക്ക് വരേണ്ടതില്ല.
ഇതേ രീതിയില്‍ ഓരോ സേവനങ്ങള്‍ക്കും ആധാര്‍ ഒടിപി നിര്‍ബന്ധമാക്കും. ഓഫീസ് നടപടി ക്രമങ്ങളും ലഘൂകരിച്ചതായി അധികൃതര്‍ വ്യക്തമാക്കി. അധാര്‍ ബന്ധിപ്പിച്ചിട്ടില്ലാത്തവര്‍ക്ക് അതിനുള്ള സൗകര്യമുണ്ടാകും. അതിനു ശേഷമേ അപേക്ഷ നല്‍കാന്‍ കഴിയു. അപേക്ഷകള്‍ക്ക് മുന്‍ഗണനാക്രമമുണ്ടാകും. ഉദ്യോഗസ്ഥരുടെ താത്പര്യത്തിനു അനുസരിച്ച് ഇടനിലക്കാരുടെ അപേക്ഷകള്‍ വേഗത്തില്‍ തീര്‍പ്പാക്കാന്‍ കഴിയില്ല. ഇടനിലക്കാരുടെ അപേക്ഷകള്‍ തിരിച്ചറിയാനും കഴിയില്ല.
നിലവില്‍ 21 സേവനങ്ങള്‍ മാത്രമാണ് ആധാര്‍ അധിഷ്ഠിതം. ഹിയറിങ് ഉള്‍പ്പെടെ ഓഫീസുകളില്‍ ഹാജരാകേണ്ട അപേക്ഷകളില്‍ സമയം നിശ്ചയിക്കാന്‍ പ്രത്യേക പോര്‍ട്ടല്‍ നിലവില്‍ വരും. ഇതിലൂടെ അപേക്ഷകര്‍ക്ക് സൗകര്യപ്രദമായ സമയം തിരഞ്ഞെടുക്കാം.
Recent Comments