പള്ളിക്കൽ ഗ്രാമപഞ്ചായത്ത് സംരംഭക വർഷം 3 .0 പഞ്ചായത്ത് തല സംരംഭക സഭ ജനുവരി 27 തിങ്കളാഴ്ച്ച രാവിലെ 11 മണിയ്ക്ക് പള്ളിക്കൽ കൃഷി ഓഫീസ് ഹാളിൽ സംഘടിപ്പിക്കും. പള്ളിക്കൽ ഗ്രാമപഞ്ചായത്ത് പ്രസിഡന്റ് എം. ഹസീന ഉദ്ഘാടനം നിർവഹിക്കും. പള്ളിക്കൽ ഗ്രാമപഞ്ചായത്ത് വൈസ് പ്രസിഡന്റ് എം. മാധവൻ കുട്ടി അധ്യക്ഷനാകും. ചിറയിൻകീഴ് താലൂക്ക് എ ഡി ഐ ഒ ജയമോഹൻ. എസ് മുഖ്യപ്രഭാഷണം നടത്തും. പരിപാടിയിൽ മറ്റു പ്രമുഖ വ്യക്തികളും പങ്കെടുക്കും.
എസ്.എൻ. ഡി.പി യോഗം ആറ്റിങ്ങൽ യൂണിയൻ്റെ ആഭിമുഖ്യത്തിൽ 75 മത് ഡോ. പൽപ്പു അനുസ്മരണം യൂണിയൻ ഹാളിൽ യൂണിയൻ ആക്ടിംഗ് സെക്രട്ടറി ദഞ്ചുദാസ് ചെറുവള്ളിമുക്കിൻ്റെ അദ്ധ്യക്ഷതയിൽ യൂണിയൻ പ്രസിഡൻ്റ് എസ്. ഗോകുൽദാസ് ഭദ്രദീപം കൊളുത്തി ഉദ്ഘടനം ചെയ്തു.
യൂണിയൻ വൈസ് പ്രസിഡൻ്റ് വി. ഷാജി മുഖ്യ പ്രഭാഷണം നടത്തി. കൗൺസിലർമാരായ എസ്. സുജാതൻ, കെ സുധീർ, സുരേഷ്ബാബു മാമം, യൂത്ത്മൂവ്മെൻ്റ് വൈസ് പ്രസിഡൻ്റ് ശ്രീജിത്ത് ഊരുപൊയിക, വനിതാ സംഘം പ്രസിഡൻ്റ് സുശീല രാജൻ, സെക്രട്ടറി ശ്രീകല ഷിബു, ട്രഷർ വി. രാധാമണി, കമ്മിറ്റി അംഗങ്ങളായ ഷേർളി സുദർശൻ, ഷീജ അജികുമാർ, ബേബി സഹൃദയൻ, ഗീത സുരേഷ്, ലത തങ്കപ്പൻ എന്നിവർ സംസാരിച്ചു.
കേരള ജേർണലിസ്റ് യൂണിയൻ (കെ ജെ യു) തിരുവനന്തപുരം ജില്ലാ സമ്മേളനം ജനുവരി 28, 29 തീയതികളിൽ വെഞ്ഞാറമൂട് വയ്യേറ്റ് ഹോട്ടൽ പാം റോയൽസിൽ സംഘടിപ്പിക്കിന്നു. ഉദ്ഘാടനം വനം വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ നിർവഹിക്കും. ചടങ്ങിൽ അടൂർ പ്രകാശ് എം പി മുതിർന്ന മാധ്യമ പ്രവർത്തകരെ ആദരിക്കും. ഐ ഡി കാർഡ് വിതരണം എം എൽ എ ഡി കെ മുരളിയും നിർവഹിയ്ക്കും. പരിപാടിയിൽ മറ്റു പ്രമുഖരും പങ്കെടുക്കും.
കൊച്ചി: വെൽഡിംഗിനിടെ കെട്ടിടത്തിന് മുകളിൽ നിന്നും വീണ് യുവാവിന് ദാരുണാന്ത്യം. ഏലൂർ വടകുംഭാഗം മണലിപ്പറമ്പിൽ മകൻ എംയു നിഖിൽ (31) ആണ് മരിച്ചത്. ആലുവ എടയാറിലാണ് സംഭവം. വ്യവസായ മേഖലയിൽ സ്വകാര്യ കമ്പനിയിൽ സോളാർ പാനൽ സ്ഥാപിക്കുന്നതിനായി വെൽഡിംഗ് നടത്തുന്നതിനിടെ താഴേക്ക് വീണാണ് മരണം സംഭവിച്ചത്.
എടയാർ എക്സ് ഇന്ത്യ കമ്പനിയിൽ ഇന്നലെ വൈകിട്ടാണ് സംഭവം. ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. കളമശേരി മെഡിക്കൽ കോളേജിൽ പോസ്റ്റ്മാർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു.
ആറ്റിങ്ങൽ വീരളത്ത് നവീകരിച്ച ദ്വാരക എ സി ഓഡിറ്റോറിയത്തിന്റെ ഉദ്ഘാടനം നാളെ വൈകുന്നേരം 3. 30 ന് സംഘടിപ്പിക്കുന്നു. ഉദ്ഘാടനം ആറ്റിങ്ങൽ നഗര സഭചെയർ പേഴ്സൺ അഡ്വ എസ് കുമാരി നിർവഹിക്കും. ഓഡിറ്റോറിയം ഓണേഴ്സ് വെൽഫെയർ അസോസിയേഷൻ ആനന്ദ് കണ്ണശ്ശ അധ്യക്ഷനാകും. എൻ എസ് എസ് ഡയറക്റ്റർ ബോർഡ് മെമ്പറും എൻ എസ് എസ് ചിറയിൻകീഴ് താലൂക്ക് പ്രെസിഡന്റുമായ ജി മധുസൂദനൻ പിള്ള ഭദ്രദീപം തെളിയിക്കും. ചടങ്ങിൽ മറ്റു പ്രമുഖരും പങ്കെടുക്കും. ചടങ്ങിൽ വിവിധ കലാപരിപാടികളും അരങ്ങേറും.
Recent Comments