വീണ്ടും ജീവനെടുത്ത് കാട്ടാന; തൃശൂരില്‍ 60 കാരനെ ചവിട്ടിക്കൊന്നു

വീണ്ടും ജീവനെടുത്ത് കാട്ടാന; തൃശൂരില്‍ 60 കാരനെ ചവിട്ടിക്കൊന്നു

തൃശൂര്‍: കാട്ടാനയുടെ ആക്രമണത്തില്‍ തൃശൂര്‍ താമരവെള്ളച്ചാലില്‍ ഒരാള്‍ മരിച്ചു. ആദിവാസി വിഭാഗത്തില്‍പ്പെട്ട പ്രഭാകരന്‍ എന്നയാളാണ് മരിച്ചത്. 60 വയസ്സായിരുന്നു.

വനവിഭവങ്ങള്‍ ശേഖരിക്കാനായി പോയ പ്രഭാകരനെ കാട്ടാന ചവിട്ടിക്കൊല്ലുകയായിരുന്നു. പീച്ചി പൊലീസ് സ്റ്റേഷന്‍ അതിര്‍ത്തിയിലെ താമരവെള്ളച്ചാലില്‍ വനത്തിനുള്ളില്‍ വെച്ചാണ് സംഭവമുണ്ടായത്. മകനും മരുമകനുമൊപ്പമാണ് പ്രഭാകരൻ വനത്തിൽ പോയത്. മക്കൾ നാട്ടിലെത്തി വിവരം അറിയിക്കുകയായിരുന്നുവെന്നാണ് വിവരം. വിവരം അറിഞ്ഞ് പീച്ചി പൊലിസും വനംവകുപ്പ് ഉദ്യോഗസ്ഥരും കാടിന് അകത്തേക്ക് പോയിട്ടുണ്ട്.

രാജ്ഭവൻ മാർച്ച്; സി.പി.ഐ എം ആറ്റിങ്ങൽ ഏര്യാക്കമ്മിറ്റി നടത്തുന്ന കാൽനട പ്രചരണ ജാഥയുടെ കുഴിമുക്ക് സ്വീകരണക്കമ്മിറ്റിയുടെ സംഘാടകയോഗം നടന്നു

രാജ്ഭവൻ മാർച്ച്; സി.പി.ഐ എം ആറ്റിങ്ങൽ ഏര്യാക്കമ്മിറ്റി നടത്തുന്ന കാൽനട പ്രചരണ ജാഥയുടെ കുഴിമുക്ക് സ്വീകരണക്കമ്മിറ്റിയുടെ സംഘാടകയോഗം നടന്നു

കേന്ദ്ര അവഗണനയ്ക്കെതിരെയുള്ള രാജ്ഭവൻ മാർച്ചിന്റെ പ്രചാരണാർഥം സി.പി.ഐ എം ആറ്റിങ്ങൽ ഏര്യാക്കമ്മിറ്റി 2025 ഫെബ്രുവരി 21,22,23 തീയതികളിൽ നടത്തുന്ന കാൽനട പ്രചരണ ജാഥയുടെ കുഴിമുക്ക് സ്വീകരണക്കമ്മിറ്റിയുടെ സംഘാടകയോഗം വിദ്യാധിരാജ സ്കൂളിൽ ഏര്യാ ക്കമ്മിറ്റി അംഗം ആർ രാജു ഉദ്ഘാടനം ചെയ്തു. ലോക്കൽ കമ്മിറ്റി അംഗം വേണുഗോപാൽ അധ്യക്ഷത വഹിച്ചു.ലോക്കൽക്കമ്മിറ്റി സെക്രട്ടറി അഡ്വ എൻ മോഹനൻ നായർ, ഏര്യാ ക്കമ്മിറ്റി അംഗം സി ദേവരാജൻ, ലോക്കൽകമ്മിറ്റി അംഗങ്ങളായ എസ് സതീഷ് കുമാർ,അജിൻ പ്രഭ,ജോയി, സംഗീത്,വി വിശ്വംഭരൻ, വാർഡ് കൗൺസിലർ ജി ലേഖ എന്നിവർ സംസാരിച്ചു.

ചാത്തൻപാറയിൽ ടൂറിസ്റ്റ് ബസ്സും ബൈക്കും കൂട്ടിയിടിച്ച അപകടത്തിൽ യുവാവിന് ദാരുണാന്ത്യം

ചാത്തൻപാറയിൽ ടൂറിസ്റ്റ് ബസ്സും ബൈക്കും കൂട്ടിയിടിച്ച അപകടത്തിൽ യുവാവിന് ദാരുണാന്ത്യം

ദേശീയപാതയിൽ ചാത്തൻപാറയിൽ ഉണ്ടായ വാഹനാപകടത്തിൽ യുവാവ് മരണപ്പെട്ടു. നെടുംപറമ്പ് ഞാറക്കാട്ടുവിള മഠത്തിൽകോണം ശരത്ത് മന്ദിരത്തിൽ ശ്യാംകുമാർ (27)ആണ് മരണപ്പെട്ടത്. ഇന്ന് രാത്രി 9 മണിയോടെയായിരുന്നു അപകടം. തിരുവനന്തപുരം ഭാഗത്തേക്ക് പോവുകയായിരുന്ന ടൂറിസ്റ്റ് ബസ്സിൽ എതിർ ദിശയിൽ വന്ന ശ്യാം കുമാറിന്റെ ബൈക്ക് ഇടിച്ചാണ് അപകടമുണ്ടായത്. ഗുരുതരമായി പരിക്കേറ്റ യുവാവിനെ സമീപത്തെ സ്വകാര്യ ആശുപത്രിയിലും തുടർന്ന് പാരിപ്പള്ളി ഗവ: മെഡിക്കൽ കോളേജിലേക്കും മാറ്റിയെങ്കിലും ജീവൻ രക്ഷിക്കാനായില്ല.

സ്വീകരണ കമ്മിറ്റി രൂപീകരണ യോഗത്തിന്റെ ഉദ്ഘാടനം നടന്നു

സ്വീകരണ കമ്മിറ്റി രൂപീകരണ യോഗത്തിന്റെ ഉദ്ഘാടനം നടന്നു

കേന്ദ്ര അവഗണനയ്ക്കെതിരെയുള്ള രാജ്ഭവൻ മാർച്ചിന്റെ ഭാഗമായി സി.പി.ഐ.എം ആറ്റിങ്ങൽ ഏരിയാ കമ്മിറ്റി നടത്തുന്ന കാൽനട പ്രചരണ ജാഥയ്ക്ക് ഗേൾസ് ഹയർ സെക്കന്ററി സ്കൂൾ ജംഗ്ഷനിലെ സ്വീകരണയോഗം വിജയിപ്പിക്കുന്നതിന് വേണ്ടിയുള്ള സ്വീകരണ കമ്മിറ്റി രൂപീകരണ യോഗം ആറ്റിങ്ങൽ ഏര്യാകമ്മിറ്റി അംഗം ആർ രാജു ഉദ്ഘാടനം ചെയ്തു. ലോക്കൽകമ്മിറ്റി അംഗം സി.ജെ രാജേഷ് കുമാർ അധ്യക്ഷത വഹിച്ചു. വെസ്റ്റ് ലോക്കൽകമ്മിറ്റി സെക്രട്ടറി അഡ്വ എൻ മോഹനൻ നായർ, ഏര്യാകമ്മിറ്റി അംഗം സി ദേവരാജൻ, ലോക്കൽകമ്മിറ്റി അംഗങ്ങളായ എസ് സതീഷ് കുമാർ, പി സന്തോഷ്, എസ് സുഖിൽ, വി.എസ് അജി, വാർഡ് കൗൺസിലർ എസ് ഷീജ എന്നിവർ സംസാരിച്ചു.