by Midhun HP News | Feb 19, 2025 | Latest News, മരണം
ആറ്റിങ്ങൽ: എം.ജി റോഡ് സായ് കൃപയിൽ (വി.ആർ.എ:95) സുകുമാര പിള്ളയുടെ (റിട്ടയേർഡ് റെയിൽവേ) സഹധർമ്മിണി (ആറ്റിങ്ങൽ ഉണ്ണിയുടെ സഹോദരി) സി സരോജനി അമ്മ (86) അന്തരിച്ചു.
മക്കൾ: സുരേഷ് കുമാർ കെ.എസ് (എൻ.ഐ.റ്റി കോഴിക്കോട്),പത്മകുമാരി കെ (റിട്ടയേർഡ് യുണൈറ്റഡ് ഇൻഷുറൻസ്), രമേഷ് കുമാർ കെ.എസ്(റിട്ടയേർഡ് സ്റ്റേഷനറി ഡിപ്പാർട്ട്മെന്റ്), അനിൽ കുമാർ കെ.എസ് (എസ്.റ്റി ഡവലപ്മെന്റ് കോർപ്പറേഷൻ).
മരുമക്കൾ: വിനോദ് കുമാർ ജി (റിട്ടയേർഡ് എസ്.റ്റി ഡവലപ്മെന്റ് ഡിപ്പാർട്ട്മെന്റ്), ഷീജ മോൾ ആർ, സെമി ഗോപിനാഥ് (ഡെപ്യൂട്ടി സെക്രട്ടറി, കേരള സെക്രട്ടറിയേറ്റ്), ആശ എൻ.
by Midhun HP News | Feb 19, 2025 | Latest News, ജില്ലാ വാർത്ത
ആറ്റുകാൽ ഭഗവതി ക്ഷേത്രത്തിലെ പൊങ്കാല ഉത്സവത്തോടനുബന്ധിച്ച് മാർച്ച് 13 ന് പ്രാദേശിക അവധി പ്രഖ്യാപിച്ചു. പൊങ്കാല ദിവസമായ മാര്ച്ച് 13ന് തിരുവനന്തപുരം ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും സര്ക്കാര് അര്ദ്ധ സര്ക്കാര് സ്ഥാപനങ്ങള്ക്കും അവധി ആയിരിക്കുമെന്ന് ജില്ലാ കളക്ടര് അനുകുമാരി അറിയിച്ചു.
പൊങ്കാല ഉത്സവം മാര്ച്ച് 5 മുതല് 14 വരെയാണ്.മാർച്ച് 13നാണ് പൊങ്കാല. അന്നേദിവസം, തിരുവനന്തപുരം നഗരപരിധിയില് ബാങ്കുകള്ക്ക് ഉള്പ്പെടെയാണ് അവധി പ്രഖ്യാപിച്ചു.
by Midhun HP News | Feb 19, 2025 | Latest News, കേരളം
കോട്ടയം: സീരിയല് നടിക്കൊപ്പം സിനിമ ഷൂട്ടിങ് കാണാനെത്തിയ ചെറുമകളെ തട്ടിക്കൊണ്ടു പോയി ബലാത്സംഗം ചെയ്ത സിനിമ-സീരിയല് നടന് 136 വര്ഷം കഠിന തടവും 1,97,500 രൂപ പിഴയും ശിക്ഷ വിധിച്ചു. കങ്ങഴ കടയിനിക്കാട് കോണേക്കടവ് ഭാഗത്ത് മടുക്കക്കുഴി വീട്ടില് എം കെ റെജിയെയാണ്(52) ഈരാറ്റുപേട്ട ഫാസ്റ്റ്ട്രാക്ക് പ്രത്യേക കോടതി ശിക്ഷിച്ചത്.
ഈരാറ്റുപേട്ട ഫാസ്റ്റ്ട്രാക്ക് സ്പെഷ്യല് കോടതി ജഡ്ജ് റോഷന് തോമസാണ് വിധി പറഞ്ഞത്. പ്രതി പിഴ അടച്ചാല് 1,75000 രൂപ അതിജീവിതയ്ക്ക് നല്കുന്നതിനും ഉത്തരവായിട്ടുണ്ട്. ഇന്ത്യന് ശിക്ഷാ നിയമത്തിലേയും പോക്സോ ആക്ടിലേയും വിവിധ വകുപ്പുകള് പ്രകാരമാണ് ശിക്ഷ വിധിച്ചത്.
2023 മെയിലായിരുന്നു സംഭവം. സിനിമയിലും സീരിയലിലും ജൂനിയര് ആര്ടിസ്റ്റുകളെ എത്തിച്ച് നല്കുന്നയാളുമാണ് പ്രതി. സിനിമ ചിത്രീകരണത്തിനെത്തിയ മുത്തശ്ശിയുടെ കൂടെ ഷൂട്ടിങ് കാണാനെത്തിയതായിരുന്നു പെണ്കുട്ടി. ചിത്രീകരണത്തിനിടെ മഴ പെയ്ത സമയം ലൊക്കേഷനില് നിന്ന് കുട്ടിയെ മുത്തശ്ശിയുടെ അടുത്തെത്തിക്കാമെന്ന് പറഞ്ഞ് വാനില് കയറ്റിക്കൊണ്ടു പോയി. യാത്രയ്ക്കിടയില് ശാരീരികമായി ഉപദ്രവിച്ച ശേഷം ഈരാറ്റുപേട്ട തിടനാട്ടുള്ള ആളില്ലാത്ത വീട്ടിലെത്തിച്ച് ബലാത്സംഗം ചെയ്യുകയായിരുന്നു. അവശയായ പെണ്കുട്ടിയെ ചങ്ങനാശ്ശേരിയിലെ ആശുപത്രിയില് പ്രവേശിപ്പിച്ചതോടെയാണ് സംഭവം പുറത്തായത്.
അന്നത്തെ ചങ്ങനാശ്രേി സ്റ്റേഷന് എസ്എച്ച്ഒയായിരുന്ന റിച്ചാര്ഡ് വര്ഗീസ് കേസ് രജിസ്റ്റര് ചെയ്യുകയും പിന്നീട് തിടനാട് എസ്എച്ച്ഒ ആയിരുന്ന പി ജി രാജേഷ് തുടരന്വേഷണം നടത്തി പ്രതിയെ അറസ്റ്റ് ചെയ്യുകയും ചെയ്തു.
തിടനാട് എസ്എച്ച്ഒയായിരുന്ന കെ കെ പ്രശോകാണ് അന്വേഷണം പൂര്ത്തിയാക്കി കുറ്റപത്രം തയ്യാറാക്കിയത്. പ്രോസിക്യൂഷന് വേണ്ടി സ്പെഷ്യല് പബ്ലിക് പ്രോസിക്യൂട്ടര് അഡ്വ. ജോസ് മാത്യു തയ്യില് ഹാജരായി.
by Midhun HP News | Feb 19, 2025 | Latest News, കേരളം
തിരുവനന്തപുരം: സംസ്ഥാനത്ത് ഉയര്ന്ന താപനില മുന്നറിയിപ്പ്. ഇന്നും ( ബുധനാഴ്ച) കേരളത്തില് ഒറ്റപ്പെട്ടയിടങ്ങളില് സാധാരണയെക്കാള് രണ്ടു ഡിഗ്രി സെല്ഷ്യസ് മുതല് മൂന്ന് ഡിഗ്രി സെല്ഷ്യസ് വരെ താപനില ഉയരാന് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഉയര്ന്ന താപനിലയും ഈര്പ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്. ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകും. അതുകൊണ്ട് പൊതുജനങ്ങള് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നല്കി.
by Midhun HP News | Feb 18, 2025 | Latest News, ജില്ലാ വാർത്ത
ആള് മാറി തട്ടി കൊണ്ടു പോയി ആക്രമിച്ച കേസിലെ പ്രതികൾ പിടിയിൽ. ആലംകോട് മണ്ണൂർഭാഗം ദേവി ക്ഷേത്രത്തിനു സമീപം വിളയിൽ വീട്ടിൽ നന്ദു(20) എന്നു വിളിക്കുന്ന അഭിജിത്തിനെയാണ് ഇക്കഴിഞ്ഞ 16-ാം തീയതി വൈകുന്നേരം 04.00 മണിക്ക് വീടിന് സമീപത്തു നിന്നും ആള് മാറി തട്ടി കൊണ്ടു പോയി മുടപുരത്തിനു സമീപം ആളൊഴിഞ്ഞ സ്ഥലത്ത് വച്ച് ഇരുമ്പ് പൈപ്പ് മുതലായ മാരകായുധങ്ങൾ ഉപയോഗിച്ച് ക്രൂരമായി മർദ്ദിച്ചത്.
കേസിലെ പ്രതികളായ അഴൂർ പെരുങ്കുഴി മുട്ടപ്പലം ചിറ്റാരികോണം പുതുവൽവിള വീട്ടിൽ ബേബി രാജ് (22), അഴൂർ പെരുങ്കുഴി മുട്ടപ്പലം ചിറ്റാരികോണം പുതുവൽവിള വീട്ടിൽ അരുൺ രാജ് (25), അഴൂർ പെരുങ്കുഴി മുട്ടപ്പലം ചിറ്റാരികോണം ഗോകുലം വീട്ടിൽ വിശാഖ് (22) എന്നിവരെയാണ് ആറ്റിങ്ങൽ പോലീസ് അറസ്റ്റ് ചെയ്തത്.
പ്രതികളിൽ ഒരാളുടെ കാമുകിയെ ശല്യപ്പെടുത്തുന്നത് അഭിജിത്താണ് എന്ന് തെറ്റദ്ധരിച്ചാണ് പ്രതികൾ ആക്രമണം നടത്തിയത്. സംഭവത്തിനു ശേഷം ഒളിവിൽ പോയ പ്രതികളെ ആറ്റിങ്ങൽഡി വൈ എസ് പി മഞ്ജുലാലിൻ്റെ നിർദ്ദേശപ്രകാരം ആറ്റിങ്ങൽ ഇൻസ്പെക്ടർ എസ് എച്ച് ഒ ഗോപകുമാർ. ജി, എസ് ഐമാരായ ജിഷ്ണു എം.എസ്, ബിജു എ ഹക്ക്,
എ എസ് ഐ രാധാകൃഷ്ണൻ, ഉണ്ണിരാജ്, എസ് സി പി ഒമാരായ അനിൽകുമാർ, ശരത് കുമാർ, പ്രശാന്തകുമാരൻ നായർ, നിധിൻ എന്നിവരടങ്ങിയ സംഘമാണ് അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി റിമാന്റ് ചെയ്തു.
Recent Comments