ജീവാനന്ദം എന്ന പേരിൽ സർക്കാരിൻ്റെ പുതിയ തട്ടിപ്പ് അംഗീകരിക്കില്ല : കെപിഎസ്ടിഎ

by Midhun HP News | Jun 2, 2024 | Latest News, ജില്ലാ വാർത്ത

സർക്കാരിൻ്റെ സാമ്പത്തിക പിടിപ്പുകേടുമുലമുള്ള പ്രതിസന്ധിയും അഴിമതിയോടുള്ള അത്യാർത്തിയും അധ്യാപകരിൽ അടിച്ചേൽപിക്കാനായി കൊണ്ടുവന്ന ജീവാനന്ദം പദ്ധതി കെപിഎസ്ടിഎ അംഗീകരിക്കില്ല. 19 ശതമാനം ഡിഎ കുടിശിക, ലീവ് സറണ്ടർ, ശമ്പളപരിഷ്കരണ കുടിശിക,1:40 ആനുകൂല്യം, നിയമന നിരോധനം തുടങ്ങി അധ്യാപകരുടെ അവകാശങ്ങളെ കവർന്നെടുക്കുകയും ഏകപക്ഷീയമായ തീരുമാനങ്ങളിലൂടെ ജനാധിപത്യ ധ്വംസനം നടത്തിവരുന്ന സർക്കാർ ജീവാനാന്ദമെന്ന പുതിയ തട്ടിപ്പുമായി രംഗത്തുവന്നിരിക്കുന്നത് അപഹാസ്യമാണെന്ന് കെപിഎസ്ടിഎ സംസ്ഥാന ട്രഷറർ വട്ടപ്പാറ അനിൽകുമാർ പറഞ്ഞു.

ആറ്റിങ്ങൽ ഉപജില്ല കമ്മിറ്റി സ്നേഹാദരം ’24 എന്ന പേരിൽ സംഘടിപ്പിച്ച യാത്രയയപ്പ് സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ജി.എസ്.ടി.യു. മുൻ സംസ്ഥാന പ്രസിഡൻ്റ് ജെ.ശശി, സംസ്ഥാന എക്സിക്യൂട്ടീവ് കമ്മിറ്റി അംഗം എൻ.സാബു, ജില്ലാ സെക്രട്ടറി സി. ആർ. ആത്മകുമാർ, ഒ.ബി.ഷാബു, സി. എസ്.വിനോദ്, വി.വിനോദ്, ടി.യു. സഞ്ജീവ്, ജൂലി സുരേഷ്, പി. രാജേഷ്, എ.ആർ. അനീഷ് എന്നിവർ സംസാരിച്ചു. സർവീസിൽ നിന്ന് വിരമിച്ച മുൻ സംസ്ഥാന എക്സിക്യൂട്ടിവ് അംഗം ആർ.ശ്രീകുമാർ, എൻ. പുഷ്പ, പി.സി. മിനി, എസ്.സുഗതൻ, എസ്. സുബീർ എന്നിവർ ഉപഹാരം ഏറ്റുവാങ്ങി. പൊതുപരീക്ഷകളിൽ ഉന്നത വിജയം നേടിയ കുട്ടികളെ ചടങ്ങിൽ ആദരിച്ചു.

ഉന്നത വിജയം നേടിയ വിദ്യാർത്ഥികളെ ആദരിച്ചു

by Midhun HP News | Jun 2, 2024 | Latest News, ജില്ലാ വാർത്ത

പെരുമാതുറ: ഇന്ത്യൻ നാഷണൽ കോൺഗ്രസ് മാടൻവിള കൊട്ടാരംതുരുത്ത് വാർഡ് കമ്മിറ്റികളുടെ ആഭിമുഖ്യത്തിൽ ഇക്കഴിഞ്ഞ എസ്.എസ്.എൽ.സി പ്ലസ് ടു പരീക്ഷകളിൽ ഇരുവാർഡുകളിൽ നിന്നും ഉന്നത വിജയം കരസ്തമാക്കിയ വിദ്യാർത്ഥികളെ അനുമോദിച്ചു.

മാടൻവിള ജംഗ്ഷനിൽ നടന്ന അനുമോദന ചടങ്ങ് കോൺഗ്രസ് പെരുങ്ങുഴി മണ്ഡലം പ്രസിഡണ്ട് എ.ആർ നിസാർ ഉദ്ഘാടനം ചെയ്തു. കോൺഗ്രസ് മംഗലപുരം ബ്ലോക്ക് ജനറൽ സെക്രട്ടറി മാടൻവിള നൗഷാദ് അധ്യക്ഷനായി. പത്താം ക്ലാസിൽ ഉന്നത വിജയം നേടിയ ഹിബ സബാന, മുഹമ്മദ് ഫഹ്‌സാൻ, അജ്നിയ, ഹഫീസ് നാസർ, മുഹമ്മദ് സുഫിയാൻ, മുഹമ്മദ് സഫ് വാൻ എന്നിവരെയും പ്ലസ് ടു പരീക്ഷയിൽ ഉന്നത വിജയം നേടിയ ആക്കിബ് ജാസിം, മുഹമ്മദ് ബിലാൽ, ഫിദ.എസ് എന്നിവരെയുമാണ് ആദരിച്ചത്.

അനുമോദന ചടങ്ങിൽ പ്രവാസി കോൺഗ്രസ്‌ പ്രതിനിധി കെ.സുനിൽ, ബ്ലോക്ക് കോൺഗ്രസ്‌ കമ്മിറ്റിയംഗം എസ്.ജി.അനിൽകുമാർ, ഷാഫി പണിയിൽ എന്നിവർ സംസാരിച്ചു. വാർഡ് മെമ്പർ നെസിയ സുധീർ സ്വാഗതവും ഷഹീർ സലിം നന്ദിയും പറഞ്ഞു.

സൗഹൃദ റെസിഡന്റ്‌സ് അസോസിയേഷൻ കുട്ടികൾക്ക് സ്കൂൾ കിറ്റ് വിതരണം നടത്തി

by Midhun HP News | Jun 2, 2024 | Latest News, ജില്ലാ വാർത്ത

സൗഹൃദ റെസിഡന്റ്‌സ് അസോസിയേഷൻ 40 കുട്ടികൾക്ക് സ്കൂൾ കിറ്റ് വിതരണം നടത്തി.
കല്ലമ്പലം : നാഷണൽ കോൺഫെഡറേഷൻ ഓഫ് എൻ.ജി.ഒ. യും വെങ്ങാനൂർ സുകൃതം പാലിയേറ്റീവ് കെയർ സൊസൈറ്റിയുമായി സഹകരിച്ചു കടുവയിൽ സൗഹൃദ റെസിഡന്റ്‌സ് അസോസിയേഷനും പാലിയേറ്റീവ് കെയർ യൂണിറ്റും, അതിന്റെ പരിസരപ്രദേശം ഉൾപ്പടെയുള്ള 40 വിദ്യാർത്ഥികൾക്ക് 2000 രൂപ വിലയുള്ള സ്കൂൾ പഠനോപകരണങ്ങൾ അടങ്ങിയ കിറ്റ് പകുതി വിലയ്ക്ക് വിതരണം ചെയ്തു. കടുവയിൽ തങ്ങൾ ചാരിറ്റബിൾ ട്രസ്റ്റ്‌ പ്രസിഡന്റ്‌ ഫസിലുദീൻ Party ഉത്ഘാടനം നിർവഹിച്ചു.

ചടങ്ങിൽ സൗഹൃദ പ്രസിഡന്റ്‌ പി.എൻ.ശശിധരൻ , സെക്രട്ടറി ഖാലിദ് പനവിള, ഖജാൻജി സൈനുലബ്ദീൻ സൽസബീൽ, ജോയിന്റ് സെക്രട്ടറി, സോമശേഖരൻ നായർ,എക്സിക്യൂട്ടീവ് അംഗം രാധാകൃഷ്ണ കുറുപ്, മുൻ പഞ്ചായത്ത്‌ പ്രസിഡന്റ്‌ ബി. വരദരാജൻ എന്നിവർ സംസാരിച്ചു.