ഭരതന്നൂർ ഫോറസ്റ്റ് സെക്ഷനിൽ കരടി ഇറങ്ങിയതായി നാട്ടുകാർ

by Midhun HP News | Oct 7, 2023 | Latest News, ജില്ലാ വാർത്ത

പാലോട് ഫോറസ്റ്റ് റെയിഞ്ചിൻ്റെ പരിധിയിൽ ഭരതന്നൂർ സെക്ഷനിൽ വെള്ളയംദേശം
ഇലവിൻകോണം ഭാഗത്ത്‌ കരടിയെ കണ്ടതായി നാട്ടുകാർ. നാട്ടുകാർ അറിയിച്ചതിന്റെ അടിസ്ഥാനത്തിൽ സ്ഥലത്തെത്തിയ പാലോട് ഡെപ്യൂട്ടി റേഞ്ച് ഓഫീസറുടെ നേതൃത്വത്തിലുള്ള സംഘം സ്ഥലം പരിശോധിച്ചതിൽ കരടിയുടെ കാൽപ്പാടുകൾ കണ്ടതായി സ്ഥീരികരിച്ചു.

തുടർന്ന് മേഖലയിൽ നിരീക്ഷണത്തിനായി ക്യാമറ ട്രാപ് സ്ഥാപിച്ചു. പാലോട് ഫോറസ്റ്റ് ഡെപ്യൂട്ടി റെയിഞ്ച് ഫീസറുടെ നേതൃത്വത്തിൽ വനപാലകരും, ആർ ആർ റ്റി അംഗങ്ങളും സ്ഥലത്ത് നിരീക്ഷണം ശക്തമാക്കിയിട്ടുണ്ട്. കരടിയുടെ കാൽപ്പാടുകൾ കണ്ട മേഖലയിലൂടെയും, സമീപ വന പ്രദേശങ്ങളിലൂടെ യുമുള്ള യാത്രക്കാർ ജാഗ്രത പാലിക്കണമെന്നും കരടിയെ കണ്ടാൽ പ്രകോപ്പിയ്ക്കാതെ വന പാലകരെ അറിയിയ്ക്കണമെന്നും വനം വകുപ്പ് അധികൃതർ അറിയിച്ചു.

തിരുവനന്തപുരത്ത് സിനിമ കണ്ട് മടങ്ങിയ വിദ്യാർത്ഥിനികളെ ആക്രമിച്ച സംഭവം: പ്രതികള്‍ അറസ്റ്റില്‍

by Midhun HP News | Oct 7, 2023 | Latest News, ജില്ലാ വാർത്ത

തിരുവനന്തപുരത്ത് സിനിമ കണ്ടുമടങ്ങി താമസസ്ഥലത്തേക്ക് പോവുകയായിരുന്ന വിദ്യാർത്ഥിനികളെ ആക്രമിച്ച കേസിലെ പ്രതികള്‍ അറസ്റ്റില്‍. വട്ടിയൂർക്കാവ്, വാഴോട്ടു കോണം, കുഴിവിള, സന്ധ്യാഭവനില്‍ നിശാന്ത്, പേയാട്, വിളപ്പിൽ ഹൻസാ ഫാത്തിമ മൻസിലില്‍ അൻസാരി എന്നിവരാണ് പിടിയിലായത്.

മ്യൂസിയം പൊലീസ് സ്റ്റേഷൻ പരിധിയിൽ വച്ച് ഒക്ടോബര്‍ നാലിന് രാത്രിയിലാണ് സംഭവം. സിനിമ കണ്ടുമടങ്ങി താമസസ്ഥലത്തേക്ക് പോവുകയായിരുന്ന വിദ്യാർത്ഥിനികളുടെ നേർക്ക് ബൈക്കിൽ വന്നവർ ബിയർകുപ്പികൾ വലിച്ചെറിഞ്ഞു. ഭീകാരാന്തരീക്ഷം ഉണ്ടാക്കിയ പ്രതികള്‍ വിദ്യാര്‍ത്ഥികളുടെ പുറത്ത് അടിച്ചു. പിന്നാലെ അസഭ്യം വിളിക്കുകയും ഭീഷണിപ്പെടുത്തുകയും ചെയ്തു. പ്രതികള്‍ തിരുവനന്തപരും ജില്ലയിലെ വിവിധ പൊലീസ് സ്റ്റേഷനുകളിലെ ക്രിമിനൽ കേസുകളിൽ പ്രതിയായിട്ടുള്ളവരാണ്.

ഡിഡിആർസി അജിലസ് ഡയഗ്നോസ്റ്റിക്സ് ഇനി ആലംകോടും

by Midhun HP News | Oct 7, 2023 | Latest News, ജില്ലാ വാർത്ത

ആറ്റിങ്ങൽ: ഡിഡിആർസി അജിലസ് ഡയഗ്നോസ്റ്റിക്സ് ഇനി ആലംകോടും. ആലംകോട് ഫിഷ് മാർക്കറ്റിനു എതിർവശമായാണ് അജിലസിന്റെ പ്രവർത്തനം. ലാബ് ടെസ്റ്റുകൾക്കായി ഇനി മറ്റ് പട്ടണം തേടി പോകേണ്ടതില്ല. മികച്ച ആരോഗ്യ സേവനങ്ങൾക്കു നിങ്ങൾക്കു സന്ദർശിക്കാം ഡിഡിആർസി അജിലസ് ഡയഗ്നോസ്റ്റിക്സ്.
കൂടുതൽ വിവരങ്ങൾക്ക് താഴെ കാണുന്ന നമ്പറിൽ ബന്ധപ്പെടാം

മൊബൈൽ നമ്പർ: 9497717597

തിരുവനന്തപുരത്ത് വീട്ടിലെ പിവിസി പൈപ്പിനുള്ളിൽ പെരുമ്പാമ്പ്

by Midhun HP News | Oct 7, 2023 | Latest News, ജില്ലാ വാർത്ത

തിരുവനന്തപുരത്ത് വീട്ടിലെ പിവിസി പൈപ്പിനുള്ളിൽ പെരുമ്പാമ്പ് കയറി. ആര്യനാട് ചൂഴ സ്വദേശി രവിയുടെ വീട്ടിലെ വെള്ളം പോകുന്ന പൈപ്പിലാണ് പെരുമ്പാമ്പ് കയറിയിരുന്നത്. വനം വകുപ്പ് പരുത്തിപ്പള്ളി റേഞ്ചിലെ ആർ.ആർ.ടി അംഗം റോഷിണിയാണ് പെരുമ്പാമ്പിനെ പിടികൂടിയത്.

ഇന്നലെ രാത്രി 11 മണിയോടെയാണ് സംഭവം. വെള്ളം പോകാനായി ഉപയോഗിച്ചിരുന്ന 15 മീറ്റർ നീളമുള്ള പിവിസി പൈപ്പിലാണ് പെരുമ്പാമ്പ് കയറിയത്. വെള്ളം പോകാത്തതിനെ തുടർന്ന് പൈപ്പ് പരിശോധിക്കുന്നതിനിടെയാണ് പാമ്പിനെ കണ്ടെത്തിയത്. ഉടൻതന്നെ വനം വകുപ്പിനെ വിവരമറിയിക്കുകയായിരുന്നു. ആർ.ആർ.ടി അംഗം റോഷിണിയുടെ നേതൃത്വത്തിലുള്ള ഒരു ടീം സ്ഥലത്തെത്തി. രണ്ടു മണിക്കൂർ നീണ്ട പരിശ്രമത്തിനൊടുവിൽ ഏറെ പണിപ്പെട്ടാണ് പെരുമ്പാമ്പിനെ പിടികൂടിയത്. പത്തടി നീളവും 25 കിലോ ഭാരവുമുള്ള പാമ്പിനെയാണ് പിടികൂടിയത്.

ഉണങ്ങിയ മരം വഴി യാത്രക്കാർക്ക് ഭീഷണിയാകുന്നു

by Midhun HP News | Oct 7, 2023 | Latest News, ജില്ലാ വാർത്ത

ആറ്റിങ്ങൽ: ഉണങ്ങിയ മരം വഴിയാത്രക്കാർക്ക് ഭീഷണിയാകുന്നു. ചെറുവള്ളി മുക്ക് മാമം പട്ടം തണുവിള റോഡിലാണ് ഏറെ നാളായി ഉണങ്ങിയ മരം അപകടകരമായ രീതിയിൽ നിൽക്കുന്നത്. നിരവധി തവണ ആൾക്കാർ പരാതിപ്പെട്ടെങ്കിലും മരം മുറിച്ചു മാറ്റാൻ അധികൃതർ ആരും തന്നെ തയ്യാറാകുന്നില്ല എന്നാണ് നാട്ടുകാരുടെ പരാതി. അപകടം നടന്നിട്ട് എത്തുന്നതിനേക്കാൾ അതിനു മുൻപ് തന്നെ ഈ മരം മുറിച്ചു മാറ്റണമെന്നാണ് നാട്ടുകാരുടെ ആവശ്യം.

തിരുവനന്തപുരത്ത് ജലവിതരണം മുടങ്ങും: മുൻകരുതൽ സ്വീകരിക്കണമെന്ന് ജല അതോറിറ്റി

by Midhun HP News | Oct 7, 2023 | Latest News, ജില്ലാ വാർത്ത

തിരുവനന്തപുരം ജില്ലയിൽ ജലവിതരണം ഭാഗികമായി തടസ്സപ്പെടും. അരുവിക്കരയിൽ നിന്ന് മൺവിള ടാങ്കിലേക്കുള്ള ജല അതോറിറ്റിയുടെ 900 എംഎം ശുദ്ധജല വിതരണ ലൈനിൽ തട്ടിനകം പാലത്തിന് സമീപമുണ്ടായ ചോർച്ചയെത്തുടർന്ന് അടിയന്തര അറ്റകുറ്റപ്പണികൾ നടക്കുന്നതിനാലാണ് ജലവിതരണം തടസ്സപ്പെടുക. ഇന്ന് മുതൽ നാളെ(08-10-3023) വൈകുന്നേരം 5 മണി വരെ ജലവിതരണം മുടങ്ങും.

കേശവദാസപുരം, നാലാഞ്ചിറ, പരുത്തിപ്പാറ, പാറോട്ടുകോണം, ഇടവക്കോട്‌, ഉള്ളൂർ, ശ്രീകാര്യം, പ്രശാന്ത്നഗർ, ചെറുവയ്ക്കൽ, ചെല്ലമംഗലം, ചെമ്പഴന്തി, ചേങ്കോട്ടുകോണം, കാട്ടായിക്കോണം, ചന്തവിള, ചാവടിമുക്ക്, ഞാണ്ടൂർക്കോണം, പുലയനാർക്കോട്ട, കരിമണൽ, കുഴിവിള, മൺവിള, കുളത്തൂർ, അരശുമ്മൂട്‌, പള്ളിത്തുറ, മേനംകുളം, കഴക്കൂട്ടം, സി.ആർ.പി.എഫ്, ടെക്നോപാർക്, കാര്യവട്ടം, ആക്കുളം, തൃപ്പാദപുരം, കിൻഫ്ര, പാങ്ങപ്പാറ, പോങ്ങുംമൂട്, പൗഡിക്കോണം, കരിയം, അമ്പലത്തിൻകര, കല്ലിങ്ങൽ, ആറ്റിൻകുഴി, ഇൻഫോസിസ്, വെട്ടുറോഡ് എന്നീ പ്രദേശങ്ങളിൽ ശുദ്ധജല വിതരണം തടസ്സപ്പെടുന്നതാണ്.

ഉപഭോക്താക്കൾ ആവശ്യമായ മുൻകരുതലുകൾ സ്വീകരിക്കണമെന്ന് വാട്ടർ അതോറിറ്റി പോങ്ങുംമൂട് സബ് ഡിവിഷൻ അസിസ്റ്റൻറ് എക്സിക്യൂട്ടീവ് എഞ്ചിനീയർ അറിയിച്ചു.