തൃശൂര്: അര്ജന്റീന ലോകകപ്പ് നേടിയതില് ആഹ്ളാദം പ്രകടിപ്പിച്ച് ജീവനക്കാര്ക്ക് അയ്യായിരം രൂപ വീതം നല്കി ടോംയാസ് പരസ്യ ഏജന്സി ഉടമ തോമസ് പാവറട്ടി. മെസ്സി കപ്പില് മുത്തമിട്ടാല് ജീവനക്കാര്ക്കു സമ്മാനം നല്കുമെന്ന്, കടുത്ത ആരാധകനായ തോമസ് നേരത്തെ പ്രഖ്യാപിച്ചിരുന്നു. ഈ മാസം ഇരുപത്തിനാലിന് നടക്കുന്ന ക്രിസ്മസ് ആഘോഷ ചടങ്ങില് ഇരുപതു ജീവനക്കാര്ക്ക് അയ്യായിരം രൂപ വീതം നല്കുമെന്ന് തോമസ് പാവറട്ടി അറിയിച്ചു.
വെഞ്ഞാറമൂട്: അധ്യാപകരുടെ സ്നേഹതണലിൽ മിഥുനും ശ്യാമും ഗോകുലും ഇനി ഉറങ്ങും
അടച്ചുറപ്പുള്ള വീട്ടിൽ. ‘കുട്ടിയ്ക്കൊരു വീട് അധ്യാപകരുടെ സ്നേഹോപഹാരം’ പദ്ധതിയുടെ ഭാഗമായി കെ എസ് ടി എ ആറ്റിങ്ങൽ ഉപജില്ല കമ്മിറ്റിയാണ് വീടെന്ന ഇവരുടെ സ്വപ്നം സാക്ഷാത്കരിച്ചത്. വീടിന്റെ താക്കോൽ ദാനം ഡികെ മുരളി എംഎൽഎ നിർവ്വഹിച്ചു.
കെഎസ് ടി എ സബ് ജില്ലാ പ്രസിഡന്റ് എം മഹേഷ് അധ്യക്ഷനായി.
വീട് നിർമ്മാണവുമായി ബന്ധപ്പെട്ട് സഹകരിച്ചവരെ ഒ എസ് അംബിക എംഎൽഎ ആദരിച്ചു. സിപിഐഎം വെഞ്ഞാറമൂട് ഏരിയ സെക്രട്ടറി സലിം, കെ എസ് ടി എ സംസ്ഥാന സെക്രട്ടറി എ നജീബ്, സംസ്ഥാന എക്സിക്യൂട്ടീവ് അംഗം പി വി രാജേഷ്, ജില്ലാ സെക്രട്ടറി വി. അജയകുമാർ, സിപിഐഎം മുദാക്കൽ ലോക്കൽ കമ്മിറ്റി സെക്രട്ടറി എം ബി ദിനേശ്, വാമനപുരം പഞ്ചായത്ത് വികസന സ്റ്റാൻഡിങ് കമ്മിറ്റി ചെയർപേഴ്സൺ ബി സന്ധ്യ , കെഎസ്ടിഎ സംസ്ഥാന കമ്മിറ്റി അംഗം ബി. ബിജു, സി ഡബ്ലിയു എഫ് ഐ സംസ്ഥാന കമ്മിറ്റി അംഗം എ ശകുന്തള, ജില്ലാ ജോയിൻ്റ് സെക്രട്ടറി ബി. എസ് ഹരിലാൽ, കെഎസ്ടിഎ ജില്ലാ എക്സിക്യൂട്ടീവ് അംഗങ്ങളായ പി സജി, വി സുഭാഷ്, ജില്ലാ കമ്മിറ്റി അംഗങ്ങളായ എ പി ശ്രീകല, എച്ച്. അരുൺ, എം ബാബു, എസ് വിനു തുടങ്ങിയവർ ചടങ്ങിൽ പങ്കെടുത്തു.
ഡൽഹി: രാജ്യത്ത് കൊവിഡ് രോഗികള് ഏറ്റവും കുറഞ്ഞ നിരക്കില്. കഴിഞ്ഞ ആഴ്ച റിപ്പോർട്ട് ചെയ്തത് 1103 കേസുകളാണ്. ലോക്ഡൌണ് പ്രഖ്യാപനത്തിന് ശേഷമുള്ള ഏറ്റവും കുറഞ്ഞ നിരക്കാണിത്. രാജ്യത്ത് കൊവിഡ് മരണനിരക്കും കുറഞ്ഞു. കഴിഞ്ഞയാഴ്ച റിപ്പോർട്ട് ചെയ്തത് 12 കൊവിഡ് മരണമാണ്. 2020 മാർച്ചിനു ശേഷമുള്ള ഏറ്റവും കുറഞ്ഞ കണക്കാണിത്. ചൈനയിൽ അടക്കം ലോകത്ത് പല രാജ്യങ്ങളിലും കൊവിഡ് വ്യാപനം കൂടുന്ന സാഹചര്യത്തിലും ഇന്ത്യയിൽ കൊവിഡ് സംഖ്യ കുറയുകയാണ്.
തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ഇന്നലെ കുത്തനെ ഇടിഞ്ഞ സ്വര്ണവിലയാണ് ഇന്ന് മാറ്റമില്ലാതെ തുടർന്നത്. ഇന്നലെ ഒരു പവൻ സ്വർണത്തിന് 280 രൂപയാണ് കുറഞ്ഞത്. നിലവിൽ വിപണിയിൽ ഒരു പവൻ സ്വർണത്തിന്റെ ഇന്നത്തെ വിപണി നിരക്ക് 39680 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വില ഇന്നലെ 35 രൂപ കുറഞ്ഞു. ഇന്നത്തെ വിപണി നിരക്ക് 4960 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിലയും ഇന്നലെ കുറഞ്ഞിരുന്നു. 30 രൂപയാണ് കുറഞ്ഞത്. ഇന്നത്തെ വിപണി വില 4145 രൂപയാണ്.
വർക്കലയിൽ നിയന്ത്രണം തെറ്റിയ ബൈക്ക് മരത്തിലിടിച്ച് യുവാവ് മരിച്ചു. വർക്കല മുട്ടപ്പലം സ്വദേശി ജിജോ 24 വയസ്സ് ആണ് മരിച്ചത്. ഒപ്പം സഞ്ചരിച്ച സുഹൃത്ത് ഷാൻ ഗുരുതരാവസ്ഥയിൽ മെഡിക്കൽ കോളേജിൽ ചികിത്സയിൽ ആണ്. അമിത വേഗതയിൽ ആയിരുന്ന ബൈക്ക് നിയന്ത്രണം തെറ്റി മരത്തിൽ ഇടിച്ചായിരുന്നു അപകടം ഉണ്ടായത്. വർക്കല ചേന്നൻകോട് ഭാഗത്ത് ഇന്നലെ രാത്രിയായിരുന്നു അപകടം. ഇൻറീരിയൽ ഡിസൈൻ തൊഴിലാളിയായിരുന്നു മരണപ്പെട്ട ജിജോ.
കൊല്ലം: കേരളം സംസ്ഥാന ഭക്ഷ്യ സുരക്ഷാ സൂചികയില് ആറാം സ്ഥാനത്തേക്ക് പിന്തള്ളപ്പെട്ടു. 18 വലിയ സംസ്ഥാനങ്ങള് ഉള്പ്പെടുന്ന പട്ടികയില് രണ്ടാം സ്ഥാനത്തായിരുന്നു കേരളം. ഇവിടെ നിന്നാണ് ആറിലേക്ക് വീണത്. 82 പോയിന്റോടെ തമിഴ്നാട് ഒന്നാം സ്ഥാനത്തെത്തി. 77.5 പോയിന്റോടെ ഗുജറാത്താണ് രണ്ടാമത്.
മൂന്നും നാലും സ്ഥാനങ്ങളിൽ മഹാരാഷ്ട്രയും ഹിമാചല്പ്രദേശുമാണ്. പശ്ചിമ ബംഗാളും മധ്യപ്രദേശും തുല്യ പോയിന്റുകള് നേടി അഞ്ചാം സ്ഥാനത്ത്. ഉപഭോക്താക്കളെ ശാക്തീകരിക്കുന്നതിനായി നടത്തേണ്ട ബോധവത്കരണം, ഫുഡ് സേഫ്റ്റി ആന്ഡ് സ്റ്റാന്ഡേഡ്സ് അതോറിറ്റി ഓഫ് ഇന്ത്യയുടെ (എഫ്എസ്എസ്എഐ) പദ്ധതി നിര്വഹണം എന്നിവയിലും സംസ്ഥാനത്തിന്റെ പ്രകടനം മോശമായി.
വിവിധ നിയമലംഘനങ്ങള്ക്ക് പിഴ ഈടാക്കുന്നതിനുള്ള അഡ്ജുഡിക്കേഷന് പൂര്ത്തിയാക്കല്, സംസ്ഥാന-ജില്ലാ തല സ്റ്റിയറിങ് കമ്മിറ്റി തീരുമാനങ്ങള് നടപ്പാക്കല് എന്നിവയിലും സംസ്ഥാനത്തിന് മികവ് ആവര്ത്തിക്കാനായില്ല.
Recent Comments