സംസ്ഥാനത്ത് ഒറ്റപ്പെട്ട ശക്തമായ മഴയ്ക്കുള്ള സാധ്യത

by Midhun HP News | Aug 22, 2022 | Latest News, ജില്ലാ വാർത്ത

തിരുവനന്തപുരം: കേരളത്തിലെ എല്ലാ ജില്ലകളിലും അടുത്ത മൂന്ന് മണിക്കൂറിൽ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. നാളെ ഇടുക്കി, എറണാകുളം ജില്ലകളിലും ബുധനാഴ്ച കോട്ടയം, ഇടുക്കി, എറണാകുളം ജില്ലകളിലും വ്യാഴാഴ്ച ഇടുക്കിയിലും യെല്ലോ അലർട്ട് പ്രഖ്യാപിച്ചിട്ടുണ്ട്.

ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കുന്നത്. 24 മണിക്കൂറിൽ 115.5 മില്ലിമീറ്റർ വരെ ലഭിക്കാവുന്ന ശക്തമായ മഴയ്ക്ക് സാധ്യതയുള്ളതിനാൽ ജാഗ്രത പാലിക്കണമെന്നും മുന്നറിയിപ്പിൽ പറയുന്നു.

ഒരിടവേളയ്ക്ക് ശേഷം മഴ ശക്തമാകുന്ന ഇന്ന് മുതൽ വ്യാഴാഴ്ച വരെ കേരള ലക്ഷദ്വീപ്- കർണാടക തീരങ്ങളിൽ നിന്ന് മത്സ്യബന്ധനത്തിന് പോകാൻ പാടില്ലെന്നും കാലാവസ്ഥ വകുപ്പ് അറിയിച്ചു. തീരപ്രദേശത്ത് മണിക്കൂറിൽ 50 കിലോമീറ്റർ വേഗതയിൽ ശക്തമായ കാറ്റിനും മോശം കാലാവസ്ഥയ്ക്കുമുള്ള സാധ്യതയാണ് നിലനിൽക്കുന്നതിനാൽ ജാഗ്രത പാലിക്കണമെന്നും അറിയിച്ചിട്ടുണ്ട്.

‘സഹകരണ സൂപ്പര്‍ ബസാർ’ എന്ന പേരില്‍ വ്യാപാര സംരംഭം ആരംഭിക്കുന്നു

by Midhun HP News | Aug 21, 2022 | Latest News, ജില്ലാ വാർത്ത

പോലീസ് സഹകരണ സംഘം വൈവിധ്യവത്കരണത്തിന്‍റെ ഭാഗമായി ‘സഹകരണ സൂപ്പര്‍ ബസാര്‍’ എന്ന പേരില്‍ വ്യാപാര സംരംഭം ആരംഭിക്കുകയാണ്. നിത്യോപയോഗ സാധനങ്ങള്‍, ഗൃഹോപകരണങ്ങള്‍, ഇലക്ട്രോണിക്സ് ഉപകരണങ്ങള്‍ മുതലായവയുടെ പ്രമുഖ ബ്രാന്‍ഡുകളുടെ വിപുലമായ ശേഖരമാണ് നന്ദാവനം എ ആർ ക്യാമ്പിന് മുൻവശത്ത്‌ ആരംഭിക്കുന്ന ബസാറില്‍ ഒരുക്കുന്നത്. പൊതുവിപണിയേക്കാള്‍ വന്‍വിലക്കുറവില്‍ ഉത്പന്നങ്ങള്‍ പോലീസ് ഉദ്യോഗസ്ഥര്‍ക്കും പൊതുജനങ്ങള്‍ക്കും ലഭ്യമാക്കുകയാണ് ബസാറിലൂടെ സംഘം ലക്ഷ്യമിടുന്നത്.

നാളെ വൈകിട്ട് 5 മണിക്ക് ആസ്ഥാനത്ത് നടക്കുന്ന ചടങ്ങില്‍ സഹകരണ, രജിസ്ട്രേഷന്‍ വകുപ്പ് മന്ത്രി വി.എന്‍. വാസവന്‍ സഹകരണ സൂപ്പര്‍ ബസാറിന്‍റെ ഉദ്ഘാടനം നിര്‍വ്വഹിക്കും. മുന്‍ മുഖ്യമന്ത്രി ഉമ്മന്‍ചാണ്ടി ആദ്യവില്‍പനയും ഇലക്ട്രോണിക്സ് ഷോറൂമിന്‍റെ ഉദ്ഘാടനം കടകംപള്ളി സുരേന്ദ്രന്‍ എം.എല്‍.എ. യും നിര്‍വ്വഹിക്കുന്നതാണ്. ജനപ്രതിനിധികള്‍, വകുപ്പ് മേധാവികള്‍, സഹകരണ വകുപ്പ് ഉദ്യോഗസ്ഥര്‍ എന്നിവര്‍ ചടങ്ങില്‍ സംബന്ധിക്കും.