വിസ നൽകാമെന്ന് വാഗ്ദാനംനൽകി തട്ടിയത് ഒര് കോടിയിലേറെ രൂപ

by Midhun HP News | Aug 16, 2022 | Latest News, കേരളം, ജില്ലാ വാർത്ത

ആറ്റിങ്ങൽ:ഇളമ്പ സ്വദേശിയും തോന്നക്കൽ മംഗലാപുരം ആർ. എസ്. ഭവനിൽ രതീഷും കൂട്ടാളി ഷീജയും ചേർന്ന് ആണ് തട്ടിപ്പ് നടത്തി എന്നാണ് പരാതി.വ്യാജമായി നിർമിച്ച വിസയും എയർ ടിക്കറ്റും ഓഫർ ലെറ്ററും കാണിച്ച് ഗൾഫ്‌ മോഹവും ആയി നടക്കുന്ന ചെറുപ്പക്കാരെ ആണ് ഇവർ വലയിൽ ആക്കിയിയിരുന്നത് എന്നാണ് പരാതി.. വിസ നൽകാമെന്ന് പറഞ്ഞ് 150ലേറെ പേരെ കബളിപ്പിച്ചതായിട്ടാണ് പരാതി. ഒരേരുത്തരിൽനിന്ന് അൻപതിനായിരം മുതൽ രണ്ട് ലക്ഷം വരെ വാങ്ങിയിരുന്നു. രതീഷിന് ഇത്തിഹാദ് എയർവെയിസിൽ ആണ് ജോലി എന്നും അവിടെ നിരവധിപേരെ ജോലിക്ക് ആവശ്യം ഉണ്ടെന്ന് പറഞ്ഞാണ് ആളുകളെ സമീ പിക്കുന്നത്.ഇടക്ക് കുറച്ച് പേരെ ഗൾഫിൽ കൊണ്ട് പോയങ്കിലും അവർക്ക് അവിടെ ജോലിയോ താമസമോ ഭക്ഷണമോ ഇല്ലാതെ നരകിച്ചഅവസ്ഥയിൽ അവിടെത്തെ പ്രവാസികളുടെ സഹായത്താൽ ഇവർരെ നാട്ടിൽ എത്തിക്കുക ആയിരുന്നു. ഇതിന് ശേഷം ഇവർ തട്ടിപ്പ് വിവരം മംഗലാപുരം പോലീസിനു പരാതി കൊടുത്തു എങ്കിലും ഒര് നടപടിയും ഉണ്ടായില്ല.തുടന്ന് തട്ടിപ്പിന് ഇരആയവർ രതീഷിനെ കണ്ടെത്താൻ നാടൊട്ടാകെ പോസ്റ്ററുകൾ പതിപ്പിച്ചു. ഇന്ന് ഉച്ചയോടെയാണ് രതീഷിന്റെ കൂട്ടാളി എന്ന് പറയപ്പെടുന്ന ഷീജ വെഞ്ഞാറമൂട് വേളാവൂർ കല്ലമ്പലത്ത് വാടകയ്ക്ക് താമസിക്കുന്ന വിവരം ഇവർഅറിയുകയും ഷീജയുടെ വീടിനുമുന്നിൽ നൂറോളം പേർ ഏത്തി ബഹളം വച്ചതിനെ തുടർന്ന് നാട്ടുകാർ വെഞ്ഞാറമൂട് പോലീസിൽ അറിയിക്കുകയും ആയിരുന്നു.
രതീഷ് പറഞ്ഞതിന്റെ അടിസ്ഥാനത്തിൽ ഇതിൽ പലരും ഷീജയുടെ കൈവശം പണം നൽകിയെന്നും പറയുന്നു. അതേസമയം താനും രതീഷും ആയി യാതൊരുവിധ ബന്ധവും നിലവിലില്ല എന്നും കഴിഞ്ഞ 17 വർഷക്കാലമായി അടുപ്പമുണ്ടായിരുന്നു എന്നുള്ളത് അല്ലാതെ സാമ്പത്തിക ഇടപാടുകളിൽ പങ്കില്ല എന്നും കഴിഞ്ഞ എട്ടിന് രതീഷ് ദുബായിലേക്ക് പോയതായാണ് അറിവെന്നും ഷീജ പറയുന്നു.

പ്ലസ് ടു വിദ്യാര്‍ഥിനിയെ അച്ഛന്റെ കൂട്ടുകാര്‍ ബലാത്സംഗം ചെയ്തു; ഒരാള്‍ പിടിയില്‍

by Midhun HP News | Aug 16, 2022 | Latest News, കേരളം, ജില്ലാ വാർത്ത

പുന്നയൂര്‍കുളത്ത് പ്ലസ് ടുവിദ്യാര്‍ഥിനിയെ അച്ഛന്റെ മൂന്ന് സുഹൃത്തുക്കള്‍ ചേര്‍ന്ന് ബലാത്സംഗം ചെയ്തു. സംഭവവുമായി ബന്ധപ്പെട്ട് ഒരാളെ അറസ്റ്റുചെയ്തതായി പൊലീസ് അറിയിച്ചു. ഒളിവില്‍ പോയ മറ്റ് രണ്ട് പ്രതികള്‍ക്കായി തിരച്ചില്‍ ഊര്‍ജിതമാക്കിയതായും പൊലീസ് പറഞ്ഞു.

പൊന്നാനിയിലെ എയ്ഡഡ് സ്‌കൂളില്‍ പഠിക്കുന്ന ഹയര്‍സെക്കന്‍ഡറി വിദ്യാര്‍ഥിനിയാണ് ക്രൂരപീഡനത്തിന് ഇരയായത്. വീട്ടില്‍ വച്ചും ട്യൂഷന്‍ സെന്ററില്‍ വച്ചുമാണ് ഇവര്‍ പീഡിപ്പിച്ചത്. രണ്ടുമാസം മുന്‍പാണ് സംഭവം നടന്നത്. ബലാത്സംഗത്തിനിരയായ വിവരം പെണ്‍കുട്ടി അമ്മയോട് പറഞ്ഞിരുന്നു. എന്നാല്‍ പൊലീസില്‍ പരാതി നല്‍കുകയോ മറ്റ് നടപടികളോ ഒന്നുമുണ്ടായില്ല.

കുട്ടിയുടെ പെരുമാറ്റത്തിലെ മാറ്റങ്ങള്‍ കണ്ട് അധ്യാപകരാണ് ചൈല്‍ഡ് ലൈന്‍ അധികൃതരെ വിവരം അറിയിച്ചത്. ഇവര്‍ നടത്തിയ കൗണ്‍സിലിങ്ങിലാണ് വിവരങ്ങള്‍ പെണ്‍കുട്ടി തുറന്നുപറഞ്ഞത്. ആഗസ്റ്റ് ഒന്‍പതിന് അച്ഛനും അമ്മയും ഇല്ലാത്ത സമയത്ത് വീട്ടിലെത്തിയ സുഹൃത്തുക്കള്‍ കൂട്ടമായി ചേര്‍ന്ന് കൈകള്‍ കെട്ടിയിട്ട് പീഡിപ്പിക്കുകയായിരുന്നു. മെയ് മാസത്തിലും ഇതേ ആളുകള്‍ ട്യൂഷന്‍ സെന്ററിലെത്തി പീഡിപ്പിച്ചതായും പെണ്‍കുട്ടി പറഞ്ഞു. ചൈല്‍ഡ് ലൈന്‍ പ്രവര്‍ത്തകര്‍ ഇക്കാര്യം പൊലീസില്‍ അറിയിക്കുകയായിരുന്നു.

പെണ്‍കുട്ടിയെ ഷെല്‍ട്ടര്‍ ഹോമിലേക്ക് മാറ്റിയതായി പൊലീസ് അറിയിച്ചു. വൈദ്യപരിശോധനയില്‍ പെണ്‍കുട്ടി പീഡനത്തിന് ഇരയായതായി തിരിച്ചറിഞ്ഞിട്ടുണ്ട്. പെണ്‍കുട്ടിയുടെ മാതാവും പിതാവും കഞ്ചാവ് വില്‍പ്പനയ്ക്ക് പലതവണ അറസ്റ്റിലായവരാണ്. ഇവരില്‍ നിന്ന് കഞ്ചാവ് വാങ്ങാനെത്തിയവരാണ് പീഡനത്തിന് ഇരയാക്കിയത്.

സൈനിക ബസ് നദിയിലേക്ക് മറിഞ്ഞു; ആറു ജവാന്മാര്‍ മരിച്ചു

by Midhun HP News | Aug 16, 2022 | Latest News, കേരളം, ജില്ലാ വാർത്ത

ജമ്മു കശ്മീരിലെ പഹല്‍ഹാമില്‍ സൈനിക ബസ് കൊക്കയിലേക്ക് മറിഞ്ഞ് ആറു ജവാന്‍മാര്‍ മരിച്ചു. ഇന്‍ഡോ ടിബറ്റന്‍ ബോര്‍ഡര്‍ പൊലീസ് (ഐടിബിപി) സേനാംഗങ്ങളാണ് മരിച്ചത്. അപകടത്തില്‍ നിരവധി പേര്‍ക്ക് പരിക്കേറ്റിട്ടുണ്ട്.

പരിക്കേറ്റവരെ കശ്മീരിലെ സൈനിക ആശുപത്രിയില്‍ പ്രവേശിപ്പിച്ചു. സൈനിക ബസില്‍ 37 ഐടിബിപി ജവാന്മാരും രണ്ട് ജമ്മുകശ്മീര്‍ പൊലീസ് സേനാംഗങ്ങളുമാണ് ഉണ്ടായിരുന്നത്. ചന്ദന്‍വാരിയില്‍ ബസ് നിയന്ത്രണം വിട്ട് നദിയിലേക്ക് മറിയുകയായിരുന്നുവെന്ന് പൊലീസ് അറിയിച്ചു.

അമര്‍നാഥ് യാത്രയുടെ സുരക്ഷാ ഡ്യൂട്ടി കഴിഞ്ഞ് മടങ്ങിയവരാണ് അപകടത്തില്‍പ്പെട്ടത്. വാഹനം 100 അടി താഴ്ചയിലേക്ക് മറിയുകയായിരുന്നു. ബ്രേക്ക് തകരാറിലായതാണ് അപകടകാരണമെന്നാണ് പ്രാഥമിക റിപ്പോര്‍ട്ട്.