തിരുവനന്തപുരം: തിങ്കളാഴ്ച സംസ്ഥാനത്ത് ട്രഷറികള് തുറന്നു പ്രവര്ത്തിക്കുമെങ്കിലും ഇടപാടുകള് ഉണ്ടാകില്ലെന്ന് ഡയറക്ടര് അറിയിച്ചു. എറണാകുളം ജില്ലയിലെ വിവിധ ട്രഷറികളിലായി ഇന്നലെ മാത്രം 250 കോടിയുടെ ബില്ലുകളാണ് മാറി നല്കിയത്.
ഇന്നാണ് 31 എങ്കിലും ഈസ്റ്ററും ഞായറും പ്രമാണിച്ച് ഇന്നലെയായിരുന്നു ട്രഷറികളിലെ അവസാന സാമ്പത്തിക വര്ഷ ദിനം. സാമ്പത്തിക വര്ഷം അവസാനിക്കുന്നതുമായി ബന്ധപ്പെട്ട് സംസ്ഥാനത്ത് നാളെ ബാങ്കുകള്ക്ക് അവധിയാണ്.
പത്തനംതിട്ട: അടൂര് പട്ടാഴിമുക്കില് രണ്ടുപേര് മരിച്ച കാര് അപകടത്തില് മോട്ടോര് വാഹന വകുപ്പിന്റെ അന്വേഷണ റിപ്പോര്ട്ട് പുറത്ത്. കണ്ടെയ്നര് ലോറിയിലേക്ക് കാര് ഇടിച്ചു കയറ്റുകയായിരുന്നു എന്നാണ് അന്വേഷണത്തിന് ശേഷം എന്ഫോഴ്സ്മെന്റ് ആര്ടിഒ തയ്യാറാക്കിയ റിപ്പോര്ട്ടില് പറയുന്നത്. റിപ്പോര്ട്ട് ഇന്ന് ഗതാഗത കമ്മീഷണര്ക്ക് കൈമാറും.
അപകടത്തില് മരിച്ച ഹാഷിമും അനൂജയും സീറ്റ് ബെല്റ്റ് ധരിച്ചിരുന്നില്ല. കാര് അമിത വേഗതയിലായിരുന്നു. തെറ്റായ ദിശയിലാണ് കാര് സഞ്ചരിച്ചിരുന്നത്. ബ്രേക്ക് ഉപയോഗിച്ചിട്ടില്ലെന്നും റിപ്പോര്ട്ടില് പറയുന്നു. ലോറിയില് നിയമവിരുദ്ധമായി ഘടിപ്പിച്ച ക്രാഷ് ബാരിയര് അപകടത്തിന്റെ ആഘാതം കൂട്ടിയെന്നും റിപ്പോര്ട്ടില് ചൂണ്ടിക്കാണിച്ചിട്ടുണ്ട്.
ബ്രേക്ക് ചെയ്തതിന്റെ അടയാളങ്ങള് ടയറിലും റോഡിലും കണ്ടെത്താനായിട്ടില്ല. എയര്ബാഗ് ഉള്ള മോഡല് ആയിരുന്നില്ല കാര്. അതുകൊണ്ടു തന്നെ അപകടത്തില് പരിക്ക് ഗുരുതരമായി മാറി. മനഃപൂര്വം കാര് ലോറിയിലേക്ക് ഇടിച്ചു കയറ്റിയതാണെന്നാണ് ബോധ്യമാകുന്നതെന്നാണ് റിപ്പോര്ട്ടിലെ കണ്ടെത്തല്. രാജസ്ഥാന് രജിസ്ട്രേഷനുള്ള ലോറിയാണ് അപകടത്തില്പ്പെട്ടത്.
അനൂജ കാറില് നിന്നും രക്ഷപ്പെടാന് ശ്രമിച്ചു എന്ന തരത്തിലുള്ള ദൃക്സാക്ഷി വെളിപ്പെടുത്തലുകളില് പൊലീസ് അന്വേഷണം തുടരുകയാണ്. ഇതിനായി ഫോറന്സിക് പരിശോധനയും മൊബൈല്ഫോണ് വിശദാംശങ്ങളും പരിശോധിക്കും. അനൂജയുടെ ജീവന് കൂടി നഷ്ടപ്പെടുത്തുന്ന തരത്തില് ഹാഷിം ലോറിയിലേക്ക് വാഹനം ഇടിച്ചു കയറ്റുകയായിരുന്നു എന്നാണ് പ്രാഥമിക വിലയിരുത്തല്.
സംസ്ഥാനത്ത് സ്വര്ണവില കുറഞ്ഞു. പവന് 200 രൂപ കുറഞ്ഞ് വില 50,200 ലെത്തി. ഒരു ഗ്രാം സ്വര്ണത്തിന് 25 രൂപ കുറഞ്ഞ് 6275 രൂപയിലെത്തി. റെക്കോര്ഡുകള് ഭേദിച്ച് മുന്നേറുന്ന സ്വര്ണവില ഇന്നലെ 50,000 കടന്നു പവന് വില 50,400 രൂപയിലെത്തിയിരുന്നു.
ആഗോള വിപണിയിലെ സാഹചര്യങ്ങളാണ് സ്വര്ണവിലയില് പ്രതിഫലിച്ചത്. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് പേര് എത്തുന്നതാണ് വില ഉയരാന് കാരണമെന്ന് വിദഗ്ധര് പറയുന്നു.
ഈ മാസത്തിന്റെ തുടക്കത്തില് 46,320 രൂപയായിരുന്നു സ്വര്ണവില. മൂന്നാഴ്ചയ്ക്കിടെ 3000 രൂപയിലധികം വര്ധിച്ച് 21ന് 49,440 രൂപയായി ഉയര്ന്ന് റെക്കോര്ഡ് ഇട്ടതാണ് ഇതിന് മുന്പത്തെ ഉയര്ന്ന വില. തുടര്ന്നുള്ള ദിവസങ്ങളില് വില താഴ്ന്ന് 49,000ല് താഴെ എത്തിയ ശേഷം വീണ്ടും ഉയര്ന്നിരുന്നു
തിരുവനന്തപുരം: സംസ്ഥാനത്ത് കനത്ത ചൂട് തുടരുന്നു. ചൂടു തുടരുന്നതിനാല് ഏപ്രില് ഒന്നു വരെ ഒമ്പത് ജില്ലകളില് യെലോ അലര്ട്ട് പ്രഖ്യാപിച്ചിട്ടുണ്ട്. കൊല്ലം, തൃശൂര്, പാലക്കാട്, പത്തനംതിട്ട, കോട്ടയം, ആലപ്പുഴ, എറണാകുളം, കോഴിക്കോട്, കണ്ണൂര്, ജില്ലകളിലാണിത്.
കൊല്ലം, തൃശൂര്, പാലക്കാട് ജില്ലകളില് ഉയര്ന്ന താപനില 38 ഡിഗ്രി വരെയും, ആലപ്പുഴ,കോട്ടയം, എറണാകുളം, കോഴിക്കോട്, കണ്ണൂര് ജില്ലകളില് ഉയര്ന്ന താപനില 36 ഡിഗ്രി വരെയും (സാധാരണയെക്കാള് 2 – 3 ഡിഗ്രി കൂടുതല്) ഉയരാന് സാധ്യതയെന്ന് കേന്ദ്ര
സംസ്ഥാനത്തെ മിക്ക കേന്ദ്രങ്ങളിലും 36 ഡിഗ്രിക്കു മുകളിലാണ് താപനില. പുനലൂരിലാണ് ഏറ്റവും കൂടുതല് (39.5 ). തൃശൂര് വെള്ളാനിക്കര (39), പാലക്കാട് (38.4) എന്നിങ്ങനെയാണു കണക്ക്. തിരുവനന്തപുരവും കൊച്ചിയും കോഴിക്കോടും ഉള്പ്പെടെ മിക്ക സ്റ്റേഷനുകളിലും കുറഞ്ഞ താപനില 27 ഡിഗ്രിക്കു മുകളിലാണ്.
അതേസമയം സംസ്ഥാനത്തെ ആലപ്പുഴ, എറണാകുളം ജില്ലകളില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മിതമായ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.കാലാവസ്ഥ വകുപ്പ് മുന്നറിയിപ്പില് പറയുന്നു
അടൂർ പട്ടാഴിമുക്കിൽ ലോറിയിൽ കാറിടിച്ച് രണ്ടു പേർ മരിച്ച അപകടത്തിൽ വെളിപ്പെടുത്തലുമായി ദൃക്സാക്ഷി. അനുജയും ഹാഷിമുമായി കാറിൽ മൽപിടുത്തം നടന്നിരുന്നതായി ഏനാദിമംഗലം പഞ്ചായത്ത് അംഗം ശങ്കർ മരൂർ. അപകടത്തിന് മുൻപ് കാർ ശ്രദ്ധയിൽപ്പെട്ടിരുന്നതായും ആലയിൽപ്പടിയിൽ വെച്ച് കാർ കണ്ടിരുന്നുവെന്നും ശങ്കർ പറയുന്നു.
ഓട്ടത്തിനിടെ കാറിന്റെ ഡോർ തുറന്നു. അനുജ ഇരുന്ന ഭാഗത്തെ ഡോർ മൂന്നു തവണ തുറന്നു. കാലുകൾ പുറത്തിടുന്നത് കണ്ടിരുന്നു എന്ന് ശങ്കർ മരൂർ പറയുന്നു. കാർ പലവട്ടം വലത്തേക്ക് പാളിയിരുന്നെന്നും ശങ്കർ വെളിപ്പെടുത്തി. അമിത വേഗതയിൽ എത്തിയ കാർ ലോറിയിലേക്ക് ഇടിക്കുകയായിരുന്നുവെന്ന് ലോറി ഡ്രൈവറിന്റെ മകൻ പറഞ്ഞു. ഇടിയുടെ ആഘാതത്തിൽ ഇരുവരും തൽക്ഷണം മരിച്ചിരുന്നു.
നൂറനാട് സ്വദേശിയാണ് അനുജ. തുമ്പമൺ നോർത്ത് ജിഎച്ച്എസ്എസിലെ അധ്യാപിക കൂടിയാണ് മരിച്ച അനുജ. കായംകുളം സ്വദേശിയാണ് ഭർത്താവ്. ഇവർക്ക് 11 വയസുള്ള മകനും ഉണ്ട്. സ്വകാര്യ ബസ് ഡ്രൈവറാണ് ഹാഷിം. ഹരിശ്രീ എന്ന ബസിന്റെ ഡ്രൈവറാണ് ഹാഷിം. സഹ അധ്യാപകർക്കൊപ്പം തിരുവനന്തപുരത്ത് നിന്ന് വിനോദയാത്ര കഴിഞ്ഞ് മടങ്ങുകയായിരുന്നു അനുജ. വിനോദയാത്ര കഴിഞ്ഞ് മടങ്ങിയ അനുജയെ ഹാഷിം വാഹനം തടഞ്ഞ് കൂട്ടിക്കൊണ്ടുപോവുകയായിരുന്നു.
കണ്ണൂര്: കണ്ണൂരില് ഒരാള്ക്ക് സൂര്യാഘാതമേറ്റു. ടെയ്ലറിങ് കടയുടമ കരുവന്ചാല് പള്ളിക്കവല സ്വദേശി എംഡി രാമചന്ദ്രനാണ് പൊള്ളലേറ്റത്. രാമചന്ദ്രന്റെ ഇരുകാലുകള്ക്കും പൊള്ളലേറ്റു. രാമചന്ദ്രനെ ഉടന് സമീപത്തെ ആശുപത്രിയില് പ്രവേശിപ്പിച്ചു. ഇരുപാദങ്ങളിലേയും തൊലി നീക്കം ചെയ്തു.
അതേസമയം, ഇന്ന് പത്ത് ജില്ലകളില് ഉയര്ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്. കൊല്ലം, തൃശൂർ, പാലക്കാട്, പത്തനംതിട്ട, കോട്ടയം, ആലപ്പുഴ, എറണാകുളം, കോഴിക്കോട്, കണ്ണൂർ, തിരുവനന്തപുരം ജില്ലകളിലാണ് മുന്നറിയിപ്പ്. സാധാരണയേക്കാൾ രണ്ട് മുതൽ നാല് ഡിഗ്രി സെൽഷ്യസ് വരെ ചൂട് കൂടും. ഈ ജില്ലകളിൽ യെല്ലോ അലർട്ട് പ്രഖ്യാപിച്ചു.
കൊല്ലം, തൃശൂർ, പാലക്കാട് ജില്ലകളിൽ ഉയർന്ന താപനില 39 ഡിഗ്രി സെൽഷ്യസ് വരെയും, പത്തനംതിട്ട, കോട്ടയം ജില്ലകളിൽ ഉയർന്ന താപനില 38 ഡിഗ്രി സെൽഷ്യസ് വരെയും, ആലപ്പുഴ, എറണാകുളം, കോഴിക്കോട്, കണ്ണൂർ ജില്ലകളിൽ ഉയർന്ന താപനില 37 ഡിഗ്രി സെൽഷ്യസ് വരെയും, തിരുവനന്തപുരം ജില്ലയിൽ ഉയർന്ന താപനില 36 ഡിഗ്രി സെൽഷ്യസ് വരെയും (സാധാരണയെക്കാൾ 2 – 4 ഡിഗ്രി സെൽഷ്യസ് കൂടുതൽ) ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഉയർന്ന താപനിലയും ഈർപ്പമുള്ള വായുവും കാരണം ഈ ജില്ലകളിൽ, മലയോര മേഖലകളിലൊഴികെ 2024 മാർച്ച് 28 മുതൽ ഏപ്രിൽ 01 ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.
Recent Comments