by Midhun HP News | Jan 20, 2023 | Latest News, കേരളം, ജില്ലാ വാർത്ത
കമ്പോള നിലവാരം
ജയ വെള്ള അരിയുടെ വില 55 മുതൽ 60 വരെയാണ്‌
പ്രമുഖ ബ്രാൻഡുകളുടെ മാർക്കറ്റ് ചില്ലറ വിൽപ്പന വില ഇപ്രകാരമാണ്‌
സേവൻ സ്റ്റാർ – 60
കുടുംബശ്രീ – 58
പൂവൻകോഴി – 58
പെരിയാർ ജയ -75
(മുഴുവൻ ചാക്ക്‌ എടുക്കുന്നവർക്ക്‌ കൂടുതൽ ഹോൾസെയിൽ വിലക്ക്‌ ലഭിക്കുന്നതാണ്)
ചുവന്ന അരി എന്ന വടി മട്ട അരിയുടെ വില 50-54 വരെയാണ്‌
പവിഴം വടി – 50
നിർമൽ വടി – 54
പച്ചരി – 31-45
(മാർഗ്ഗയിൽ ഫൈൻ പച്ചരി 31-34 നിരക്കിൽ വിവിധ ബ്രാൻഡുകളിൽ ലഭ്യമാണ്‌)
ഐആർ 8 പച്ചരി – 34
പവിഴം പച്ചരി – 36
പെരിയാർ സൂപ്പർ പച്ചരി – 39
പഞ്ചസാര 40- 44 .വരെയാണ്‌
മാർഗ്ഗയിൽ പഞ്ചസാരയുടെ ഇന്നത്തെ വില 40 ആണ്‌
ഉഴുന്ന് – 140
മാർഗ്ഗയിൽ ഇത് 128 ആണ്‌
ചെറുപയർ – 125
മാർഗ്ഗയിൽ – 130
തുവര പരിപ്പ് – 140
മാർഗ്ഗയിൽ 115 മാത്രമേയുള്ളൂ
ഗ്രീൻ പീസ് – 75
മാർഗ്ഗയിൽ – 70
ശർക്കര – 54- 68
മാർഗ്ഗയിൽ – 56
മുളക് – 330
മാർഗ്ഗയിൽ – 310
മല്ലി – 160
മാർഗ്ഗയിൽ – 148
മൈദ – 50
മാർഗ്ഗയിൽ സൂപ്പർ ക്വാളിറ്റി കുത്തുവിളക്ക്‌ മൈദ 48 മാത്രം ആണ്‌ വില
വെളിച്ചെണ്ണ വില:
വരവ്‌ വെളിച്ചെണ്ണ – 156
എക്സ്പെല്ലർ വെളിച്ചെണ്ണ 170 മുതൽ ലഭ്യമാണ്‌
മാർഗ്ഗയിൽ കണ്മുന്നിൽ ചക്കിൽ ആട്ടിയ നാടൻ വെളിച്ചെണ്ണ 198 രൂപയാണ്‌ വില
ഇന്നത്തെ ആറ്റിങ്ങൽ പച്ചക്കറി വില
വെണ്ടയ്ക്ക – 80-90
മാർഗ്ഗ വില – 45
ആപ്പിൾ തക്കാളി 40-50
മാർഗ്ഗ വില – 40
ഉള്ളി 28-48
മാർഗ്ഗ വില – 32
ചെറിയ ഉള്ളി 98 – 110
മാർഗ്ഗ വില – 78
കറിക്കായ – 40-48
മാർഗ്ഗ വില – 38
പാവയ്ക്ക – 60-70
മാർഗ്ഗ വില -42
കാരറ്റ്‌ – 75
മാർഗ്ഗ വില – 55
കത്തിരി – 75
മാർഗ്ഗ വില – 65
തണ്ണിമത്തൻ – 22
പിരപ്പൻ കോട്‌ നാടൻ ഏത്തപ്പഴം 60 രൂപയാണ്‌ വില
ഞാലിപ്പൂവൻ – 75
കൂടുതൽ വില വിവരങ്ങളുമായി നാളെ മാർഗ്ഗ എത്തും
(സാധനങ്ങളുടെ ഗുണമേന്മയിലും, വിപണിയുടെ ലഭ്യതക്കും വ്യതിയാനങ്ങൾക്കും അനുസരിച്ച്‌ വിലകളിൽ നേരിയ വ്യത്യാസങ്ങൾ ഉണ്ടായേക്കാം)
MARGA BAZAR MASTER LOGO 2022
by Midhun HP News | Jan 20, 2023 | Latest News, കേരളം, ജില്ലാ വാർത്ത
ഇടുക്കി: ഇടുക്കി കൊടികുത്തിക്കു സമീപം വിനോദ സഞ്ചരികൾ സഞ്ചരിച്ച വാഹനം കൊക്കയിലേക്ക് മറിഞ്ഞു. അപകടത്തിൽ ഡ്രൈവർ അടക്കം 21 പേർക്ക് പരിക്കേറ്റു. സാരമായി പരിക്കേറ്റ എട്ടു പേരെ കോട്ടയം മെഡിക്കൽ കോളജിലേക്ക് മാറ്റി. ബാക്കിയുള്ളവരെ മുണ്ടക്കയത്തെ സ്വകാര്യ ആശുപത്രിയിൽ പ്രവേശിപ്പിച്ചു ആരുടേയും നില ഗുരുതരമല്ല. അൻപത് അടിയോളം താഴ്ചയുള്ള കൊക്കയിലേക്കാണ് വാഹനം മറിഞ്ഞതെങ്കിലും ഒരു തെങ്ങിൽ തട്ടി നിന്നതിനാലാണ് വലിയ ദുരന്തം ഒഴിവായത്. കേരളത്തിൽ സന്ദര്‍ശനത്തിന് എത്തിയ മുംബൈ, താനെ സ്വദേശികളുമായി വന്ന വാഹനമാണ് അപകടത്തിൽപ്പെട്ടത്. തേക്കടിയിൽ നിന്നും കൊടിക്കുത്തിമലയിലേക്ക് പോകുകയായിരുന്നു ഇവര്‍.
by Midhun HP News | Jan 20, 2023 | Latest News, കേരളം, ജില്ലാ വാർത്ത
കടയുടമയുടെ മാല പൊട്ടിച്ച ശേഷം കടന്നു കളഞ്ഞ രണ്ട് മലയാളികൾ അറസ്റ്റിൽ. നാഗർകോവിലിലാണ് സംഭവം. ചെമ്മൻകാല സ്വദേശി ഗണേശന്റെ ഭാര്യ ക്രിസ്റ്റിനയുടെ (53) മാലയാണ് മോഷണം പോയത്. സംഭവവുമായി ബന്ധപ്പെട്ട് വെള്ളറട, ആനപ്പാറ സ്വദേശി രാജുവിന്റെ ഭാര്യ ശാന്തകുമാരി (40), പള്ളിച്ചൽ നരിവാമൂട് സ്വദേശി രാജേന്ദ്രന്റെ മകൻ സതീഷ് (34) എന്നിവരെ പൊലീസ് അറസ്റ്റ് ചെയ്തു. കഴിഞ്ഞ ഡിസംബർ 10 ന് രാത്രി ആയിരുന്നു കേസിന് ആസ്പദമായ സംഭവം നടന്നത്. രാത്രി കടയിൽ എത്തിയ ഇരുവരും 1 കിലോ പഴം ആവശ്യപ്പെടുകയായിരുന്നു. പഴം എടുക്കുന്ന സമയം ശാന്തകുമാരി ക്രിസ്റ്റിനയുടെ കഴുത്തിൽ കിടന്നിരുന്ന ആറര പവന്റെ മാല പൊട്ടിച്ചു. ഇതിന് ശേഷം ഇരുവരും ഓടി ക്ഷപ്പെടുകയായിരുന്നു. പരാതിയുടെ അടിസ്ഥാനത്തിൽ ജില്ലാ പൊലീസ് മേധാവി ഹരി കിരൺ പ്രസാദിന്റെ നേതൃത്വത്തിലുള്ള എസ്ഐ അരുളപ്പന്റെ പ്രത്യേക സംഘമാണ് പ്രതികളെ പിടികൂടിയത്. പ്രതികളുടെ കൈയിൽ നിന്ന് ആറര പവന്റെ സ്വർണ്ണവും പിടിച്ചെടുത്തിട്ടുണ്ട്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
by Midhun HP News | Jan 20, 2023 | Latest News, കേരളം, ജില്ലാ വാർത്ത
കൊച്ചി: സുരക്ഷ ക്യാമറ വെക്കേണ്ടത് സ്വന്തം വീടിന്റെ സുരക്ഷ നിരീക്ഷിക്കാനായിരിക്കണം അല്ലാതെ അയൽവാസിയെ നിരീക്ഷക്കാനാവരുതെന്ന് ഹൈക്കോടതി. തന്റെ വീടും പരിസരവും നിരീക്ഷിക്കുന്ന തരത്തിൽ അയൽവാസിയായ രാജു ആന്റണി ക്യാമറകൾ സ്ഥാപിച്ചെന്നും ഇത് സ്വകാര്യതയുടെ ലംഘനമാണെന്നും ചൂണ്ടിക്കാട്ടി ചേരാനെല്ലൂർ സ്വദേശിനി ആഗ്‌നസ് മിഷേൽ നൽകിയ ഹർജിയിലാണ് കോടതിയുടെ പരാമർശം.|
സുരക്ഷയ്ക്ക് വേണ്ടി നിരീക്ഷണ ക്യാമറകൾ സ്ഥാപിക്കുന്നതിന് സംസ്ഥാന സർക്കാരുമായി കൂടിയാലോചിച്ച് പൊലീസ് മേധാവി ഉചിതമായ മാർഗനിർദേശം കൊണ്ടുവരണമെന്നും അയൽവാസിയെ നിരീക്ഷിക്കുന്നത്അ നുവദിക്കാനാവില്ലെന്നും കോടതി പറഞ്ഞു.
പരാതിയിൽ പറയുന്ന അയൽവാസിയായ രാജു ആന്റണി, ചേരാനെല്ലൂർ പഞ്ചായത്ത്, പഞ്ചായത്ത് സെക്രട്ടറി തുടങ്ങിയവർക്ക് നോട്ടിസ് അയക്കാനും കോടതി ഉത്തരവിൽ നിർദേശിച്ചു. ജസ്റ്റിസ് വി അരുൺകുമാറിന്റേതാണ് ഉത്തരവ്. ഡിജിപിയെ സ്വമേധയ കക്ഷി ചേർത്ത കോടതി ഹർജിയുടെ പകർപ്പ് അദ്ദേഹത്തിന് അയക്കണമെന്നും കോടതി പ്രകടിപ്പിച്ച ഉത്കണ്ഠ അറിയിക്കണമെന്നും വ്യക്തമാക്കി. ഹർജി ഒരു മാസത്തിനകം പരിഗണിക്കും.
by Midhun HP News | Jan 20, 2023 | Latest News, കേരളം, ജില്ലാ വാർത്ത
ന്യൂഡല്‍ഹി: ഉപയോക്താക്കളുടെ സൗകര്യാര്‍ത്ഥം പുതിയ ഫീച്ചറുകള്‍ തുടര്‍ച്ചയായി അവതരിപ്പിച്ച് വരികയാണ് ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പ്. ഒറിജിനല്‍ ക്വാളിറ്റിയോടെ ചിത്രങ്ങള്‍ അയക്കാന്‍ സാധിക്കുന്നവിധമുള്ള ഫീച്ചര്‍ ഡ്രോയിങ് ടൂള്‍ ഹെഡറില്‍ പുതിയ ഐക്കണ്‍ ആയി അവതരിപ്പിക്കാനാണ് ആലോചന. ഉപയോക്താവിന് ചിത്രത്തിന്റെ ക്വാളിറ്റി കോണ്‍ഫിഗര്‍ ചെയ്യാന്‍ കഴിയുന്നവിധമാണ് ഫീച്ചര്‍.
ഇത് അവതരിപ്പിക്കുന്നതോടെ, ചിത്രങ്ങളുടെ ക്വാളിറ്റിയില്‍ ഉപയോക്താവിന് കൂടുതല്‍ നിയന്ത്രണം ലഭിക്കും. ഒറിജിനല്‍ ക്വാളിറ്റിയില്‍ തന്നെ ചിത്രങ്ങള്‍ അയക്കാന്‍ സാധിക്കുന്നത് വഴി മറ്റു സംവിധാനങ്ങള്‍ അന്വേഷിച്ച് ഉപയോക്താവിന് നടക്കേണ്ടി വരില്ല. പുതിയ അപ്‌ഡേറ്റായി പൂര്‍ണ ക്വാളിറ്റിയോടെ ചിത്രങ്ങള്‍ അയക്കാന്‍ ഉപയോക്താവിന് സാധിക്കുന്ന ഫീച്ചര്‍ അവതരിപ്പിക്കാന്‍ വാട്‌സ്ആപ്പ് ഒരുങ്ങുന്നതായാണ് റിപ്പോര്‍ട്ട്.
by Midhun HP News | Jan 20, 2023 | Latest News, കേരളം, ജില്ലാ വാർത്ത
ന്യൂഡല്‍ഹി: 15 വര്‍ഷത്തിലേറെ പഴക്കമുള്ള സര്‍ക്കാരിന്റെ എല്ലാ വാഹനങ്ങളും ആക്രിവിലയ്ക്ക് വില്‍ക്കും. 15 വര്‍ഷത്തിലേറെ പഴക്കമുള്ള കേന്ദ്ര, സംസ്ഥാന സര്‍ക്കാര്‍ വാഹനങ്ങള്‍ ഏപ്രില്‍ ഒന്നുമുതല്‍ നിരത്തില്‍ ഇറങ്ങാന്‍ പാടില്ല. ഇതുസംബന്ധിച്ച് കേന്ദ്ര ഉപരിതല ഗതാഗതമന്ത്രാലയം വിജ്ഞാപനം ഇറക്കി. സര്‍ക്കാരിന്റെ നിയന്ത്രണത്തിലുള്ള ട്രാന്‍സ്‌പോര്‍ട്ട് കോര്‍പ്പറേഷന്‍ വാഹനങ്ങള്‍ക്കും ഇത് ബാധകമാണ്. കേരളത്തില്‍ പഴക്കമുള്ള കെഎസ്ആര്‍ടിസി വാഹനങ്ങളും നിരത്തില്‍ നിന്ന് അപ്രത്യക്ഷമാകും.
വായുമലിനീകരണം കുറച്ച് വാഹനഗതാഗതം പരിസ്ഥിതി സൗഹൃദമാക്കുന്നതിന്റെ ഭാഗമായാണ് കേന്ദ്രസര്‍ക്കാര്‍ നടപടി. ഏപ്രില്‍ ഒന്നുമുതല്‍ 15 വര്‍ഷത്തിലേറെ പഴക്കമുള്ള കേന്ദ്ര, സംസ്ഥാന സര്‍ക്കാര്‍ വാഹനങ്ങള്‍ നിരത്തില്‍ ഓടാന്‍ പാടില്ല. ഇവ പൊളിക്കല്‍ കേന്ദ്രത്തിന് കൈമാറി എന്ന് ഉറപ്പാക്കണമെന്ന് വിജ്ഞാപനത്തില്‍ പറയുന്നു. 2021 ലെ മോട്ടോര്‍ വാഹന ചട്ടം അനുസരിച്ചാണ് നടപടികള്‍ സ്വീകരിക്കേണ്ടത്.
സംസ്ഥാന സര്‍ക്കാരിന്റെ കീഴിലുള്ള ട്രാന്‍സ്‌പോര്‍ട്ട് കോര്‍പ്പറേഷന്‍ വാഹനങ്ങള്‍ക്കും ഇത് ബാധകമാണ്. കേരളത്തില്‍ പൊതുഗതാഗത രംഗത്ത് സര്‍വീസ് നടത്തുന്ന കെഎസ്ആര്‍ടിസി സര്‍ക്കാരിന്റെ നിയന്ത്രണത്തിലാണ്. ഏപ്രില്‍ ഒന്നുമുതല്‍ 15 വര്‍ഷത്തിലേറെ പഴക്കമുള്ള കെഎസ്ആര്‍ടിസി ബസുകളും നിരത്തില്‍ നിന്ന് അപ്രത്യക്ഷമാകും.
2021-22 ബജറ്റിലാണ് പൊളിക്കല്‍ നയം അവതരിപ്പിച്ചത്. ഇതനുസരിച്ച് 20 വര്‍ഷം കഴിഞ്ഞാല്‍ സ്വകാര്യ വാഹനങ്ങള്‍ ഫിറ്റ്‌നസ് ടെസ്റ്റിന് വിധേയമാകണം. വാണിജ്യ വാഹനങ്ങള്‍ക്ക് 15 വര്‍ഷമാണ് പരിധി നിശ്ചയിച്ചിരിക്കുന്നത്. പഴയ വാഹനം പൊളിക്കാന്‍ കൊടുത്ത ശേഷം പുതിയ വാഹനം വാങ്ങുന്നവര്‍ക്ക് റോഡ് നികുതിയില്‍ 25 ശതമാനം റിബേറ്റ് അനുവദിക്കണമെന്നും പുതിയ നയത്തില്‍ പറയുന്നു.
Recent Comments