കോട്ടയത്ത് രണ്ടു ബിഎസ്‌സി നഴ്‌സിങ് വിദ്യാര്‍ഥികള്‍ മുങ്ങിമരിച്ചു

by Midhun HP News | Dec 20, 2022 | Latest News, കേരളം, ജില്ലാ വാർത്ത

കോട്ടയം: കോട്ടയത്ത് രണ്ടു ബിഎസ്‌സി നഴ്‌സിങ് വിദ്യാര്‍ഥികള്‍ മുങ്ങിമരിച്ചു. കരുനാഗപ്പള്ളി സ്വദേശി അജ്മല്‍ (21), വര്‍ക്കല സ്വദേശി വജന്‍ (21 എന്നിവരാണ് മരിച്ചത്.
കോട്ടയം പാദുവയില്‍ ഇന്ന് വൈകീട്ട് 5.30 നായിരുന്നു സംഭവം. മീനച്ചിലാറിന്റെ കൈവഴിയായ പന്നകം തോട്ടില്‍ നാലംഗ സംഘം കുളിക്കാനിറങ്ങിയപ്പോഴാണ് രണ്ട് വിദ്യാര്‍ഥികള്‍ അപകടത്തില്‍പ്പെട്ടത്.

പ്രദേശത്തുള്ള സഹപാഠിയെ കാണാന്‍ എത്തിയതാണ് വിദ്യാര്‍ഥികള്‍. മറ്റൊരു അപകടത്തില്‍ പരിക്കേറ്റ് വീട്ടില്‍ വിശ്രമത്തില്‍ കഴിയുകയാണ് സഹപാഠി. സഹപാഠിയെ കണ്ട് തിരിച്ചു പോകുന്നതിനിടെ തോട്ടില്‍ കുളിക്കാന്‍ ഇറങ്ങുകയായിരുന്നു. ഒഴുക്കില്‍പ്പെട്ടാണ് ഇരുവരും മുങ്ങിമരിച്ചത്. വിവരം അറിഞ്ഞ് സ്ഥലത്തെത്തിയ ഫയര്‍ഫോഴ്‌സും പൊലീസും ചേര്‍ന്ന് വിദ്യാര്‍ഥികളെ പുറത്തേയ്ക്ക് എടുക്കുമ്പോള്‍ ഇരുവര്‍ക്കും ജീവന്‍ ഉണ്ടായിരുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. കൊല്ലം ട്രാവന്‍കൂര്‍ നഴ്‌സിങ് കോളജിലെ രണ്ടാം വര്‍ഷ ബിരുദ വിദ്യാര്‍ഥികളാണ് ഇരുവരും.

ഒ പി സേവനം വൈകുന്നേരം ആറ് മണി വരെ; സമയം നീട്ടാന്‍ ആരോഗ്യമന്ത്രിയുടെ നിര്‍ദേശം

by Midhun HP News | Dec 20, 2022 | Latest News, കേരളം, ജില്ലാ വാർത്ത

ആ​ശു​പ​ത്രി​ക​ളി​ൽ ഒ ​പി സേ​വ​നം വൈ​കു​ന്നേ​രം ആ​റ് വ​രെ നീട്ടാൻ നി​ർ​ദേ​ശം ന​ൽ​കി ആ​രോ​ഗ്യ​മ​ന്ത്രി വീ​ണാ ജോ​ർ​ജ്. മൂ​ന്ന് ഡോ​ക്ട​ർ​മാ​രുടെ സേവനം ലഭ്യമാക്കുന്ന കു​ടും​ബാ​രോ​ഗ്യ കേ​ന്ദ്ര​ങ്ങ​ളി​ൽ വൈ​കു​ന്നേ​രം ആ​റ് വ​രെ ആ​ർ​ദ്രം മാ​ന​ദ​ണ്ഡ പ്ര​കാ​ര​മു​ള്ള ഒ​പി സേ​വ​നം ഉ​റ​പ്പ് വ​രു​ത്തു​ന്ന​തി​നാ​ണ് മ​ന്ത്രി നി​ർ​ദേ​ശം. ഇ​ത്ത​ര​ത്തി​ൽ പ്ര​വ​ർ​ത്തി​ക്കാ​ത്ത സ്ഥാ​പ​ന​ങ്ങ​ളെ​പ്പ​റ്റി അ​ടി​യ​ന്ത​ര​മാ​യി റി​പ്പോ​ർ​ട്ട് ചെ​യ്യാ​നും മ​ന്ത്രി നി​ർ​ദേ​ശം ന​ൽ​കി. സീ​നി​യ​ർ മെ​ഡി​ക്ക​ൽ ഓ​ഫീ​സ​ർ​മാ​രു​ടെ കോ​ൺ​ഫ​റ​ൻ​സി​ലാ​ണ് മ​ന്ത്രി നി​ർ​ദേ​ശം ന​ൽ​കി​യ​ത്.

ഇടുക്കി മെഡിക്കല്‍ കോളേജില്‍ 104 വയസുകാരിയ്ക്ക് തിമിര ശസ്ത്രക്രിയ വിജയം

by Midhun HP News | Dec 20, 2022 | Latest News, കേരളം, ജില്ലാ വാർത്ത

ഇടുക്കി സര്‍ക്കാര്‍ മെഡിക്കല്‍ കോളേജില്‍ 104 വയസുള്ള ഇടുക്കി കഞ്ഞിക്കുഴി ചേലച്ചുവട് സ്വദേശിനി ദേവകിയമ്മയ്ക്ക് നടത്തിയ തിമിര ശസ്ത്രക്രിയ വിജയം. ഈ പ്രായത്തില്‍ അപൂര്‍വമായാണ് തിമിര ശസ്ത്രക്രിയ വിജയിക്കുന്നത്. ഇടത് കണ്ണില്‍ തിങ്കളാഴ്ച ശസ്ത്രക്രിയ നടത്തി ലെന്‍സ് ഇട്ടു. ആരോഗ്യനില തൃപ്തികരമായതിനെ തുടര്‍ന്ന് ദേവകിയമ്മയെ ഇന്ന് ഡിസ്ചാര്‍ജ് ചെയ്തു. സൗജന്യമായാണ് ശസ്ത്രക്രിയ നടത്തിയത്. വിജയകരമായ തിമിര ശസ്ത്രക്രിയ നടത്തിയ ടീമിനെ ആരോഗ്യ വകുപ്പ് മന്ത്രി വീണാ ജോര്‍ജ് അഭിനന്ദിച്ചു.

രണ്ട് കണ്ണിനും കാഴ്ച കുറവുമായാണ് ദേവകിയമ്മ അടുത്തിടെ ഇടുക്കി മെഡിക്കല്‍ കോളേജിലെത്തിയത്. പരിശോധനയില്‍ ഇടത് കണ്ണിന് തീവ്രമായി തിമിരം ബാധിച്ച് കാഴ്ച നഷ്ടപ്പെട്ടതായി കണ്ടെത്തി. പ്രായം കൂടുതലായതിനാല്‍ തിമിര ശസ്ത്രക്രിയയുടെ സാധ്യതകള്‍ പരിശോധിച്ചു. മറ്റ് അസുഖങ്ങളൊന്നുമില്ലാത്തതിനാല്‍ ശസ്ത്രക്രിയ നടത്താന്‍ തീരുമാനിച്ചു. ഞായറാഴ്ച ദേവകിയമ്മയെ ആശുപത്രിയില്‍ പ്രവേശിപ്പിച്ചു. പ്രായം പരിഗണിഗണിച്ച് എല്ലാവിധ മുന്‍കരുതലുകളുമെടുത്താണ് ശസ്ത്രക്രിയ നടത്തിയത്.
ഇടുക്കി മെഡിക്കല്‍ കോളേജിന് അടുത്തിടെയാണ് നാഷണല്‍ മെഡിക്കല്‍ കമ്മീഷന്റെ അനുമതി ലഭിച്ചത്.

വലിയ വികസന പ്രവര്‍ത്തനങ്ങളാണ് നടന്നുവരുന്നത്. ഒഫ്ത്താല്‍മോളജി വിഭാഗത്തില്‍ ആഴ്ചയില്‍ ശരാശരി 15 തിമിര ശസ്ത്രക്രിയകളോളം നടത്തി വരുന്നു. ഒഫ്ത്താല്‍മോളജി വിഭാഗം മേധാവി ഡോ. വി. സുധ, അസി. പ്രൊഫസര്‍ ഡോ. ശബരീഷ്, സ്റ്റാഫ് നഴ്‌സ് രമ്യ എന്നിവരാണ് സര്‍ജറിയ്ക്ക് നേതൃത്വം നല്‍കിയത്.

ലോകകപ്പ് കെട്ടിപ്പിടിച്ചുറങ്ങുന്ന മെസിയുടെ ചിത്രം വൈറൽ

by Midhun HP News | Dec 20, 2022 | Latest News, കേരളം, ജില്ലാ വാർത്ത

ഫുട്‌ബോള്‍ ലോകകപ്പ് നേടിയതിന്റെ ആഹ്‌ളാദം അവസാനിപ്പിക്കാതെ അര്‍ജന്റീനയുടെ സൂപ്പര്‍ താരം ലയണല്‍ മെസി ഉറങ്ങുമ്പോഴും ഉണ്ണുമ്പോഴുമെല്ലാം കപ്പ് അടുത്തു തന്നെ! മെസി ലോകകപ്പിനെ കെട്ടിപ്പിടിച്ചുറങ്ങുന്ന ചിത്രം വൈറലായിരിക്കുകയാണ്.
തന്റെ സാമൂഹ്യ മാധ്യമ അക്കൗണ്ടുകളിലൂടെ മെസി തന്നെയാണ് ഈ ചിത്രം പങ്കുവച്ചത്. ശുഭദിനം എന്ന കുറിപ്പോടെയായിരുന്നു ചിത്രം പങ്കുവച്ചത്. ഇന്‍സ്റ്റഗ്രാമില്‍ ചിത്രത്തിന് ഇതിനോടകം ഒരുകോടിയില്‍ അധികം ആളുകളാണ് ലൈക് ചെയ്തത്.

മുട്ടക്കോഴി വിതരണ പദ്ധതിയ്ക്ക് തുടക്കമിട്ടു

by Midhun HP News | Dec 20, 2022 | Latest News, കേരളം, ജില്ലാ വാർത്ത

പുളിമാത്ത് ഗ്രാമപഞ്ചായത്ത് 2022-23 സാമ്പത്തിക വർഷത്തെ വാർഷിക പദ്ധതിയിൽ 560000 രൂപ ഉൾപ്പെടുത്തി പഞ്ചായത്ത് പ്രദേശത്തെ ജനറൽ വിഭാഗത്തിൽ ഉൾപ്പെടുന്ന 434 കുടുംബങ്ങൾക്കും പട്ടികജാതി വിഭാഗത്തിൽപെടുന്ന 500 കുടുംബങ്ങൾക്കും സൗജന്യമായി 5 മുട്ടകോഴികൾ വീതം വിതരണം ചെയ്യുന്ന പദ്ധതിയുടെ ഭാഗമായി കാട്ടുംമ്പുറത്ത് പഞ്ചായത്തിലെ 5-മഞ്ഞപ്പാറ 6-കുടപ്പാറ 7- കാട്ടുമ്പുറം 8- അരിവാരികുഴി 9-കൊല്ലുവിള 10-പയറ്റിങ്ങക്കുഴി എന്നീ വാർഡുകളിലെ തിരഞ്ഞെടുക്കപ്പെട്ട ഗുണഭോക്താക്കൾക്ക് ഗ്രാമപഞ്ചായത്ത് വൈസ്പ്രസിസൻറ എ. അഹമ്മദ് കബീർ മുട്ടകോഴികളെ വിതരണം ചെയ്യ്തു.

ഗ്രാമപഞ്ചായത്ത് വികസന സ്റ്റാൻറിംഗ് കമ്മിറ്റി ചെയർപേഴ്സൺ സി. രുഗ്മിണി അമ്മ ജനപ്രതിനിധികളായ ജി. രവീന്ദ്രഗോപാൽ, വിപിൻ വി എസ്, വെറ്റിനറി സർജൻ ഡോ. ചിത്ര, അരുൺ പി എസ്, മിനി പി, ഷിബു എ എസ് എന്നിവർ പ്രസംഗിച്ചു. പുളിമാത്ത് ഗ്രാമപഞ്ചായത്ത് 2022-23 സാമ്പത്തിക വർഷത്തെ വാർഷിക പദ്ധതിയിൽ 560000 രൂപ ഉൾപ്പെടുത്തി പഞ്ചായത്ത് പ്രദേശത്തെ ജനറൽ വിഭാഗത്തിൽ ഉൾപ്പെടുന്ന 434 കുടുംബങ്ങൾക്കും പട്ടികജാതി വിഭാഗത്തിൽപെടുന്ന 500 കുടുംബങ്ങൾക്കും സൗജന്യമായി 5 മുട്ടകോഴികൾ വീതം വിതരണം ചെയ്യുന്ന പദ്ധതിയുടെ ഭാഗമായി കാട്ടുംമ്പുറത്ത് പഞ്ചായത്തിലെ 5-മഞ്ഞപ്പാറ 6-കുടപ്പാറ 7- കാട്ടുമ്പുറം 8- അരിവാരികുഴി 9-കൊല്ലുവിള 10-പയറ്റിങ്ങക്കുഴി എന്നീ വാർഡുകളിലെ തിരഞ്ഞെടുക്കപ്പെട്ട ഗുണഭോക്താക്കൾക്ക് ഗ്രാമപഞ്ചായത്ത് വൈസ്പ്രസിഡെന്റ എ. അഹമ്മദ് കബീർ മുട്ടകോഴികളെ വിതരണം ചെയ്യ്തു. ഗ്രാമപഞ്ചായത്ത് വികസന സ്റ്റാൻറിംഗ് കമ്മിറ്റി ചെയർപേഴ്സൺ സി. രുഗ്മിണി അമ്മ, ജനപ്രതിനിധികളായ ജി രവീന്ദ്രഗോപാൽ, വിപിൻ വി എസ്, വെറ്റിനറി സർജൻ ഡോ. ചിത്ര, അരുൺ.പി എസ്, മിനി. പി , ഷിബു.എ എസ് എന്നിവർ പ്രസംഗിച്ചു.