ആറ്റിങ്ങൽ ഗവൺമെന്റ് പോളിടെക്നിക്കിൽ ലഹരി വിരുദ്ധ ക്യാമ്പയിന്റെ ഭാഗമായി ജാഗ്രത സദസ്സ് സംഘടിപ്പിച്ചു

by Midhun HP News | Oct 21, 2022 | Latest News, കേരളം, ജില്ലാ വാർത്ത

ലഹരി വിരുദ്ധ ക്യാമ്പയിന്റെ ഭാഗമായി എഫ് എസ് ഇ ടി ഒ ചിറയിൻകീഴ് താലൂക്ക് കമ്മിറ്റിയുടെ നേതൃത്വത്തിൽ ആറ്റിങ്ങൽ ഗവൺമെന്റ് പോളിടെക്നിക്കിൽ വച്ച് നടന്ന ജാഗ്രത സദസ്സ് ആറ്റിങ്ങൽ എം.എൽ. എ ഒ.എസ് അംബിക ഉദ്ഘാടനം ചെയ്തു. പോളിടെക്നിക്ക് പ്രിൻസിപ്പൽ ഷാജിൽ. എ ലഹരി വിരുദ്ധ സന്ദേശം നൽകി. ആറ്റിങ്ങൽ താലൂക്ക് ആശൂപത്രി സൂപ്രണ്ട് ഡോ. പ്രീത സോമൻ ലഹരി വിരുദ്ധ പ്രതിജ്ഞ ചൊല്ലി. സോഷ്യൽ വർക്കറും കൗൺസിലറുമായ ആര്യപ്രഭ ബോധവൽക്കരണ ക്ലാസെടുത്തു. എഫ് എസ് ഇ ടി ഒ താലൂക്ക് സെക്രട്ടറി എം രാജേഷ് അദ്ധ്യക്ഷത വഹിച്ച യോഗത്തിൽ എൻ.ജി.ഒ യൂണിയൻ നോർത്ത് ജില്ലാ സെക്രട്ടറിയേറ്റ് അംഗം സി.വി.ഹരിലാൽ, കെ.ജി.ഒ.എ.ഏര്യാ ട്രഷറർ ജയറാം, യു. അനു, ആർ. ഷിബു എന്നിവർ പങ്കെടുത്തു.

പെരുമാതുറയിൽ ലഹരിക്ക് എതിരെ ജാഗ്രത സദസ്സ്

by Midhun HP News | Oct 21, 2022 | Latest News, കേരളം, ജില്ലാ വാർത്ത

ചിറയിൻകീഴ്: ലഹരി എന്ന വിപത്തിൽ നിന്നും നമ്മുടെ ജനതയെ വിമുക്തമാക്കുവാൻ ലക്ഷ്യമിട്ട് ജാഗ്രതാ സമിതി ജില്ലയിൽ ഉടനീളം വിപുലമായ പ്രചാരണ കാമ്പയിനുകളുടെ ഭാഗമായി പെരുമാതുറയിൽ ജാഗ്രത സദസ്സ് സംഘടിപ്പിച്ചു. കേരള പോലസിന്റെ യോദ്ധാവ്, എക്സൈസ് വകുപ്പിന്റെ വിമുക്തി, തിരുവനന്തപുരം ആർ.സി.സി.യുടെ കമ്മ്യൂണിറ്റി ഓങ്കോളജി വകുപ്പുകളുടെ സഹകരണത്തോടെയാണ് ജാഗ്രതാ സദസ്സ് സംഘടിപ്പിച്ചത്. വർക്കല ഡിവൈഎസ്പി പി.നിയാസ് ഉദ്ഘാടനം ചെയ്തു. ജാഗ്രതാ സമിതി ചെയർമാൻ എം.എ.ലത്തീഫ് അധ്യക്ഷത വഹിച്ചു. എക്സൈസ് അസിസ്റ്റൻ്റ് കമ്മിഷണർ പി.കെ.ജയരാജ്, കഠിനംകുളം എസ്. ഐ. ഷിജു, നാസ്ഖാൻ, ശ്രീ ചന്ദ്, സുൽഫി, സഞ്ജു, നിസാം, മുനീർ, ഫിർദൗസ്, സക്കീർ, യാക്കൂബ്, റിസ്വാൻ എന്നിവർ സംസാരിച്ചു.

ശവ സംസ്കാരത്തിന് ഭൂമിയില്ല; സ്വന്തം സ്ഥലം വിട്ട്നൽകി ആറ്റിങ്ങൽ നഗരസഭാ കൗൺസിലർ

by Midhun HP News | Oct 21, 2022 | Latest News, കേരളം, ജില്ലാ വാർത്ത

ശവസംസ്‌കാരത്തിന് ഭൂമിയില്ലാത്തത്തിനെതുടർന്ന് ദുഃഖത്തിലായ കുടുംബത്തിന്റെ കണ്ണീരൊപ്പി ആറ്റിങ്ങൽ നഗരസഭ കൗൺസിലർ. ആറ്റിങ്ങൽ നഗരസഭ വാർഡ് അഞ്ച് (കരിച്ചിയിൽ) അമ്പാടി നിവാസിൽ ഗോമതി (85) ന്റെ മൃതദേഹം മറവ് ചെയ്യുവാൻ സ്ഥലം ഇല്ലാത്തതിനെ തുടർന്ന് ബന്ധുക്കൾ വിഷമത്തിലായത്തോടെയാണ്, സ്ഥലത്തെ സാമൂഹ്യ പ്രവർത്തകനും വാർഡ്‌ കൗൺസിലറും കൂടിയായ ജീവൻലാൽ തന്റെ ഉടമസ്ഥതയിലുള്ള സ്ഥലം ശവസംസ്‍കാരം ചടങ്ങുകൾക്കായി വിട്ടുനൽകി മാതൃകകാട്ടിയത്.

കഷ്ടിച്ച് മൂന്ന് സെന്ററിൽ താഴെയുള്ള ഭൂമിൽ ഒരു കൂരമാത്രം സ്വന്തമായുള്ള ഗോമതി അമ്മയുടെ മൃതദേഹം മറവ്ചെയ്യുവാനുള്ള ഭൂമി ഇല്ലാതിരുന്നത് മരണമറിഞ്ഞെത്തിയ സമീപവാസികളിൽ കണ്ണീരണിയിച്ചിരുന്നു. തുടർന്നാണ് ബന്ധുക്കളും നാട്ടുകാരും വിവരം കൗൺസിലർ ജീവൻലാലിനെ അറിയിക്കുകയായിരുന്നു. ജീവൻലാൽ ആറ്റിങ്ങൽ നഗരസഭ ബിജെപി കൗൺസിലറാണ്.

ആർ.സി.സി യിൽ ഊരാളുങ്കൽ ലേബർ ക്യാമ്പിൽ ലഹരി വിരുദ്ധ ക്യാമ്പയിൻ സംഘടിപ്പിച്ചു

by Midhun HP News | Oct 21, 2022 | Latest News, കേരളം, ജില്ലാ വാർത്ത

തിരുവനന്തപുരം ജില്ലയിൽ ലഹരി വിരുദ്ധ ക്യാമ്പയിൻ ആർ.സി.സി യിൽ ഊരാളുങ്കൽ ലേബർ ക്യാമ്പിൽ സംഘടിപ്പിച്ചു. മുൻ മന്ത്രിയും കഴക്കൂട്ടം നിയോജക മണ്ഡലം എം.എൽ.എ യുമായ കടകംപള്ളി സുരേന്ദ്രൻ ഉദ്ഘാടനം നിർവ്വഹിച്ചു. പൊതുമരാമത്ത് വകുപ്പ് സ്റ്റാൻ്റിംഗ് കമ്മിറ്റി ചെയർമാൻ ഡി.ആർ അനിൽ അദ്ധ്യക്ഷത വഹിച്ച യോഗത്തിൽ തിരു. അസി. ലേബർ ഓഫീസർ ഗ്രേഡ്- 1 കൃഷ്ണകുമാർ.എൻ സ്വാഗതം അർപ്പിക്കുകയും ഡെപ്യൂട്ടി ജില്ലാ എഡ്യൂകേഷൻ മീഡിയ ഓഫീസർ രശ്മി.എസ്, എക്സൈസ് സർക്കിൾ ഇൻസ്പെക്ടർ ഷിബു എന്നിവർ ലഹരി വിരുദ്ധ ക്ലാസ് കൈകാര്യം ചെയ്തു.

സ്‌കൈ ഡൈവ് ചെയ്തതിന്റെ സന്തോഷം പങ്കുവച്ച് നടി നസ്രിയ

by Midhun HP News | Oct 21, 2022 | Latest News, കേരളം, ജില്ലാ വാർത്ത

സ്‌കൈ ഡൈവ് ചെയ്തതിന്റെ സന്തോഷം പങ്കുവച്ച് നടി നസ്രിയ നസീം. സോഷ്യല്‍ മീഡിയയില്‍ ഫോട്ടോ പങ്കുവച്ച് താരം തന്നെയാണ് തന്റെ സ്വപ്‌നം യാഥാര്‍ത്ഥ്യമായ വിവരം ആരാധകരെ അറിയിച്ചത്. ദുബായിലാണ് താരം സ്‌കൈ ഡൈവ് ചെയ്തത്.

അങ്ങനെ ഇത് സംഭവിച്ചിരിക്കുന്നു. എന്റെ ദൈവമേ ആനന്ദകരം. എന്റെ ദുബായിലേക്ക് വീഴാനായി വിമാനത്തില്‍ നിന്ന് ചാടി. സ്വപ്‌നം യാഥാര്‍ത്ഥ്യമാകും. നസ്രിയ കുറിച്ചു. നിരവധി താരങ്ങളാണ് നസ്രിയയുടെ സന്തോഷത്തില്‍ പങ്കുചേര്‍ന്നിരിക്കുന്നത്. സൗബിന്‍ ഷാഹിര്‍, ശ്രിന്ദ, നിമിഷ സജയന്‍, മൃണാല്‍ താക്കൂര്‍, ഫര്‍ഹാന്‍ ഫാസില്‍, തുടങ്ങിയ നിരവധി പേര്‍ താരത്തിന് ആശംസകളുമായി എത്തി.

അടുത്തിടെയാണ് ഭര്‍ത്താവ് ഫഹദ് ഫാസിലിന് ഒപ്പമുള്ള കാമറി ഐസ്‌ക്രീമിന്റെ പരസ്യം വന്‍ ശ്രദ്ധ നേടിയത്. തെലുങ്കു ചിത്രമായ ‘അണ്ടേ സുന്ദരാനികി’ ആണ് നസ്രിയയുടേതായി പ്രദര്‍ശനത്തിന് എത്തിയത്. നാനി നായകനായി എത്തിയ ചിത്രം വിവേക അത്രയയാണ് സംവിധാനം ചെയ്തത്

സാഹസിക ടൂറിസത്തിന് മാറ്റുകൂട്ടാൻ കായിക്കരയിൽ കയാക്കിങ്

by Midhun HP News | Oct 21, 2022 | Latest News, കേരളം, ജില്ലാ വാർത്ത

കായിക്കരയിലെ ജ​ല സാ​ഹസി​ക ടൂ​റി​സമായ കയാക്കിങ് യാത്രക്ക് പ്രിയമേറുന്നു. അഞ്ചുതെങ്ങ് കായിക്കര കായലിലെ സാഹസിക കയാക്ക്​ സവാരിയാണ് സാഹസിക ടൂറിസത്തിന് മാറ്റ് കൂട്ടുന്നത്. സുരക്ഷാ മാനദണ്ഡങ്ങൾ പാലിച്ചു കൊണ്ട് പരിചയ സമ്പന്നരെ ഉൾപ്പെടുത്തിയാണ് കയാക്കിങ് സൗകര്യം ഒരുക്കിയിരിക്കുന്നത്. ഇത്തരം പ്രകൃതി സൗഹൃദ ഉല്ലാസ യാത്രകൾ അഞ്ചുതെങ്ങിന്റെ ടൂറിസം സാധ്യതകൾക്ക് ഇതിനോടകംതന്നെ പൊൻ തൂവലായ് മാറികഴിഞ്ഞിരിക്കുകയാണ്.

കയാക്ക് എന്നത് ഒരുതരം ചെറിയ നൗകകളാണ്. വെള്ളത്തിനു മുകളിലൂടെ ഇത്തരം നൗകകൾ തുഴഞ്ഞുള്ള മത്സരത്തെയാണ് കയാക്കിങ് എന്ന് പറയുന്നത്. വടക്കൻ ആർട്ടിക് പ്രദേശങ്ങളിലെ എസ്‌കിമോകളാണ് ആയിരക്കണക്കിന് വർഷങ്ങൾക്ക് മുമ്പ് കയാക്കുകൾ നിർമിച്ചത്. കയാക്കിന്റെ ഫ്രെയിം നിർമ്മിക്കാൻ അവർ തടിയും ചിലപ്പോൾ തിമിംഗിലത്തിന്റെ അസ്ഥികൂടവും ഉപയോഗിച്ചിരുന്നതായി പറയപ്പെടുന്നു.

ആദ്യ കാലങ്ങളിൽ ഇത്തരം നൗകകൾ വേട്ടയാടലിനും മീൻപിടുത്തത്തിനുമായിരുന്നു നിർമ്മിച്ചിരുന്നത്. 1950 കളിൽ ഫൈബർഗ്ലാസ് കയാക്കുകൾ വികസിപ്പിക്കുകയും ഉപയോഗിക്കുകയും ചെയ്തു. പിന്നീട് PVC രൂപത്തിലുള്ള കയാക്കുകൾ പ്രചാരത്തിലായി.
1970 കളിൽ യു‌എസിൽ ഒരു മുഖ്യധാരാ ജനപ്രിയ കായിക ഇനമായി കയാക്കിംഗ് പുരോഗമിച്ചു. ഇപ്പോൾ, പത്തിലധികം വൈറ്റ് വാട്ടർ കയാക്കിംഗ് ഇവന്റുകൾ ഒളിമ്പിക്സിൽ നടത്തപ്പെടുന്നുണ്ട്. കേരളത്തിൽ 2013 മുതൽ മലബാർ റിവർ ഫെസ്റ്റിവൽ വാട്ടർ കയാക്കിങ് എന്നപേരിൽ കയാക്കിങ് ചാംപ്യൻഷിപ്പ് നടന്നുവരുന്നുണ്ട്.

നിലവിൽ കായിക്കരയിൽ 500 മുതൽ 1000 രൂപ വരെയാണ് മണിക്കൂറുകൾക്ക് ടൂറിസ്റ്റ്കളിൽ നിന്നും ഈടാക്കുന്നത്. കായിക്കരയിൽ നിന്ന് ആരംഭിച്ച് പൊന്നും തുരിത്തു വഴിയാണ് സാഹസിക യാത്രയ്ക്കായുള്ള ട്രാക്ക്. രാവിലെ 6 മുതൽ വൈകുന്നേരം 7 വരെയാണ് സമയം. സ്വയം തുഴഞ്ഞു പോകുന്ന കയാക്കുകൾ കായിക്കര ക്യാൻ ഫ്ലൈ അഡ്വെഞ്ചർ എന്ന സ്ഥാപനമാണ് ഒപ്പറേറ്റ് ചെയ്യുന്നത്.​ അ​തി​സു​ര​ക്ഷ​യി​ലാ​ണ് ജ​ല​യാ​ത്ര ന​ട​ത്തു​ന്ന​ത്.

വിശദവിവരങ്ങൾക്ക്
994-693-1671