യോദ്ധാവ് പദ്ധതി; ആൽക്കോ സ്കാൻ ഡ്രൈവ് ബസ്സിന്റെ പ്രവർത്തന ഉദ്ഘാടനം നടന്നു

by Midhun HP News | Sep 17, 2022 | Latest News, കേരളം, ജില്ലാ വാർത്ത

വിവിധ രൂപത്തിലുള്ള ലഹരി മരുന്നുകളുടെ കടത്തലുകളും വിപണനവും ഉപയോഗവും തടയുന്നതിലേക്കായി കേരള സർക്കാറിന്റെ നൂതന പദ്ധതിയായ യോദ്ധാവ് പ്രോഗ്രാവുമായി ബന്ധപ്പെട്ട ആൽക്കോ സ്കാൻ ഡ്രൈവ് ബസ്സിന്റെ പ്രവർത്തന ഉദ്ഘാടനം വർക്കല സബ്ഡിഷനിൽ നടന്നു. തുടർന്ന് വർക്കല ഹെലിപ്പാട് പ്രദേശത്ത് നടന്ന പരിശോധനയിൽ കഞ്ചാവ് പൊതിയുമായി ഒരു യുവാവ് പോലീസിന്റെ പിടിയിലായി. യുവാവിനെതിരെ നിയമനടപടികൾ ഉണ്ടാവുമെന്ന് പോലീസ് അറിയിച്ചു.

മദ്യപിച്ചും ലഹരി മരുന്ന് ഉപയോഗിച്ചു കാണപ്പെടുന്നവരെ അപ്പോൾ തന്നെ വാനിലുള്ള ടെസ്റ്റിംഗ് മെക്കാനിസം ഉപയോഗിച്ച് ഉമിനീര് ടെസ്റ്റ് ചെയ്തു 5 മിനിറ്റിനുള്ളിൽ ഫലം കിട്ടുന്നതാണ്. കുറ്റകൃത്യങ്ങൾ പെരുകുന്ന സാഹചര്യത്തിൽ പോലീസിന്റെ ഭാഗത്ത് നിന്നുള്ള ഇത്തരം പരിശോധനകൾ കൊണ്ട് കൃത്യമായ ഫലം ഉണ്ടാകുമെന്നാണ് പ്രതീക്ഷിക്കുന്നത് എന്ന് വർക്കല സിഐ പറഞ്ഞു. സിന്തറ്റിക് ഡ്രഗ്സ് പോലുള്ള ലഹരി പദാർഥങ്ങളുടെ ഉപയോഗം കൂടി വരുന്ന സാഹചര്യത്തിൽ പരിശോധനയിൽ സംശയം തോന്നുന്നവരുടെ ഉമിനീര് പരിശോധനയിലൂടെ വളരെ പെട്ടെന്ന് കണ്ടെത്താൻ കഴിയും എന്നതിലൂടെ പിടിയിലാകുന്നവരിൽ നിന്നും ലഹരിയുടെ ഉറവിടം കണ്ടെത്തുന്നതിന്
ലഹരിയുടെ ഉറവിടം കണ്ടെത്തുന്നതിന് ഉൾപ്പെടെ പോലീസിന് കഴിയും എന്നതും ഏറെ പ്രാധാന്യം അർഹിക്കുന്ന വസ്തുതയാണ്.

ഇതിനോട് അനുബന്ധിച്ച് നടന്ന പരിശോധനയിൽ അഞ്ഞൂറോളം വാഹനങ്ങൾ പരിശോധിക്കുകയും നൂറോളം പേരിൽ നിന്നും പിഴ ഈടാക്കുകയും പത്തോളം പേർക്ക് എതിരെ നിയമ ലംഘനത്തിന് കേസ് എടുക്കുകയും ചെയ്തുട്ടുണ്ട്. വിദേശീയരും സ്വദേശികരുമായ സന്ദർശകരടക്കം യുവാക്കളെയും പ്രത്യേകിച്ച് വിദ്യാർത്ഥികളെയും ലഹരി മരുന്നിന്റെ രൂപത്തിൽ നിന്ന് തടയുക എന്ന ഉദ്ദേശവുമായി എക്സൈസ് മോട്ടോർ വെഹിക്കിൾ ഡിപ്പാർട്ട്മെന്റുമായി സംയോജിച്ച് വരും ദിവസങ്ങളിൽ കൂടുതൽ പരിശോധനകൾ നടത്തുമെന്ന് വർക്കല ഡി വൈ എസ് പി നിയാസ് അറിയിച്ചു. യോദ്ധാവ് പദ്ധതിയുടെ ഭാഗമായി ലഹരി ഉപയോഗത്തിനെതിരെയുള്ള ബോധവൽക്കരണ പരിപാടികൾ വിദ്യാലയങ്ങളിലെ ക്ലബ്ബുകളുമായി ചേർന്നും, റസിഡൻസ് അസോസിയേഷനുകൾ, ഹോട്ടൽ ടൂറിസം രംഗത്തെ ആളുകളുമായി ചേർന്ന് കൂട്ടയോട്ടം, സൈക്കിൾ റാലി, പെയിൻറിങ് മത്സരം, ചിത്രരചന, കുട്ടികൾക്കായുള്ള ക്വിസ് മത്സരങ്ങൾ എന്നിവയും പോഗ്രാം ചെയ്തിട്ടുണ്ട്.

സംഗീത – നൃത്ത – വാദ്യ കലകൾ അവതരിപ്പിക്കാൻ അവസരം

by Midhun HP News | Sep 17, 2022 | Latest News, കേരളം, ജില്ലാ വാർത്ത

മുടപുരം: മുടപുരം തെങ്ങുംവിള ഭഗവതി ക്ഷേത്രത്തിലെ ഈ വർഷത്തെ നവരാത്രി പൂജ സെപ്റ്റംബർ 26 മുതൽ ഒക്ടോബർ 5 വരെ നടത്തും. ഈ ദിവസങ്ങളിൽ ക്ഷേത്രത്തിൽ വൈകുന്നേരം സംഗീത – നൃത്ത – വാദ്യ കലകൾ അവതരിപ്പിക്കാൻ അവസരം നൽകുന്നതാണ്. താല്പര്യമുള്ള വ്യക്തികളോ സംഘടനകളോ എത്രയും പെട്ടെന്ന് ക്ഷേത്ര ട്രസ്റ്റുമായി ബന്ധപ്പെടുക.

ഫോൺ : 9947619988, 9048457027

അഖിലേന്ത്യ ട്രേഡ് ടെസ്റ്റിൽ വിജയിച്ച ട്രെയിനികളുടെ ബിരുദദാനം നിർവഹിച്ച് ആറ്റിങ്ങൽ എം എൽ എ

by Midhun HP News | Sep 17, 2022 | Latest News, കേരളം, ജില്ലാ വാർത്ത

2022 ജൂലൈ ആഗസ്റ്റ് മാസങ്ങളിലായി നടന്ന അഖിലേന്ത്യ ട്രേഡ് ടെസ്റ്റിൽ വിജയിച്ച ട്രെയിനി കളുടെ ബിരുദദാനം ആറ്റിങ്ങൽ ഗവ ഐടിഐയിൽ സെപ്റ്റംബർ 17ന് ആറ്റിങ്ങൽ നിയോജകമണ്ഡലം എംഎൽഎ ഒ. എസ്. അംബിക നിർവഹിച്ചു. ചടങ്ങിൽ ആറ്റിങ്ങൽ നഗരസഭ ചെയർപേഴ്സൺ അഡ്വ.എസ്. കുമാരി, പ്രിൻസിപ്പൽ ആർ.സുധാ ശങ്കർ, വൈസ് പ്രിൻസിപ്പൽ വികാസ്. എസ്, വാർഡ് കൗൺസിലർ ശങ്കർ.ജി, പി ടി എ പ്രസിഡന്റ് കെ. പി.റോസമ്മ, സ്റ്റാഫ് സെക്രട്ടറി സുരേഷ്. ജി.എസ് തുടങ്ങി മറ്റു ജീവനക്കാരും രക്ഷകർത്താക്കളും ട്രെയിനികളും പങ്കെടുത്തു.

വാമനപുരം നദിയിൽ കുളിക്കുന്നതിനിടെ കാണാതായ യുവാവിന്റെ മൃതദേഹം കണ്ടെത്തി

by Midhun HP News | Sep 17, 2022 | Latest News, കേരളം, ജില്ലാ വാർത്ത

വാമനപുരം നദിയിൽ കുളിക്കുന്നതിനിടെ കാണാതായ യുവാവിന്റെ മൃതദേഹം കണ്ടെത്തി. പാലോട് സ്വദേശി സാജി(40)യാണ് മരിച്ചത്. പാലോട് സ്കൗട്ട് സെന്ററിലെ സെക്യൂരിറ്റി ജീവനക്കാരാണ് മൃതദേഹം കണ്ടത്. ഇന്ന് രാവിലെ വീട്ടിനടുത്തുള്ള കുളിക്കടവിൽ കുളിച്ച് കൊണ്ട് നിൽക്കുന്നതിനിടയിലാണ് സജിയെ കാണാതായത്. തുടർന്ന് പാലോട് പോലീസിന്റെയും, വിതുര ഫയർ ഫോഴ്സിന്റെയും, തിരുവനന്തപുരത്ത് നിന്ന് എത്തിയ സ്കൂബ ടീമിന്റയും നേതൃത്വത്തിൽ നടന്ന തിരച്ചിലിനൊടുവിൽ ഉച്ചയോടെ കടവിൽ നിന്നും കുറച്ച് മാറി മൃതദേഹം കണ്ടെത്തുകയായിരുന്നു.

രണ്ടരക്കോടി രൂപ കുടിശ്ശിക; ഗ്രീന്‍ഫീല്‍ഡ് സ്റ്റേഡിയത്തിലെ വൈദ്യുതി വിച്ഛേദിച്ചു

by Midhun HP News | Sep 17, 2022 | Latest News, കേരളം, ജില്ലാ വാർത്ത

തിരുവനന്തപുരം: ഭീമമായ തുക വൈദ്യുതി ബില്ലിനത്തിൽ കുടിശ്ശിക വരുത്തിയതിനെ തുടർന്ന് കാര്യവട്ടം ഗ്രീൻഫീൽഡ് സ്റ്റേഡിയത്തിലെ വൈദ്യുതി വിച്ഛേദിച്ചു. രണ്ടരക്കോടിയോളം രൂപ കുടിശ്ശികയുണ്ടെന്നാണ് കെ.എസ്.ഇ.ബി.യുടെ കണക്ക്. ഈ മാസം 28 ന് ഇന്ത്യ- സൗത്ത് ആഫ്രിക്ക മൽസരം നടക്കാനിരിക്കെയാണ് വൈദ്യുതി വിച്ഛേദിച്ചത്.