by Midhun HP News | Oct 9, 2025 | Latest News, കേരളം
കെയ്റോ: രണ്ടു വര്ഷം നീണ്ട യുദ്ധം അവസാനിപ്പിച്ച് ഗാസ സമാധാനത്തിലേക്ക്. കെയ്റോയില് നടന്ന സമാധാന ചര്ച്ചയില് വെടിനിര്ത്തലിന് ഇസ്രയേലും ഹമാസും ധാരണയിലെത്തി. സമാധാന കരാറിന്റെ ആദ്യ ഘട്ടം ഉടന് നിലവില് വരും. എല്ലാ ബന്ദികളെയും ഉടന് മോചിപ്പിക്കാന് ധാരണയായിട്ടുണ്ട്. ധാരണ പ്രകാരം ഇസ്രയേല് സൈന്യം മേഖലയില് നിന്നും പൂര്ണമായി പിന്വാങ്ങുകയും ചെയ്യും. ചര്ച്ച വിജയമെന്ന് യു എസ് പ്രസിഡന്റ് ഡോണള്ഡ് ട്രംപ് അവകാശപ്പെട്ടു.
യുഎസ് മുന്നോട്ടുവച്ച 20 ഇന ഗാസ സമാധാനപദ്ധതിയുടെ ആദ്യ ഘട്ടം ഇസ്രയേലും ഹമാസും അംഗീകരിച്ചെന്ന് അമേരിക്കൻ പ്രസിഡന്റ് ട്രംപ് സമൂഹമാധ്യമത്തിലൂടെ അറിയിച്ചു. ശക്തവും നിലനിൽക്കുന്നതും ശാശ്വതവുമായ സമാധാനത്തിലേക്കുള്ള ആദ്യ ചുവടുകളായി ഇസ്രയേൽ അവരുടെ സൈന്യത്തെ, ഇരുകൂട്ടരും അംഗീകരിക്കുന്ന മേഖലയയിലേക്കു പിൻവലിക്കും. എല്ലാ കക്ഷികളോടും നീതിപൂർവ്വം പെരുമാറും. ചരിത്രപരമായ കരാർ യാഥാർഥ്യമാക്കാൻ സഹകരിച്ചച്ച ഖത്തർ, ഈജിപ്റ്റ്, തുർക്കി എന്നീ രാജ്യങ്ങളിൽ നിന്നുള്ള മധ്യസ്ഥർക്ക് നന്ദി പറയുന്നു. സമാധാന സ്ഥാപകർ അനുഗ്രഹീതരാണ്!’ – ട്രംപ് സമൂഹമാധ്യമത്തിൽ കുറിച്ചു.
ചർച്ചയിൽ ധാരണയിലെത്തിയതായി ഖത്തറും വ്യക്തമാക്കി. വെടിനിർത്തൽ എത്രയും വേഗം നടപ്പാക്കാനും ബന്ദികളുടെ മോചനം വേഗത്തിലാക്കാനും ട്രംപിന്റെ പ്രത്യേക പ്രതിനിധി സ്റ്റീവ് വിറ്റ്കോഫ്, ട്രംപിന്റെ മരുമകൻ ജറീദ് കഷ്നർ എന്നിവരടങ്ങിയ യുഎസ് സംഘം ഇന്ന് ഈജിപ്റ്റിലെത്തും. ഈ ആഴ്ച ഈജിപ്റ്റിലെത്തിയേക്കുമെന്ന് ട്രംപ് സൂചിപ്പിച്ചു. സമാധാന കരാർ ഒപ്പിടുന്നതിന് ട്രംപും സാക്ഷിയായേക്കും. സമാധാനത്തിന് ധാരണയിലെത്തിയതിന് ട്രംപിന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു നന്ദി പറഞ്ഞു. സമാധാന കരാർ സർക്കാരിന്റെ അംഗീകാരത്തിനായി ഉടൻ അവതരിപ്പിക്കുമെന്നും നെതന്യാഹു വ്യക്തമാക്കി.
by Midhun HP News | Oct 9, 2025 | Latest News, കേരളം
തിരുവനന്തപുരം: മലയോര ജനതയും കര്ഷകരും വര്ഷങ്ങളായി ആവശ്യപ്പെടുന്ന വ്യവസ്ഥകള് ചേര്ത്തുള്ള വന്യജീവി സംരക്ഷണം കേരള ഭേദഗതി ബില്ലും കേരള വനഭേദഗതി ബില്ലും നിയമസഭ പാസാക്കി. ജനവാസമേഖലകളിലോ കൃഷിസ്ഥലങ്ങളിലോ ഇറങ്ങുന്ന അക്രമകാരികളായ വന്യമൃഗങ്ങളെ ദീര്ഘമായ നടപടികള്ക്കു കാത്തുനില്ക്കാതെ വെടിവച്ച് കൊല്ലാനുള്ള അധികാരം ചീഫ് വൈല്ഡ് ലൈഫ് വാര്ഡന് നല്കുന്നതടക്കമുള്ള വ്യവസ്ഥകളാണ് വന്യജീവി സംരക്ഷണം (കേരള ഭേദഗതി) ബില്ലില് ഉള്പ്പെടുത്തിയിട്ടുള്ളത്. കേന്ദ്രനിയമത്തിലുള്ള ഭേദഗതി ആയതിനാല് ബില് ഗവര്ണര് വഴി രാഷ്ട്രപതിക്ക് അയച്ച് അനുമതി ലഭിച്ചാല് മാത്രമേ നിയമം പ്രാബല്യത്തില് വരൂ.
വന്യജീവി സംരക്ഷണം (കേരള ഭേദഗതി) ബില് ഭേദഗതി
ജനവാസമേഖലകളിലും കൃഷിസ്ഥലങ്ങളിലും ഇറങ്ങുന്ന അക്രമകാരികളായ വന്യമൃഗങ്ങളെ ഉടന് തന്നെ കൊല്ലാന് ഉത്തരവിടാന് ചീഫ് വൈല്ഡ് ലൈഫ് വാര്ഡന് അധികാരം നല്കുന്ന ബില്ലാണിത്. ഇന്ത്യയില് ആദ്യമായാണ് ഒരു സംസ്ഥാനം ഇത്തരത്തില് കേന്ദ്ര വന്യജീവി നിയമത്തില് ഒരു ഭേദഗതി കൊണ്ടുവരുന്നത്. നിലവിലുള്ള കേന്ദ്ര നിയമത്തിലെയും കേന്ദ്ര സര്ക്കാര് പുറപ്പെടുവിച്ച സ്റ്റാന്റേര്ഡ് ഓപ്പറേറ്റിങ് പ്രൊസീജിയറിലെയും അപ്രായോഗികവും കാലതാമസം വരുത്തുന്നതുമായ നടപടിക്രമങ്ങള് ഒഴിവാക്കി അടിയന്തര നടപടി സ്വീകരിക്കാന് ഇത് സഹായകമാകുന്നതാണ്. എന്നാല് സംരക്ഷിക്കപ്പെടേണ്ട വന്യജീവികളെ സംരക്ഷിക്കുന്നതിന് നിയമപ്രകാരം തടസ്സമില്ലെന്നും വനംമന്ത്രി പറഞ്ഞു. വന്യജീവി ആക്രമണത്തില് ആര്ക്കെങ്കിലും ഗുരുതര പരുക്ക് പറ്റിയാല് ബന്ധപ്പെട്ട ജില്ലാ കലക്ടറോ ചീഫ് ഫോറസ്റ്റ് കണ്സര്വേറ്ററോ അക്കാര്യം ചീഫ് വൈല്ഡ് ലൈഫ് വാര്ഡന് റിപ്പോര്ട്ട് ചെയ്താല് അദ്ദേഹത്തിനു മറ്റ് നടപടിക്രമങ്ങള്ക്കു വേണ്ടി സമയം പാഴാക്കാതെ തന്നെ ആ വന്യമൃഗത്തെ കൊല്ലുന്നതിന് നടപടി സ്വീകരിക്കാവുന്നതാണ്.
പട്ടിക രണ്ടില് ഉള്പ്പെട്ട കാട്ടുപന്നികള്, പുള്ളിമാനുകള് തുടങ്ങിയ വന്യമൃഗങ്ങളുടെ എണ്ണം വര്ധിച്ചാല് അവയുടെ ജനന നിയന്ത്രണം നടത്തല്, മറ്റ് സ്ഥലങ്ങളിലേക്കു നാടുകടത്തല് എന്നിവയ്ക്കും ബില്ലില് വ്യവസ്ഥയുണ്ട്. ഇങ്ങനെ ചെയ്യുന്നതിന് കേന്ദ്ര സര്ക്കാരിന്റെ അനുമതി വാങ്ങണമെന്ന വ്യവസ്ഥ പാലിക്കേണ്ടതില്ല. പട്ടിക രണ്ടിലെ ഏത് വന്യമൃഗത്തെയും അവയുടെ എണ്ണം അനിയന്ത്രിതമായി വര്ധിച്ചു എന്നു കണ്ടാല് ക്ഷുദ്രജീവി ആയി പ്രഖ്യാപിക്കാന് ഇപ്പോള് കേന്ദ്ര സര്ക്കാരിനാണ് അധികാരം. ഇതിനുപകരം സംസ്ഥാന സര്ക്കാരിന് ഈ അധികാരം നല്കുന്നതിനും ബില്ലില് വ്യവസ്ഥ ചേര്ത്തിട്ടുണ്ട്.
ക്ഷുദ്രജീവിയായി പ്രഖ്യാപിച്ചു കഴിഞ്ഞാല് അത്തരം വന്യജീവിയെ ആര്ക്കു വേണമെങ്കിലും ഏതു വിധത്തിലും കൊല്ലാവുന്നതാണ്. അതിന്റെ ഇറച്ചി കഴിക്കുന്നതിനും തടസ്സമുണ്ടാകില്ല. കാട്ടുപന്നിയെ ക്ഷുദ്രജീവിയായി പ്രഖ്യാപിക്കാന് നിവേദനങ്ങള് വഴിയും സംസ്ഥാന നിയമസഭയുടെ പ്രമേയം വഴിയും കേന്ദ്ര സര്ക്കാരിനോടു പലതവണ സംസ്ഥാനം ആവശ്യപ്പെട്ടെങ്കിലും കേന്ദ്രം അനുമതി നല്കിയില്ല. അതിനാല് തദ്ദേശ സ്വയംഭരണ സ്ഥാപനങ്ങളുടെ അധ്യക്ഷന്മാരെ ഹോണററി വൈല്ഡ് ലൈഫ് വാര്ഡന്മാരായി സംസ്ഥാന സര്ക്കാര് നിയമിക്കുകയും കേന്ദ്ര സര്ക്കാരിന്റെ നിബന്ധനകള്ക്ക് വിധേയമായി കൊന്നു സംസ്കരിക്കുന്നതിനുള്ള നടപടികള് സ്വീകരിച്ചു വരികയുമാണ്. നാടന് കുരങ്ങുകളെ പട്ടിക ഒന്നില് നിന്നും പട്ടിക രണ്ടിലേക്ക് മാറ്റുന്നതിനും ബില്ലില് വ്യവസ്ഥയുണ്ട്. അങ്ങനെ മാറ്റുന്നപക്ഷം അവയുടെ ജനനനിയന്ത്രണത്തിനും ആവശ്യമെങ്കില് ക്ഷുദ്രജീവി ആയി പ്രഖ്യാപിക്കുന്നതിനും സാധിക്കും.
കോടതിയില് എത്തുന്ന വനകുറ്റകൃത്യങ്ങള് രാജിയാക്കാന് ഇപ്പോള് നിയമത്തില് വ്യവസ്ഥയില്ല. അങ്ങനെയുള്ള ചില കുറ്റകൃത്യങ്ങള് കോടതിയുടെ അനുമതിയോടെ രാജിയാക്കുന്നതിനും ബില്ലില് വ്യവസ്ഥയുണ്ട്. ഇപ്രകാരം കുറ്റങ്ങള് രാജിയാക്കുന്നപക്ഷം ജയില് ശിക്ഷ ഒഴിവായി കിട്ടും എന്നതാണ് ഇതിന്റെ പ്രത്യേകത. 1961 മുതല് വനം വാച്ചര്മാര്ക്കുണ്ടായിരുന്ന അധികാരം ഒഴിവാക്കി. കഴിഞ്ഞ 64 വര്ഷമായുണ്ടായിരുന്ന അധികാരം എടുത്തുകളഞ്ഞതില് വനം വകുപ്പ് ജീവനക്കാര് പ്രതിഷേധം അറിയിച്ചിരുന്നു. ഇതു പരിഗണിക്കാതെയാണ് മാറ്റം വരുത്തിയത്. എന്നാല് വാച്ചര്മാരുടെ പേര് ഫോറസ്റ്റ് ബീറ്റ് അസിസ്റ്റന്റ് എന്നു മാറ്റം വരുത്തി.
by Midhun HP News | Oct 9, 2025 | Latest News, കേരളം
തിരുവനന്തപുരം: സംസ്ഥാനത്ത് എട്ടു ദിവസത്തിനിടെ പത്ത് പേര്ക്ക് അമീബിക് മസ്തിഷ്ക ജ്വരം. തിരുവനന്തപുരം പാറശാല സ്വദേശിയായ 38 കാരനാണ് ഒടുവില് രോഗം സ്ഥിരീകരിച്ചത്. കാന്സര് ബാധിതനായി തിരുവനന്തപുരം ആര്സിസിയില് ചികില്സയില് കഴിയുന്നതിന് ഇടയിലാണ് 38 കാരന് രോഗബാധ കണ്ടെത്തിയത്.
ഇയാള്ക്ക് രോഗം പിടിപ്പെട്ടതിന്റെ ഉറവിടം സംബന്ധിച്ച് വ്യക്തതയില്ല. നിലവില് തിരുവനന്തപുരത്ത് നാല് ആക്ടീവ് കേസുകളാണുള്ളത്. ഈ വര്ഷം ഇതുവരെ സംസ്ഥാനത്ത് 98 പേര്ക്കാണ് അമീബിക് മസ്തിഷ്ക ജ്വരം സ്ഥിരീകരിച്ചത്. 22 പേരുടെ മരണവും സ്ഥീരീകരിച്ചു.
by Midhun HP News | Oct 8, 2025 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പ് ധനലക്ഷ്മി ലോട്ടറി ഫലം പ്രഖ്യാപിച്ചു. DD 289424 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ DU 601043 എന്ന നമ്പറിലുള്ള ടിക്കറ്റിനാണ്. DF 318122 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചുലക്ഷം രൂപ.
ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടന്നത്. 50 രൂപയാണ് ടിക്കറ്റ് വില. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
Consolation Prize Rs.5,000/-
(Remaining all series)
DA 289424
DB 289424
DC 289424
DE 289424
DF 289424
DG 289424
DH 289424
DJ 289424
DK 289424
DL 289424
DM 289424
4th Prize Rs.5,000/-(Last four digits to be drawn 20 times)
0012 0121 0160 1003 1298 1349 1458 3011 3344 3983 5714 5795 7369 7445 8708 8881 8999 9519 9539
5th Prize Rs.2,000/-
(Last four digits to be drawn 6 times)
1383 2262 2516 4792 6378 9251
by Midhun HP News | Oct 8, 2025 | Latest News, കേരളം
കോഴിക്കോട്: താമരശ്ശേരി താലൂക്ക് ആശുപത്രിയില് ഡോക്ടര്ക്ക് വെട്ടേറ്റു. ഡോക്ടര് വിപിന്റെ തലയ്ക്കാണ് വെട്ടേറ്റത്. ഡോക്ടറെ ആക്രമിച്ച അനൂപ് എന്നയാളെ പൊലീസ് കസ്റ്റഡിയിലെടുത്തു. ഡോക്ടറുടെ തലയ്ക്ക് ഗുരുതരമായ പരിക്കുണ്ട്.
അമീബിക് മസ്തിഷ്ക ജ്വരം ബാധിച്ച് മരിച്ച ഒമ്പതു വയസ്സുകാരിയുടെ പിതാവാണ് ആക്രമിച്ച അനൂപ്. ആശുപത്രിയിലേക്ക് കടന്നുചെന്ന അനൂപ് വടിവാളുകൊണ്ട് ഡോക്ടറുടെ തലയില് വെട്ടുകയായിരുന്നു. ‘എന്റെ മകളെ കൊന്നു കളഞ്ഞവനല്ലേ’ എന്നു ചോദിച്ചായിരുന്നു ആക്രമണം നടത്തിയത്.
‘എന്റെ കുട്ടിക്ക് നീതി ലഭിച്ചില്ലെന്നും’ അനൂപ് ആക്രോശിച്ചു. സാരമായി പരിക്കേറ്റ ഡോക്ടര് വിപിനെ താമരശ്ശേരി ആശുപത്രിയില് പ്രാഥമിക ചികിത്സ നല്കിയശേഷം കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റിയിട്ടുണ്ട്. ഓഗസ്റ്റിലാണ് കുട്ടി അമീബിക് മസ്തിഷ്ക ജ്വരം ബാധിച്ചു മരിച്ചത്.
അമീബിക് മസ്തിഷ്ക ജ്വരം ബാധിച്ച് മരിച്ച കുട്ടിയെ ആദ്യം ചികിത്സിച്ചത് താമരശ്ശേരി താലൂക്ക് ആശുപത്രിയിലായിരുന്നു. ഈ സമയത്ത് ആശുപത്രി അധികൃതരുടെ ഭാഗത്ത് അലംഭാവം ഉണ്ടായിരുന്നതായി കുടുംബം ആരോപിച്ചിരുന്നു. പനി ബാധിച്ച് എത്തിയ കുട്ടിക്ക് വേണ്ട ചികിത്സ നല്കിയില്ലെന്നായിരുന്നു കുടുംബം പരാതിപ്പെട്ടിരുന്നത്.
by Midhun HP News | Oct 8, 2025 | Latest News, കേരളം
കൊച്ചി: മുണ്ടക്കെ-ചൂരല്മല ദുരന്തബാധിതരുടെ വായ്പ എഴുതി തള്ളാനാകില്ലെന്ന് കേന്ദ്രസര്ക്കാര് ഹൈക്കോടതിയെ അറിയിച്ചു. കേന്ദ്രത്തിന്റെ നിലപാടിനെ ഹൈക്കോടതി വിമര്ശിച്ചു. ബാങ്ക് വായ്പ എഴുതി തള്ളാന് നിയമത്തില് വ്യവസ്ഥയില്ല. അത് കേന്ദ്രത്തിന്റെ അധികാര പരിധിയില് വരുന്നതല്ലെന്നും, അതത് ബാങ്കുകളുടെ ഡയറക്ടര് ബോര്ഡാണ് തീരുമാനം എടുക്കേണ്ടതെന്നും കേന്ദ്രസര്ക്കാര് അറിയിച്ചു. കേന്ദ്രസര്ക്കാരിന്റെ നിലപാട് അസ്വസ്ഥതപ്പെടുത്തുന്നതെന്ന് ഹൈക്കോടതി വിമര്ശിച്ചു.
ബാങ്ക് വായ്പ എഴുതി തള്ളാന് താല്പ്പര്യമില്ലെങ്കില് അക്കാര്യം തുറന്നു പറയാന് ആര്ജവം കാണിക്കണം. കേന്ദ്രത്തിന് അധികാരമില്ലെന്ന ന്യായമല്ല പറയേണ്ടത്. ഇതാണ് സമീപനമെങ്കില് കോടതിക്ക് കടുത്ത നിലപാട് എടുക്കേണ്ടി വരുമെന്നും കോടതി അഭിപ്രായപ്പെട്ടു. വയനാട് ഉരുള്പൊട്ടല് ദുരന്തത്തില്പ്പെട്ടവരുടെ വായ്പ തിരിച്ചുപിടിക്കല് നടപടികള് സ്റ്റേ ചെയ്യാന് ഇടക്കാല ഉത്തരവ് പുറപ്പെടുവിക്കുമെന്നും കേരള ഹൈക്കോടതി വാക്കാല് പരാമര്ശിച്ചു.
ആര്ബിഐ സര്ക്കുലറില് ഇടപെടാന് കേന്ദ്രസര്ക്കാരിന് പരിമിതികളുണ്ടെന്നാണോ?. കേന്ദ്രസര്ക്കാര് നടപടിയെടുക്കാന് തയ്യാറാണോ എന്നതാണ് പ്രധാനം? ഈ വിഷയത്തില് നിങ്ങള് അധികാരമില്ലാത്തവരാണെന്നല്ല. നടപടിയെടുക്കാന് അടിസ്ഥാനപരമായി തയ്യാറാകാത്തതാണ്. ഇതുപോലുള്ള സന്ദര്ഭങ്ങളില് കേന്ദ്ര സര്ക്കാര് ജനങ്ങളെ പരാജയപ്പെടുത്തരുത്. കേന്ദ്രത്തിന്റെ ഔദാര്യമല്ല വേണ്ടത്. ഹൈക്കോടതി രൂക്ഷമായ ഭാഷയില് വിമര്ശിച്ചു. കേന്ദ്രത്തിന് കീഴിലുള്ള ബാങ്കുകളുടെ വിവരങ്ങള് കൈമാറാന് കോടതി നിര്ദേശിച്ചു. ബാങ്കുകളെ കക്ഷിചേര്ക്കുമെന്നും ഹൈക്കോടതി വ്യക്തമാക്കി.
2024 ജൂലൈ 30 ന് വയനാട്ടില് ഉണ്ടായ ഉരുള്പൊട്ടലുമായി ബന്ധപ്പെട്ട് സ്വമേധയാ എടുത്ത കേസ് പരിഗണിക്കുകയായിരുന്നു ജസ്റ്റിസ് എ കെ ജയശങ്കരന് നമ്പ്യാര്, ജസ്റ്റിസ് ജോബിന് സെബാസ്റ്റ്യന് എന്നിവരടങ്ങിയ ഡിവിഷന് ബെഞ്ച്. സംസ്ഥാന സര്ക്കാരിന്റെ നിയന്ത്രണത്തിലുള്ള ബാങ്കുകള് ഇതിനകം തന്നെ വായ്പകള് എഴുതിത്തള്ളിയിട്ടുണ്ടെന്ന് കോടതി ചൂണ്ടിക്കാട്ടി. കേന്ദ്ര സര്ക്കാരിന്റെ നിലപാട് ഇതാണെങ്കില്, അത് ബുദ്ധിമുട്ടുള്ള കാര്യമാണ്. ഈ ചിറ്റമ്മ മനോഭാവം ശരിയല്ല. ഇക്കാര്യം സര്ക്കാരിനെ അറിയിക്കാനും കേന്ദ്രസര്ക്കാര് അഭിഭാഷകനോട് ഹൈക്കോടതി പറഞ്ഞു.
Recent Comments