by Midhun HP News | Sep 30, 2025 | Latest News, കേരളം
തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട മഴയ്ക്ക് സാധ്യത. ഒരു ജില്ലകളിലും പ്രത്യേക മഴ മുന്നറിയിപ്പില്ല. പത്തനംതിട്ട, ഇടുക്കി, എറണാകുളം, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മത്സ്യത്തൊഴിലാളി ജാഗ്രത നിർദേശം
തെക്കൻ ഗുജറാത്ത് അതിനോട് ചേർന്ന കടൽ പ്രദേശങ്ങൾ, വടക്കൻ കൊങ്കൺ, അതിനോട് ചേർന്ന വടക്കു കിഴക്കൻ അറബിക്കടൽ, മധ്യ കിഴക്കൻ അറബിക്കടൽ, തെക്കൻ ബംഗാൾ ഉൾക്കടൽ, മധ്യ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.
ഗുജറാത്ത്, കൊങ്കൺ, ഗോവ തീരങ്ങൾ, തെക്കൻ ബംഗാൾ ഉൾക്കടൽ, മധ്യ ബംഗാൾ ഉൾക്കടൽ, ആന്ധ്രാപ്രദേശ് തീരം, ആൻഡമാൻ കടൽ, തമിഴ്നാട് തീരം, ഗൾഫ് ഓഫ് മന്നാർ, അതിനോട് ചേർന്ന കന്യാകുമാരി തീരം എന്നിവിടങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.
by Midhun HP News | Sep 29, 2025 | Latest News, കേരളം
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ ഭാഗ്യതാര ലോട്ടറി ഫലം പ്രഖ്യാപിച്ചു. BR 669175 എന്ന നമ്പറിലുള്ള ടിക്കറ്റിനാണ് ഒന്നാം സമ്മാനമായ ഒരു കോടി രൂപ. രണ്ടാം സമ്മാനമായ 30 ലക്ഷം രൂപ BU 114884 എന്ന നമ്പറിലുള്ള ടിക്കറ്റിനാണ്. BV 239790 എന്ന നമ്പറിലുള്ള ടിക്കറ്റിനാണ് മൂന്നാം സമ്മാനമായ അഞ്ചുലക്ഷം രൂപ.
ഇന്ന് ഉച്ചക്കഴിഞ്ഞ് മൂന്ന് മണിക്കാണ് നറുക്കെടുപ്പ് നടക്കുന്നത്. 50 രൂപയാണ് ടിക്കറ്റ് വില.ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://statelottery.kerala.gov.inല് ഫലം ലഭ്യമാകും.
BN 669175
BO 669175
BP 669175
BS 669175
BT 669175
BU 669175
BV 669175
BW 669175
BX 669175
BY 669175
BZ 669175
4th Prize: ₹5,000/-
1825 2356 3499 3750 3947 4236 4312 4625 4730 5054 5209 5863 6178 6845 8236 8669 8843 9036 9488
5th Prize ₹2,000/-
1368 3230 3563 8168 8229 8831
ലോട്ടറിയുടെ സമ്മാനം 5000 രൂപയില് താഴെയാണെങ്കില് കേരളത്തിലുള്ള ഏത് ലോട്ടറിക്കടയില് നിന്നും തുക കരസ്ഥമാക്കാം. 5000 രൂപയിലും കൂടുതലാണെങ്കില് ടിക്കറ്റും ഐഡി പ്രൂഫും സര്ക്കാര് ലോട്ടറി ഓഫീസിലോ ബാങ്കിലോ ഏല്പിക്കണം. വിജയികള് സര്ക്കാര് ഗസറ്റില് പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തുകയും 30 ദിവസത്തിനകം സമ്മാനാര്ഹമായ ലോട്ടറി ടിക്കറ്റ് സമര്പ്പിക്കേണ്ടതുമുണ്ട്.
Consolation Prize ₹5,000/-
by Midhun HP News | Sep 29, 2025 | Latest News, കേരളം
കൊച്ചി: നെടുമ്പാശ്ശേരി വിമാനത്താവളത്തോടു ചേര്ന്ന് റെയില്വെ സ്റ്റേഷന് എന്ന കേരളത്തിന്റെ സ്വപ്നം ട്രാക്കിലേക്ക്. പദ്ധതി വിഭാവനം ചെയ്യുന്ന പ്രദേശത്തിന്റെ പരിശോധന ഒക്ടോബറില് നടക്കുമെന്ന് കേന്ദ്ര സര്ക്കാര് അറിയിച്ചു. ചാലക്കുടി എംപി ബെന്നി ബെഹന്നാന് നല്കിയ മറുപടിയില് റെയില്വെ മന്ത്രി അശ്വനി വൈഷ്ണവാണ് ഇക്കാര്യം അറിയിച്ചത്. നെടുമ്പാശ്ശേരി റെയില്വെ സ്റ്റേഷനുമായി ബന്ധപ്പെട്ട വിഷയം റെയില്വെ മന്ത്രിയുമായി ചര്ച്ച നടത്തിയതായി ബെന്നി ബെഹന്നാന് മദ്ധ്യമങ്ങളോട് പ്രതികരിച്ചു.
നെടുമ്പാശ്ശേരി റെയില്വെ സ്റ്റേഷന്റെ ഡിസൈനില് അന്തിമ തീരുമാനം ഉണ്ടാകും മുന്പ് സ്ഥല പരിശോധന ഉള്പ്പെടെ പൂര്ത്തിയാക്കണം. പദ്ധതിയുമായി ബന്ധപ്പെട്ട പ്രവര്ത്തനങ്ങള് ഡിസംബറില് ആരംഭിക്കുമെന്ന് റെയില്വേ നേരത്തെ അറിയിച്ചിരുന്നു. ഇതിന് മുന്നോടിയായി സ്ഥല പരിശോധന നടക്കുന്നുണ്ടെന്ന് ഉറപ്പാക്കേണ്ടതുണ്ട്, അതിനായി കേന്ദ്ര റെയില്വേ മന്ത്രിക്ക് കത്ത് അയച്ചിട്ടുണ്ടെന്നും എംപി കൂട്ടിച്ചേര്ത്തു.
2010 ല് ഇ അഹമ്മദ് റെയില്വെ സഹമന്ത്രിയായിരിക്കെയാണ് നെടുമ്പാശ്ശേരി റെയില്വെ സ്റ്റേഷന് പദ്ധതി സജീവമായത്. പദ്ധതിയുടെ തറക്കല്ലിടലും ഇ അഹമ്മദ് നിര്വഹിച്ചിരുന്നു. എന്നാല് പിന്നീട് പദ്ധതി നിശ്ചലമായി. പുതുക്കിയ എസ്റ്റിമേറ്റ് പ്രകാരം 19 കോടി രൂപയാണ് പദ്ധതിയുടെ ചെലവ്.
സിയാലിന്റെ സോളാര് പാടം സ്ഥിതി ചെയ്യുന്ന പ്രദേശത്തിന് സമീപത്താണ് റെയില്വെ സ്റ്റേഷന് വിഭാവനം ചെയ്തിരിക്കുന്നത്. വിമാനത്താവളത്തിന് ചേര്ന്ന് റെയില്വെ ട്രാക്ക് കടന്നു പോകുന്ന ഏറ്റവും അടുത്ത പ്രദേശമാണിത്. റെയില്വെ ഭൂമിയും ആവശ്യത്തിനുള്ളതിനാല് ഭൂമിയേറ്റടുക്കലും പ്രതിസന്ധിയാകില്ല.
എന്നാല്, റെയില്വെ സ്റ്റേഷന്റെ ഡിസൈന് അന്തിമമായിട്ടില്ലെന്നാണ് റെയില്വെ അധികൃതര് നല്കുന്ന വിവരം. നാലില് അധികം ഡിസൈനുകള് നിലവില് റെയില്വെ ബോര്ഡിന് മുന്നിലുണ്ടെന്നും റെയില്വെ വൃത്തങ്ങള് പറയുന്നു. അത്താണി ജംഗ്ഷന് – എയര്പോര്ട്ട് റോഡിലെ ഓവര് ബ്രിഡ്ജിന് സമീപത്ത് നിന്നും പ്ലാറ്റ്ഫോം ആരംഭിക്കുന്നതാണ് ഇതില് ഒന്ന്. 24 കോച്ചുകള് ഉള്ക്കൊള്ളുന്ന വിധത്തില് രണ്ട് പ്ലാറ്റ് ഫോമുകളും ഡിസൈനില് ഉള്പ്പെടുന്നു. റെയില്വെ സ്റ്റേഷന് യാഥാര്ഥ്യമായാല് യാത്രക്കാര്ക്ക് വിമാനത്താവളത്തിന്റെ ഒന്നര കിലോമീറ്റര് അടുത്ത് ട്രെയിന് ഇറങ്ങാന് സാധിക്കും. സ്റ്റേഷനെയും വിമാനത്താവള ടെര്മിനലുകളെയും ബന്ധിപ്പിച്ച് ഇലക്ട്രിക് ബസ് സര്വീസുള്പ്പെടെ സിയാലും പദ്ധതിയിടുന്നുണ്ട്.
by Midhun HP News | Sep 29, 2025 | Latest News, കേരളം
മലപ്പുറം: മലപ്പുറം ജില്ലയില് മലമ്പനി സ്ഥിരീകരിച്ചു. വണ്ടൂര് അമ്പലപ്പടിയില് വാടകവീട്ടില് താമസിക്കുന്ന 7 വയസ്സുകാരന് ഉള്പ്പെടെ 3 പേര്ക്കാണ് മലമ്പനി സ്ഥീരീകരിച്ചത്. അതിഥി തൊഴിലാളി കുടുംബത്തിലാണ് രോഗബാധ കണ്ടെത്തിയത്. രോഗം ബാധിച്ച മൂന്നുപേരും നാലു ദിവസം മുമ്പാണ് ഉത്തര് പ്രദേശില് നിന്നും എത്തിയതെന്നാണ് റിപ്പോര്ട്ട്.
മലമ്പനി സ്ഥിരീകരിച്ചതിനെ തുടര്ന്ന് മേഖലയില് ആരോഗ്യ വകുപ്പ് ഉദ്യോഗസ്ഥരുടെ നേതൃത്വത്തില് പ്രതിരോധ ബോധവല്കരണ, ശുചീകരണ പ്രവര്ത്തനങ്ങള് ഊര്ജിതമാക്കി. അമ്പലപ്പടി, പുല്ലൂര്, ഗവ. വിഎംസി സ്കൂള് പരിസരം, താമരശ്ശേരി മഠം, നായാടിക്കുന്ന്, പുളിക്കല് ഭാഗങ്ങളിലെ വീടുകളില് ഹെല്ത്ത് ഇന്സ്പെക്ടര്മാര്, ആശ വര്ക്കര്മാര് ഉള്പ്പെടെയുള്ള ആരോഗ്യപ്രവര്ത്തകര് സന്ദര്ശനം നടത്തി.
ചിരട്ടകള്, പ്ലാസ്റ്റിക് മാലിന്യങ്ങള്, വലിച്ചെറിഞ്ഞ പാത്രങ്ങള്, ചെടിച്ചട്ടികള് തുടങ്ങിയവയില് വെള്ളം കെട്ടിനിന്ന് കൊതുക് പെരുകുന്ന സാഹചര്യങ്ങള് കണ്ടെത്തിയ ഇടങ്ങളില് വീട്ടുകാര്ക്ക് ജാഗ്രതാ നിര്ദേശം നല്കി. കൂടുതല് ശ്രദ്ധ വേണ്ട കേന്ദ്രങ്ങള് ചൂണ്ടിക്കാണിച്ച് അതത് ആരോഗ്യ വകുപ്പ് ഉദ്യോഗസ്ഥര്ക്ക് റിപ്പോര്ട്ട് നല്കിയിട്ടുണ്ട്. അത്തരം സ്ഥലങ്ങളില് വീണ്ടും പരിശോധന ഉണ്ടാകുമെന്ന് ആരോഗ്യവകുപ്പ് അധികൃതര് അറിയിച്ചു.
മലമ്പനി രോഗലക്ഷണങ്ങൾ
മനുഷ്യരിലും മൃഗങ്ങളിലും കൊതുക് പരത്തുന്ന ഒരു സാംക്രമിക രോഗമാണ് മലമ്പനി അഥവാ മലേറിയ. ചതുപ്പു പനി എന്നും ഈ രോഗം അറിയപ്പെടുന്നു. അനോഫിലിസ് ജെനുസ്സിൽ പെടുന്ന ചില ഇനം പെൺകൊതുകുകളാണ് രോഗം പരത്തുന്നത്. വിറയലോട് കൂടിയ പനി, കുളിര്, തലവേദന, ശരീര വേദന, ക്ഷീണം, മനം പിരട്ടൽ, ഛർദ്ദി, വയറിളക്കം എന്നിവയാണ് പ്രധാന ലക്ഷണങ്ങൾ. ചുമ, ശക്തമായ പേശി വേദന, തൊലിപ്പുറമേയും കണ്ണിലുമുള്ള മഞ്ഞനിറം, ഇടയ്ക്കിടെ വന്നു പോകുന്ന പനി എന്നിവയാണ് സാധാരണ ലക്ഷണങ്ങൾ. കൃത്യമായ ചികിത്സ ലഭ്യമാക്കിയില്ലെങ്കിൽ മസ്തിഷ്കം, കരൾ , വൃക്ക തുടങ്ങിയ അവയവങ്ങളെ പ്രതികൂലമായി ബാധിക്കുകയും മരണം വരെ സംഭവിക്കാനും സാധ്യതയുണ്ട്.
by Midhun HP News | Sep 29, 2025 | Latest News, കേരളം
കൊച്ചി: ഏഴ് മാസം നീണ്ട ഇടവേളയ്ക്ക് ശേഷം മമ്മൂട്ടി വീണ്ടും കാമറയ്ക്കുമുമ്പിലേക്ക്. മഹേഷ് നാരായണന് സംവിധാനം ചെയ്യുന്ന പുതിയ ചിത്രത്തിലാണ് താരം അഭിനയിക്കുന്നത്. ഷൂട്ടിനായി ഉടന് മമ്മൂട്ടി ഹൈദരാബാദിലെത്തും.
‘പ്രിയപ്പെട്ട മമ്മൂക്ക വരുന്നു… മഹേഷ് നാരായണന് സംവിധാനം ചെയ്യുന്ന ചിത്രത്തില് തുടര്ന്ന് അഭിനയിക്കുവാന് ഒക്ടോബര് ഒന്നുമുതല്. ചെറിയൊരു ഇടവേളയായിരുന്നു ഇത്രയും കാലം എന്നുമാത്രമേ കരുതുന്നുള്ളൂ. അപ്രതീക്ഷിതമായി വന്ന ആ ഇടവേള ലോകമെങ്ങുമുള്ളവരുടെ പ്രാര്ത്ഥനകളുടെയും മനസ്സാന്നിധ്യത്തിന്റെയും ബലത്തില് അതിജീവിച്ചു. മമ്മുക്ക ഹൈദ്രാബാദ് ഷെഡ്യൂളില് ജോയിന് ചെയ്യും.പ്രാര്ത്ഥനകളില് കൂട്ടുവന്നവര്ക്കും, ഉലഞ്ഞപ്പോള് തുണയായവര്ക്കും ഹൃദയം നിറഞ്ഞ നന്ദിയും സ്നേഹവും പറഞ്ഞു’കൊണ്ട് ആന്റോ ജോസഫ് ഫെയ്സ് ബുക്ക് പോസ്റ്റില് പങ്കുവെച്ചു.
by Midhun HP News | Sep 29, 2025 | Latest News, കേരളം
കൊച്ചി: ശബരിമല ശ്രീകോവിലിലെ സ്വര്ണപ്പാളിയുടെ ഭാരം കുറഞ്ഞത് അടക്കമുള്ള വിവാദത്തില് വിശദമായ അന്വേഷണത്തിന് ഉത്തരവിട്ട് ഹൈക്കോടതി. വിരമിച്ച ജഡ്ജിയുടെ നേതൃത്വത്തില് അന്വേഷിക്കണമെന്ന് കോടതി ഉത്തരവിട്ടു. ശബരിമലയിലെ സ്വര്ണപ്പാളിയില് സ്വര്ണം പൂശിയതില് അടക്കം സംശയങ്ങളുണ്ട്. അതിനാല് ശബരിമലയുമായി ബന്ധപ്പെട്ട കാര്യങ്ങളിലെല്ലാം വിശദമായ അന്വേഷണം വേണം. അന്വേഷണത്തിന് രഹസ്യസ്വഭാവം വേണമെന്നും കോടതി നിര്ദേശിച്ചിട്ടുണ്ട്.
ജില്ലാ ജഡ്ജി റാങ്കില് കുറയാത്ത ആളാകണം അന്വേഷണം നടത്തേണ്ടത്. അതിന് ദേവസ്വം ബോര്ഡിന് പേര് ശുപാര്ശ ചെയ്യാം. എന്നാല് കോടതിയാകും അന്വേഷണ കമ്മീഷനെ നിശ്ചയിക്കുക. സ്വതന്ത്രവും സത്യസന്ധവുമായ അന്വേഷണം നടത്തി റിപ്പോര്ട്ട് നല്കണം. ദേവസ്വം ബോര്ഡ് അടക്കം ആരുമായും അന്വേഷണത്തിലെ വിവരങ്ങള് കൈമാറരുത്. രഹസ്യസ്വഭാവത്തിലുള്ള റിപ്പോര്ട്ട് കോടതിക്ക് നേരിട്ട് സമര്പ്പിക്കാനും ജസ്റ്റിസുമാരായ രാജ വിജയരാഘവന്, കെ വി ജയകുമാര് എന്നിവരടങ്ങിയ ഡിവിഷന് ബെഞ്ച് വ്യക്തമാക്കി.
ശബരിമല ശ്രീകോവിലിലെ ദ്വാരകപാലക ശില്പം പൊതിഞ്ഞ ചെമ്പടങ്ങുന്ന സ്വര്ണ്ണപാളികളുടെ ഭാരം 4 കിലോയോളം കുറഞ്ഞത് അടക്കമുള്ള വിഷയങ്ങളില് ദേവസ്വം കമ്മീഷണര് കോടതിയില് ഹാജരായി വിവരങ്ങള് അറിയിച്ചിരുന്നു. തുടര്ന്നാണ് ശബരിമലയുമായി ബന്ധപ്പെട്ട പല കാര്യങ്ങളിലും അവ്യക്തത നിലനില്ക്കുന്നുണ്ടെന്ന് കോടതി അഭിപ്രായപ്പെട്ടത്. സ്വര്ണപ്പാളി അടക്കമുള്ള കാര്യങ്ങളില് ഒരുപാട് ദുരൂഹതകളുണ്ട്. 2019 ല് സ്വര്ണപ്പാളി സ്വര്ണം പൂശുന്നതിനായി കൊണ്ടുപോകുമ്പോള് 42 കിലോ ഉണ്ടായിരുന്നത് തിരികെ കൊണ്ടു വന്നപ്പോള് 38 കിലോയായി മാറിയെന്ന് കോടതി നിരീക്ഷിച്ചു.
2009 ല് ആദ്യഘട്ടത്തില് സ്വര്ണം പൂശിയപ്പോള് 30 കിലോ ഉണ്ടായിരുന്നതായി പറയപ്പെടുന്നു. ഇതുമായി ബന്ധപ്പെട്ട കണക്കുകളിലടക്കം അവ്യക്തത നിലനില്ക്കുന്നുണ്ട്. സന്നിധാനത്തെ രജിസ്ട്രികള് ഒന്നും പൂര്ണമല്ല. ശബരിമല സന്നിധാനത്തെ ആഭരണങ്ങള്, ഭക്തരില് നിന്നും വഴിപാടായി ലഭിച്ച സ്വര്ണാഭരണങ്ങള് അടക്കമുള്ളവ, സ്വത്തുവകകള് തുടങ്ങിയവ സംബന്ധിച്ച് കൃത്യമായ രേഖകളില്ലെന്ന് ചീഫ് വിജിലന്സ് ഓഫീസര് നേരിട്ട് ഹാജരായി കോടതിയെ അറിയിച്ചിരുന്നു. തിരുവാഭരണങ്ങള്, തിരുവാഭരണ രജിസ്റ്റർ ഉൾപ്പെടെ പരിശോധിക്കണം, സ്ട്രോങ് റൂമിലെ വസ്തുക്കളുടെ കണക്കെടുക്കണം. സ്വത്തു വകകള് സംബന്ധിച്ച് റിപ്പോർട്ടിൽ കൃത്യമായ കണക്കുണ്ടാകണമെന്ന് ഹൈക്കോടതി നിര്ദേശിച്ചിട്ടുണ്ട്.
തിരുവിതാംകൂര് ദേവസ്വം ബോര്ഡിന്റെ രജിസ്റ്ററുകളില് വ്യക്തതയില്ലെന്ന് കോടതി വിമര്ശിച്ചു. സ്വര്ണാഭരണങ്ങളുമായി ബന്ധപ്പെട്ട കൃത്യമായ രേഖകളും രജിസ്റ്ററുകളും ഇല്ലെന്ന് ദേവസ്വം ചീഫ് വിജിലന്സ് ഓഫീസര് കോടതിയെ അറിയിച്ചിരുന്നു. ദ്വാരപാലക ശില്പങ്ങളിലെ സ്വര്ണപ്പാളികള് രേഖപ്പെടുത്തിയ രജിസ്റ്റര് കാണാനില്ല. സ്ട്രോങ് റൂം രജിസ്റ്ററിലെ സ്വര്ണനാണയങ്ങളുടെയും ആഭരണങ്ങളുടെയും കണക്കിലും വ്യക്തതയില്ലെന്ന് ദേവസ്വം വിജിലന്സ് ഓഫീസര് അറിയിച്ചു. അപ്പോഴാണ് ദേവസ്വം ബോര്ഡിന് ഗുരുതര വീഴ്ചയാണ് ഉണ്ടായിട്ടുള്ളതെന്ന് കോടതി അഭിപ്രായപ്പെട്ടത്. അറ്റകുറ്റപ്പണി പൂര്ത്തിയാക്കി ദ്വാരപാലക ശില്പത്തിന്റെ ലോഹപ്പാളി തിരികെ എത്തിയതായി ദേവസ്വം ബോര്ഡ് കോടതിയെ അറിയിച്ചു. ഇത് തിരികെ സ്ഥാപിക്കാന് ഹൈക്കോടതി ദേവസ്വം ബോര്ഡിന് അനുമതി നല്കി.
Recent Comments