അഡ്വ. ടി വി ഹേമലത (72) നിര്യാതയായി
മുൻ മന്ത്രിയും മുൻ നെടുമങ്ങാട് എംഎൽഎയുമായ സി ദിവാകരന്റെ ഭാര്യ അഡ്വ. ടി വി ഹേമലത (72) നിര്യാതയായി. നാളെ ഉച്ചയ്ക്ക് ശേഷം ചടങ്ങുകൾ സ്വവസതിയിൽ.
ശബരിമല വെര്‍ച്വല്‍ ബുക്കിങ് വ്യാഴാഴ്ച മുതല്‍; സ്‌പോട്ട് ബുക്കിങ് ഉള്‍പ്പടെ ദിവസം 80,000 പേര്‍
ശബരിമല: ഈ വര്‍ഷത്തെ ശബരിമല മണ്ഡലകാല തീര്‍ഥാടനത്തിനുള്ള വെര്‍ച്വല്‍ ക്യൂ ബുക്കിങ് വ്യാഴാഴ്ച മുതല്‍. സ്‌പോട്ട് ബുക്കിങ് ഉള്‍പ്പടെ ദിവസം പരമാവധി 80,00 ബുക്കിങ് ആണ് ഉള്ളത്. ഇന്ന് ചേര്‍ന്ന തിരുവിതാംകൂര്‍ ദേവസ്വം ബോര്‍ഡ് യോഗത്തിന്റെതാണ് തീരുമാനം.
ബുക്കിങ് ഒക്ടോബര്‍ 29 രാവിലെ പത്തുമണി മുതല്‍ ആരംഭിക്കും. sabarimalaonline.org എന്ന വെബ്‌സൈറ്റ് വഴിയാണ് ദര്‍ശനത്തിനായുള്ള സ്ലോട്ട് ബുക്ക് ചെയ്യേണ്ടത്. വെര്‍ച്വല്‍ ക്യൂ ബുക്കിങ് സൗജന്യമാണ്.
സ്‌പോട്ട് ബുക്കിങ്ങുകള്‍ വളരെ പരിമിതമാണ്. അതിനാല്‍ മുന്‍കൂര്‍ വെര്‍ച്വല്‍ ക്യൂ ബുക്കിങ് ഇല്ലാതെ എത്തുന്ന എല്ലാ ഭക്തരെയും ഉള്‍ക്കൊള്ളാന്‍ കഴിയില്ല. വെര്‍ച്വല്‍ ക്യൂ ബുക്കിങ് ഇല്ലാത്തവര്‍ക്ക് ദര്‍ശനത്തിന് അസൗകര്യവും നീണ്ട കാത്തിരിപ്പ് സമയവും ഉണ്ടാകാന്‍ സാധ്യതയുണ്ട്. അനിയന്ത്രിതമായ തിരക്ക് സുരക്ഷാ ക്രമീകരണങ്ങളെ തടസ്സപ്പെടുത്താന്‍ സാധ്യതയുള്ളതിനാല്‍, തീര്‍ഥാടകര്‍ യാത്ര ആരംഭിക്കുന്നതിന് മുമ്പ് വെര്‍ച്വല്‍ ക്യൂ സ്ലോട്ട് ഉറപ്പാക്കാന്‍ ശ്രദ്ധിക്കണമെന്നും മറ്റു സംസ്ഥാനങ്ങളില്‍ നിന്നുള്ള തീര്‍ഥാടകര്‍ അനുവദിച്ച സമയത്തിനുള്ളില്‍ മാത്രം എത്തുന്ന രീതിയില്‍ യാത്ര ആസൂത്രണം ചെയ്യണമെന്നും അധികൃതര്‍ അറിയിച്ചു.
ചേരാനല്ലൂർ അപകടം: പൊലീസിന് വീഴ്ച പറ്റിയെന്ന് ആഭ്യന്തര മന്ത്രി
തിരുവനന്തപുരം: കൊച്ചി ചേരാനല്ലൂരിൽ തട്ടുകടക്കാരനായ സാധാരണക്കാരനെ ജഡ്ജിയുടെ പ്രായപൂർത്തിയാകാത്ത മകൻ ആഡംബര കാറിടിച്ച് കൊലപ്പെടുത്തിയ കേസിൽ പൊലീസിന് ഗുരുതരമായ വീഴ്ച സംഭവിച്ചതായി ആഭ്യന്തര മന്ത്രി രമേശ് ചെന്നിത്തല നിയമസഭയിൽ സമ്മതിച്ചു. സംഭവത്തിൽ പ്രതിപക്ഷ നേതാവ് പിണറായി വിജയൻ ഉന്നയിച്ച സബ്മിഷന് മറുപടി നൽകുകയായിരുന്നു അദ്ദേഹം. കേസ് അന്വേഷണത്തിൽ ആർക്കും യാതൊരു ഇളവും നൽകില്ലെന്നും വാഹനം ജഡ്ജിയുടെ പേരിലാണ് രജിസ്റ്റർ ചെയ്തിരിക്കുന്നതെങ്കിൽ ആവശ്യമെങ്കിൽ അദ്ദേഹത്തിനെതിരെയും കേസെടുക്കുമെന്നും മന്ത്രി സഭയ്ക്ക് ഉറപ്പുനൽകി.
എറണാകുളം ജില്ലയിലെ ചേരാനല്ലൂർ പൊലീസ് സ്റ്റേഷൻ പരിധിയിൽ നടന്ന സംഭവം അങ്ങേയറ്റം ദാരുണമാണ്. കട പൂട്ടി സാധനങ്ങളുമായി വീട്ടിലേക്ക് മടങ്ങുകയായിരുന്ന വഴിയോര കച്ചവടക്കാരനാണ് അമിതവേഗതയിലെത്തിയ ബെൻസ് കാറിടിച്ച് കൊല്ലപ്പെട്ടത്. ആശുപത്രിയിലേക്ക് കൊണ്ടുപോകും വഴിയാണ് അദ്ദേഹം മരണത്തിന് കീഴടങ്ങിയത്. സംഭവത്തിൽ പൊലീസിന്റെ ഭാഗത്തുനിന്ന് കൃത്യമായ നടപടിയുണ്ടായില്ലെന്നും ആദ്യഘട്ട ഇടപെടൽ തെറ്റായിരുന്നുവെന്നും ആഭ്യന്തര മന്ത്രി തുറന്നുപറഞ്ഞു.
സംഭവം ശ്രദ്ധയിൽപ്പെട്ടയുടൻ താൻ സിറ്റി പൊലീസ് കമ്മീഷണറുമായും ഡിജിപിയുമായും നേരിട്ട് ബന്ധപ്പെട്ടിരുന്നുവെന്ന് ചെന്നിത്തല വ്യക്തമാക്കി. കേസിന്റെ തുടക്കത്തിൽ തന്നെ മനഃപൂർവ്വമല്ലാത്ത നരഹത്യ അടക്കമുള്ള കർശന വകുപ്പുകൾ ചുമത്തേണ്ടതായിരുന്നു. വിഷയം പുനഃപരിശോധിക്കാൻ ഡിജിപിക്ക് നൽകിയ കർശന നിർദ്ദേശത്തെത്തുടർന്ന് ഡിജിപിയും ക്രമസമാധാന ചുമതലയുള്ള എഡിജിപിയും നേരിട്ട് ഇടപെടുകയും ആവശ്യമായ കടുത്ത വകുപ്പുകൾ പിന്നീട് എഫ്ഐആറിൽ കൂട്ടിച്ചേർക്കുകയുമായിരുന്നു.
തുടർന്ന് പ്രതിയായ പതിനേഴുകാരനെ പുതിയ വകുപ്പുകൾ ചേർത്ത് വീണ്ടും ജുവനൈൽ ജസ്റ്റിസ് ബോർഡിന് മുന്നിൽ ഹാജരാക്കിയെങ്കിലും പ്രതിക്ക് ജാമ്യം അനുവദിക്കുകയാണുണ്ടായത്. ഈ ജാമ്യം റദ്ദാക്കാനുള്ള അടിയന്തര നിയമനടപടികൾ ആരംഭിക്കാൻ പൊലീസിന് വ്യക്തമായ നിർദ്ദേശം നൽകിയിട്ടുണ്ടെന്നും മന്ത്രി പറഞ്ഞു.
അപകടമുണ്ടാക്കിയ മെഴ്‌സിഡസ് ബെൻസ് കാർ ജഡ്ജിയുടെ പേരിലാണ് രജിസ്റ്റർ ചെയ്തിട്ടുള്ളതെന്നാണ് ലഭിക്കുന്ന പ്രാഥമിക വിവരം. അന്വേഷണത്തിൽ ഇക്കാര്യം തെളിഞ്ഞാൽ കുട്ടിയുടെ പിതാവിനെതിരെയും ആവശ്യമെങ്കിൽ കേസെടുക്കാൻ മടിക്കില്ലെന്ന് ആഭ്യന്തര മന്ത്രി സഭയെ അറിയിച്ചു. സ്വാധീനത്തിന്റെ പേരിൽ ആരും നിയമത്തിന് മുന്നിൽനിന്ന് രക്ഷപ്പെടില്ല. പണക്കാരനെന്നും പാവപ്പെട്ടവനെന്നും ഉള്ള വേർതിരിവില്ലാതെ എല്ലാവർക്കും നിയമം ഒന്നുതന്നെയാണെന്നും സർക്കാർ ഈ സംഭവത്തെ അതീവ ഗൗരവത്തോടെയാണ് കാണുന്നതെന്നും അദ്ദേഹം കൂട്ടിച്ചേർത്തു.
നെടുമ്പാശ്ശേരിയിൽ 19 വയസ്സുകാരൻ ഓടിച്ച മിനി കൂപ്പർ കാറിടിച്ച് മൂന്ന് യുവാക്കൾ മരിച്ച സംഭവത്തിന് പിന്നാലെയാണ് ചേരാനല്ലൂരിലും സമാനമായ രീതിയിൽ ദുരന്തം ആവർത്തിച്ചതെന്ന് സബ്മിഷൻ ഉന്നയിച്ച പ്രതിപക്ഷ നേതാവ് പിണറായി വിജയൻ സഭയിൽ ചൂണ്ടിക്കാട്ടിയിരുന്നു. പണവും സ്വാധീനവുമുള്ളവരുടെ മക്കൾ നിരപരാധികളെ റോഡിൽ കൊലപ്പെടുത്തുന്നതും തുടർന്ന് പിതാക്കന്മാർ സ്വാധീനമുപയോഗിച്ച് കേസ് അട്ടിമറിക്കാൻ ശ്രമിക്കുന്നതും സമൂഹത്തിൽ വലിയ ആശങ്കയുണ്ടാക്കുന്നുണ്ടെന്നും കേസ് കൃത്യമായി നിരീക്ഷിക്കണമെന്നും അദ്ദേഹം ആവശ്യപ്പെട്ടു. പ്രതിപക്ഷ നേതാവ് ഉന്നയിച്ച ആശങ്ക പൂർണ്ണമായും ശരിയാണെന്നും നിഷ്പക്ഷവും കർക്കശവുമായ അന്വേഷണത്തിലൂടെ പ്രതികൾക്കെതിരെ കർശന നടപടി ഉറപ്പാക്കുമെന്നും ആഭ്യന്തര മന്ത്രി വ്യക്തമാക്കി.
വാട്ട്‌സപ്പിലൂടെ പരിചയപ്പെട്ട സ്ത്രീക്ക് സൈനിക രഹസ്യങ്ങള്‍ ചോര്‍ത്തി; തമിഴ്‌നാട്ടില്‍ മുന്‍ ആര്‍മി ക്യാപ്റ്റന്‍ അറസ്റ്റില്‍
വെല്ലൂര്‍: അതീവ രഹസ്യ സ്വഭാവമുള്ള സൈനിക വിവരങ്ങള്‍ വാട്ട്‌സപ്പിലൂടെ പരിചയപ്പെട്ട സ്ത്രീയ്ക്ക് ചോര്‍ത്തി നല്‍കിയതിന് വിരമിച്ച ഇന്ത്യന്‍ ആര്‍മി ക്യാപ്റ്റനെ പൊലീസ് അറസ്റ്റ് ചെയ്തു. 52കാരനായ ബാബു പി ആണ് രഹസ്യവിവരത്തിന്റെ അടിസ്ഥാനത്തില്‍ വെല്ലൂരില്‍ പിടിയിലായത്. സൈനിക ഉപകരണങ്ങളെക്കുറിച്ചുള്ള രഹസ്യ വിവരങ്ങളാണ് ഇയാള്‍ ചോര്‍ത്തി നല്‍കിയത്. എന്നാല്‍ സ്ത്രീയാരാണെന്ന് ഇതുവരെ തിരിച്ചറിഞ്ഞിട്ടില്ല. ഇവര്‍ക്കായുള്ള അന്വേഷണം പുരോഗമിക്കുകയാണ്.
ഡിഫന്‍സ് റിസര്‍ച്ച് ആന്റ് ഡെവലപ്‌മെന്റ് ഓര്‍ഗനൈസേഷന്റെ പ്രൊജക്ടില്‍ ജോലി ചെയ്യുന്നെന്ന് പറഞ്ഞ് ഒരു വര്‍ഷം മുന്‍പാണ് ഇവര്‍ വാട്ട്‌സപ്പിലൂടെ ബാബുവിനെ ബന്ധപ്പെടുന്നത്. പിന്നീട് ഇവരുടെ സംഭാഷണം വിഡിയോ കോളുകള്‍ ഉള്‍പ്പടെയുള്ള വ്യക്തിപരമായ തലത്തിലേക്ക് വളര്‍ന്നു. ഡിആര്‍ഡിഒ പ്രൊജക്ടിന്റെ ആവശ്യത്തിനെന്ന വ്യാജേന ഇവര്‍ തന്ത്രപ്രധാനമായ സൈനിക വിവരങ്ങള്‍ ബാബുവിനോട് ആവശ്യപ്പെട്ടു. തന്റെ പക്കലുള്ള വിവരങ്ങള്‍ ബാബു സ്ത്രീക്ക് നല്‍കി. കൂടാതെ തന്റെ സഹപ്രവര്‍ത്തകരായിരുന്നവരെയും ഫോണില്‍ വിളിച്ച് കൂടുതല്‍ വിവരങ്ങള്‍ സ്ത്രീക്ക് ഇയാള്‍ നല്‍കിയതായും ആരോപണമുണ്ട്.
രഹസ്യവിവരത്തിന്റെ അടിസ്ഥാനത്തില്‍ കേന്ദ്രരഹസ്യാന്വേഷണ ഉദ്യോഗസ്ഥരാണ് ബാബുവിനെ അറസ്റ്റ് ചെയ്തത്. ഇന്ത്യന്‍ ആര്‍മിയിലെ മിലിട്ടറി എക്യുപ്‌മെന്റ്, ആര്‍ട്ടിലറി വിംഗുകള്‍ ഉള്‍പ്പെടെ വിവിധ വിഭാഗങ്ങളില്‍ 28 വര്‍ഷം സേവനമനുഷ്ഠിച്ച ബാബു 2025ലാണ് ക്യാപ്റ്റനായി വിരമിച്ചത്. ശേഷം കണിയാമ്പാടിക്ക് സമീപമുള്ള കീഴ് വല്ലം ഗ്രാമത്തില്‍ താമസിച്ചുവരികയായിരുന്നു. രണ്ട് ദിവസത്തെ ചോദ്യം ചെയ്യലിനു ശേഷം ഇയാളെ പ്രാദേശിക പൊലീസിന് കൈമാറി. ബിഎന്‍സ് സെക്ഷന്‍ 52, ഒഫീഷ്യല്‍ സീക്രട്ട്‌സ് ആക്ട് 1923-ലെ സെക്ഷന്‍ 3(1)(C), 5(1)(a) എന്നീ വകുപ്പുകള്‍ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്.
സംസ്ഥാനത്ത് മഴ ദുര്‍ബലമാകുന്നു?; ഇന്ന് ഏഴു ജില്ലകളില്‍ യെല്ലോ അലര്‍ട്ട് മാത്രം
തിരുവനന്തപുരം: സംസ്ഥാനത്ത് മഴ മുന്നറിയിപ്പില്‍ മാറ്റം. ബംഗാള്‍ ഉള്‍ക്കടലില്‍ രൂപപ്പെട്ട ചുഴലിക്കാറ്റിന്റെ സ്വാധീനഫലമായി സംസ്ഥാനത്ത് വരും ദിവസങ്ങളിലും കനത്ത മഴ ലഭിക്കുമെന്നായിരുന്നു പ്രവചനം. എന്നാല്‍ പുതുക്കിയ അറിയിപ്പ് അനുസരിച്ച് സംസ്ഥാനത്ത് മഴ ദുര്‍ബലമായി. നേരത്തെ ഇന്ന് പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളിലാണ് ഒറ്റപ്പെട്ട സ്ഥലങ്ങളില്‍ തീവ്രമഴ മുന്നറിയിപ്പ് നല്‍കിയിരുന്നത്. പുതുക്കിയ മഴ മുന്നറിയിപ്പ് അനുസരിച്ച് ഇന്ന് ഒരു ജില്ലയിലും തീവ്രമഴ മുന്നറിയിപ്പ് സൂചനയായി നല്‍കുന്ന ഓറഞ്ച് അലര്‍ട്ട് ഇല്ല.
ഇന്ന് മധ്യ കേരളത്തിലും തെക്കന്‍ ജില്ലകളിലും ഒറ്റപ്പെട്ട സ്ഥലങ്ങളില്‍ ശക്തമായ മഴ മാത്രമാണ് കാലാവസ്ഥ വകുപ്പ് പ്രവചിക്കുന്നത്. ജാഗ്രതയുടെ ഭാഗമായി എറണാകുളം, ഇടുക്കി, കോട്ടയം, ആലപ്പുഴ, പത്തനംതിട്ട, കൊല്ലം, തിരുവനന്തപുരം ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. നാളെ മുതല്‍ സംസ്ഥാനമൊട്ടാകെ നേരിയതും മിതമായതുമായ മഴയ്ക്ക് സാധ്യത ഉണ്ടെങ്കിലും ഒരു ജില്ലയിലും ശക്തമായ മഴ മുന്നറിയിപ്പിന്റെ ഭാഗമായി ജാഗ്രതാനിര്‍ദേശം നല്‍കിയിട്ടില്ല.
തെക്കുകിഴക്കന്‍ അറബിക്കടലിലും കേരളം തീരത്തിനും മുകളിലായി ന്യൂനമര്‍ദ്ദം സ്ഥിതിചെയ്യുന്നുണ്ട്. ബംഗാള്‍ ഉള്‍ക്കടലിലെ തീവ്രന്യൂനമര്‍ദ്ദമാണ് ചുഴലിക്കാറ്റായി രൂപാന്തരം പ്രാപിച്ചത്. ബുധനാഴ്ച ഇത് ആന്ധ്രാതീരം തൊടുമെന്നാണ് കാലാവസ്ഥ വകുപ്പിന്റെ പ്രവചനം.
എഐ സഹായത്തോടെ സ്വന്തം വ്യാജ ശവസംസ്‌കാര ചടങ്ങ് നടത്തി കൊലപാതക കേസില്‍ നിന്ന് രക്ഷപ്പെടാന്‍ ശ്രമം; യുവാവ് അറസ്റ്റില്‍
ലഖ്‌നോ: കൊലപാതകക്കേസില്‍ വിചാരണ നേരിടുന്നതില്‍ നിന്നും രക്ഷപ്പെടാന്‍ സ്വന്തം വ്യാജ ശവസംസ്‌കാര ചടങ്ങ് എഐ ഉപയോഗിച്ച് നിര്‍മിച്ച യുവാവ് അറസ്റ്റില്‍. 2016ല്‍ യോഗേഷ് സിങ് എന്നയാളെ കൊലപ്പെടുത്തിയ കേസിലെ പ്രതിയായ രാജ്കുമാര്‍ രാജ്ഭര്‍ ആണ് ഇന്നലെ അറസ്റ്റിലായത്. ഇയാളെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.
യോഗേഷ് സിങ്ങിനെ കൊലപ്പെടുത്തിയ കേസില്‍ രാജ്ഭര്‍ വിചാരണ നേരിടുകയായിരുന്നു. എന്നാല്‍, ഒന്നര വര്‍ഷം മുമ്പ് മൗ മുനിസിപ്പല്‍ കൗണ്‍സിലില്‍ നിന്ന് മരണ സര്‍ട്ടിഫിക്കറ്റ് നേടി. ഇത് രാജ്ഭറിന്റെ കുടുംബം കോടതിയില്‍ നല്‍കി. സര്‍ട്ടിഫിക്കറ്റ് ഫയലില്‍ സ്വീകരിച്ച കോടതി കേസിലെ വിചാരണ അവസാനിപ്പിച്ചു. പക്ഷേ, ചില രഹസ്യ വിവരങ്ങളുടെ അടിസ്ഥാനത്തില്‍ സ്‌പെഷ്യല്‍ ഓപ്പറേഷന്‍സ് ഗ്രൂപ്പ് ഇയാളെ ഇന്നലെ അറസ്റ്റ് ചെയ്യുകയായിരുന്നു.
Recent Comments