by Midhun HP News | May 23, 2025 | Latest News, ദേശീയ വാർത്ത
ഹൈദരാബാദ്: മലപ്പുറം കൂരിയാട് എലിവേറ്റഡ് പാത തകരാന് ഇടയായത് മണ്ണിന്റെ കുഴപ്പം മൂലമെന്ന് കരാറുകാരായ കെഎന്ആര് കണ്സ്ട്രക്ഷന്സ്. റോഡ് തകര്ന്നതിന്റെ ഉത്തരവാദിത്തം ഏറ്റെടുത്ത കെഎന്ആര് കണ്സ്ട്രക്ഷന്സ് കമ്പനി എക്സിക്യൂട്ടീവ് ഡയറക്ടര് ജലന്ധര് റെഡ്ഡി, ആവശ്യമെങ്കില് അവിടെ പാലം നിര്മ്മിക്കാന് പോലും കമ്പനി തയ്യാറാണെന്ന് വ്യക്തമാക്കി. അധികൃതരുടെ നിര്ദേശങ്ങള് കമ്പനി കര്ശനമായി പാലിക്കുമെന്നും അദ്ദേഹം പറഞ്ഞു.
പ്രദേശത്തെ ഭൂഗര്ഭ സാഹചര്യങ്ങളും ഉയര്ന്ന ജലവിതാനവും തകര്ച്ചയ്ക്ക് ഘടകമായിട്ടുണ്ട്. വാഹനങ്ങള്ക്ക് സഞ്ചരിക്കാനുള്ള അണ്ടര്പാസ് അപ്രോച്ച് റാമ്പുകളിലൊന്ന് ഇടിഞ്ഞുവീണു. ഇതോടെ സര്വീസ് റോഡും താറുമാറായി. പ്രധാനപാതയുടെ ഇരുവശത്തുമുള്ള സര്വീസ് റോഡ് എത്രയും വേഗം പുനഃസ്ഥാപിക്കുന്നതിനുള്ള എല്ലാ ശ്രമങ്ങളും നടത്തിവരികയാണ്. ജലന്ധര് റെഡ്ഡി പറഞ്ഞു.
റോഡ് നിര്മ്മിച്ച നെല്വയല് വികസിച്ചതും, ദേശീയപാതയ്ക്ക് വിള്ളല് വീഴാനും, ഇടിഞ്ഞ് വീഴാനും കാരണമായിയെന്ന് ദേശീയപാജ പ്രോജക്ട് ഡയറക്ടര് അന്ഷുല് ശര്മ്മ പറഞ്ഞു. അശാസ്ത്രീയമായ റോഡ് നിര്മ്മാണമാണ് ദേശീയപാതയുടെ തകര്ച്ചയ്ക്ക് കാരണമെന്ന ആരോപണം അദ്ദേഹം തള്ളിക്കളഞ്ഞു. കൂരിയാട് ദേശീയപാത തകര്ന്നതിന് പിന്നാലെ കെഎന്ആര് കണ്സ്ട്രക്ഷന്സ് കമ്പനിയെ കേന്ദ്രസര്ക്കാര് ഡീബാര് ചെയ്തിരിക്കുകയാണ്.
കണ്സള്ട്ടന്റായ ഹൈവേ എഞ്ചിനീയറിങ് കമ്പനിക്ക് വിലക്ക് ഏര്പ്പെടുത്തിയിട്ടുമുണ്ട്. ഇത് രണ്ടാം തവണയാണ് കെഎന്ആര് കണ്സ്ട്രക്ഷന്സ് കമ്പനിയെ കേന്ദ്ര ഉപരിതല ഗതാഗത മന്ത്രാലയം കരിമ്പട്ടികയില്പ്പെടുത്തുന്നത്. ഡീ ബാര് ചെയ്തതിനെ തുടര്ന്ന് തുടര് കരാറുകളില് ഇനി കെഎന്ആര് കണ്സ്ട്രക്ഷന്സ് കമ്പനിക്ക് പങ്കെടുക്കാന് ആകില്ല. ദേശീയപാതയിലെ അപാകതകളെ കുറിച്ച് പരിശോധിക്കാന് ഐഐടി വിദഗ്ധര് അടങ്ങുന്ന സമിതിയെ കേന്ദ്രസര്ക്കാര് നിയോഗിച്ചിട്ടുണ്ട്.
by Midhun HP News | May 23, 2025 | Latest News, കേരളം
പാലക്കാട്: പ്രധാനമന്ത്രി നരേന്ദ്ര മോദിയെ അധിക്ഷേപിച്ചെന്ന് ആരോപിച്ച് റാപ്പര് വേടന് എതിരെ എന്ഐഎയ്ക്ക് പരാതി. ബിജെപി പാലക്കാട് നഗരസഭാ കൗണ്സിലറാണ് പരാതി നല്കിയത്. വേടന് പാട്ടിലൂടെ പ്രധാനമന്ത്രി നരേന്ദ്രമോദിയെ അധിക്ഷേപിച്ചു എന്ന് ചൂണ്ടിക്കാട്ടി കൗണ്സിലര് മിനി കൃഷ്ണ കുമാറാണ് പരാതി നല്കിയിരിക്കുന്നത്.
പ്രധാന മന്ത്രി നരേന്ദ്ര മോദിയെ കപട ദേശീയ വാദിയെന്ന് വേടന് അവഹേളിച്ചുവെന്നും ഇതിനെക്കുറിച്ച് അന്വേഷിക്കണമെന്നുമാണ് പരാതിയിലെ ആവശ്യം. എന്ഐഎയ്ക്ക് പുറമെ ആഭ്യന്തര മന്ത്രിക്കും പരാതി നല്കിയിട്ടുണ്ടെന്ന് മിനി കൃഷ്ണ കുമാര് സോഷ്യല് മീഡിയയിലൂടെ പ്രതികരിച്ചു. പരാതിയുടെ പകര്പ്പ് ഉള്പ്പെടെ പങ്കുവച്ചാണ് മിനിയുടെ പ്രതികരണം.
ഹിന്ദു ഐക്യ വേദി, ആര്എസ്എസ് നേതാക്കള് വേടന് എതിരെ നിരന്തരം ആധിക്ഷേപങ്ങളുമായി രംഗത്തെത്തിയതിന് പിന്നാലെയാണ് ഗായകന് എതിരെ പരാതി സമര്പ്പിക്കപ്പെടുന്നത്. കഴിഞ്ഞ ഹിന്ദു ഐക്യ വേദി നേതാവ് കെ പി ശശികല, ആര്എസ്എസ് നേതാവ് എന് ആര് മധു എന്നിവരായിരുന്നു കഴിഞ്ഞ ദിവസങ്ങളില് വേടനെ അധിക്ഷേപിച്ച് രംഗത്തെത്തിയത്. സംസ്ഥാന സര്ക്കാരിന്റെ വാര്ഷികാഘോഷങ്ങളുടെ ഭാഗമായി പാലക്കാട് സംഘടിപ്പിച്ച സംഗീത പരിപാടിക്ക് പിന്നാലെ ആയിരുന്നു ആരോപണങ്ങളുടെ തുടക്കം. റാപ്പ് സംഗീതത്തിന് എസ്.സി-എസ്.ടി വിഭാഗവുമായി പുലബന്ധമില്ലെന്നും വേടന്മാരുടെ തുണിയില്ലാ ചാട്ടങ്ങള്ക്ക് മുമ്പില് സമാജം അപമാനിക്കപ്പെടുന്നുവെന്നും കെ പി ശശികല ആരോപിച്ചിരുന്നു.
എന്നാല്, താന് മുന്നോട്ടുവെയ്ക്കുന്ന രാഷ്ട്രീയത്തിനെ ഭയക്കുന്നത് കൊണ്ടാണ് തനിക്കെതിരായ അധിക്ഷേപങ്ങള്ക്ക് കാരണം എന്നായിരുന്നു ആരോപണങ്ങള്ക്ക് വേടന് നല്കിയ മറുപടി. വേടന് റാപ്പ് എന്തിനാണ് ചെയ്യുന്നതെന്ന ചോദ്യം ജനാധിപത്യവിരുദ്ധമാണ്. ജനാധിപത്യവും ത്രീവഹിന്ദുത്വരാഷ്ട്രീയവും തമ്മില് ഒരു ബന്ധവുമില്ലെന്നും വേടന് മാധ്യമങ്ങളോട് പ്രതികരിച്ചു.
by Midhun HP News | May 23, 2025 | Latest News, കേരളം
കല്പ്പറ്റ: വയനാട്ടില് ലോറിയില് കടത്തിയ നിരോധിത പുകയില ഉത്പന്നങ്ങളുടെ വന് ശേഖരം പിടികൂടി. 3495 കിലോ പുകയില ഉത്പന്നങ്ങളാണ് എക്സൈസ് പിടിച്ചെടുത്തത്. മുത്തങ്ങ ചെക്പോസ്റ്റില് ഇന്നലെ രാത്രിയാണ് പരിശോധനയ്ക്കിടെ വന്തോതില് പുകയില ഉത്പന്നങ്ങള് പിടികൂടിയത്.
സംഭവത്തില് വയനാട് വാളാട് സ്വദേശി സഫീര് എക്സൈസ് കസ്റ്റഡിയിലെടുത്തു. ലോറിയില് 200 ഓളം ചാക്കുകളാണ് ഉണ്ടായിരുന്നത്. ബിയര് വെയ്സ്റ്റിനടിയില് അതിവിദഗ്ധമായി ഒളിപ്പിച്ചാണ് പുകയില ഉത്പന്നങ്ങള് കടത്താന് ശ്രമിച്ചത്.സംഭവത്തില് പിടിയിലായ സഫീര് മുമ്പ് കഞ്ചാവ് കേസില് പിടിയിലായിട്ടുണ്ടെന്ന് എക്സൈസ് സൂചിപ്പിച്ചു. മാനന്തവാടി സ്വദേശിയാണ് ലോറി ഉടമയെന്നാണ് റിപ്പോര്ട്ട്. എക്സൈസ് ഇന്സ്പെക്ടര് സന്ഫീര് മുഹമ്മദിന്റെ നേതൃത്വത്തിലുള്ള സംഘമാണ് പുകയില ഉല്പ്പന്നങ്ങള് പിടികൂടിയത്.
by Midhun HP News | May 23, 2025 | Latest News, കേരളം
മലപ്പുറത്ത് ദേശീയപാത 66-ന്റെ പുതുതായി നിർമ്മിച്ച ഭാഗത്തിൽ തകരുകയും ഒന്നിലധികം സ്ഥലങ്ങളിൽ വിള്ളലുകൾ രൂപപ്പെട്ടതും മൊത്തത്തിലുള്ള പദ്ധതി നിർവ്വഹണത്തെ വലിയ തോതിൽ ബാധിക്കില്ല, 2025 ഡിസംബറിൽ പണികൾ “ഏകദേശം” പൂർത്തിയാകുമെന്ന് ദേശീയപാത അതോറിട്ടി അധികൃതർ അവകാശപ്പെട്ടു.
എന്നാൽ, തിരുവനന്തപുരത്തെ മുക്കോല മുതൽ കാസർകോട് തലപ്പാടി വരെയുള്ള 644 കിലോമീറ്റർ ദേശീയപാത ആറ് വരി പാതയാക്കുന്നതിന് മൂന്ന് മാസത്തെ നേരിയ കാലതാമസം നേരിടുമെന്ന് ദേശീയപാത വൃത്തങ്ങൾ അറിയിച്ചു, “ചെമ്മണ്ണും മറ്റ് അസംസ്കൃത വസ്തുക്കളും” ലഭ്യമല്ലാത്തതാണ് ഇതിന് കാരണം. 2025 ഡിസംബറിലെ സമയപരിധി പാലിച്ച് പണി ഏതാണ്ട് പൂർത്തിയാക്കാനാകുന്ന നിലയിലാണ്.
കെഎൻആർ കൺസ്ട്രക്ഷൻസ് ലിമിറ്റഡ് എന്ന സ്ഥാപനം ജോലികൾ വേഗത്തിൽ നടപ്പിലാക്കുന്ന കമ്പനിയാണ്. വാളയാർ-വടക്കാഞ്ചേരി എൻഎച്ച് 544 ഹൈവേ വീതി കൂട്ടൽ 2015 ൽ പൂർത്തിയാക്കി, സംസ്ഥാനത്തെ ഹൈവേ പ്രവൃത്തികളിൽ ഇത്തരത്തിലുള്ള ഒരേയൊരു ഉദാഹരണമാണിത്. 2020 ൽ തന്നെ കഴക്കൂട്ടം-മുക്കോല പദ്ധതിയും കമ്പനി നടപ്പിലാക്കി. സമയപരിധി പാലിക്കുമെന്ന് ഞങ്ങൾക്ക് ഉറപ്പുണ്ട്,” പാലക്കാട് പിഐയുവിലെ ഒരു മുതിർന്ന എൻഎച്ച് ഉദ്യോഗസ്ഥൻ ന്യൂ ഇന്ത്യൻ എക്സ്പ്രസ്സിനോച് പറഞ്ഞു.
ഈ മാസം 19 ന് കൂരിയാട് നെൽവയലുകൾക്ക് കുറുകെ നിർമ്മിച്ച എലിവേറ്റഡ് ഹൈവേ ഭാഗത്തിന്റെ ഒരു ഭാഗം ഇടിഞ്ഞുവീണ് എട്ട് പേർക്ക് പരിക്കേൽക്കുകയും മൂന്ന് കാറുകൾക്ക് കേടുപാടുകൾ സംഭവിക്കുകയും ചെയ്തു. “കെഎൻആർ ഈ പ്രവൃത്തി തുടർന്നും നടപ്പിലാക്കും.
മെയ് 19 ന് നടന്ന മലപ്പുറം സംഭവത്തിന്റെ പേരിൽ, കേന്ദ്ര സർക്കാരിന്റെ നിലവിലുള്ളതും ഭാവിയിലുള്ളതുമായ ടെൻഡറുകളിൽ പങ്കെടുക്കുന്നതിൽ നിന്ന് റോഡ് ഗതാഗത & ഹൈവേ മന്ത്രാലയം കമ്പനിക്ക് വിലക്കേർപ്പെടുത്തി.
ദേശീയപാത അതോറിട്ടിയുടെ (NHAI) യുടെ പുതിയ ടെൻഡർ പ്രക്രിയകളിൽ പങ്കെടുക്കുന്നതിൽ നിന്ന് മാത്രമേ അവരെ വിലക്കിയിട്ടുള്ളൂ. സംഭവത്തെക്കുറിച്ച് അന്വേഷിക്കാൻ ഇതിനകം വിദഗ്ദ്ധ സമിതി രൂപീകരിച്ചിട്ടുണ്ട്, കൂടാതെ അറ്റകുറ്റപ്പണികൾക്കുള്ള നിർദ്ദേശങ്ങളും നൽകും. മൊത്തത്തിലുള്ള പദ്ധതിയെ ഇത് ബാധിക്കാതിരിക്കാനുള്ള മറ്റൊരു കാരണം വിവിധ റീച്ചുകളിൽ ഒരേസമയം നടപ്പിലാക്കുന്നു എന്നതാണ്. കെ എൻ ആർ കമ്പനിയെ ഏൽപ്പിച്ച വളാഞ്ചേരി-രാമനാട്ടുകര പാതയിലെ 95% ജോലികളും പൂർത്തിയാക്കി,” യതായി ഉദ്യോഗസ്ഥൻ പറഞ്ഞു.
അതേസമയം, റോഡരികുകളിൽ വിള്ളലുകൾ ഉണ്ടാകുന്നത് ഒരു പ്രധാന ആശങ്കയായി ദേശീയപാത അതോറിട്ടി (NHAI) അധികൃതർ കാണുന്നില്ല. “മഴവെള്ളം ഒലിച്ചിറങ്ങുന്നതും മണ്ണിന്റെ ഘടനയിൽ സമ്മർദ്ദം മൂലമുണ്ടാകുന്ന ആയാസവും ഇവിടുത്തെ ഘടനയുടെ അസമമായ സെറ്റിൽമെന്റിനെയും ബാധിക്കുന്നതുമാണ് വിള്ളലുകൾ ഉണ്ടാകാൻ കാരണം. കാരണം ഈ പ്രദേശങ്ങളിൽ പുതിയ നികത്തൽ നടക്കുന്നുണ്ട്. മഴക്കാലത്ത് അത്തരം എല്ലാ പ്രശ്നങ്ങളും നമുക്ക് കണ്ടെത്താൻ കഴിയും, നിലവിലുള്ള സാങ്കേതികവിദ്യ ഉപയോഗിച്ച് അവ എളുപ്പത്തിൽ പരിഹരിക്കാൻ കഴിയും,” ഉദ്യോഗസ്ഥൻ കൂട്ടിച്ചേർത്തു.
അതേസമയം, എല്ലാ സ്ട്രെച്ചുകളുടെയും അറ്റകുറ്റപ്പണി കാലയളവ് 15 വർഷമാണെന്ന് ദേശീയപാത അതോറിട്ടി ( NHAI)വ്യക്തമാക്കി. “ഇതിനർത്ഥം, ഈ ദീർഘകാല കാലയളവിൽ ഉണ്ടാകുന്ന ഏതെങ്കിലും പ്രശ്നങ്ങൾ ഉണ്ടായാൽ, അതത് കരാറുകാർ സ്വന്തം പോക്കറ്റിൽ നിന്ന് ചെലവ് വഹിച്ചുകൊണ്ട് അറ്റകുറ്റപ്പണികൾ നടത്തണം എന്നാണ്.
by Midhun HP News | May 23, 2025 | Latest News, കായികം
അഹമ്മദാബാദ്: ഐപിഎല്ലിൽ ഗുജറാത്തിന് 33 റൺസിന് തോൽപ്പിച്ച് ലഖ്നൗ സൂപ്പര് ജയന്റ്സ്. ലഖ്നൗ ഉയർത്തിയ 236 റൺസ് വിജയലക്ഷ്യത്തിലേക്ക് ബാറ്റുവീശിയ ഗുജറാത്ത് ടൈറ്റന്സ് 20 ഓവറിൽ ഒമ്പതു വിക്കറ്റ് നഷ്ടത്തിൽ 202 റൺസെടുത്തു മടങ്ങി. മികച്ച തുടക്കമായിരുന്നുവെങ്കിൽ പതിയെ പതിയെ കളി ലഖ്നൗ പിടിച്ചെടുത്തു. സായ് സുദര്ശനും(21) ശുഭ്മാന് ഗില്ലും (35) പതിവുപോലെ അടിച്ചുകളിച്ചു. ടീം എട്ടോവറില് 85-ലെത്തി. പിന്നാലെ ബട്ലറും (33) റൂഥര്ഫോര്ഡും സ്കോർ ഉയർത്തി. ബട്ലറിന് പിന്നാലെയെത്തിയ ഷാരൂഖ് ഖാനെയും (57) കൂട്ടുപിടിച്ച് റൂഥര്ഫോര്ഡ് (38) ടീമിന് ജയപ്രതീക്ഷ നൽകിയിരുന്നു. എന്നാൽ ഇരുവരും പുറത്തായതോടെ കളിയുടെ ഗതി മാറി.
പിന്നീടിറങ്ങിയ രാഹുല് തെവാട്ടിയ(2), അര്ഷാദ് ഖാന്(1), കാഗിസോ റബാദ(2), സായ് കിഷോര്(1) എന്നിവര്ക്കും കാര്യമായി ഒന്നും ചെയ്യാനായില്ല. നിശ്ചിത 20 ഓവറില് 9 വിക്കറ്റ് നഷ്ടത്തില് ടീം 202 റണ്സെടുത്തു. ലഖ്നൗവിനായി വില്ല്യം ഒറൗര്ക്ക് മൂന്നുവിക്കറ്റെടുത്തു.
നേരത്തേ ലഖ്നൗ നിശ്ചിത 20-ഓവറില് രണ്ട് വിക്കറ്റ് നഷ്ടത്തില് 235 റണ്സാണെടുത്തത്. അതേസമയം ടോസ് നഷ്ടപ്പെട്ട് ബാറ്റിങ്ങിനിറങ്ങിയ ലഖ്നൗവിന്റേത് ഉജ്ജ്വല തുടക്കമായിരുന്നു. ഓപ്പണര്മാരായ മിച്ചല് മാര്ഷും എയ്ഡന് മാര്ക്രമും പവര് പ്ലേയില് അടിച്ചുതകര്ത്തു. മിച്ചല് മാര്ഷ് 64 പന്തില് 8 സിക്സും 10 ഫോറും സഹിതം 117 റണ്സ് അടിച്ചെടുത്തു. നിക്കോളാസ് പൂരാനാണ് വെടിക്കെട്ട് തുടര്ന്ന മറ്റൊരു താരം. പൂരാന് 5 സിക്സും 4 ഫോറും സഹിതം 27 പന്തില് 56 റണ്സ് വാരി. ഓപ്പണര് എയ്ഡന് മാര്ക്രം 24 പന്തില് 3 ഫോറും 2 സിക്സും സഹിതം 36 റണ്സെടുത്തു മടങ്ങി.
ക്യാപ്റ്റന് ഋഷഭ് പന്ത് 6 പന്തില് രണ്ട് സിക്സുകള് സഹിതം 16 റണ്സെടുത്ത് സ്കോര് 235 റണ്സിലെത്തി. പൂരാനും പന്തും പുറത്താകാതെ നിന്നു. ലഖ്നൗവിന് നഷ്ടമായ രണ്ട് വിക്കറ്റുകള് അര്ഷാദ് ഖാന്, സായ് കിഷോര് എന്നിവര് പങ്കിട്ടു. ഗുജറാത്ത് പ്ലേ ഓഫ് ഉറപ്പിച്ചാണ് കളിക്കുന്നത്. പുറത്തായ ഖ്നൗവിന് ഫലം പ്രസക്തമല്ല.
by Midhun HP News | May 23, 2025 | Latest News, കേരളം
കൊല്ലം: വേടനുയർത്തുന്ന ചെറുത്തുനിൽപ്പിന്റെ രാഷ്ട്രീയവും ആ രാഷ്ട്രീയത്തിനായി ഉപയോഗിക്കുന്ന കലയും സംഘപരിവാറിന് അസഹിഷ്ണുത സൃഷ്ടിക്കുന്നുണ്ടെന്ന് കോൺഗ്രസ് നേതാവ് കൊടിക്കുന്നിൽ സുരേഷ് എംപി. റാപ്പർ വേടനെതിരായ ആർഎസ്എസ് സംഘപരിവാർ സംഘടനകളുടെ അധിക്ഷേപവും ആക്രമണവും ആസൂത്രിതമാണ്. മനുസ്മൃതിയിൽ ഊന്നി പ്രവർത്തിക്കുന്ന സംഘടനകൾക്ക് വേടന്റെ ഭാഷയും നിറവും ദഹിക്കില്ല. അതിന്റെ തെളിവാണ് വേടനെതിരായി തുടരുന്ന അധിക്ഷേപം. കൊടിക്കുന്നിൽ സുരേഷ് ഫെയ്സ്ബുക്കിൽ കുറിച്ചു.
ഒരേസമയം ഇരക്കും വേട്ടക്കാരനുമൊപ്പം നിൽക്കുന്ന നിലപാടാണ് ഇടതുപക്ഷം ഈ വിഷയത്തിൽ സ്വീകരിച്ചു വരുന്നത്. ജാതിയുടെയും നിറത്തിന്റെയും പേരിൽ ശശികലയെ പോലുള്ളവർ വേടനെ വർഗീയ ചുവയോകൂടി അധിക്ഷേപിച്ചിട്ടും യാതൊരു നടപടിയും സ്വീകരിക്കുവാൻ സർക്കാർ തയ്യാറാവുന്നില്ല എന്നുള്ളത് ഇവർ ഒരു നാണയത്തിന്റെ ഇരുവശങ്ങൾ ആണെന്ന് വ്യക്തമാക്കുകയാണ്. കൊടിക്കുന്നിൽ സുരേഷ് അഭിപ്രായപ്പെട്ടു.
തന്നെ വിഘടനവാദിയാക്കാൻ മനഃപൂർവം ശ്രമം നടക്കുകയാണെന്ന് വേടൻ നേരത്തെ അഭിപ്രായപ്പെട്ടിരുന്നു. ഹിന്ദു ഐക്യവേദി നേതാവ് കെപി ശശികലയുടെ പരാമർശങ്ങളോട് പ്രതികരിക്കുകയായിരുന്നു വേടൻ. തനിക്ക് പിന്നിൽ ഒരു തീവ്രവാദശക്തികളുമില്ല. റാപ്പ് ചെയ്യുന്നത് എന്തിനാണ് എന്ന ചോദ്യം ജനാധിപത്യവിരുദ്ധമാണ്. വേടൻ റാപ്പ് ചെയ്യേണ്ടന്ന തിട്ടൂരമാണ് ശശികലയുടെ പ്രസ്താവന. താൻ മുന്നോട്ട് വെക്കുന്ന രാഷ്ട്രീയത്തിനെ ഭയക്കുന്നത് കൊണ്ടാണത് എന്നും വേടൻ പറഞ്ഞു.
Recent Comments